Chapter 123

[English text for this chapter is available]

sūta uvāca |
tathānyadapi tatrāsti śuklatīrthamanuttamam |
darbhaiḥ saṃsūcitaṃ śvetairyadadyāpi dvijottamāḥ || 1 ||
[Analyze grammar]

camatkārapure pūrvamāsītkaścitsuśalyavit |
rajakaḥ śuddhakonāma putrapautrasamanvitaḥ || 2 ||
[Analyze grammar]

sa sarvarajakānāṃ ca prādhānyena vyavasthitaḥ |
pradhānabrāhmaṇānāṃ ca karotyaṃbaraśodhanam || 3 ||
[Analyze grammar]

kasyacittvatha kālasya nīlīkuṇḍyāṃ samāhitaḥ |
prākṣipadbrāhmaṇeṃdrāṇāṃ vāso vijñātavāṃścirāt || 4 ||
[Analyze grammar]

athāsau mandacittaśca svāmāhūyakuṭumbinīm |
putrāṃśca vacanaṃ prāha rahasye bhayavihvalaḥ || 5 ||
[Analyze grammar]

nirmūlyāni suvastrāṇi brāhmaṇānāṃ mahātmanām |
nīlīmadhye vimohena prakṣiptāni bahūni ca || 6 ||
[Analyze grammar]

vadhabandhādikaṃ karma te kariṣyaṃtyasaṃśayam |
tasmādanyatra gacchāmo gṛhītvā rajanīmimām || 7 ||
[Analyze grammar]

evaṃ sa niścayaṃ kṛtvā sāramādāya maṃdirāt |
prasthito bhāryayā sārddhaṃ kāṃdiśīko dvijottamāḥ || 8 ||
[Analyze grammar]

tāvattasya sutā gatvā svāṃ sakhīṃ dāśasaṃbhavām |
uvāca kṣamyatāṃ bhadre yanmayā kukṛtaṃ kṛtam || 9 ||
[Analyze grammar]

ajñānājjñānato vāpi prakrīḍaṃtyā tvayā saha |
praṇayādbālyabhāvācca krodhādvātha maherṣyayā || 10 ||
[Analyze grammar]

atha sā sahasā śrutvā bāṣpaparyākulekṣaṇā |
uvāca kimidaṃ bhadre yanmāmitthaṃ prabhāṣase || 11 ||
[Analyze grammar]

sakhyuvāca |
mama tātena nīlāyāṃ prakṣiptānyaṃbarāṇi ca |
brāhmaṇānāṃ mahārhāṇi vibhrameṇa sulocane || 12 ||
[Analyze grammar]

tatprabhāte parijñāya daṃḍaṃ dhāsyaṃti dāruṇam |
evaṃ citte samāsthāya tātaḥ saṃprasthito'dhunā || 13 ||
[Analyze grammar]

ahaṃ tavātikaṃ prāptā darśanārthamanindite |
anujñātā prayāsyāmi tvayā tasmātpramucyatām || 14 ||
[Analyze grammar]

atha sā tadvacaḥ śrutvā prasannavadanā'bravīt |
yadyevaṃ mā sarojākṣi kutracitsaṃprayāsyasi || 15 ||
[Analyze grammar]

nivāraya drutaṃ gatvā tātaṃ no gamyatāmiti |
asti pūrvottare bhāge sthānādasmājjalāśayaḥ || 16 ||
[Analyze grammar]

tatraikadā vinikṣiptaṃ mama tātena jālakam |
atīvakṛṣṇakeśotthaṃ tāvacchuklatvamāgatam || 7 ||
[Analyze grammar]

tataḥ sa vismayāviṣṭaḥ svayaṃ sasnau kutūhalāt |
yāvacchuklatvamāpannastādṛkkṛṣṇavapurdharaḥ || 19 ||
[Analyze grammar]

suśvetamūrdhajaḥ sadyaḥ strīṇāṃ vairāgyakārakaḥ |
tataḥprabhṛti no jñātvā kaścittatra pragacchati || 19 ||
[Analyze grammar]

tasmāttatraiva vastrāṇi prakṣālayatu satvaram |
tātaḥ sa tava yāsyaṃti viśuddhiṃ paramāṃ śubhe || 20 ||
[Analyze grammar]

atha sā satvaraṃ gatvā nijatātasya tadvacaḥ |
satvaraṃ kathayāmāsa prahṛṣṭavadanā satī || 21 ||
[Analyze grammar]

mama sakhyā samādiṣṭaṃ nātidūre jalāśayaḥ |
tatra śvetatvamāyāti sarvaṃ kṣiptaṃ sitetaram || 22 ||
[Analyze grammar]

tasmātprakṣālaya prātastatra gatvā jalāśaye |
vastrāṇyamūni śuklatvaṃ saṃprayāsyaṃtyasaṃśayam || 23 ||
[Analyze grammar]

rajaka uvāca |
naitatsaṃpatsyate putri yannīlasya parikṣayaḥ |
vastralagnasya jāyeta yataḥ proktaṃ purātanaiḥ || 24 ||
[Analyze grammar]

vajralepasya mūrkhasya nārīṇāṃ karkaṭasya ca |
eko grahastu mīnānāṃ nīlīmadyapayostathā || 25 ||
[Analyze grammar]

kanyovāca |
tatra hyāgamyatāṃ tāvadvastraṇayādāya yatnataḥ |
toyācchuddhiṃ prayāsyaṃti tadā'gaṃtavyameva hi || 26 ||
[Analyze grammar]

bhūyo'pi maṃdire vā'tha tasmātsthānāddigaṃtaram |
gaṃtavyaṃ sakalaireva mamaitaddhṛdi saṃsthitam || 27 ||
[Analyze grammar]

tasyāstadvacanaṃ śrutvā sādhusādhviti te'sakṛt |
procya bāṃdhavabhṛtyāśca rātrāveva prajagmire || 28 ||
[Analyze grammar]

dāśakanyāṃ puraḥ kṛtvā saṃśayaṃ paramaṃ gatāḥ |
vibhavena samāyuktā nijena dvijasattamāḥ || 29 ||
[Analyze grammar]

tataḥ sā darśayāmāsa dāśakanyā jalāśayam |
bahuvīrudhasaṃchannaṃ duṣpraveśaṃ ca dehinām || 30 ||
[Analyze grammar]

tataḥ sa rajakastatra vastrāṇyādāya sarvaśaḥ |
praviṣṭaḥ salile tasminkṣālayāmāsa vai dvijāḥ || 31 ||
[Analyze grammar]

atha tāni suvastrāṇi mecakābhāni tatkṣaṇāt |
jātāni sphaṭikābhāni tatkṣaṇādeva kṛtsnaśaḥ || 32 ||
[Analyze grammar]

tatastuṣṭisamāyuktaḥ sādhusādhviti cā'bravīt |
samāliṃgya sutāṃ prāha dāśakanyāṃ ca sādaram || 33 ||
[Analyze grammar]

suvastrāṇi dvijeṃdrāṇāmarpayāmo yathākramam || 34 ||
[Analyze grammar]

tataḥ sa svagṛhaṃ gatvā tāni vastrāṇi kṛtsnaśaḥ |
yathākrameṇa saṃhṛṣṭaḥ pradadau dvijasattamāḥ || 35 ||
[Analyze grammar]

atha te brāhmaṇā dṛṣṭvā tāṃ śuddhiṃ vastrasaṃbhavām |
taṃ ca śvetīkṛtaṃ cedṛgrajakaṃ vismayānvitāḥ || 36 ||
[Analyze grammar]

papracchuḥ kimidaṃ citraṃ vastramūrdhajasaṃbhavam |
anaupamyaṃ ca saṃjātaṃ vadasva yadi manyase || 37 ||
[Analyze grammar]

rajaka uvāca |
etāni viprā vastrāṇi mayā kṣiptāni mohataḥ |
nīlīmadhye suvastrāṇi vinaṣṭāni ca kṛtsnaśaḥ || 38 ||
[Analyze grammar]

tato bhayaṃ mahadbhūtaṃ kuṭumbena samanvitaḥ |
calito rajanīvaktre digaṃte brāhmaṇottamāḥ || 39 ||
[Analyze grammar]

athaiṣā tanayā'smākaṃ gatā nijasakhīṃ prati |
dāśātmajāṃ suduḥkhārtā punardarśanalālasā || 40 ||
[Analyze grammar]

tayā sarvamabhiprāyaṃ jñātvā me duḥkhahetukam |
tataḥ saṃdarśayāmāsa sthitāgre svajalāśayam || 41 ||
[Analyze grammar]

tasminprakṣiptamātrāṇi vastrāṇīmāni tatkṣaṇāt |
īdṛgvarṇāni jātāni vismayasya hi kāraṇam || 42 ||
[Analyze grammar]

tathā me mūrdhajāḥ kṛṣṇāstatra snātasya tatkṣaṇāt |
paraṃ śuklatvamāpannā etatproktaṃ mayā sphuṭam || 43 ||
[Analyze grammar]

evaṃ te brāhmaṇāḥ śrutvā kautūhalasamanvitāḥ |
tatra jagmuḥ parīkṣārthaṃ vikṣipya tadanaṃtaram || 44 ||
[Analyze grammar]

kṛṣṇadravyāṇi bhūrīṇi keśādīni sahasraśaḥ |
sarvaṃ tacchuklatāṃ yāti tyaktvā varṇaṃ malīmasam || 45 ||
[Analyze grammar]

tato vṛddhatayā ye ca viśeṣācchvetamūrdhajāḥ |
te sasnuḥ śraddhayā yuktāstaruṇāścāpi dharmiṇaḥ || 46 ||
[Analyze grammar]

tataḥ śuklatvamāpannāstejovīryasamanvitāḥ |
bhavaṃti tatprabhāvena prayāṃti ca parāṃ gatim || 47 ||
[Analyze grammar]

atha tadvāsavo dṛṣṭvā śuklatīrthaṃ pramuktidam |
pūrayāmāsa rajasā mānuṣotthabhayena ca || 48 ||
[Analyze grammar]

adyāpi tatra yatkiṃcijjāyate'tha tṛṇādikam |
tatsarvaṃ śuklatāmeti tattoyasya prabhāvataḥ || 49 ||
[Analyze grammar]

tatrotthairyaḥ kuśaiḥ śrāddhaṃ kurute śraddhayānvitaḥ || 3 ||
[Analyze grammar]

śvaitaistaistārayetsarvānpitṝnnarakagānapi || 50 ||
[Analyze grammar]

tattīrthotthāṃ mṛdaṃ gātre yojayitvā narottamaḥ |
snānaṃ karoti tīrthānāṃ sarveṣāṃ labhate phalam || 51 ||
[Analyze grammar]

yastairdarbhairnaro bhaktyā tilaiścāraṇyasaṃbhavaiḥ |
karoti tarpaṇaṃ viprāḥ sa prīṇāti pitāmahān || 52 ||
[Analyze grammar]

athāśvamedhātsaṃprāpyaṃ gayāśrāddhena yatphalam |
nīlasaṃjñagavotsarge tathātrāpi dvijottamāḥ || 53 ||
[Analyze grammar]

ṛṣaya ūcuḥ || |
śuklatīrthaṃ kathaṃ jātaṃ tatra tvaṃ sūtanaṃdana |
vistareṇa samācakṣva paraṃ kautūhalaṃ hi naḥ || 54 ||
[Analyze grammar]

sūta uvāca |
śvetadvīpaḥ samānīto viṣṇunā prabhaviṣṇunā |
tatkṣetre kalibhītena yathā śauklyaṃ na saṃtyajet || 55 ||
[Analyze grammar]

kalikālena saṃspṛṣṭaḥ śvetadvīpo'pi śyāmatām |
na prayāti dvijaśreṣṭhāstatastatra niveśitaḥ || 56 ||
[Analyze grammar]