Chapter 115

[English text for this chapter is available]

trijāto brāhmaṇastatra kinnāmā kasya sambhavaḥ |
kiṃgotraścaiva kiṃsaṃjñaḥ kīrtayasva mahāmate || 1 ||
[Analyze grammar]

kiṃ kulīnairguṇāḍhyairvā tejovidyāvicakṣaṇaiḥ |
trijāto'pi varaṃ so'pi svaṃ sthānaṃ yena coddhṛtam || 2 ||
[Analyze grammar]

sūta uvāca || sāṃkṛtyasya munervaṃśe sa saṃbhūto dvijottamaḥ |
prabhāva iti vikhyāto dattasaṃjño nimeḥ sutaḥ || 3 ||
[Analyze grammar]

sa evaṃ sthānamuddhṛtya cakārāyatanaṃ śubham |
trijāteśvaranāmnā ca devadevasya śūlinaḥ || 4 ||
[Analyze grammar]

tamārādhya divā naktaṃ samyakchraddhāsamanvitaḥ |
saśarīro gataḥ svargaṃ tataḥ kālena kenacit || 5 ||
[Analyze grammar]

yastaṃ paśyati sadbhaktyā snāpayedviṣuve sadā |
na trijātaḥ kule tasya kathañcidapi jāyate || 6 ||
[Analyze grammar]

ṛṣaya ūcuḥ |
yāni gotrāṇi naṣṭāni yāni saṃsthāpitāni ca |
nāmatastāni no brūhi tatpuraṃ sūta nandana || 7 ||
[Analyze grammar]

sūta uvāca |
tatropamanyugotrā ye krauṃcagotrasamudbhavāḥ |
kaiśoryaṃ gotrasaṃbhūtāstraivaṇeyā dvijottamaḥ || 8 ||
[Analyze grammar]

te bhūyo'pi na saṃprāptā yathā gotracatuṣṭayam |
tatpūrvakaṃ śukādīnāṃ yannaṣṭaṃ nāgajādbhayāt || 9 ||
[Analyze grammar]

śeṣānvaḥ saṃpravakṣyāmi brāhmaṇāngotrasaṃbhavān |
kauśikānvayasaṃ bhūtāḥ ṣaḍviṃśatiśca te smṛtāḥ || 10 ||
[Analyze grammar]

kaśyapānvayasaṃbhūtāḥ saptāśītirdvijottamāḥ |
lakṣmaṇānvayasaṃbhūtā ekaviṃśatirāgatāḥ || 11 ||
[Analyze grammar]

tatra naṣṭāḥ punaḥ prāptāstasminsthāne suduḥkhitāḥ |
bhāradvājāstrayaḥ prāptāḥ kauṃḍanīyāścaturdaśa || 12 ||
[Analyze grammar]

raitikānāṃ tathā viṃśatpārāśaryāṣṭakaṃ tathā |
gargāṇāṃ ca dviviṃśaṃ ca hārītānāṃ viviṃśatiḥ || 13 ||
[Analyze grammar]

aurvabhārgavagotrāṇāṃ pañcaviṃśadudāhṛtāḥ |
gautamānāṃ ca ṣaḍviṃśamālūbhāyanaviṃśatiḥ || 14 ||
[Analyze grammar]

māṃḍavyānāṃ triviṃśacca bahvṛcānāṃ triviṃśatiḥ |
sāṃkṛtyānāṃ viśiṣṭānāṃ pṛthaktvena daśaiva tu || 15 ||
[Analyze grammar]

tathaivāṃgirasānāṃ ca paṃca caiva prakīrtitāḥ |
ātreyā daśa saṃkhyātāḥ śuklātreyāstathaiva ca || 16 ||
[Analyze grammar]

vātsyāḥ pañca samākhyātāḥ kautsāśca nava sapta vai |
śāṃḍilyā bhārgavāḥ pañca maudgalyā viṃśatiḥ smṛtāḥ || 7 ||
[Analyze grammar]

baudhāyanāḥ kauśalāśca triṃśanmātrāḥ prakīrtitāḥ |
atharvāḥ paṃcapaṃcāśanmaunasāḥ saptasaptatiḥ || 8 ||
[Analyze grammar]

yājuṣāstriṃśatiḥ khyātāścyāvanāḥ sapta viṃśatiḥ |
āgastyāśca trayastriṃśajjaimineyā daśaiva tu || 19 ||
[Analyze grammar]

naivṛtāḥ paṃcapaṃcāśatpāṭhīnāḥ saptatirdvijāḥ |
gobhilāścāpi kākvāśca paṃcapaṃca dvijāḥ smṛtāḥ || 2 ||
[Analyze grammar]

auśanasāśca dāśārhāstrayastraya udāhṛtāḥ |
lokākhyānāṃ tathā ṣaṣṭiraiṇiśānāṃ dvisaptatiḥ || 21 ||
[Analyze grammar]

kāpiṣṭhalāḥ śārkarākhyā dattākhyāḥ saptasaptatiḥ |
śārkavānāṃ śataṃ proktaṃ dārjyānāṃ saptasaptatiḥ || 22 ||
[Analyze grammar]

kātyāyanyāstrayo'dhiṣṭhā vaidiśāśca trayaḥ smṛtāḥ |
kṛṣṇātreyāstathā paṃca dattātreyā stathaiva ca || 23 ||
[Analyze grammar]

nārāyaṇāḥ śaunakeyā jābālāḥ śatasaṃkhyayā |
gopālā jāmadanyāśca śālihotrāśca karṇikāḥ || 24 ||
[Analyze grammar]

bhāgurāyaṇakāścaiva mātṛkāstraiṇavāstathā |
sarve te brāhmaṇaśreṣṭhāḥ krameṇa dvijasattamāḥ || 25 ||
[Analyze grammar]

eteṣāmeva sarveṣāṃ satkārāya dvijotamāḥ |
catvāriṃśattathāṣṭau ca purā proktāḥ svayaṃbhuvā || 26 ||
[Analyze grammar]

te sarve ca pṛthaktvena nirdiṣṭāḥ padmayoninā |
saṃdhyātarpaṇakṛtyāni vaiśvadevodbhavāni ca |
śrāddhāni pakṣakṛtyāni pitṛpiṃḍāṃstathaiva ca || 27 ||
[Analyze grammar]

yajñopavītasaṃyuktāḥ pravarāścaiva kṛtsnaśaḥ |
tathā mauṃjīviśeṣāśca śikhābhedāḥ prakīrtitāḥ || 28 ||
[Analyze grammar]

trijātena samārādhya devadevaṃ pitāmaham |
teṣāṃ kṛtvā dvijedrāṇāmātmakīrtikṛte tadā || 29 ||
[Analyze grammar]

ṛṣaya ūcuḥ |
kathaṃ santoṣito brahmā trijātena mahātmanā |
karmakāṃḍaṃ kathaṃ bhinnaṃ kṛtaṃ tena mahātmanā |
sarvaṃ vistarato brūhi paraṃ kautūhalaṃ hi naḥ || 30 ||
[Analyze grammar]

sūta uvāca |
tasyārthe brāhmaṇaiḥ sarvaistoṣitaḥ prapitāmahaḥ |
anenaivoddhṛtaṃ sthānamasmākaṃ sakalaṃ vibho || 31 ||
[Analyze grammar]

tasmādasya vibho yaccha vedajñānamanutamam |
yena karmaviśeṣāśca jāyate'tra purottame || 32 ||
[Analyze grammar]

etasya ca gurutvaṃ ca prasādāttava padmaja |
yathā bhavati deveśa tayā nītirvidhīyatām || 33 ||
[Analyze grammar]

brahmā dadau tatastasya maṃtragrāmamanuttamam |
yena vijñāyate sarvaṃ vedārtho yajñakarma ca || 34 ||
[Analyze grammar]

tataḥ provāca tānsarvānprahaṣṭenātarātmanā |
eṣa vedārthasaṃpanno bhaviṣyati mahāyaśāḥ || 35 ||
[Analyze grammar]

bhartṛyajña iti khyāto yajñakarmavicakṣaṇaḥ |
yadeva vakti yuṣmākaṃ kriyākāṃḍamaśaṃkitaiḥ || 3 ||
[Analyze grammar]

tatkāryaṃ svargamokṣāya mama vākyātprabodhitaiḥ |
vedārthāneṣa sarveṣāṃ yuṣmākaṃ yojayiṣyati || 37 ||
[Analyze grammar]

ye cānyeṣu ca deśeṣu sthāneṣu ca gatāḥ kvacit |
etatsthānaṃ parityajya satyametadvijottamāḥ || 38 ||
[Analyze grammar]

vedasthāne ca buddhyaiṣa yatkarma pracariṣyati |
nānṛte vātha pāpe ca vāṇī cāsya cariṣyati || 39 ||
[Analyze grammar]

evamuktvā sa deveśo virarāma pitāmahaḥ |
bhartṛyajño'pi tāḥ sarvāścakre yajñakriyāḥ śubhāḥ || 40 ||
[Analyze grammar]

brāhmaṇānāṃ hitārthāya śrutyarthaṃ tasya kevalam |
daśapramāṇāḥ saṃproktāḥ sarve te brāhmaṇottamāḥ || 41 ||
[Analyze grammar]

catuḥṣaṣṭiṣu gotreṣu hyevaṃ te brāhmaṇottamāḥ |
tena tatra samānītāstrijātena mahātmanā || 42 ||
[Analyze grammar]

teṣāmekatra jātāni daśapaṃcaśatāni ca |
sāmānya bhogamokṣāṇi tāni tena kṛtāni ca || 43 ||
[Analyze grammar]

aṣṭaṣaṣṭivibhāgena pūrvamāyuvyayodbhavam |
tatrāsīdatha gotre ca puruṣāṇāṃ prasaṃkhyayā || 44 ||
[Analyze grammar]

tataḥ prabhṛti sarveṣāṃ sāmānyena vyavasthitam |
trijātasya ca vākyena yena dūrādapi drutam || 45 ||
[Analyze grammar]

samāgacchaṃti viprendrāḥ puravṛddhiḥ prajāyate |
na kaścidyāti saṃtyaktvā dausthyādanyatra ca dvijāḥ || 46 ||
[Analyze grammar]

tatasteṣāṃ sutaiḥ pautrairnaptṛbhiśca sahasraśaḥ |
dauhitrairbhāgineyaiśca bhūyo bhūri prapūritam || 47 ||
[Analyze grammar]

tatpuraṃ vṛddhimāyāti dūrvāṃkurairiva dvijāḥ |
kāṃḍātkāṃḍātprarohadbhiḥ saṃkhyāhīnairanekadhā || 48 ||
[Analyze grammar]

sūta uvāca |
etadvaḥ sarvamākhyātaṃ gotrasaṃkhyānakaṃ śubham |
ṛṣīṇāṃ kīrtanaṃ cāpi sarvapātakanāśanam || 49 ||
[Analyze grammar]

yaścaitatpaṭhate nityaṃ śṛṇuyādvā prabhaktitaḥ |
na syāttasya kulacchedaḥ kadācidapi bhūtale || 50 ||
[Analyze grammar]

tathā vimucyate pāpairājanmamaraṇodbhavaiḥ |
na paśyati viyogaṃ ca kadācitpriyasaṃbhavam || 51 ||
[Analyze grammar]