Chapter 182

[English text for this chapter is available]

sūta uvāca |
evaṃ patnīṃ samāsādya gāyatrīṃ caturānanaḥ |
saṃprahṛṣṭamanā bhūtvā prasthito yajñamaṇḍapam || 1 ||
[Analyze grammar]

gāyatryapi samādāya mūrdhni tāmaraṇiṃ mudā |
pratasthe saṃparityajya gopabhāvaṃ vigarhitam || 2 ||
[Analyze grammar]

vādyamāneṣu vādyeṣu brahmaghoṣe divaṃgate |
kalaṃ pragāyamāneṣu gandharveṣu samaṃtataḥ || 3 ||
[Analyze grammar]

sarvadevadvijopetaḥ saṃprāpto yajñamaṇḍape |
gāyatryā sahito brahmā mānuṣaṃ bhāvamāśritaḥ || 4 ||
[Analyze grammar]

etasminnaṃtare cakre keśanirvapaṇaṃ vidheḥ |
viśvakarmā nakhānāṃ ca gāyatryāstadanaṃtaram || 5 ||
[Analyze grammar]

audumbaraṃ tato daṇḍaṃ pulastyo'smai samādade |
eṇaśṛṃgānvitaṃ carma mantravadvijasattamāḥ || 6 ||
[Analyze grammar]

patnīśālāṃ gṛhītvā ca gāyatrīṃ maunadhāriṇīm |
mekhalāṃ nidadhe cānyāṃ kaṭyāṃ mauṃjīmayīṃ śubhām || 7 ||
[Analyze grammar]

tataścakre paraṃ karma yaduktaṃ yajñamaṃḍape |
ṛtvigbhiḥ sahito vedhā vedavākyasamādṛtaḥ || 8 ||
[Analyze grammar]

pravargye jāyamāne ca tatrāścaryamabhūnmahat |
jālmarūpadharaḥ kaściddigvāsā vikṛtānanaḥ || 9 ||
[Analyze grammar]

kapālapāṇirāyāto bhojanaṃ dīyatāmiti |
niṣedhyamāno'pi ca taiḥ praviṣṭo yājñikaṃ sadaḥ |
sa kṛtvā'ṭanamanyāyyaṃ tarjyamāno'pi tāpasaiḥ || 10 ||
[Analyze grammar]

sadasyā ūcuḥ |
kasmātpāpasametastvaṃ praviṣṭo yajñamaṇḍape |
kapālī nagnarūpo yo yajñakarmavivarjitaḥ || 11 ||
[Analyze grammar]

tasmādgaccha drutaṃ mūḍha yāvadbrahmā na kupyati |
tathā'nye brāhmaṇaśreṣṭhāstathā devāḥ savāsavāḥ || 12 ||
[Analyze grammar]

jālma uvāca |
brahmayajñamimaṃ śrutvā dūrādatra samāgataḥ |
bubhukṣito dvijaśreṣṭhāstatkimarthaṃ vigarhatha || 13 ||
[Analyze grammar]

dīnāṃdhaiḥ kṛpaṇaiḥ savairstarpitaiḥ kraturucyate |
anyathā'sau vināśāya yaduktaṃ brāhmaṇairvacaḥ || 14 ||
[Analyze grammar]

annahīno dahedrāṣṭaṃ mantrahīnastu ṛtvijaḥ |
yājñikaṃ dakṣiṇā hīno nāsti yajñasamo ripuḥ || 15 ||
[Analyze grammar]

brāhmaṇā ūcuḥ |
yadi tvaṃ bhoktukāmastu samāyāto vraja drutam |
etasyāṃ satraśālāyāṃ bhuñjate yatra tāpasāḥ |
dīnāndhāḥ kṛpaṇāścaiva tataḥ kṣutkṣāmakaṃṭhitāḥ || 16 ||
[Analyze grammar]

athavā dhanakāmastvaṃ vastrakāmo'tha tāpasa |
vraja vittapatiryatra dānaśālāṃ samāśritaḥ || 17 ||
[Analyze grammar]

aniṃdyo'yaṃ mahāmūrkha yajñaḥ paitāmaho yataḥ |
arcitaḥ sarvataḥ puṇyaṃ tatkiṃ nindasi durmate || 18 ||
[Analyze grammar]

sūta uvāca |
evamuktaḥ kapālaṃ sa parikṣipya dharātale |
jagāmādarśanaṃ sadyo dīpavaddvijasattamāḥ || 19 ||
[Analyze grammar]

ṛtvija ūcuḥ |
kathaṃ yajñakriyā kāryā kapāle sadasi sthite |
parikṣipatha tasmāttu evamūcurdvijottamāḥ || 20 ||
[Analyze grammar]

athaiko bahudhā proktaḥ sadasyaiśca dvijottamaiḥ |
daṇḍakāṣṭhaṃ samudyamya pracikṣepa bahistathā || 21 ||
[Analyze grammar]

athānyattatra saṃjātaṃ kapālaṃ tādṛśaṃ punaḥ |
tasminnapi tathā kṣipte bhūyo'nyatsamapadyata || 22 ||
[Analyze grammar]

evaṃ śatasahasrāṇi hyayutānyarbudāni ca |
tatra jātāni tairvyāpto yajñavāṭaḥ samaṃtataḥ || 23 ||
[Analyze grammar]

hāhākārastatau jajñe samaste yajñamaṇḍape |
dṛṣṭvā kapālasaṃghāṃstānyajña karmapradūṣakān || 24 ||
[Analyze grammar]

atha saṃciṃtayāmāsa dhyānaṃ kṛtvā pitāmahaḥ |
harāriṣṭaṃ samājñāya tatsarvaṃ hṛṣṭarūpadhṛk || 25 ||
[Analyze grammar]

kṛtāṃjalipuṭo bhūtvā tataḥ provāca sādaram |
maheśvaraṃ samāsādya yajñavāṭasamāśritam || 26 ||
[Analyze grammar]

kimidaṃ yujyate deva yajñe'sminkarmaṇaḥ kṣatiḥ |
tasmātsaṃhara sarvāṇi kapālāni sureśvara || 27 ||
[Analyze grammar]

yajñakarmavilopo'yaṃ mā bhūttvayi samāgate || 28 ||
[Analyze grammar]

tataḥ provāca saṃkruddho bhagavāñchaśiśekharaḥ |
tanmameṣṭatamaṃ pātraṃ bhojanāya sadā sthitam || 29 ||
[Analyze grammar]

ete dvijādhamāḥ kasmādvidviṣaṃtipitāmaha |
tathā na māṃ samuddiśya juhuvurjātavedasi || 30 ||
[Analyze grammar]

yathānyādevatā stadvanmantrapūtaṃ havirvidhe |
tasmādyadi vidhe kāryā samāptiryajñakarmaṇi || 31 ||
[Analyze grammar]

tatkapālāśritaṃ havyaṃ kartavyaṃ sakalaṃ tvidam |
tathā ca māṃ samu ddiśya viśaṣājjātavedasi || 32 ||
[Analyze grammar]

hotavyaṃ havirevātra samāptiṃ yāsyati kratuḥ |
nānyathā satyamevoktaṃ tavāgre caturānana || 33 ||
[Analyze grammar]

pitāmaha uvāca |
rūpāṇi tava deveśa pṛthagbhūtānyanekaśaḥ |
saṃkhyayā parihīnāni dhyeyāni sakalāni ca || 34 ||
[Analyze grammar]

etanmahāvrataṃ rūpamākhyātaṃ te trilocana |
naivaṃ ca makhakarma syāttatraiva ca na yujyate || 35 ||
[Analyze grammar]

adyaitatkarma kartuṃ ca śrutibāhyaṃ kathaṃcana |
tava vākyamapi tryakṣa nānyathā kartumu tsahe || 36 ||
[Analyze grammar]

mṛnmayeṣu kapāleṣu haviḥ śrāpyaṃ sureśvara |
adyaprabhṛti yajñeṣu puroḍāśātmikaṃ dvijaiḥ |
tavoddeśena deveśa hotavyaṃ śatarudri yam || 37 ||
[Analyze grammar]

viśeṣātsarvayajñeṣu japyaṃ caiva viśeṣataḥ |
kapālānāṃ tu dvāreṇa tvayā rūpaṃ nijaṃ kṛtam || 38 ||
[Analyze grammar]

prakaṭaṃ ca suraśreṣṭha kapāle śvarasaṃjñitaḥ |
tasmāttvaṃ bhavitā rudra kṣetre'smindvādaśo'paraḥ || 39 ||
[Analyze grammar]

atra yajñaṃ samārabhya yastvāṃ prākpūjayiṣyati |
avighnena makha stasya samāptiṃ pravrajiṣyati || 40 ||
[Analyze grammar]

evamukte tatastena kapālāni dvijottamāḥ |
tāni sarvāṇi naṣṭāni saṃkhyayā rahitāni ca || 41 ||
[Analyze grammar]

tato hṛṣṭaścaturvaktraḥ sthāpayāmāsa tatkṣaṇāt |
ligaṃ māheśvaraṃ tatra kapāleśvarasaṃjñitam || 42 ||
[Analyze grammar]

abravīcca tato vākyaṃ yaścaitatpūjayiṣyati |
mama kuṇḍatraye snātvā sa yāsyati parāṃ gatim || 43 ||
[Analyze grammar]

śuklapakṣe caturdaśyāṃ kārtike jāgaraṃ tu yaḥ |
kariṣyati punaścāsya liṃgasya susamāhitaḥ |
ājanmaprabhavātpāpātsa vimuktimavāpsyati || 44 ||
[Analyze grammar]

evamukte'tha vidhinā prahṛṣṭastripurāṃtakaḥ |
yajñamaṇḍapamāsādya prasthito vedisaṃnidhau || 45 ||
[Analyze grammar]

brāhmaṇaiśca tataḥ karma prārabdhaṃ yajñasambhavam |
vismayotphullanayanairnamaskṛtya maheśvaram || 46 ||
[Analyze grammar]

sūta uvāca |
evaṃ ca yaja tastasya caturvaktrasya tatra ca |
ṛṣīṇāṃ koṭirāyātā dakṣiṇāpathavāsinām || 47 ||
[Analyze grammar]

śrutvā paitāmahaṃ yajñaṃ kautukena samanvitāḥ |
kīdṛśo bhavitā yajño dīkṣito yatra padmajaḥ || 488 ||
[Analyze grammar]

kīdṛkkṣetraṃ ca tatpuṇyaṃ hāṭakeśvarasaṃjñitam |
kīdṛśāste ca viprendrā ṛtvijastatra ye sthitāḥ || 49 ||
[Analyze grammar]

atha te supariśrāṃtā madhyaṃdinagate ravau |
ravivāreṇa saṃprāpte nakṣatre cāśvisaṃsthite || 50 ||
[Analyze grammar]

vaivasvatyāṃ tithau caiva prāptā gharmapīḍitāḥ |
kaṃcijjalāśayaṃ prāpya praviṣṭāḥ salilaṃ śubham || 51 ||
[Analyze grammar]

śaṃkukarṇā mahākarṇā vakanāsāstathāpare |
mahodarā bṛhaddantā dīrghoṣṭhāḥ sthūlamastakāḥ || 52 ||
[Analyze grammar]

cipiṭākṣāstathā cānye dīrghagrīvāstathā pare |
kṛṣṇāṃgāḥ sphuṭitaiḥ pādairnakhairdīrghaiḥ samutthitaiḥ || 53 ||
[Analyze grammar]

tato yāvadviniṣkrāṃtāḥ prapaśyanti parasparam |
tāvadvairūpasyanirmuktāḥ saṃjātāḥ kāmasannibhāḥ || 54 ||
[Analyze grammar]

tato vismayamāpannā mithaḥ procuḥ praharṣitāḥ |
rūpavyatyayamālokya jñātvā tīrthaṃ taduttamam |
atra snānādidaṃ rūpamasmābhiḥ prāptamuttamam || 55 ||
[Analyze grammar]

yasmāttasmādidaṃ tīrthaṃ rūpatīrthaṃ bhaviṣyati |
trailokye sakale khyātaṃ sarvapātakanāśanam || 56 ||
[Analyze grammar]

ye'tra snānaṃ kariṣyanti śraddhayā parayā yutāḥ |
surūpāste bhaviṣyaṃti sadā janmani janmani || 57 ||
[Analyze grammar]

pitṝṃśca tarpayiṣyanti ya tra śraddhāsamanvitāḥ |
jalenāpi gayāśrāddhātte lapsyante dhikaṃ phalam || 58 ||
[Analyze grammar]

ye'tra ratnapradānaṃ ca prakariṣyanti mānavāḥ |
bhaviṣyaṃti na saṃdeho rājānaste bhavebhave || 59 ||
[Analyze grammar]

sthāsyāmo vayamatraiva sāṃprataṃ kṛtaniścayāḥ |
na yāsyāmo vayaṃ tīrthaṃ yadyapi syātsuśobhanam || 60 ||
[Analyze grammar]

evamuktvā'tha vyabhajaṃstatsarvaṃ munayaśca te |
yajñopavītamātrāṇi svāni tīrthāni cakrire || 61 ||
[Analyze grammar]

sūta uvāca |
adyāpi ca dvijaśreṣṭhāstatra tīrthe jagadguruḥ |
prathamaṃ spṛśate toyaṃ nityaṃ syāddayitaṃ śubham || 62 ||
[Analyze grammar]

niṣkāmastu punarmartyo yaḥ snānaṃ tatra śraddhayā |
kurute sa paraṃ śreyaḥ prāpnuyātsiddhilakṣaṇam || 63 ||
[Analyze grammar]

evaṃ te munayaḥ sarve vibhajya tanmahatsaraḥ |
sāyaṃtanaṃ ca tatraiva kṛtvā karma suvistaram || 64 ||
[Analyze grammar]

tato niśāmukhe prāptā yatra devaḥ pitāmahaḥ |
dīkṣitastvatha maunī ca yajñamaṇḍapasaṃśritaḥ || 65 ||
[Analyze grammar]

taṃ praṇamya tataḥ sarve gatā yatrartvijaḥ sthitāḥ |
upaviṣṭāḥ pariśrāntā divā yajñiyakarmaṇā || 66 ||
[Analyze grammar]

indrādikaiḥ surairbhaktyā mṛdyamānāṅghrayaḥ sthitāḥ |
abhivādyātha tānsarvānupaviṣṭāstato grataḥ || 67 ||
[Analyze grammar]

cakruścātha kathāścitrā yajñakarmasamudbhavāḥ |
somapānasya saṃbandho vyatyayaṃ ca samudbhavam || 68 ||
[Analyze grammar]

udgātuḥ prabhavaṃ caiva tathādhvaryoḥ parasparam |
procuste tattvamāśritya tathānye dūṣayanti tat || 69 ||
[Analyze grammar]

anye mīmāṃsakāstatra kopasaṃraktalocanāḥ |
hanyusteṣāṃ mataṃ vādamāśritā vāgvicakṣaṇāḥ || 70 ||
[Analyze grammar]

pariśiṣṭavidaścānye madhyasthā dvijasattamāḥ |
procurvādaṃ parityajya sābhiprāyaṃ yathoditam || 71 ||
[Analyze grammar]

mahāvīrapuroḍāśacayanapramukhāṃstathā |
vivādāṃścakrire cānye svaṃsvaṃ pakṣaṃ samāśritāḥ || 72 ||
[Analyze grammar]

evaṃ sā rajanī teṣāmatikrāntā dvijanmanām || 73 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye rūpatīrthotpattipūrvakaprathamayajñadivasavṛttāntavarṇanaṃnāma dvyaśītyuttaraśatatamo'dhyāyaḥ || 182 ||
[Analyze grammar]