Chapter 86

[English text for this chapter is available]

sūta uvāca |
athānyāpi ca tatrāsti saptaviṃśatikā tathā |
nakṣatraiḥ sthāpitā devī vāṃchitasya pradāyinī || 1 ||
[Analyze grammar]

dakṣasya tanayā pūrvaṃ saptaviṃśatisaṃkhyayā |
udvāhitā hi somena pūrvaṃ brāhmaṇasattamāḥ || 2 ||
[Analyze grammar]

tāsāṃ madhye 'bhavaccaikā rohiṇī tasya vallabhā |
prāṇebhyo'pi sadāsaktastayā sārdhaṃ sa tiṣṭhati || 3 ||
[Analyze grammar]

tato daurbhāgyasaṃtaptāḥ sarvā stā dakṣakanyakāḥ |
vairāgyaṃ paramaṃ gatvā kṣetre'smiṃstapasi sthitāḥ || 4 ||
[Analyze grammar]

saṃsthāpya devatāṃ durgāṃ śraddhayā parayā yutāḥ |
balipūjopahāraistāṃ pūjayaṃtyaḥ sureśvarīm || 5 ||
[Analyze grammar]

tataḥ kālena mahatā tāsāṃ sā tuṣṭimabhyagāt |
abravīcca pratuṣṭo'haṃ varaṃ dāsyāmi putrikāḥ || 6 ||
[Analyze grammar]

tasmāttatprārthyatāṃ citte yadyuṣmākaṃ vyavasthitam |
sarvaṃ dāsyāmyasaṃdigdhaṃ yadyuṣmākaṃ hṛdi sthitam || 7 ||
[Analyze grammar]

tataḥ procuśca tāḥ sarvāḥ prasādāttava vāṃchitam |
asmākaṃ vidyate devi yāvattrailokyasaṃsthitam || 8 ||
[Analyze grammar]

ekaṃ patyuḥ sukhaṃ muktvā yatsaubhāgyasamudbhavam |
tasmāttaddehi cāsmākaṃ yadi tuṣṭāsi caṃḍike || 9 ||
[Analyze grammar]

vayaṃ daurbhāgyadoṣeṇa sarvāḥ kleśaṃ paraṃ gatāḥ |
na śaknumaḥ priyānprāṇāndehe dhartuṃ kathaṃcana || 10 ||
[Analyze grammar]

śrīdevyuvāca |
adyaprabhṛti yuṣmākaṃ saubhāgyaṃ patisaṃbhavam |
matprasādādasaṃdigdhaṃ bhaviṣyati sukhodayam || 11 ||
[Analyze grammar]

anyāpi yā patityaktā strī māmatra sthitāṃ sadā |
pūjayiṣyati sadbhaktayā caturdaśyāmupoṣitā || 12 ||
[Analyze grammar]

sā bhaviṣyati saubhāgyayu्ktā putravatī satī |
yāvatsaṃvatsaraṃ tāvadekabhaktaparāyaṇā || 13 ||
[Analyze grammar]

akṣāralavaṇāśā yā nārī māṃ pūjayiṣyati |
na tasyāḥ patijaṃ duḥkhaṃ daurbhāgyaṃ vā bhaviṣyati || 14 ||
[Analyze grammar]

āśvinasya site pakṣe saṃprāpte navamīdine |
upavāsaparā yā māṃ niśīthe pūjayiṣyati |
tasyāḥ saubhāgyamatyugraṃ sarvadā vai bhaviṣyati || 15 ||
[Analyze grammar]

evamuktvā tu sā devī virarāma dvijottamāḥ |
tāśca sarvāḥ susaṃhṛṣṭā jagmurdakṣasya maṃdiram || 16 ||
[Analyze grammar]

etasminnaṃtare dakṣa āhūtaḥ śūlapāṇinā |
proktaḥ kasmāttvayā candro yakṣmaṇā saṃniyojitaḥ |
tadayuktaṃ kṛtaṃ dakṣa jāmātā'yaṃ yatastava || 17 ||
[Analyze grammar]

dakṣa uvāca |
anena tanayā mahyamaṣṭāviṃśatisaṃkhyayā |
ūḍhā akhaṇḍacāritrāstāstyaktā doṣavarjitāḥ |
muktvaikāṃ rohiṇīṃ deva niṣiddhena mayā'sakṛt || 18 ||
[Analyze grammar]

tato mayā'tikopena niyukto rājayakṣmaṇā |
asatyajalpako mandaḥ kāmadevavaśaṃ gataḥ || 19 ||
[Analyze grammar]

śrībhagavānuvāca |
adyaprabhṛti sarvāsāṃ samaṃ sa pracariṣyati |
madvākyānnātra saṃdehaḥ satyametanmayoditam || 20 ||
[Analyze grammar]

tvayāpi yadvacaḥ proktamasatyaṃ syānna tatkvacit |
tasmādeṣa kṣayaṃ pakṣaṃ vṛddhiṃ pakṣaṃ prayāsyati || 21 ||
[Analyze grammar]

dakṣo'pi bāḍhamityeva tatproktvā ca yayau gṛham |
caṃdrastu dakṣakanyāstāḥ samaṃ paśyati sarvadā || 22 ||
[Analyze grammar]

gacchamānaḥ kṣayaṃ pakṣaṃ vṛddhiṃ pakṣaṃ ca saddvijāḥ |
sāpi devī tataḥ proktā saptaviṃśatikā kṣitau |
sarvasaubhāgyadā strīṇāṃ tasminkṣetre vyavasthitā || 23 ||
[Analyze grammar]

yaścaitatpuratastasyāḥ saṃprāpte cāṣṭamīdine |
śucirbhūtvā paṭhedbhaktyā sa saubhāgyamavāpnuyāt || 24 ||
[Analyze grammar]