Chapter 121

[English text for this chapter is available]

sūta uvāca |
devānāṃ tadvacaḥ śrutvā tataḥ sā parameśvarī |
provāca vāhanaṃ kiṃciddevā yacchatu me drutam || |
tataḥ siṃhaṃ dadau gaurī yānārthaṃ vikṛtānanam |
tamāruhya pratasthe sā tato viṃdhyaṃ nagaṃ prati || 2 ||
[Analyze grammar]

tasyaikaṃ śṛṃgamāsthāya ramyaṃ śreṣṭhadrumānvitam |
phalapuṣpasamākīrṇaṃ latāmaṃḍapamaṃḍitam || 3 ||
[Analyze grammar]

tatastapo'karotsādhvī tīvravrataparāyaṇā |
saṃyamyendriyavargaṃ svaṃ dhyāyamānā maheśvaram || 4 ||
[Analyze grammar]

yathāyathā tapovṛddhistasyāḥ sañjāyate dvijāḥ |
tathā rūpaṃ ca kāṃtiśca śarīre prativardhate || 5 ||
[Analyze grammar]

etasminnaṃtare prāptāstatra daityeśakiṃkarāḥ |
te tāṃ dṛṣṭvā vratopetāmatyadbhutavapurdha rām |
gatvā procuḥ svanāthasya mahiṣasya durātmanaḥ || 6 ||
[Analyze grammar]

cārā ūcuḥ |
bhramamāṇairdharāpṛṣṭhe dṛṣṭā'pūrvā kumārikā |
vindhyācale'dya cāsmābhirbhujairdvādaśabhiryutā |
nānāśastradharairdīptaiścarmacchāditagātrakā || 7 ||
[Analyze grammar]

na devī na ca gandharvī nāsurī nāgakanyakā |
tādṛgrūpā purā'smābhiḥ kāciddṛṣṭā nitambinī || 8 ||
[Analyze grammar]

na vidmo yannimittaṃ sā tapaścakre yaśasvinī |
svargakāmā'rthakāmā vā patikāmātha vā vibho || 9 ||
[Analyze grammar]

sūta uvāca |
teṣāṃ tadvacanaṃ śrutvā mahiṣo dānavādhipaḥ |
kāmadeva vaśaṃ prāptaḥ śravaṇādapi tatkṣaṇāt || 10 ||
[Analyze grammar]

tatastānagrataḥ kṛtvā sainyena mahatā nvitaḥ |
jagāma kautukāviṣṭo yatrāste sā tu kanyakā || 11 ||
[Analyze grammar]

yathā mṛtyukṛte mandaḥ śṛgālaḥ siṃhavallabhām |
vane suptāṃ suviśvastāṃ sarvathāpya kutobhayām || 12 ||
[Analyze grammar]

tasyāḥ saṃdarśanādeva tataḥ kāmaśarairhataḥ |
sa dānavapradhānaśca tatkṣaṇādeva saddvijāḥ || 13 ||
[Analyze grammar]

atha prāha priyaṃ vākyamekākī tatpuraḥsthitaḥ |
dhṛtvā dūrataresainyaṃ tasyā rūpeṇa mohitaḥ || 14 ||
[Analyze grammar]

viruddhaṃ yauvanasyaitadvrataṃ te cāruhāsini |
tasmādetatparityaktvā trailokyasvāminī bhava || 15 ||
[Analyze grammar]

ahaṃ hi mahiṣo nāma dānavendro yadi śrutaḥ |
mayā yena sahasrākṣo dvandvayuddhe vinirjitaḥ || 16 ||
[Analyze grammar]

trelokyaṃ sakalaṃ mahyaṃ sāṃprataṃ ca vaśe sthitam |
tasmāttvaṃ bhava suśroṇi bhāryā mama suvallabhā || 7 ||
[Analyze grammar]

sahasraṃ mama bhāryāṇāmanyadasti suśobhanam |
tatsarvaṃ te'dya bhṛtyatvaṃ sāṃprataṃ praka riṣyati || 8 ||
[Analyze grammar]

ahaṃ cāpi tavātyaṃtaṃ dāsabhāvaṃ samāśritaḥ |
vartayiṣyāmi suśroṇi pradattvā'śeṣasaṃpadaḥ || 9 ||
[Analyze grammar]

sūta uvāca |
tasya tadvacanaṃ śrutvā tataḥ sā parameśvarī |
provāca bhartsamānā taṃ kopasaṃraktalocanā || 2 ||
[Analyze grammar]

dhigdhikpāpasamācāra kumāravratadhāriṇīm |
kāmopahatacittātmā kiṃ māmitthaṃ prabhā ṣase || 2 ||
[Analyze grammar]

ahaṃ tava vadhārthāya nirmitā vibudhottamaiḥ |
tasmāttvāṃ nāśayiṣyāmi smareṣṭaṃ yaddhṛdi sthitam || 22 ||
[Analyze grammar]

mahiṣa uvāca |
yadyevaṃ tadvarārohe yuktā syācca kumārikā |
prārthanīyā bhavedatra sarveṣāṃ prāṇināṃ yataḥ || 23 ||
[Analyze grammar]

svargārthaṃ kriyate dharmastapaśca varavarṇini |
yena bhogāḥ prabhuñjaṃti ye divyā ye ca mānuṣāḥ || 24 ||
[Analyze grammar]

tasmāddehi mamātmānaṃ gāṃdharveṇa suśobhane |
vivāhena yato'nyeṣāṃ sa pradhānaḥ prakīrtitaḥ || 25 ||
[Analyze grammar]

evaṃ pravadatastasya sā devī krodhamūrchitā |
tadvaktrāṃtaṃ samuddiśya śaraṃ cikṣepa sa kṣaṇāt || 26 ||
[Analyze grammar]

viveśa vadanaṃ tasya valmīkaṃ pannago yathā |
atha tairmārgagaṇairviddhaḥ sa vaktrāṃtānnadaṃstataḥ || 27 ||
[Analyze grammar]

susrāva rudhiraṃ bhūri gairikaṃ parvato yathā |
tataḥ kopaparītātmā nivṛttyātha śanaiḥ śanaiḥ || 28 ||
[Analyze grammar]

svasainyaṃ tvarito bheje kāmena ca vaśī kṛtaḥ |
provāca sainikānsarvānduṣṭā strīyaṃ pragṛhyatām |
yathā na tyajati prāṇānprahārairjarjarīkṛtā || 29 ||
[Analyze grammar]

eṣā mama na sandehaḥ priyā bhāryā bhaviṣyati |
yadi no śastrapātena paṃcatvamupayāsyati || 30 ||
[Analyze grammar]

evamuktāstadā tena dānavā yuddhadurmadāḥ |
dudruvuḥ sammukhāstasyā muñcanto niśitāñcharān || 3 ||
[Analyze grammar]

etasminnaṃtare devī sā dṛṣṭvā tānupasthitān |
yuddhāya kṛtasaṃkalpāṃstarjataśca muhurmuhuḥ || 32 ||
[Analyze grammar]

tatastu līlayā devī muktā tīkṣṇānmahāśarān |
tānsarvāṃstāḍayāmāsa sarvamarmasu tatkṣaṇāt || 33 ||
[Analyze grammar]

atha tīkṣṇaiḥ śarairdaityā nihatā dānavāstathā |
eke paṃcatvamāpannā gatāścānya itastataḥ || 34 ||
[Analyze grammar]

tataḥ sainyaṃ samālokya tadbhagnaṃ ca tayā raṇe |
kopāviṣṭastato daityaḥ svayaṃ tāṃ samupādravat || 35 ||
[Analyze grammar]

yacchañchṛṃgaprahārāṃśca tasyāḥ śatasahasraśaḥ |
garjitaṃ vidadhaccograṃ śāradābhrasamaṃ muhuḥ || 36 ||
[Analyze grammar]

etasminnaṃtare devī sāṭṭahāsakṛtasvanā |
trailokyavivaraṃ sarvaṃ yacchabdena prapūritam || 37 ||
[Analyze grammar]

evaṃ tasyā hasaṃtyāśca vaktrāntādatha niryayuḥ |
puliṃdāḥ śabarā mlechāstathānye'raṇyavāsinaḥ || 38 ||
[Analyze grammar]

śakāśca yavanāścaiva śataśaśtu vapurdharā |
varma sthagitagātrāśca yamadūtā ivāpare || 39 ||
[Analyze grammar]

te procurdevi no brūhi yena sṛṣṭā vayaṃ kṣitau |
kāryeṇa kriyate kṛtsnaṃ yena śīghraṃ varānane || 4 ||
[Analyze grammar]

devyuvāca |
etānasya suduṣṭasya sainikānbalagarvitān |
sūdayadhvaṃ drutaṃ vākyādasmadīyādyathecchayā || 41 ||
[Analyze grammar]

atha te tadvacaḥ śrutvā valgaṃto'sidhanurddharāḥ |
daiteyabalamuddiśya dudruvurvegamāśritāḥ || 42 ||
[Analyze grammar]

tatasteṣāṃ mahadyuddhaṃ mitho jajñe sudāruṇam |
nātmīyaṃ na paraṃ tatra kenacijjñā yate kvacit || 43 ||
[Analyze grammar]

atha te dānavāḥ sarve yodhairdevīsamudbhavaiḥ |
bhagnā vyāpāditāścānye prahārairjarjarīkṛtāḥ || 44 ||
[Analyze grammar]

tato bhagnaṃ balaṃ dṛṣṭvā mahiṣaḥ krodhamūrchitaḥ |
tāmuvāca krudhā devīṃ vacanaiḥ paruṣākṣaraiḥ || 45 ||
[Analyze grammar]

āḥ pāpe strīti matvādya na hatāsi mayā yudhi |
tasmātpaśya prahāraṃ me tattvaṃ budhyasi nānyathā || 46 ||
[Analyze grammar]

evamuktvā viśeṣeṇa prahārānsa vicikṣipe |
viṣāṇābhyāṃ mahāvego bhartsayāno muhurmuhuḥ || 47 ||
[Analyze grammar]

tato'bhyāśagataṃ dṛṣṭvā sā devī dānavaṃ ca tam |
ārurohātha vegena pṛṣṭhideśena kopataḥ || 48 ||
[Analyze grammar]

tataścukrośa daityo'sau vyomamārgaṃ samāśritaḥ |
pṛṣṭhyāstalena nirbhinno rudhiraughapariplutaḥ || 49 ||
[Analyze grammar]

etasminnaṃtare siṃhaḥ sa tasyā jyotisaṃbhavaḥ |
jagrāha paścime bhāge daṃṣṭrāgrairniśitaiḥ krudhā || 50 ||
[Analyze grammar]

tato niścalatāṃ prāptaḥ pādākrāṃtaśca dānavaḥ |
akarodbhairavānnādānna śaktaścalituṃ padam || 51 ||
[Analyze grammar]

etasminnaṃtare prāptāḥ sarve devāḥ savāsavāḥ |
vyomasthāstāṃ tadā procurdevīṃ harṣasamanvitāḥ || 52 ||
[Analyze grammar]

etasya śirasaśchedaṃ śīghraṃ kuru sureśvari |
khaṅgenānena tīkṣṇena yāvanno yāti cānyataḥ || 53 ||
[Analyze grammar]

sā śrutvā vacanaṃ teṣāṃ devī kopasamanvitā |
khaḍgaṃ vyāpārayāmāsa kaṃṭhe tasyātipīvare || 54 ||
[Analyze grammar]

sa tena khaḍgaghātena kaṃṭhaḥ pīno'pi niṣṭhuraḥ |
dvidhā jajñe'tha daityasya dadhattuṣṭiṃ divaukasām || 55 ||
[Analyze grammar]

dvādaśārkapratīkāśo vaktrāṃtaścarmakhaḍgadhṛk |
bhartsayaṃstāṃ mahādevīṃ khaḍgodyatakarāṃ tadā |
khaḍgaṃ vyāpārayangātre tasyā bālārkasannibham || 56 ||
[Analyze grammar]

tataḥ keśeṣu cādhāya yāvattasyāpi cikṣipe |
prahāraṃ gātranāśāya tāvadūce sa dānavaḥ || 57 ||
[Analyze grammar]

dānava uvāca |
jaya devi jayāciṃtye jaya sarvasureśvari |
jaya sarvagate devi jaya sarvajanapriye || 58 ||
[Analyze grammar]

jaya kāmaprade nityaṃ jaya trailokyasundari |
jaya trailokya rakṣārthamudyate hyakutobhaye || 59 ||
[Analyze grammar]

jaya devi kṛtānaṃde jaya daityavināśini |
jaya kleśacchide kāṃte jayābhaktavimohade || 60 ||
[Analyze grammar]

tvaṃ sṛṣṭistvaṃ varā devī tvaṃ lakṣmīstvaṃ sarasvatī |
tvaṃ svāhā tvaṃ svadhā tuṣṭiḥ puṣṭirmedhā dhṛtiḥ kṣamā || 6 ||
[Analyze grammar]

tasmātkuru prasādaṃ me prāṇānrakṣa dayāṃ kuru |
praṇatasya sudīnasya hīnasya ca viśeṣataḥ || 62 ||
[Analyze grammar]

ahaṃ durvāsasā śapto hiraṇyākṣasuto balī |
mahiṣatvaṃ samānītastvayā devī vimokṣitaḥ || 63 ||
[Analyze grammar]

tasmāddarpaḥ pramukto'dya mayā dānavasaṃbhavaḥ |
kiṃkaratvaṃ prayāsyāmi sāṃprataṃ te sureśvari || 64 ||
[Analyze grammar]

jaya sarvagate devi sarvaduṣṭavināśini || 65 ||
[Analyze grammar]

iti tasya vacaḥ śrutvā kṛpaṇaṃ sā sureśvarī |
kṛpāviṣṭā'bravīdvākyaṃ tato vyomasthitānsurān || 66 ||
[Analyze grammar]

kiṃ karomi dayā jātā mamainaṃ prati he surāḥ |
tasmānnāhaṃ haniṣyāmi dānavaṃ dīnajalpakam || 67 ||
[Analyze grammar]

vimukhaṃ khaḍgaśastraṃ ca tavāsmīti pravādinam |
api me pitṛhaṃtāraṃ na hanyāṃ ripumāhave || 68 ||
[Analyze grammar]

devā ūcuḥ || |
na cedasi ca deveśi tvamenaṃ dānavādhamam |
nāśayiṣyati tatkṛtsnaṃ trailokyaṃ sacarācaram || 69 ||
[Analyze grammar]

eṣa vyarthaḥśramaḥ sarvastathāsmākaṃ bhaviṣyati |
tava saṃbhūtisaṃbhūtastava kleśastathā'khilaḥ || 70 ||
[Analyze grammar]

devyuvāca |
nāhamenaṃ haniṣyāmi tyajiṣyāmi tathā'marāḥ |
enaṃ kacagrahaṃ kṛtvā dhārayiṣyāmi sarvadā || 71 ||
[Analyze grammar]

devā ūcuḥ |
sādhusādhu mahābhāge yuktamuktaṃ tvayā vacaḥ |
etaddhi yujyate kartuṃ kāle'smiṃstridaśeśvari || 72 ||
[Analyze grammar]

sāṃprataṃ martyaloke tvaṃ rūpametatsamāśritā |
śastrodyatakarā raudrā mahiṣopari saṃsthitā || 73 ||
[Analyze grammar]

avāpsyasi parāṃ pūjāṃ durlabhā mamarairapi |
yastvāmetena rūpeṇa saṃsthitāṃ pūjayiṣyati || 74 ||
[Analyze grammar]

tvamasya saṃgato bhāvi vikhyātā viṃdhyavāsinī |
kiṃ te vā bahunoktena śṛṇu saṃkṣepato vacaḥ || 75 ||
[Analyze grammar]

asmadīyaṃ paraṃ tathyaṃ sarvalokahitāvaham |
pārthivānāṃ tvadāyattaṃ balaṃ devi bhaviṣyati || 76 ||
[Analyze grammar]

yuddhakāle samutpanne bhaktānāṃ nātra saṃśayaḥ |
prasthānaṃ vā praveśaṃ ca yaḥ kariṣyati mānavaḥ || 77 ||
[Analyze grammar]

tvāṃ smṛtvā praṇipatyātha pūjayitvā viśeṣataḥ |
tasya saṃpatsyate siddhiḥ sarvakṛtyeṣu sarvadā |
iha kāpuruṣasyāpi kiṃ punaḥ subhaṭasya ca || 78 ||
[Analyze grammar]

āśvinasya site pakṣe navamyāṃ cāṣṭamīdine |
pūjayiṣyati yo marttyastvāṃ sadbhaktisamanvitaḥ || 79 ||
[Analyze grammar]

tasya saṃvatsaraṃ yāvatsamagraṃ surasundari |
na bhaviṣyati vai rogo na bhayaṃ na parābhavaḥ |
nāpamṛtyurna caurādi samudbhūta upadravaḥ || 80 ||
[Analyze grammar]

|sūta uvāca |
evamuktvātha te devāstāṃ devīṃ harṣasaṃyutāḥ |
anujñātāstayā jagmuḥ svāṃ purīmamarāvatīm || 91 ||
[Analyze grammar]

tatra gatvā cirātprāpya svaṃ rājyaṃ pākaśāsanaḥ |
pālayāmāsa saṃhṛṣṭastrailokyaṃ hatakaṭakam || 82 ||
[Analyze grammar]

lokāśca sukhasaṃpannāḥ sarve jātā stataḥ param |
yajñabhāgabhujo devā bhūyo jātā jagattraye || 83 ||
[Analyze grammar]

tataḥ paraṃ ca sā devī trailokye khyātimāgatā |
sarvakṣetreṣu tīrtheṣu sthāneṣu ca viśeṣataḥ || 84 ||
[Analyze grammar]

etasminnaṃtare jātaḥ surathonāma bhūpatiḥ |
ānartastena sadbhaktyā kṣetre'traiva vinirmitā || 85 ||
[Analyze grammar]

yastāṃ paśyati sadbhaktyā caitrāṣṭamyāṃ site'hani |
sa pumānvatsaraṃ yāvatkṛtārthaḥ syānna saṃśayaḥ || 86 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye mahiṣāsuraparājaya kātyāyanīmāhātmyavarṇanaṃnāma ekaviṃśatyuttaraśatatamo'dhyāyaḥ || 121 ||
[Analyze grammar]