Chapter 69

[English text for this chapter is available]

| sūta uvāca |
tato niḥkṣatriye loke kṣattriṇyo vaṃśakāraṇāt |
kṣetrajānbrāhmaṇebhyaśca suṣuvustanayā nvarān || |
te vṛddhiṃ ca samāsādya kṣetrajāḥ kṣatriyopamāḥ |
jagṛhurmedinīṃ vīryātsaṃnirasya dvijottamān || 2 ||
[Analyze grammar]

tataste brāhmaṇāḥ sarve paribhūtipadaṃ gatāḥ |
procurbhārgavamabhyetya duḥkhena mahatānvitāḥ || 3 ||
[Analyze grammar]

rāmarāma mahābāho yā tvayā vasudhā ca naḥ |
vājimedhe makhe dattā kṣatriyaiḥ sā hatā balāt |
tasmānno dehi tāṃ bhūyo hatvā tānkṣatriyādhamān |
kuru śreyo'bhivṛddhiṃ tāṃ yadyasti tava pauruṣam || 5 ||
[Analyze grammar]

tato rāmaḥ krudhāviṣṭo bhūyastaiḥ śavaraiḥ saha |
pulindairmedakaiścaiva kṣatriyāṃtāya niryayau || 6 ||
[Analyze grammar]

tatraiva kṣatriyānhatvā raktamādāya tadbahu |
tāṃ gartāṃ pūrayāmāsa cakāra pitṛtarpaṇam || 7 ||
[Analyze grammar]

pradadau brāhmaṇebhyaśca vājimedhe dharāṃ punaḥ |
taiśca nirvāsitastatra jagāmodadhisaṃnidhau || 8 ||
[Analyze grammar]

evaṃ tena kṛtā pṛthvī sarvakṣattravivarjitā |
triḥsaptavāraṃ vipreṃdrā dvijebhyaśca niveditā || 9 ||
[Analyze grammar]

tarpitāḥ pitaraścaiva rudhireṇa mahātmanā |
pratijñā pālitā tasmādvikopaśca babhūva saḥ || 10 ||
[Analyze grammar]

ekaviṃśatime prāpte tataśca pitṛtarpaṇe |
aśarīrā'bhavadvāṇī khasthā pitṛsamudbhavā || 11 ||
[Analyze grammar]

rāmarāma mahābhāga tyajaitatkarma garhitam |
vayaṃ te tuṣṭimāpannāḥ svavākyaparipāla nāt || 12 ||
[Analyze grammar]

yattvayā vihitaṃ karma naitadanyaḥ kariṣyati |
na kṛtaṃ kenacitpūrvaṃ pitṛvairasamudbhavam || 13 ||
[Analyze grammar]

tasmāttuṣṭā vayaṃ vatsa dāsyāmaścitta vāṃchitam |
prārthayasva drutaṃ tasmāddurlabhaṃ tridaśairapi || 14 ||
[Analyze grammar]

rāma uvāca |
pitaro yadi tuṣṭā me yacchaṃti yadi vāṃchitam |
tasmāttīrthamidaṃ puṇyaṃ mannāmnā lokaviśrutam |
raktadoṣavinirmuktaṃ sevitaṃ varatāpasaiḥ || 15 ||
[Analyze grammar]

pitara ūcuḥ |
pitṛtarpaṇajā gartā tvayā yeyaṃ vinirmitā |
rāmahrada iti khyātiṃ prayāsyati jagattraye || 16 ||
[Analyze grammar]

yatra bhaktiyutā lokāstarpayiṣyaṃti vai pitṝn |
te'śvamedhaphalaṃ prāpya prayāsyaṃti parāṃ gatim || 17 ||
[Analyze grammar]

kṛṣṇapakṣe caturdaśyāṃ māsi bhādrapade naraḥ |
kariṣyati ca yaḥ śrāddhaṃ bhaktyā śastrahatasya ca || 18 ||
[Analyze grammar]

api pretatvamāpannaṃ narake vā samāśritam |
uddhariṣyati sa pretamapi pāpasamanvitam || 19 ||
[Analyze grammar]

sūta uvāca |
evamuktvā tu rāmaṃ te viremustadanaṃtaram |
rāmo'pi ca tapastepe tatraiva krodhavarjitaḥ || 20 ||
[Analyze grammar]

tasmātsarvaprayatnena tatra śastrahatasya ca |
tasmindine prakartavyaṃ śrāddhaṃ śraddhāsamanvitaiḥ || 21 ||
[Analyze grammar]

upasarga mṛtānāṃ ca sarpāgniviṣabandhanaiḥ |
tatra muktipradaṃ śrāddhaṃ dine tasminnudāhṛtam || 22 ||
[Analyze grammar]

yaḥ pitṝṃstarpayettatra pretapakṣe jalairapi |
sa teṣāmanṛṇo bhūtvā pitṛloke mahīyate || 23 ||
[Analyze grammar]

etadvaḥ sarvamākhyātaṃ rāmahradasamudbhavam |
māhātmyaṃ brāhmaṇaśreṣṭhāḥ sarvapātakanāśanam || 24 ||
[Analyze grammar]

śrāddhakāle naro bhaktyā yaścaitatpaṭhati svayam |
sa gayāśrāddhajaṃ kṛtsnaṃ phalamāpnotyasaṃśayam || 25 ||
[Analyze grammar]

parvakāle 'thavā prāpte paṭhedbrāhmaṇasaṃnidhau |
pitṛmedhasya yajñasya sa phalaṃ labhate 'khilam || 26 ||
[Analyze grammar]

śṛṇuyādvāpi yo bhaktyā kīrtyamānamidaṃ naraḥ |
sautrāmaṇau kṛte kṛtsnaṃ phalamāpnotyasaṃśayam || 27 ||
[Analyze grammar]