Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 159

< Previous

Next >

[English text for this chapter is available]

sūta uvāca |
puṣpo'pi tāṃ samādāya māhikākhyāṃ varāṃganām |
sa tadā prayayau hṛṣṭo maṇibhadrasya maṃdiram || 1 ||
[Analyze grammar]

śaṃkhatūryaninādena sarvaistaiḥ svajanairvṛtaḥ |
na kasya tatra saṃbhūto vikalpastatsamudbhavaḥ || 2 ||
[Analyze grammar]

bhāskarasya prasādena tathaivānyasya karhicit |
so'pi maṃdiramāsādya yathātmapitṛsaṃbhavam || 3 ||
[Analyze grammar]

upaviśya tato madhye bandhūnsarvānsamāhvayat |
adya tāvaddine mahyaṃ tulāgraṃ kamalā śritā || 4 ||
[Analyze grammar]

calitāpi punaścāsyāḥ supatnyā vākyataḥ sthitā |
kiyaṃtaṃ caiva kālaṃ me kārpaṇyaṃ mahadāsthitam || 5 ||
[Analyze grammar]

jñātamadya calā lakṣmīstena tyaktaṃ sudūrataḥ |
tasmādbaṃdhujanaiḥ sārdhaṃ devairvipraiśca kṛtsnaśaḥ |
saṃvibhaktāṃ kariṣyāmi satyenātmānamālabhe || 6 ||
[Analyze grammar]

evamuktvā tataḥ sarvānsamāhūya pṛthakpṛthak |
sa nāmabhirdadau vastraṃ bhūṣaṇāni yathārhataḥ || 7 ||
[Analyze grammar]

tato vedavido viprānsamāhūya sa nāmabhiḥ |
ekaikasya dadau vittaṃ savastraṃ śraddhayānvitaḥ || 8 ||
[Analyze grammar]

tatastu nartakebhyaśca dīnāṃdhebhyo viśeṣataḥ |
dadau bhojyaṃ sami ṣṭānnaṃ savastraṃ ca dvijottamāḥ || 9 ||
[Analyze grammar]

tatastu svayamevānnaṃ bubhuje bhāryayā saha |
visṛjya tānsamāyātānsvajanānbrāhmaṇaiḥ saha || 10 ||
[Analyze grammar]

evaṃ tena tadā prāptaṃ vittaṃ ca parasaṃbhavam |
bubhuje svecchayā nityaṃ tadā bhāryāsamanvitaḥ || 11 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye puṣpavibhavaprāptivarṇanaṃnāmaikonaṣaṣṭyuttaraśatatamo'dhyāyaḥ || 159 ||
[Analyze grammar]