Chapter 120

[English text for this chapter is available]

sūta uvāca |
evaṃ śakrādayo devā jitāste tu raṇājire |
mahiṣeṇa tato rājyaṃ trailokye'pi cakāra saḥ || 1 ||
[Analyze grammar]

yatkiñcittriṣu lokeṣu sārabhūtaṃ prapaśyati |
gajavājirathāśvādi sarvaṃ gṛhṇāti so'suraḥ || 2 ||
[Analyze grammar]

evaṃ pravartamānasya tasya devāḥ savāsavāḥ |
vadhārthaṃ militāścakruḥ kathā duḥkhasama nvitāḥ || 3 ||
[Analyze grammar]

etasminnaṃtare prāpto nārado munisattamaḥ |
dṛṣṭvā taṃ māhiṣaṃ sarvaṃ vyavahāraṃ mahotkaṭam || 4 ||
[Analyze grammar]

tataśca kathayāmāsa sarvaṃ teṣāṃ savista ram |
tasya saṃceṣṭitaṃ bhūri lokatrayaprapīḍanam || 5 ||
[Analyze grammar]

atha teṣāṃ mahākopo bhūya evābhyavardhata |
nāradasya vacaḥ śrutvā tādṛglokakathodbhavam || 6 ||
[Analyze grammar]

teṣāṃ kopodbhavo gharmo vaktradvāreṇa niryayau |
yena diṅmaṃḍalaṃ sarvaṃ tatkṣaṇātkaluṣīkṛtam || 7 ||
[Analyze grammar]

etasminnaṃtare tatra kārtikeyaḥ samabhyayāt |
papraccha ca kimetaddhi devānāṃ kopakāraṇam |
yena kāluṣyatāṃ prāptaṃ dikcakraṃ sakalaṃ mune || ca |
nārada uvāca |
eteṣāṃ sāṃprataṃ skanda mayā vārtā niveditā |
trailokyaṃ dānavaiḥ sarvairyathā nītaṃ madotkaṭaiḥ || 9 ||
[Analyze grammar]

strīratnamaśvaratnaṃ vā na kiṃcitkasyacidgṛhe |
te dṛṣṭvā mokṣayaṃti sma durnivāryā madotkaṭāḥ || 10 ||
[Analyze grammar]

tacchrutvā kārtikeyasya viśeṣātsaṃprajāyata |
vaktradvāreṇa devānāṃ yathā kopaḥ samāgataḥ || 11 ||
[Analyze grammar]

etasminnaṃtare jātā tatkopāṃte kumārikā |
sarvalakṣaṇasaṃpannā divyatejo'nvitā śubhā || 12 ||
[Analyze grammar]

kārtikeyasya kopena kope miśre divaukasām |
yasmājjātātra sā kanyā tasmātkātyāyanī smṛtā || 13 ||
[Analyze grammar]

tatastasyā dadau vajramāyudhaṃ tridaśādhipaḥ |
śaktiṃ skandaḥ sutīkṣṇāgrāṃ cāpaṃ devo janārdanaḥ || 14 ||
[Analyze grammar]

triśūlaṃ ca mahādevaḥ pāśaṃ ca varuṇaḥ svayam |
ādityaśca sitānbāṇāṃścaṃdramāścarma cottamam || 15 ||
[Analyze grammar]

nistriṃśaṃ nirṛtistuṣṭa ulmukaṃ ca hutāśanaḥ |
vāyuśca cchurikāṃ tīkṣṇāṃ dhanadaḥ parighaṃ tathā || 16 ||
[Analyze grammar]

daṇḍaṃ pretādhipo raudraṃ vadhāya suravidviṣām |
dvādaśaivaṃ samālokya sā'yudhāni dvijottamāḥ || 17 ||
[Analyze grammar]

kātyāyanī tataścakre bhujadvādaśakaṃ tadā |
jagrāha ca drutaṃ tāni surāstrāṇi divaukasām || 18 ||
[Analyze grammar]

tataḥ provāca tānsarvānsaṃprahṛṣṭatanūruhā |
yadarthaṃ vibudhaśreṣṭhāḥ sṛṣṭā tadbrūta mā ciram || 19 ||
[Analyze grammar]

sarvaṃ kāryaṃ kariṣyāmi yuṣmākaṃ nātra saṃśayaḥ |
devā ūcuḥ |
mahiṣo dānavo raudraḥ samutpanno'tra sāṃpratam || 20 ||
[Analyze grammar]

avadhyaḥ sarvabhūtānāṃ mānuṣāṇāṃ viśeṣataḥ |
muktvaikāṃ yoṣitaṃ tena tvamasmābhirvinirmitā || 21 ||
[Analyze grammar]

tasmāttvaṃ sāṃprataṃ gaccha viṃdhyākhyaṃ parvatottamam |
tapastatra kuruṣvogra tejo yenābhivardhate || 22 ||
[Analyze grammar]

tatastu tejaḥsaṃyuktāṃ tvāṃ jñātvā vayameva hi |
agre dhṛtvā kariṣyāmo yuddhaṃ tena durātmanā || 23 ||
[Analyze grammar]

tatastvacchastranirdagdhaḥ paṃcatvaṃ sa prayāsyati |
vayaṃ ca tridaśaiśvaryaṃ labhiṣyāmo hatadviṣaḥ || 24 ||
[Analyze grammar]