Chapter 160

[English text for this chapter is available]

sūta uvāca |
anyasminnahani prāpte rahasyuktaḥ sa bhāryayā |
rātrau prasuptaḥ pārśve ca pādau saṃspṛśya tatkṣaṇāt || 1 ||
[Analyze grammar]

tvaṃ tāvanmama bharttāsi yāvajjīvamasaṃśayam |
tadvadasva vibho'smākaṃ tvadarthaṃ sa mayojjhitaḥ || 2 ||
[Analyze grammar]

indrajālamidaṃ kiṃ te kiṃ vā maṃtraprasādhanam |
devānāṃ vā prasādo'yaṃ yattvaṃ caitādṛśaḥ sthitaḥ || 3 ||
[Analyze grammar]

mayā tvaṃ hi tadā jñātaḥ prathame'pi dine sthite |
yadā saṃbhūṣitā vastraistathā vastuvibhūṣaṇaiḥ || 4 ||
[Analyze grammar]

yadyahaṃ tava vārtāṃ ca sarvāṃ kapaṭasaṃbhavām |
kathayāmi dvitīyasya tatte pādau spṛśāmyaham || 5 ||
[Analyze grammar]

sūta uvāca |
evamukto vihasyoccaiḥ sa tadā brāhmaṇottamāḥ |
tāmāliṃgya tataḥ prāha vacanaṃ madhurākṣaram || 6 ||
[Analyze grammar]

sādhu priye tvayā jñātaṃ sarvaṃ mama viceṣṭitam |
ahaṃ sa vipraḥ subhage maṇibhadreṇa yaḥ purā || 7 ||
[Analyze grammar]

viḍaṃbito mukhaṃ paśyaṃstvadīyaṃ caṃdrasannibham |
camatkārapuraṃ gatvā mayā cārādhito raviḥ |
tena tuṣṭena me dattaṃ tadrūpaṃ jñānameva ca || 8 ||
[Analyze grammar]

māhikovāca |
tvadīyadarśanenāhaṃ kāmadevavaśaṃ gatā || 9 ||
[Analyze grammar]

tasmādārādhayiṣyāmi taṃ gatvā dinanāyakam |
yena te tādṛśaṃ bhūyaḥ pratuṣṭo vidadhāti saḥ || 10 ||
[Analyze grammar]

kiṃ me caitena rūpeṇa tāruṇyenāpi ca prabho |
yatte tathāvidhaṃ rūpaṃ saṃbhajāmi divāniśam || 11 ||
[Analyze grammar]

sūta uvāca |
tacchrutvā guṭikāṃ puṣpa samādāya mukhāntataḥ |
dadhāra tādṛśaṃ rūpaṃ yādṛgdṛṣṭaṃ purā tayā || 12 ||
[Analyze grammar]

tataḥ sā harṣitā māhī pulakena samanvitā |
tamāliṃgyābhajadgāḍhaṃ vākyametaduvāca ha || 13 ||
[Analyze grammar]

adya me saphalaṃ janma yauvanaṃ rūpameva ca |
yattvaṃ hṛdvāṃchitaḥ kāṃtaḥ pralabdho madanopamaḥ || 14 ||
[Analyze grammar]

etāvaṃti dinānyeva na mayā kāmajaṃ sukham |
api svalpataraṃ labdhaṃ kathaṃcidvṛddhasevayā || 15 ||
[Analyze grammar]

bhajasva svecchayā vipra dāsī te'haṃ vyavasthitā || 16 ||
[Analyze grammar]

puṣpa uvāca |
praviśāmi kimaṃgeṣu bhavantīṃ kiṃ milāmyaham |
priye cireṇa labdhāsi na jāne kara vāṇi kim || 17 ||
[Analyze grammar]

evamuktvā tatastau ca maithunāya kṛtakṣaṇau |
pravṛttau brāhmaṇaśreṣṭhāḥ kāmadevavaśaṃgatau || 198 ||
[Analyze grammar]

atha rātryāṃ vyatītāyāmudite sūryamaṇḍale |
vaktre tāṃ guṭikāṃ kṛtvā sa puṣpastādṛśo'bhavat || 19 ||
[Analyze grammar]

evaṃ tasya sthitasyātra mahānkālo vyajāyata |
putrāḥ pautrāstathā jātāḥ kanyakāśca tathaiva ca || 20 ||
[Analyze grammar]

sa vṛddhatvaṃ yadā prāpto jarāviplavatāṃ gataḥ |
tadā sa cintayāmāsa mayā pāpaṃ mahatkṛtam || 21 ||
[Analyze grammar]

maṇibhadro varāko'sau mithyācāreṇa ghātitaḥ |
tasya bhāryā hṛtā caiva prasūtiṃ ca niyojitā || 22 ||
[Analyze grammar]

hāṭakeśvarajaṃ kṣetraṃ tasmādgatvā karomya ham |
puraścaraṇasaṃjñaṃ ca yena śuddhiḥ prajāyate || 23 ||
[Analyze grammar]

evaṃ sa niścayaṃ kṛtvā puṣpaścitte nije tadā |
asaṃkhyaṃ vittamādāya camatkārapuraṃgataḥ || 24 ||
[Analyze grammar]

putrebhyo'pi yathāsaṃkhyaṃ dattvā caiva pṛthakpṛthak |
prāsādaṃ kārayāmāsa tasya sūryasya śobhanam || 25 ||
[Analyze grammar]

yasminsiddhiṃ gataḥ so'tra yājñavalkyapratiṣṭhite |
tato madhyamamāhūya praṇipatyābhivādya ca |
so'bravīdbrāhmaṇānāṃ me cātuścaraṇamānaya || 26 ||
[Analyze grammar]

yenāhamagrato bhūtvā prāyaścittaṃ viśuddhaye |
puraścaraṇasaṃjñaṃ tu prārthayāmi yathāvidhi || 27 ||
[Analyze grammar]

iti skānde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṃḍe hāṭa keśvarakṣetramāhātmye puṣpasya pāpakṣālanārthaṃ hāṭakeśvarakṣetragamanapuraścaraṇārthabrāhmaṇāmantraṇavarṇanaṃnāma ṣaṣṭyadhikaśatatamo'dhyāyaḥ || 160 ||
[Analyze grammar]