Chapter 68

[English text for this chapter is available]

| sūta uvāca |
atha te śabarā yatnādraktaṃ taddhaihayodbhavam |
tatra ninyuḥ sthitā yatra gartā sā pitṛsaṃbhavā || 1 ||
[Analyze grammar]

bhārgavo'pi ca taṃ hatvā raktamādāya kṛtsnaśaḥ |
tataḥ saṃpreṣayāmāsa yatra gartā'tha paitṛkī || 2 ||
[Analyze grammar]

na sa bālaṃ na vṛddhaṃ ca parityajati bhārgavaḥ |
yauvanasthaṃ viśeṣeṇa garbhasthaṃ vātha kṣatriyam || 3 ||
[Analyze grammar]

svayaṃ jaghāna bhūpānsa teṣāṃ pārśve tathā parān |
vidhvaṃsāyayati kruddhaḥ sainikaiśca samantataḥ || 4 ||
[Analyze grammar]

tathaivāsṛkpragṛhṇāti gṛhṇāpayati cādarāt |
teṣāṃ pārśvaistatastūrṇaṃ preṣayāmāsa tatra ca || 5 ||
[Analyze grammar]

evaṃ niḥkṣatriyāṃ kṛtvā kṛtsnāṃ pṛthvīṃ bhṛgadvahaḥ |
hāṭakeśvaraje kṣetre jagāma tadanantaram || 6 ||
[Analyze grammar]

tatastai rudhiraiḥ snātvā samādāya tilānbahūn |
apasavyaṃ samādhāya pracakre pitṛtarpaṇam || 7 ||
[Analyze grammar]

pratyakṣaṃ sarvaviprāṇāṃ tathānyeṣāṃ tapasvinām |
pratijñāṃ pūrayitvā'tha viśokaḥ sa babhūva ha || 8 ||
[Analyze grammar]

tato niḥkṣatriye loke kṛtvā hayamakhaṃ ca saḥ |
prāyacchatsakalāmurvīṃ brāhmaṇebhyaśca dakṣiṇām || 9 ||
[Analyze grammar]

atha labdhavarā viprāstamūcurbhṛgusattamam |
nāsmadbhūmau tvayā stheyameko rājā yataḥ smṛtaḥ || 10 ||
[Analyze grammar]

so'pi bāḍhamiti procya harṣeṇa mahatānvitaḥ |
mahīparyaṃtamāsādya provācātha nadīpatim || |
āropya sumahaccāpamāgneyāstraṃ prayujya ca |
triśikhāṃ bhrukuṭīṃ kṛtvā kopena mahatānvitaḥ || 2 ||
[Analyze grammar]

rāma uvāca |
mayā niḥkṣatriyā bhūmiḥ kṛtā śailavanānvitā |
brāhmaṇebhyastato dattā vājimedhe mahāmakhe || 3 ||
[Analyze grammar]

tasmāttvaṃ dehi me sthānaṃ kṛtvā'pasaraṇaṃ svayam |
na hi dattvā grahī ṣyāmi viprebhyo medinīṃ punaḥ || 14 ||
[Analyze grammar]

na karoṣyathavā vākyaṃ mamādya tvaṃ nadīpate |
sthalarūpaṃ kariṣyāmi vahnyastrapariśoṣitam || 15 ||
[Analyze grammar]

sūta uvāca |
tasya tadvacanaṃ śrutvā samudro bhayasaṃkulaḥ |
apasāraṃ tataścakre yāvattasyābhivāṃchitam || 16 ||
[Analyze grammar]

tataścakāra tatraiva vasatiṃ sa bhṛgūdvahaḥ |
tapaścaryāsamāyuktaḥ piturvadhamanusmaran || 7 ||
[Analyze grammar]

tataḥ sarvānpulindāṃśca śavarānmedasaṃyutān |
bhūmyante dhārayāmāsa parvateṣu sa bhārgavaḥ || 8 ||
[Analyze grammar]