Chapter 67

[English text for this chapter is available]

| sūta uvāca |
etasminnaṃtare prāpto rāmo bhrātṛbhiranvitaḥ |
phalāni kandamūlāni gṛhītvā'śramasammukhaḥ || 1 ||
[Analyze grammar]

sa dṛṣṭvā svāśramaṃ dhvastaṃ pulindairbahuśo vṛtam |
lakuṭāśmaprahāraistu tāṃ dhenuṃ jarjarīkṛtām || 2 ||
[Analyze grammar]

papraccha kimidaṃ sarvaṃ vyākulatvamupāgatam |
āśramāspadamābhīraiḥ pulindaiśca samāvṛtam || 3 ||
[Analyze grammar]

kenaiṣā māmikā dhenuḥ prahārairjarjarīkṛtā |
tāpasyastāpasāḥ sarve kasmādete rudanti ca || 4 ||
[Analyze grammar]

kva sa me'dya pitā vṛddho mātā ca sutavatsalā |
na māmadya yathāpūrvaṃ snehāccāyāti sammukhī || 5 ||
[Analyze grammar]

atha tasya samācakhyurvṛttāṃtaṃ sarvatāpasāḥ |
yathādṛṣṭaṃ suduḥkhārtā sahasrārjunaceṣṭitam || 6 ||
[Analyze grammar]

tataste bhrātaraḥ sarve vajrapātopamaṃ vacaḥ |
śrutvā dṛṣṭvā ca taṃ śastraiḥ khaṃḍitaṃ janakaṃ nijam || 7 ||
[Analyze grammar]

mātaraṃ kṣatasarvāṅgīṃ prāṇaśeṣāṃ vyathānvitām |
ruruduḥ śokasantaptā muktvā rāmaṃ mahābalam || 8 ||
[Analyze grammar]

ruditvātha ciraṃ kālaṃ vipralapya muhurmuhuḥ |
antyeṣṭiṃ cakrire tasya vedoktavidhinā tataḥ || 9 ||
[Analyze grammar]

atha dāhāvasāne te kṛtvā gartāṃ yathocitām |
muktvā rāmaṃ dadustoyaṃ pituḥ putrāstilānvitam || 10 ||
[Analyze grammar]

athānyaistāpasaiḥ prokto rāmaḥ śastrabhṛtāṃ varaḥ |
na prayacchasi kasmāttvaṃ pretapitre jalāṃjalim || 11 ||
[Analyze grammar]

athāsau bahudhā pro ktastāpasairjamadagnijaḥ |
prahārāngaṇayanmātuḥ śitaśastravinirmitān || 12 ||
[Analyze grammar]

tatastānabravīdrāmo viniḥśvasya munīśvarān |
niṣedhastoyadānasya śrūyatāṃ yanmayā kṛtaḥ || 13 ||
[Analyze grammar]

aparādhaṃ vinā tātaḥ kṣatriyeṇa hatomama |
ekaviṃśatiḥ prahārāṇāṃ māturaṃge sthitā mama || 14 ||
[Analyze grammar]

tasmānniḥkṣatriyāmurvīṃ yadyahaṃ na karomi vai |
prahārasaṃkhyayā viprāstanme syātsarvapātakam || 15 ||
[Analyze grammar]

pitṛmātṛvadhājjātaṃ yatkṛtaṃ tena pāpmanā |
kṣatriyāpasadenātra tathānyadapi kutsitam || 16 ||
[Analyze grammar]

tatastasyaiva cānyeṣāṃ kṣatriyāṇāṃ durātmanām |
rudhiraiḥ pūrayitvemāṃ gartāṃ pitṛjalocitām |
tarpayiṣyāmi raktena pitaraṃ nāhamaṃbhasā || 17 ||
[Analyze grammar]

sūta uvāca |
śrutvā te dāruṇāṃ tasya pratijñāṃ tāpasottamāḥ |
paraṃ vismayamāpannā nocuḥ kiṃcittataḥ param || 19 ||
[Analyze grammar]

athāśaucāṃtamāsādya rāmaḥ krodhasamanvitaḥ |
tīkṣṇaṃ paraśumādāya māhiṣmatyunmukhaṃ yayau || 19 ||
[Analyze grammar]

sarvaistaiḥ śabaraiḥ sārdhaṃ pulindairmedakaistathā |
baddhagodhāṃgulitrāṇairvarabāṇadhanurdharaiḥ || 20 ||
[Analyze grammar]

tathā'rjuno'pi taṃ śrutvā samāyātaṃ bhṛgūttamam |
sainyena mahatā yuktaṃ pratijñādhāriṇaṃ tathā || 21 ||
[Analyze grammar]

tatastu sammukho dṛṣṭo yuddhārthaṃ sa viniryayau |
sārdhaṃ nānāvidhairyodhaiḥ sarvairdevāsuropamaiḥ || 22 ||
[Analyze grammar]

athābhavanmahāyuddhaṃ pulindānāṃ dvijottamāḥ |
haihayādhipateryodhaiḥ sārdhaṃ devāsuropamaiḥ || 23 ||
[Analyze grammar]

tataste haihayāḥ sarve śarairāśīviṣopamaiḥ |
vadhyante śabaraiḥ saṃkhye garjamānairmuhurmuhuḥ || 24 ||
[Analyze grammar]

brahmahatyāsamutthena pātakena tataśca te |
jātā nistejasaḥ sarve prapataṃti dharātale || 25 ||
[Analyze grammar]

na kaścitpauruṣaṃ tatra saṃpradarśayituṃ kṣamaḥ |
palāyanaparā sarve vadhyante niśitaiḥ śaraiḥ || 26 ||
[Analyze grammar]

atha bhagnaṃ balaṃ dṛṣṭvā haihayādhipatiḥ krudhā |
svacāpaṃ vāñchayāmāsa sajyaṃ kartuṃ tvarānvitaḥ |
śaknoti nāropayituṃ suyatnamapi cāśritaḥ || 27 ||
[Analyze grammar]

tataścākarṣayāmāsa khaṅgaṃ kośātsunirmalam |
ākraṣṭuṃ na ca śakroti vailakṣyaṃ paramaṃ gataḥ || 28 ||
[Analyze grammar]

gadayā nirjito raudro rāvaṇo lokarāvaṇaḥ |
yayā sāpyapataddhastāttatkṣaṇātpṛthivītale || 29 ||
[Analyze grammar]

narmadāyāḥ pravāho yaiḥ sahasrākhyaiḥ karaiḥ śubhaiḥ |
vidhṛtastena te sarve babhūvuḥ kampavihvalāḥ || 30 ||
[Analyze grammar]

na śastraṃ śekuruddhartuṃ daivayogātkathaṃcana |
divyāstrāṇāṃ tathā sarve mantrā vismṛtimāgatāḥ || 31 ||
[Analyze grammar]

etasminnaṃtare rāmaḥ saṃprāptaḥ krodhamūrchitaḥ |
tīkṣṇaṃ paraśumudyamya tatastaṃ prāha niṣṭhuram || 32 ||
[Analyze grammar]

haihayādhipate pāpa yaiḥ karairjanako mama |
tvayā vinihatastānme śīghraṃ darśaya sāṃpratam || 33 ||
[Analyze grammar]

brahmatejohataḥ so'pi proktastena suniṣṭhuram |
novāca cottaraṃ kiṃcidālekhye likhito yathā || 34 ||
[Analyze grammar]

tato bhujavanaṃ tasya rāmaḥ śastrabhṛtāṃ varaḥ |
muhurmuhurvinirbhartsya pracakarta śanaiḥśanaiḥ || 35 ||
[Analyze grammar]

tataśchittvā śirastasya kuṭhāreṇa bhṛgūdvahaḥ |
jagrāha rudhiraṃ yatnātprahārebhyaḥ svayaṃ dvijāḥ || 36 ||
[Analyze grammar]

pūrayitvā mahākumbhāñchabarebhyo dadau tataḥ |
mlecchebhyo lubdhakebhyaśca tataḥ provāca sādaram || 37 ||
[Analyze grammar]

hāṭakeśvaraje kṣetre gartā me bhrātṛbhiḥ kṛtā |
pitṛsaṃtarpaṇārthāya salilena pariplutā || 38 ||
[Analyze grammar]

prakṣipadhvaṃ drutaṃ gatvā tasyāṃ raktamidaṃ mahat |
pāpasyāsya sapatnasya mamādeśādasaṃśayam || 39 ||
[Analyze grammar]

yena tātaṃ nijaṃ bhaktyā tarpayitvā vidhānataḥ |
ṛṇasya muktirbhavati yena me paitṛkasyaca || 40 ||
[Analyze grammar]