Chapter 116

[English text for this chapter is available]

sūtauvāca |
tathānyāpi ca tatrāsti suvikhyātāmbarevatī |
devī kāmapradā puṃsāṃ bālakānāṃ sukhapradā || 1 ||
[Analyze grammar]

yāṃ dṛṣṭvā pūjayitvā'tha caitrāṣṭamyāṃ viśeṣataḥ |
śuklāyāṃ nāpnuyānmartyaḥ kuṭumbavyasanaṃ kvacit || 2 ||
[Analyze grammar]

ṛṣaya ūcuḥ |
kena vā sthāpitā tatra sā devī cāmbarevatī |
kiṃprabhāvā kiṃsvarūpā sūtaputra vadasva naḥ || 3 ||
[Analyze grammar]

sūta uvāca |
yadā śeṣeṇa saṃdiṣṭā nānānāgā viṣolbaṇāḥ |
purasyāsya vināśāya krodhasaṃraktalocanāḥ |
tadā tasya priyā sā ca putraśokenapīḍitā || 4 ||
[Analyze grammar]

svayamevāgrato gatvā bhakṣayāmāsa taṃ dvijam |
kuṭumbena samāyuktaṃ yena putro nipātitaḥ || 5 ||
[Analyze grammar]

atha tasya dvijendrasya bālavaidhavyasaṃyutā |
anujā'sīttapoyuktā brahmacaryakṛtakṣaṇā || 6 ||
[Analyze grammar]

sā dṛṣṭvā bhakṣitaṃ sarvaṃ bhaṭṭikākhyā kuṭumbakam |
nāga patnyā tataḥ prāha jalamādāya pāṇinā || 7 ||
[Analyze grammar]

yasmāttvayā kuṭumbaṃ me nāśaṃ nītaṃ dvijihvake |
darśitaṃ ca mahadduḥkhaṃ mama bandhujanodbhavam || 8 ||
[Analyze grammar]

tathā tvamapi saṃprāpya mānuṣatvaṃ sugarhitam |
mānuṣaṃ patimāsādya putrapautrānavāpya ca || 9 ||
[Analyze grammar]

teṣāṃ vināśajaṃ duḥkhaṃ mā nuṣe tvamavāpsyasi |
nāgatve vartamānāyāḥ śāpaṃ te'muṃ dadāmyaham || 10 ||
[Analyze grammar]

sā'pi śrutvā'tha taṃ śāpaṃ revatī bhaṭṭikodbhavam |
krodhena mahatāviṣṭā hyadaśattāṃ drutaṃ tataḥ || 11 ||
[Analyze grammar]

atha tasyāstanuṃ prāpya nāgīdaṃṣṭrā viṣolbaṇā |
jagāma śatadhā nāśaṃ bibhide na tvacaṃ kvacit || 12 ||
[Analyze grammar]

tataḥ sā lajjayāviṣṭā svaraktaplāvitānanā |
viṣaṇṇā niṣasādātha saṃniviṣṭā dharātale || 13 ||
[Analyze grammar]

etasminnaṃtare nāgāstathānye ye samāgatāḥ |
revatīṃ te samālokya tathārūpāṃ bhayānvitām |
procuśca kimidaṃ devi tava vaktre rujāspadam || 14 ||
[Analyze grammar]

athavā kiṃ prabhāvo'yaṃ kasyacidraktasaṃpadaḥ || 15 ||
[Analyze grammar]

revatyuvāca |
yeyaṃ duṣṭatamā kāciddṛśyate duṣṭatāpasī |
asyā jāto vikāro'yaṃ mamāsye nāgasattamāḥ || 16 ||
[Analyze grammar]

tasmādenāṃ mahā duṣṭāṃ bhaginīṃ tasya durmateḥ |
yena me nihataḥ putro dvijaputreṇa sāṃpratam || 17 ||
[Analyze grammar]

bhakṣyatāṃ bhakṣyatāṃ śīghraṃ mama nāśāya saṃsthitām |
sāṃprataṃ manmukhe tenaṃ rudhiraṃ pannagottamāḥ || 18 ||
[Analyze grammar]

atha te pannagāḥ kruddhā dadaṃśustāṃ tapasvinīm |
samaṃ sarveṣu gātreṣu yathānyā prākṛtā striyam || 19 ||
[Analyze grammar]

tatasteṣāmapi tathā mukhāddaṃṣṭrā vinirgatāḥ |
rudhiraṃ ca tato jajñe śeṣapatnyā yathā tathā || 20 ||
[Analyze grammar]

atha tasyāḥ prabhāvaṃ taṃ dṛṣṭvā te nāgasattamāḥ |
śeṣā bhaya paritrastāḥ prajagmuśca diśo daśa || 21 ||
[Analyze grammar]

bhaṭṭikāpi jagāmāśu svāśramaṃ prati duḥkhitā |
bhayatrastaiḥ samaṃtācca vīkṣyamāṇā mahoragaiḥ || 22 ||
[Analyze grammar]

tataḥ sarvaṃ samālokya tāpyamānaṃ mahoragaiḥ |
tatsthānaṃ svajanairmuktaṃ duḥkhena mahatānvitaiḥ || 23 ||
[Analyze grammar]

jagāmānyatra sā sādhvī samyagvrataparāyaṇā |
tīrtha yātrāṃ prakurvāṇā paribabhrāma medinīm || 24 ||
[Analyze grammar]

evamudvāsite sthāne tasminsā revatī tadā |
smṛtvā taṃ bhaṭṭikāśāpaṃ duḥkhena mahatā'nvitā || 25 ||
[Analyze grammar]

kathaṃ me mānuṣīgarbhe śāpādvāso bhaviṣyati |
mānuṣyeṇa ca kāṃtena prabhaviṣyati saṃgamaḥ || 26 ||
[Analyze grammar]

naitatputrodbhavaṃ duḥkhaṃ tathā māṃ bādhate hradi |
yathedaṃ mānuṣe garbhe saṃvāso mānuṣaṃ prati || 27 ||
[Analyze grammar]

tathā daśanasaṃtyaktā kathaṃ bhartuḥ svamānanam |
darśayiṣyāmi bhūyo'pi kṣate kṣāro'tra me sthitaḥ || 28 ||
[Analyze grammar]

tasmātparicariṣyāmi kṣetre'traiva vyavasthitā |
kiṃ kariṣyāmi saṃprāpya gṛhaṃ putraṃ vinākṛtā || 29 ||
[Analyze grammar]

tataścārādhayāmāsa samyakchraddhāsamanvitā |
aṃbikāṃ sā tadā devīṃ sthāpayitvā sureśvarīm || 30 ||
[Analyze grammar]

gandhapuṣpopahāreṇa naivedyairvividhairapi |
gītanṛtyaistathā vādyairmanohāribhireva ca || 31 ||
[Analyze grammar]

tataḥ katipayāhasya tastāstuṣṭā sureśvarī |
provāca varadā'smīti prārthayasva hṛdi sthitam || 32 ||
[Analyze grammar]

revatyuvāca |
ahaṃ śaptā purā devi brāhmaṇyā kāraṇāṃtare |
yattvaṃ mānuṣamāsādya svayaṃ bhūtvā ca mānuṣī || 33 ||
[Analyze grammar]

tataḥ saṃprāpsyasi phalaṃ teṣāṃ nāśasamudravam |
mahadduḥkhaṃ svaputrotthaṃ mama śāpena pīḍitā || 34 ||
[Analyze grammar]

tathā mama mukhāddaṃṣṭrā saṃnītāśca sureśvari |
teṣāṃ ca saṃbhavastāvatkathaṃ syāttvatprabhāvataḥ || 35 ||
[Analyze grammar]

bhavaṃtu tanayā naśca tathā vaṃśavivardhanāḥ |
etanme vāṃchitaṃ devi nānyatsaṃprārthayāmyaham || 36 ||
[Analyze grammar]

devyuvāca || |
nātra vāsastvayā kāryaḥ kathaṃcidapi śobhane |
manuṣyagarbhasaṃvāso bharttā ca bhavitā naraḥ || 37 ||
[Analyze grammar]

tasmācchṛṇuṣva me vākyaṃ yattvāṃ vakṣyāmi sāṃpratam |
duḥkhanāśakaraṃ tubhyaṃ satyaṃ ca varavarṇini || 38 ||
[Analyze grammar]

utpatsyati na saṃdeho devakāryaprasiddhaye |
tava bharttā triloke'sminkṛtvā mānuṣavigraham || 39 ||
[Analyze grammar]

takṣakākhyastathā nāgo dvijaśāpa vaśācchubhe |
saurāṣṭraviṣaye rājā raivatākhyo bhaviṣyati || 4 ||
[Analyze grammar]

tasya kṣemakarī bhāryā nāmavaṃśasamudbhavā |
bhaviṣyati na saṃdeho viśiṣṭā vipraśāpataḥ || 4 ||
[Analyze grammar]

tasyā garbhaṃ samāsādya tvaṃ janma samavāpsyasi |
rāmarūpasya śeṣasya punarbhāryā bhaviṣyasi || 42 ||
[Analyze grammar]

tasmāttvaṃ devi mā śokaṃ kārye'sminkuru śobhane |
tena mānuṣaje garbhe saṃbhūtiḥ saṃbhaviṣyati || 43 ||
[Analyze grammar]

tatra paśyasi yannāśaṃ svakuṭumbasamudbhavam |
hitāya tadavasthāyāstadbhaviṣyatyasaṃśayam || 44 ||
[Analyze grammar]

tataḥ paraṃ yugaṃ pāpaṃ yato bhīru bhaviṣyati |
tadūrdhvaṃ martyadharmāṇo mlecchāḥ sthāsyaṃti sarvataḥ || 45 ||
[Analyze grammar]

tataḥ svarganivāsārthaṃ bhagavāndevakīsutaḥ |
saṃhartā svakulaṃ sarvaṃ svayameva na saṃśayaḥ || 46 ||
[Analyze grammar]

bhaviṣyaṃti punardaṃṣṭrāstava vaktre manoramāḥ |
tasmāttvaṃ gaccha pātālaṃ svabharttā yatra tiṣṭhati || 47 ||
[Analyze grammar]

anyaccāpi yadiṣṭaṃ te kiṃciccitte vyavasthitam |
tatkīrtayasva kalyāṇi mahāṃstoṣo mama sthitaḥ || 48 ||
[Analyze grammar]

revatyu vāca |
sthāne stheyaṃ sadā'traiva mama nāmnā sureśvari |
yena me jāyate kīrtistrailokye sacarācare || 49 ||
[Analyze grammar]

tathā'haṃ nāgalokācca caturdaśyaṣṭamīṣu ca |
sadā tvāṃ pūjayiṣyāmi viśeṣānnavamīdine || 50 ||
[Analyze grammar]

āśvinasya site pakṣe sarvairnāgaiḥ samanvitā |
prapūjāṃ te vidhāsyāmi śraddhayā parayā yutā || 51 ||
[Analyze grammar]

tasminnahani ye'nye'pi pūjāṃ dāsyaṃti te narāḥ |
mā paśyaṃtu prasādātte narāste vallabhakṣayam || 52 ||
[Analyze grammar]

devyuvāca |
evaṃ bhadre kariṣyāmi vāso me'tra bhaviṣyati |
tvannāmnā pūjakānāṃ ca śreyo dāsyāmi te sadā |
mahānavamije cāhni viśeṣeṇa śucismite || 53 ||
[Analyze grammar]

sūta uvāca |
evamuktā tayā sā'tha revatī śeṣavallabhā |
jagāma svagṛhaṃ paścāddharṣeṇa mahatānvitā || 54 ||
[Analyze grammar]

tataḥprabhṛti sā devī tasminkṣetre vyavasthitā |
tannāmnā kāmadā nṛṇāṃ sarvavyasananāśinī || 55 ||
[Analyze grammar]

aṃbā sā kīrtyate durgā revatī soragapriyā |
tataḥ saṃkīrtyate loke bhūtale cāṃbarevatī || 56 ||
[Analyze grammar]

yastāṃ śraddhāsamopetaḥ śucirbhūtvā prapūjayet |
navamyāmāśvine māsi śuklapakṣe samāhitaḥ |
na sa saṃvatsaraṃ yāvadvyasanaṃ svakulo dbhavam || 57 ||
[Analyze grammar]

dṛṣṭvāgre chidrakaṃ vyālayuktaṃ doṣairvimucyate |
grahabhūtapiśācotthaistathānyairapi cāpadaiḥ || 58 ||
[Analyze grammar]