Chapter 122

[English text for this chapter is available]

sūta uvāca |
etadvaḥ sarvamākhyātaṃ yatpṛṣṭosmi dvijottamāḥ |
yathā sa nihato devyā mahiṣākhyo danūttamaḥ || 1 ||
[Analyze grammar]

sāṃprataṃ kīrtayiṣyāmi kathāṃ pātakanāśinīm |
kedārasaṃbhavāṃ puṇyāṃ tāṃ śṛṇudhvaṃ samāhitāḥ || 2 ||
[Analyze grammar]

ṛṣaya ūcuḥ || |
kedāraḥ śrūyate sūta gaṃgādvāre himācale |
sa kathaṃ ceha saṃprāptaḥ sarvaṃ vistarato vada || 3 ||
[Analyze grammar]

sūta uvāca |
etatsatyaṃ girau tasminsvayaṃbhūḥ saṃsthitaḥ prabhuḥ |
paraṃ tatra vaseddevo yāvanmāsāṣṭakaṃ dvijāḥ || 4 ||
[Analyze grammar]

yāvadgharmaśca varṣā ca tāvattatra vasetprabhuḥ |
śītakāle punaścātra kṣetre saṃtiṣṭhate sadā || 5 ||
[Analyze grammar]

ṛṣaya ūcuḥ |
kiṃ tatkāryaṃ vasedyena kṣetre māsacatuṣṭayam |
himācale yathaivāṣṭau sūtaputra vadasva naḥ || 6 ||
[Analyze grammar]

sūta uvāca |
pūrvaṃ svāyaṃbhuvasyādau manordaityo mahābalaḥ |
hiraṇyākṣo mahātejāstapovīryasamanvitaḥ || 7 ||
[Analyze grammar]

tairvyāptaṃ jagadetaddhi nirasya tridaśādhipam |
yajña bhāgāścadevānāṃ hṛtā vīryaprabhāvataḥ || 8 ||
[Analyze grammar]

atha śakraḥ suraiḥ sārdhaṃ gaṃgādvāraṃ samāśritaḥ |
tapastepe suduḥkhārto rājyaśrīparivarjitaḥ || 9 ||
[Analyze grammar]

tasyaivaṃ tapyamānasya tapastīvraṃ mahātmanaḥ |
māhiṣaṃ rūpamāsthāya niścakrāma dharātalāt || 10 ||
[Analyze grammar]

svayameva mahādevastataḥ śakramuvāca ha |
kedārayāmi me śīghraṃ brūhi sarvaṃ surottama |
daityānāmatha sarveṣāṃ rūpeṇānena vāsava || 11 ||
[Analyze grammar]

indra uvāca |
hiraṇyākṣo mahādaityaḥ subāhurvakra kandharaḥ |
triśṛṃgo lohitākṣaśca paṃcaitāndāraya prabho |
hatairetairhataṃ sarvaṃ dānavānāmasaṃśayam || 12 ||
[Analyze grammar]

kimanyaiḥ kṛpaṇairdhvastairyaiḥ kiṃcinnātra sidhyati |
tasya tadvacanaśrutvā bhagavāṃstūrṇamabhyagāt |
yatra dānavamukhyo'sau hiraṇyākṣo mahābalaḥ || 13 ||
[Analyze grammar]

atha taṃ dūrato dṛṣṭvā mahiṣaṃ parvatopamam |
āyātaṃ raudrarūpeṇa dānavāḥ sarvataśca te || 14 ||
[Analyze grammar]

tato jaghnuśca pāṣāṇairlaguḍaiśca tathāpare |
kṣveḍitāsphoṭitāṃścakrustathānye balagarvitāḥ || 15 ||
[Analyze grammar]

athavamanya tāndevaḥ prahāraṃ līlayā dadau |
yatrāste dānavendro'sau caturbhiḥ sacivaiḥ saha || 16 ||
[Analyze grammar]

tataḥ śastraṃ samudyamya yāvaddhāvati sammukhaḥ |
tāvacchṛṃgaprahāreṇa sonayadyamasādanam || 17 ||
[Analyze grammar]

hatvā taṃ sacivānpaścātsubāhupramukhāṃśca tān |
jaghāna hanyamāno'pi samantāddānavaiḥ paraiḥ || 18 ||
[Analyze grammar]

na tasya lagate kvāpi śastraṃ gātre kathaṃcana |
yatnato'pi visṛṣṭaṃ ca labdhalakṣaiḥ prahāribhiḥ || 19 ||
[Analyze grammar]

evaṃ paṃca pradhānāstānhatvā daityānmaheśvaraḥ |
bhūyo jagāma taṃ deśaṃ yatra śakro vyavasthitaḥ |
abravīcca prahaṣṭātmā tataḥ śakraṃ taponvitam || 20 ||
[Analyze grammar]

mayā te nihatāḥ paṃca dānavā ye tvayeritāḥ |
tasmāttrailokyarājyaṃ svaṃ bhūya eva samācara || 2 ||
[Analyze grammar]

matto'nyadapi deveśa varaṃ prārthaya vāṃchitam |
kailāsaśikharaṃ yena gacchāmi tvarayā'nvitaḥ || 22 ||
[Analyze grammar]

indra uvāca |
anenaiva hi rūpeṇa tiṣṭha tvaṃ cātra śaṃkara |
trailokyarakṣaṇārthāya dharmāya ca śivāya ca || 23 ||
[Analyze grammar]

śrībhagavānuvāca |
etadrūpaṃ mayā śakra kṛtaṃ tasya vadhāya vai |
avadhyaḥ sarvabhūtānāṃ yatonyeṣāṃ mayā hataḥ || 24 ||
[Analyze grammar]

tasmādatraiva te vākyātsthāsyāmi sura sattama |
anenaiva tu rūpeṇa mokṣadaḥ sarvadehinām || 25 ||
[Analyze grammar]

evamuktvā virūpākṣaścakre kuṃḍaṃ tataḥ param |
śuddhasphaṭikasaṃkāśaṃ susvādukṣīravatpriyam || 26 ||
[Analyze grammar]

tataḥ provāca devendraṃ meghagaṃbhīrayā girā |
śṛṇvatāṃ sarvadevānāṃ bhagavāṃstripurātakaḥ || 27 ||
[Analyze grammar]

yo māṃ dṛṣṭvā śucirbhūtvā kuṃḍametatprapaśyati |
triḥ pītvā vāmasavyena dvābhyāṃ caiva tato jalam || 28 ||
[Analyze grammar]

karābhyāṃ sa pumānnūnaṃ tārayecca kulatrayam |
api pāpasamācāraṃ narake'pi vyava sthitam || 294 ||
[Analyze grammar]

vāmena mātṛkaṃ pakṣaṃ dakṣiṇenātha paitṛkam |
ubhābhyāmatha cātmānaṃ karābhyāṃ madvaco yathā || 30 ||
[Analyze grammar]

indra uvāca |
ahamāgatya nityaṃ tvāṃ svargādvṛṣabhavāhana |
atrasthaṃ pūjayiṣyāmi pāsyāmi ca tathodakam || 31 ||
[Analyze grammar]

ke dārayāmi yatproktaṃ tvayā mahiṣarūpiṇā |
kedāra iti nāmnā tvaṃ tataḥ khyāto bhaviṣyasi || 32 ||
[Analyze grammar]

śrībhagavānuvāca |
yadyevaṃ kuruṣe śakra tato daityabhayaṃ na te |
bhaviṣyati paraṃ tejo gātre saṃpatsyate'khilam || 33 ||
[Analyze grammar]

evamuktaḥ sahasrākṣastataḥ prāsādamuttamam |
tadarthaṃ nirmayāmāsa sādhvālokaṃ manoharam || 34 ||
[Analyze grammar]

tataḥ praṇamya taṃ devamanumantrya tataḥ param |
jagāma nijamāvāsaṃ meruśṛṃgāgrasaṃsthitam || 35 ||
[Analyze grammar]

tataścāgatya nityaṃ sa svargāddevasya śūlinaḥ |
kedārasya subhaktyāḍhyāṃ pūjāṃ cakre samāhitaḥ || 36 ||
[Analyze grammar]

mantrodakaṃ ca triḥ pītvā yayau brāhmaṇasattamāḥ |
kasyacittvatha kālasya yāvattatra samāyayau || 37 ||
[Analyze grammar]

tāvaddhimena tatsarvaṃ gireḥ śṛṃgaṃ prapūritam |
tacca kuṇḍaṃ sa devaśca prāsādena samanvitaḥ || 38 ||
[Analyze grammar]

tato duḥkhaparītātmā bhaktyā paramayā yutaḥ |
tāṃ diśaṃ praṇipatyoccairjagāma nijamaṃdiram || 39 ||
[Analyze grammar]

evamāgacchatastasya gataṃ māsacatuṣṭayam |
apaśyato mahādevaṃ didṛkṣāgatacetasaḥ || 40 ||
[Analyze grammar]

tataḥ prāpte punarviprā gharmakāle himālaye |
saṃyāto dṛkpathaṃ devaḥ sa tathārūpasaṃsthitaḥ || 41 ||
[Analyze grammar]

tataḥ pūjāṃ vidhāyoccaiścāturmāsyasamudbhavām |
gītavādyādikaṃ cakre tatpuraḥ śraddhayānvitaḥ || 42 ||
[Analyze grammar]

atha devaḥ samālokya tāṃ śraddhāṃ tasya gopateḥ |
provāca darśanaṃ gatvā bhagavāṃstripurāṃtakaḥ || 43 ||
[Analyze grammar]

parituṣṭo'smi deveśa bhaktyā cānanyayā'nayā |
tasmātprārthaya dāsyāmi yaṃ kāmaṃ hṛdisaṃsthitam || 44 ||
[Analyze grammar]

śakra uvāca |
tava prasādātsaṃjātaṃ mamaiśvaryamanuttamam |
yatkiṃcittriṣu lokeṣu tatsarvaṃ gṛhasaṃsthitam || 45 ||
[Analyze grammar]

tasmādyadi prasādaṃ me karoṣi vṛṣabhadhvaja |
varaṃ vā yacchasi prītastatkuruṣva vaco mama || 46 ||
[Analyze grammar]

parvato'yaṃ bhavedgamyo māsānaṣṭau sureśvara |
yāvanmīnasthito bhānuḥ pragacchati śrutaṃ mayā || 47 ||
[Analyze grammar]

tataḥ paramagamyaśca himapūreṇa saṃvṛtaḥ |
yadā syāccaturo māsānyāvatkumbhagato raviḥ || 48 ||
[Analyze grammar]

saṃjāyate'pyagamyaśca mamāpi tripurāṃtaka |
kiṃ punaḥ svalpasattvānāṃ narādīnāṃ sureśvara || 49 ||
[Analyze grammar]

tasmātsvarge'tha pātāle martye vā tridaśeśvara |
kuruṣvānenarūpeṇa sthitiṃ māsacatuṣṭayam |
yena na syātpratijñāyā hānirmama sureśvara || 50 ||
[Analyze grammar]

sūta uvāca |
tato devaściraṃ dhyātvā provāca balasūdanam |
paraṃ saṃtoṣamāpanno meghanirghoṣaniḥsvanam || 51 ||
[Analyze grammar]

ānartaviṣaye kṣetraṃ hāṭakeśvarasaṃjñitam |
asmadīyaṃ sahasrākṣa vidyate dharaṇītale || 52 ||
[Analyze grammar]

tatrāhaṃ vṛścikasthe'rke sadā sthāsyāmi vāsava |
yāvatkumbhasya paryaṃtaṃ tava vākyādasaṃśayam || 53 ||
[Analyze grammar]

tasmāttatra drutaṃ gatvā kṛtvā prāsādamuttamam |
mama rūpaṃ pratiṣṭhāpya kurupūjā yathocitām |
yena tatra nijaṃ tejo dhārayāmi tavārthataḥ || 54 ||
[Analyze grammar]

sūta uvāca |
etacchrutvā sahasrākṣo devadevasya śūlinaḥ |
gatvā tatra tataścakre yaddeveneritaṃ vacaḥ || 55 ||
[Analyze grammar]

prāsādaṃ nirmayitvātha rūpaṃ saṃsthāpya śūlinaḥ |
kuṇḍaṃ cakre ca tadrūpaṃ svacchodakasamāvṛtam || 56 ||
[Analyze grammar]

tataścārādhayāmāsa puṣpadhūpānulepanaiḥ |
snātvā kuṇḍe'pibattoyaṃ triḥkṛtvā ca yathāpurā || 57 ||
[Analyze grammar]

evaṃ sa bhagavāṃstatra śakreṇārādhitaḥ purā |
samāyāto'tra vipreṃdrāḥ suramyāttu himācalāt || 58 ||
[Analyze grammar]

yastamārādhayetsamyaksadā māsacatuṣṭayam |
himapātodbhave martyaḥ sa śivāya prapadyate || 59 ||
[Analyze grammar]

śeṣakāle'pi yaḥ pūjāṃ karotyeva subhaktitaḥ |
sa pāpaṃ kṣālayetprājña ājanmamaraṇāṃtikam || 60 ||
[Analyze grammar]

tatra gītaṃ praśaṃsaṃti nṛtyaṃ caiva pṛthagvidham |
devasya purataḥ prājñāḥ sarvaśāstraviśāradāḥ || 61 ||
[Analyze grammar]

atra ślokaḥ purā gīto nāradena surarṣiṇā |
tadvo'haṃ kīrtayiṣyāmi śrūyatāṃ brāhmaṇottamāḥ || 62 ||
[Analyze grammar]

kedāre salilaṃ pītvā gayāpiḍaṃ pradāya ca |
brahmajñānamathāsādya punarjanma na vidyate || 63 ||
[Analyze grammar]

etadvaḥ sarvamākhyātaṃ kedārasya ca saṃbhavam |
ākhyānaṃ brāhmaṇaśreṣṭhāḥ sarvapātakanāśanam || 64 ||
[Analyze grammar]

yaścaitatchṛṇuyātsamyakpaṭhedvā tasya cāgrataḥ |
śrāvayedvāpi vā viprāḥ sarvapātakanānam |
kedārasya sa pāpaughairmucyate tatkṣaṇānnaraḥ || 65 ||
[Analyze grammar]