Chapter 179

[English text for this chapter is available]

sūta uvāca |
tathānyadapi tatrāsti puṣkaratritayaṃ śubham |
hāṭakeśvaraje kṣetre sarvapātakanāśanam || 1 ||
[Analyze grammar]

yasmindṛṣṭe'thavā spṛṣṭe kīrtite vā dvijottamāḥ |
pātakaṃ nāśamāyāti bhāskareṇa tamo yathā || 2 ||
[Analyze grammar]

punaṃti sarvatīrthāni snānāddānādasaṃśayam |
puṣkarālokanādeva sarvapāpaiḥ pramucyate || 3 ||
[Analyze grammar]

ṛṣaya ūcuḥ |
śrūyate puṣkaraṃnāma tīrthaṃ trailokyaviśrutam |
brahmaṇā nirmitaṃ tatra yacca yojanamātrakam || 4 ||
[Analyze grammar]

uttare candrabhāgāyā nadyā yāvatsarasvatī |
dakṣiṇe karatoyāyāḥ sīmeyaṃ puṣkaratraye || 5 ||
[Analyze grammar]

asmākaṃ tu purā sūta tvayoktaṃ viyati sthitam |
etannaḥ kautukaṃ sūta tatkathaṃ hāṭakeśvare |
tatra kṣetre samāyātaṃ tasmāttvaṃ vaktumarhasi || 6 ||
[Analyze grammar]

sūta uvāca |
satyametanmahābhāgā yadbhavadbhirudāhṛtam |
tasminkṣetre dvijaśreṣṭhāstacchṛṇudhvaṃ samāhitāḥ || 7 ||
[Analyze grammar]

sarvato vistarādvacmi namaskṛtya svayaṃ bhuvam || 8 ||
[Analyze grammar]

brahmaloke nivasato brahmaṇo'vyaktajanmanaḥ |
devarṣirnāradaḥ prāpto bhrāṃtvā lokatrayaṃ muniḥ || 9 ||
[Analyze grammar]

sa natvā śirasā pādāvupaviṣṭasta dagrataḥ || 10 ||
[Analyze grammar]

brahmovāca |
kasmādvatsa cirāddṛṣṭaḥ kutaḥ prāpto'dhunā bhavān |
kva bhrāṃtastvaṃ samācakṣva brūhi vatsātra kāraṇam || 11 ||
[Analyze grammar]

nārada uvāca |
martyalokādvibho prāptaḥ sāṃprataṃ ca tvarānvitaḥ |
tava pādaprapūjārthaṃ satyenātmānamālabhe || 12 ||
[Analyze grammar]

brahmovāca |
kiṃvadantīṃ mamācakṣva martyalokasamudbhavām |
kīdṛśāḥ pārthivāstatra kīdṛśā dvijasattamāḥ |
kīdṛśā vyavahārāśca vartante tatra sāṃpratam || 13 ||
[Analyze grammar]

nārada uvāca |
martyaloke kalirjātaḥ sāṃprataṃ surasattama || 14 ||
[Analyze grammar]

rājānaḥ satpathaṃ tyaktvā tathā lobhaparāyaṇāḥ |
pīḍayaṃti ca lokāṃśca arthahetoḥ sunirghṛṇāḥ || 15 ||
[Analyze grammar]

śauryabhāvaparityaktāḥ paradāravimardakāḥ |
pūjayanti na te viprānna devānna gurūnapi || 16 ||
[Analyze grammar]

vedavikraya kartāro brāhmaṇāḥ śaucavarjitāḥ |
pāpapratigrahāsaktāḥ sandhyāhīnāḥ sunirghṛṇāḥ || 17 ||
[Analyze grammar]

kṛṣikarmaratā nityaṃ vaiśyavatpaśupālakāḥ |
vaiśyāḥ sarve samucchedaṃ prayātā dharaṇītale || 18 ||
[Analyze grammar]

śūdrā nityaṃ dharmakāmāḥ śūdrāścaiva tapasvinaḥ |
lokayātrākriyāḥ sarve prahasaṃti vyapatrapāḥ || 19 ||
[Analyze grammar]

yasya cāsti gṛhe vittaṃ taruṇyaśca tathā striyaḥ |
tenatena samaṃ sakhyaṃ prakurvanti narā bhuvi || 20 ||
[Analyze grammar]

vidhavānāṃ vratasthānāṃ sarveṣāṃ liṃgināṃ tathā |
hṛdi sthito mahānkāmo vratacaryābahiḥsthitāḥ || 21 ||
[Analyze grammar]

tīrthāni viplavaṃ yāṃtipāpalokaśritāni ca |
kalebhīṃtāni sarvāṇi pradravanti diśo daśa || 22 ||
[Analyze grammar]

ahaṃ tatra sthito yasmātkalikāle pitāmaha || 23 ||
[Analyze grammar]

kalikāle viśeṣeṇa svairiṇyo lalitaspṛhāḥ |
bhartrā vivadamānāśca striyaḥ kārmaṇatatparāḥ |
vṛthā vratāni kurvaṃti tyaktvā tāḥ svapateḥ kathām || 24 ||
[Analyze grammar]

kalirbaliṣṭhaḥ sutarāṃ varadānena te kṛtaḥ |
yadā martye bhavedyuddhaṃ kaṃḍūtirjāyate hṛdi || 29 ||
[Analyze grammar]

svarge vā mastake caiva pātāle cātha pādayoḥ |
sāṃprataṃ martyaloke ca mayā dṛṣṭamanekaśaḥ || 26 ||
[Analyze grammar]

śvaśrūṇāṃ ca vadhūnāṃ ca tathā janakaputrayoḥ |
bāṃdhavānāṃ viśeṣeṇa tathā ca svāmibhṛtyayoḥ || 27 ||
[Analyze grammar]

caurāṇāṃ pārthivānāṃ ca dampatyośca viśeṣataḥ |
svalpodakāstathā meghāḥ svalpasasyā ca medinī || 28 ||
[Analyze grammar]

svalpakṣīrāstathā gāvaḥ kṣīre sarpirna vidyate |
evaṃ yuddhāni teṣāṃ ca vīkṣamāṇo divāniśam || 29 ||
[Analyze grammar]

ahaṃ martye paribhrāṃtaścirāttena samāgataḥ |
bhūyo yāsyāmi tatraiva kaṇḍūtirmahatīsthitā || 30 ||
[Analyze grammar]

tacchrutvā vacanaṃ tasya nāradasya pitāmahaḥ |
puṣkarasya kṛte jātaścintāvyāku lateṃdriyaḥ || 31 ||
[Analyze grammar]

martye ca māmakaṃ tīrthaṃ puṣkaraṃnāma viśrutam |
nāśaṃ yāsyati tannūnaṃ kalikālapariplutam || 32 ||
[Analyze grammar]

tasmādanyatra neṣyāmi kaliryatra na vidyate |
yena tatra vimuṃcāmi nijaṃ tīrthaṃ ca puṣkaram || 33 ||
[Analyze grammar]

kalikāle ca saṃprāpte sarvaprāṇibhayaṃkare |
tatra prayāṃtu tīrthāni sarvā ṇyeva viśeṣataḥ || 34 ||
[Analyze grammar]

gate kalau prayāsyaṃti nijasthānamasaṃśayam || 35 ||
[Analyze grammar]

evaṃ niścitya manasā hastasthaṃ kamalaṃ tataḥ |
provāca sādaraṃ tacca svayaṃ dhyātvā pitāmahaḥ || 36 ||
[Analyze grammar]

pata tvaṃ padma bhūpṛṣṭhe kaliryatra na vidyate |
yenānayāmi tatraiva puṣkaraṃ tīrthamātmanaḥ || 37 ||
[Analyze grammar]

tatastatpreṣitaṃ tena padmaṃ bhrāṃtvā mahītale |
samaste patitaṃ kṣetre hāṭakeśvarasaṃbhave || 38 ||
[Analyze grammar]

dṛṣṭvā vedavido viprānsvādhyāyaniratāñchucīn |
teṣāṃ yajñakriyābhiśca yajñopāṃtaiḥ samaṃtataḥ || 39 ||
[Analyze grammar]

yūpādyaiḥ sarvato vyāpte sadiśe gaganāṃgaṇe |
ṛgyajuḥsāmaghoṣeṇa tathā cātharvajena ca || 40 ||
[Analyze grammar]

digmaṇḍale tathā vyāpte nānyaḥ saṃśrūyate dhvaniḥ |
tathā ca tārkikāṇāṃ ca vivādeṣu mahatsu ca || 41 ||
[Analyze grammar]

vedāṃtānāṃ samastānāṃ vyākhyāne bahudhā kṛte |
dṛśyante munayo yatra saṃsthitā niyameṣu ca || 42 ||
[Analyze grammar]

ekāhārā nirāhārā ekāṃtarakṛtāśanāḥ |
trirātropoṣitāścānye kṛcchracāṃdrāyaṇe ratāḥ || 43 ||
[Analyze grammar]

mahāpārākiṇaścānye tathā māsopavāsinaḥ |
aśmakuṭṭāśinaścānye dantolūkhalikāstathā || 44 ||
[Analyze grammar]

śīrṇaparṇāśinaścaike phalāhārā maharṣayaḥ |
taddṛṣṭvā tādṛśaṃ kṣetraṃ saṃyuktaṃ vividhairguṇaiḥ || 45 ||
[Analyze grammar]

tatastatpatitaṃ tatra puṇyaṃ jñātvā mahītale |
yatra sthāne'patatpūrvaṃ tasmāduccalitaṃ punaḥ || 46 ||
[Analyze grammar]

anyasmiṃśca tataḥ sthāne dvitīye dvijasattamāḥ |
tasmādapi tṛtīye tu tṛtīyaṃ paṃkajaṃ hitam || 47 ||
[Analyze grammar]

tato gartātrayaṃ jātaṃ teṣu sthāneṣu ca triṣu |
gartāsu ca jala jātaṃ svacchaṃ sphaṭikasaṃnibham || 48 ||
[Analyze grammar]

etasminnaṃtare prāptaḥ svayameva pitāmahaḥ |
tatra sthāne dvijaśreṣṭhā yajñakarmaprasiddhaye || 49 ||
[Analyze grammar]

dṛṣṭvā samaṃtataḥ kṣetraṃ hāṭakeśvarasaṃjñitam |
nānāvipraiḥ samākīrṇaṃ vedavedāṃgapāragaiḥ |
tapasvibhistathānekairvratacaryāparāyaṇaiḥ || 50 ||
[Analyze grammar]

aho kṣetramaho kṣetraṃ puṇyaṃ ramyaṃ dvijapriyam |
tasmāyajñaṃ kariṣyāmi kṣetre'smiṃśca dvijāśraye || 51 ||
[Analyze grammar]

ānayiṣyāmi taccāpi puṣkaratritayaṃ śubham |
gartāsvetāsu puṇyāsu jyeṣṭhaṃ madhyaṃ kanīyakam || 52 ||
[Analyze grammar]

kalikāle ca saṃprāpte yena lopaṃ na gacchati |
svayaṃ niścitya manasā copaviśya dharātale || 53 ||
[Analyze grammar]

dhyātvā ca suciraṃ kālamānayāmāsa tatra ca |
puṣkaratritayaṃ śreṣṭhaṃ jyeṣṭhamadhyakanīyakam || 54 ||
[Analyze grammar]

tato'bravītsa hṛṣṭātmā hyetaddhi puṣkara trayam |
mayā samyaksamānītaṃ kalikālabhayena ca || 55 ||
[Analyze grammar]

ye'tra snānaṃ kariṣyaṃti śraddhayā parayā yutāḥ |
te yāsyaṃti parāṃ siddhimakṣayāṃ matprasādataḥ || 56 ||
[Analyze grammar]

ye ca śrāddhaṃ kariṣyaṃti kārtikyāṃ susamāhitāḥ |
kariṣyaṃti gayāśīrṣe teṣāṃ puṇyaṃ mahattamam || 57 ||
[Analyze grammar]

tatrādyātpuṣkarātpuṇyaṃ labhiṣyaṃti śatādhikam |
mayā yajñaḥ kṛtastatra kārtikyāṃ pūrvapuṣkare || 58 ||
[Analyze grammar]

vaiśākhyāṃ ca kariṣyāmi atrāhaṃ ca dvitīyake || 59 ||
[Analyze grammar]

evamuktvā tato brahmā hyādideśa sadāgatim |
mamādeśāddrutaṃ vāyo samānaya puraṃdaram || 60 ||
[Analyze grammar]

ādityairvasubhiḥ sārdhaṃ rudraiścaiva marudgaṇaiḥ |
gaṃdharvairlokapālaiśca siddhairvidyādharaistathā || 61 ||
[Analyze grammar]

yena me syātsahāyatvaṃ samaste yajñakarmaṇi |
tacchrutvā sakalaṃ vāyurgatvā śakraniveśanam |
kathayāmāsa tatsarvaṃ yaduktaṃ parameṣṭhinā || 62 ||
[Analyze grammar]

satvaraṃ prayayau tatra sarvairdevagaṇaiḥ saha |
praṇipatya tatastaṃ sa brahmāṇaṃ vākyamabravīt || 63 ||
[Analyze grammar]

ādeśo dīyatāṃ deva hyahamākāritastvayā |
yadarthaṃ tatkariṣyāmi tasmācchīghraṃ nivedaya || 64 ||
[Analyze grammar]

brahmovāca |
mayā śakrātra cānītaṃ supuṇyaṃ puṣkaratrayam |
kalikālabhayāccaiva kariṣye tadahaṃ sthiram || 65 ||
[Analyze grammar]

agniṣṭomatrayaṃ kṛtvā vaiśākhyāṃ ca yathārcitam |
saṃbhāramāharasvāśu tadarthaṃ sarvameva hi || 66 ||
[Analyze grammar]

brāhmaṇāṃśca tadarhāṃśca vedavedāṃgapāragān |
tacchrutvā vinayācchakrastathetyuktvā tvarānvitaḥ || |
saṃbhārānānayāmāsa tadarhāṃśca dvijottamān || 67 ||
[Analyze grammar]

tataścakāra vidhivadyajñaṃ sa prapitāmahaḥ |
yathoktavidhinā sarvaṃ tathā saṃpūrṇadakṣiṇam || 68 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye puṣkaratrayotpattipūrvakaṃ yajñasamāraṃbhārthamupakaraṇānayanabrāhmaṇāmantraṇādi prakārakathanaṃnāmaikonāśītyuttaraśatatamo'dhyāyaḥ || 179 ||
[Analyze grammar]