Chapter 53

[English text for this chapter is available]

| sūta uvāca |
tatraivojjayanīpīṭhamasti kāmapradaṃ nṛṇām |
prabhūtāścaryasaṃyuktaṃ bahusiddhaniṣevitam || 1 ||
[Analyze grammar]

yasya madhyagato nityaṃ svayameva maheśvaraḥ |
mahākālasvarūpeṇa sa tiṣṭhati dvijottamāḥ || 2 ||
[Analyze grammar]

vaiśākhyāṃ yo narastatra kṛtvā śrāddhaṃ samāhitaḥ |
tataḥ paśyati deveśaṃ mahākāla iti smṛtam |
pūjayeddakṣiṇāṃ mūrtiṃ samāśritya dvijottamāḥ || 3 ||
[Analyze grammar]

daśa pūrvāndaśātītānātmānaṃ ca dvijottamāḥ |
puruṣānsa samuddhṛtya śivaloke mahīyate || 4 ||
[Analyze grammar]

yo yaṃ kāmamabhidhyāya tatra pīṭhaṃ prapūjayet |
saṃpūjya yoginīvṛṃdaṃ kanyakāvṛndameva ca || 5 ||
[Analyze grammar]

sa tatkṛtsnamavāpnoti yadapi syātsudurlabham |
tatra vaiśākhamāsasya paurṇamāsyāṃ samāhitaḥ || 6 ||
[Analyze grammar]

śraddhāyukto naro yo vā upavāsaparaḥ śuciḥ |
karoti jāgaraṃ tasya purataḥ śraddhayānvitaḥ |
sa yāti paramaṃ sthānaṃ jarāmaraṇavarjitam || 7 ||
[Analyze grammar]

kiṃ vrataiḥ kiṃ vṛthā dānaiḥ kiṃ japairniyamena vā |
mahākālasya te sarve kalāṃ nārhaṃti ṣoḍaśīm || 8 ||
[Analyze grammar]

sūta uvāca |
tatraivāsti mahābhāgā bhrūṇagarteti viśrutā |
gartā suvipulākārā sarvapātakanāśinī || 9 ||
[Analyze grammar]

brahmahatyāvinirmuktaḥ saudāso yatra pārthivaḥ |
strīhatyayā vinirmuktaḥ suṣeṇo vasudhādhipaḥ || 10 ||
[Analyze grammar]

ṛṣaya ūcuḥ |
brahmahatyā kathaṃ tasya saudāsasya mahīpateḥ |
brahmaṇyasyāpi saṃjātā tadasmākaṃ prakīrtaya || 11 ||
[Analyze grammar]

śrūyate sa mahīpālo brāhmaṇānāṃ hite rataḥ |
karmaṇā manasā vācā brahmaghnaḥ so'bhavatkatham || 12 ||
[Analyze grammar]

vimuktaśca kathaṃ bhūyo bhrūṇagartāmupāśritaḥ |
sāpi gartā kathaṃ jātā sarvaṃ no vada vistarāt || 13 ||
[Analyze grammar]

sūta uvāca |
yadā liṃgasya pāto'bhūddevadevasya śūlinaḥ |
tadā sa lajjayāviṣṭo liṃgābhāvāddvijottamāḥ || 14 ||
[Analyze grammar]

kṛtvā'tivipulāṃ gartāṃ praviveśa tataḥ param |
na kasyacittadātmānaṃ darśayāmāsa śūladhṛk || 15 ||
[Analyze grammar]

evaṃ sā tatra saṃjātā gartā brāhmaṇasattamāḥ |
yathā tasyāṃ vipāpmābhūtsau dāsastadvadāmyaham || 16 ||
[Analyze grammar]

āsīnmitrasahonāma rājā paramadhārmikaḥ |
saudāsastatsutaḥ sākṣātsūryavaṃśasamudbhavaḥ || 17 ||
[Analyze grammar]

teneṣṭaṃ vipulairyajñaiḥ suvarṇavaradakṣiṇaiḥ |
asaṃkhyātāni dānāni pradattāni mahātmanā || 18 ||
[Analyze grammar]

kasyacittvatha kālasya satre dvādaśavārṣike |
vartamāne yathānyāyaṃ vidhidṛṣṭena karmaṇā || 19 ||
[Analyze grammar]

krūrākṣaḥ krūrabuddhiśca rākṣasau balavattarau |
yajñavighnāya saṃprāptau saṃprāpte rajanīmukhe || 20 ||
[Analyze grammar]

rākṣasairbahubhiḥ sārdhaṃ tathānyairbhūtasaṃjñitaiḥ |
piśācaiśca durādharṣairyajñavidhvaṃsatatparaiḥ || 21 ||
[Analyze grammar]

atha te rākṣasāḥ sarve kiṃcicchidramavekṣya ca |
viviśuryajñavāṭaṃ taṃ prasarpantaḥ samaṃtataḥ || 22 ||
[Analyze grammar]

nighnanto brāhmaṇaśreṣṭhānbhakṣayanto havīṃṣi ca |
tathā yāni vicitrāṇi yajñārthe kalpitāni ca || 23 ||
[Analyze grammar]

etasminnaṃtare tatra hāhākāro mahānabhūt |
bhakṣyamāṇeṣu vipreṣu rākṣasairbalavattaraiḥ || 24 ||
[Analyze grammar]

tato maitrasahiḥ kruddhastyaktvā dīkṣāvrataṃ nṛpaḥ |
ādāya saśaraṃ cāpaṃ dhvaṃsayāmāsa vīkṣya tān || 25 ||
[Analyze grammar]

kṛtarakṣo vasiṣṭhena svayameva purodhasā |
krūrākṣaṃ sūdayāmāsa rākṣasairbahubhiḥ saha || 26 ||
[Analyze grammar]

krūrabuddhiratho vīkṣya hataṃ śreṣṭhaṃ sahodaram |
taṃ ca pārthivaśārdūlamagamyaṃ brahmatejasā || 27 ||
[Analyze grammar]

hataśeṣānsamādāya rākṣasānbalasaṃyutaḥ |
palāyanaṃ bhayāccakre kṣatāṃgastasya sāyakaiḥ || 28 ||
[Analyze grammar]

tatastadvairamāśritya bhrāturjyeṣṭhasya rākṣasaḥ |
chidramanveṣayāmāsa tadvadhāya divāniśam || 29 ||
[Analyze grammar]

evaṃ savīkṣamāṇasya tasya cchidraṃ mahātmanaḥ |
samāptimagamadviprāḥ satraṃ taddvādaśābdikam || 30 ||
[Analyze grammar]

na sūkṣmamapi saṃprāptaṃ chidraṃ tena durātmanā |
vasiṣṭhavihitā rakṣā satre tasya mahīpateḥ || 31 ||
[Analyze grammar]

athāsau brāhmaṇānsarvānvisṛjyāhitadakṣiṇān |
kṛtāṃjalipuṭo bhūtvā vasiṣṭhamidamabravīt || 32 ||
[Analyze grammar]

svahastena gurodyāhaṃ tvāṃ bhojayitumutsahe |
kriyatāṃ tatprasādo me bhuktvādya mama mandire || 33 ||
[Analyze grammar]

sūta uvāca |
sa tatheti pratijñāya vasiṣṭho munisattamaḥ |
kṣālitāṃghriḥ svayaṃ tena niviṣṭo bhojanāya vai || 34 ||
[Analyze grammar]

kūrabuddhiratho vīkṣya tadarthaṃ cāmiṣaṃ śubham |
susaṃskṛtaṃ vidhānena sūpakārairdvijottamāḥ || 35 ||
[Analyze grammar]

ukhāṃ kṛtvā tatastādṛktatpramāṇāmatarkitām |
mahāmāṃsābhṛtāṃ kṛtvā tāṃ jahārāmiṣānvitām || 36 ||
[Analyze grammar]

athāsau muniśārdūlo bhuṃjāno bubudhe hi tat |
mahāmāṃsamiti kruddhastatra provāca manyumān || 37 ||
[Analyze grammar]

mahāmāṃsāśanaṃ yasmātkārito'haṃ tvayādhama |
rakṣovadrākṣasastasmāttvamadyaiva bhaviṣyasi || 38 ||
[Analyze grammar]

tataḥ saṃśodhayāmāsa tasya māṃsasya cāgamam |
nipuṇaṃ sūpakārāṃstāndṛṣṭvā rājā pṛthakpṛthak || 39 ||
[Analyze grammar]

te'bruvannaitadasmābhiḥ śrapitaṃ māṃsamīdṛśam |
śraddhīyatāṃ mahīpāla nānyena manujena vā || 40 ||
[Analyze grammar]

rākṣasaṃ vā piśācaṃ vā dānavaṃ vā vinā vibho |
etajjñātvā tato nātha yadyuktaṃ tatsamācara || 41 ||
[Analyze grammar]

etasminnaṃtare tasya nārado munisattamaḥ |
samāgatyābravītsarvaṃ tadrākṣasaviceṣṭitam || 42 ||
[Analyze grammar]

tacchrutvā kopamāpannaḥ sa rājā śaptumudyataḥ |
vasiṣṭhaṃ svakare kṛtvā jalaṃ saudāsabhūpatiḥ |
śāpodyataṃ ca taṃ dṛṣṭvā nārado vākyamabravīt || 43 ||
[Analyze grammar]

nighnanto vā śapanto vā dviṣanto vā dvijātayaḥ |
namaskāryā mahīpāla tathāpi svahitecchunā |
gurureṣa punarmānyastava pārthivasattama || 44 ||
[Analyze grammar]

tasmānnārhasi śaptuṃ tvaṃ pratiśāpena sanmunim |
niṣiddhaḥ sa tathā bhūpastatastatsalilaṃ karāt |
pādayoḥ kṛtsnamupari pramumoca tataḥ param || 45 ||
[Analyze grammar]

atha tau caraṇau tasya tapta śāpodakaplutau |
dagdhau kṛṣṇatvamāpannau tatkṣaṇāddvijasattamāḥ || 46 ||
[Analyze grammar]

kalmāṣapāda ityuktastataḥprabhṛti sa kṣitau |
bhūpālo dvijaśārdūlā nā्mnā tena viśeṣataḥ || 47 ||
[Analyze grammar]

sūta uvāca |
etasminnaṃtare vipro vasiṣṭho lajjayānvitaḥ |
jñātvā dattaṃ vṛthā śāpaṃ tasya bhūmipatestadā || 48 ||
[Analyze grammar]

uvāca vyarthaḥ śāpo'yaṃ tava datto mayā nṛpa |
na ca me jāyate vākyamasatyaṃ hi kathaṃcana || 49 ||
[Analyze grammar]

tasmāttvaṃ rākṣaso bhūtvā kañcitkālaṃ nṛpo ttama |
svarūpaṃ lapsyase bhūyo yasminkāle śṛṇuṣva tam || 50 ||
[Analyze grammar]

yadā tvaṃ krūrabuddhiṃ taṃ rākṣasaṃ nihaniṣyasi |
tadā tvaṃ lapsyase mokṣaṃ rākṣasatvātsudāruṇāt || 51 ||
[Analyze grammar]

sūta uvāca |
etasminnantare rājā yātudhāno babhūva saḥ |
ūrdhvakeśo mahākāyaḥ kṛṣṇadanto bhayā nakaḥ || 52 ||
[Analyze grammar]

tato jaghāna viprendrānrākṣasaṃ bhāvamāśritaḥ |
yajñānvidhvaṃsayāmāsa munīnāmāśramānapi || 53 ||
[Analyze grammar]

kasyacittvatha kālasya krūra buddhiḥ sa rākṣasaḥ |
jñātvā taṃ rākṣasībhūtamekadā'yudhavarjitam || 54 ||
[Analyze grammar]

bhrāturvadhakṛtaṃ vairaṃ smaramāṇastataḥ param |
tadvadhārthaṃ samāyāto rākṣasairbahubhirvṛtaḥ || 55 ||
[Analyze grammar]

tatastaṃ veṣṭayitvāpi samaṃtādrākṣaso nṛpam |
provāca vacanaṃ kruddho nādenāpūrayandiśaḥ || 56 ||
[Analyze grammar]

tvayā yo nihato'smākaṃ jyeṣṭho bhrātā sudurmate |
vasiṣṭhasya balādyajñe tasyādya phalamāpnuhi || 57 ||
[Analyze grammar]

rājovāca |
yadbravīṣi durācāra karmaṇā tatsamācara |
śāradasyeva meghasya garjitaṃ tava niṣphalam || 58 ||
[Analyze grammar]

evamuktvā samādāya tato vṛkṣaṃ sa pārthivaḥ |
prādravatsaṃmukhaṃ tasya garjamāno yathā ghanaḥ || 59 ||
[Analyze grammar]

so'pi vṛkṣaṃ samutpāṭya krodhasaṃraktalocanaḥ |
triśaṃkhāṃ bhṛkuṭīṃ kṛtvā tasyāpyabhimukhaṃ yayau || 60 ||
[Analyze grammar]

evaṃ dvāvapi tau śūrau vṛkṣayuddhaṃ mahābalau || 0 ||
[Analyze grammar]

kṛtavantau vane tatra bahuvṛkṣakṣayāvaham || 61 ||
[Analyze grammar]

atha taṃ śrāṃtamālokya kūrabuddhiṃ mahīpatiḥ |
pragṛhya pādayorvegādbhrāmayāmāsa puṣkare || 62 ||
[Analyze grammar]

tataścāsphoṭayāmāsa bhūmau kopasamanvitaḥ |
cakre cāmiṣakhaṇḍaṃ sa piṣṭvāpiṣṭvā muhurmuhuḥ || 63 ||
[Analyze grammar]

tasmiṃstu nihate śūre rākṣase sa mahīpatiḥ |
rākṣasatvādvinirmukto lebhe kāyaṃ nṛpodbhavam || 64 ||
[Analyze grammar]

tataste rākṣasāḥ śeṣāḥ samaṃtāttaṃ mahīpatim |
parivārya mahāvṛkṣairjaghnuḥ pāṣāṇavṛṣṭibhiḥ || 65 ||
[Analyze grammar]

tatastānapi bhūpālo jaghāna prahasanniva |
vṛkṣahastastu viśrabdho līlayā dvijasattamāḥ || 66 ||
[Analyze grammar]

tataśca svapuraṃ prāptaḥ saṃprahṛṣṭatanūruhaḥ |
rākṣasānāṃ vadhaṃ kṛtvā labdhvā dehaṃ purātanam || 67 ||
[Analyze grammar]

tatastaṃ tejasā hīnaṃ durgaṃdhena samāvṛtam |
brahmahatyodbhavaiścihnairanyairapi pṛthagvidhaiḥ || 68 ||
[Analyze grammar]

dṛṣṭvā te maṃtriṇastasya putra pautrāstathā pare |
nopasarpaṃti bhūpālaṃ pāpasparśabhayānvitāḥ || 69 ||
[Analyze grammar]

ūcuśca pārthivaśreṣṭha na tvamarhasi saṃgamam |
kartuṃ sārdhamihāsmābhirbrahmahatyā nvito yataḥ || 70 ||
[Analyze grammar]

tasmādvasiṣṭhamāhūya prāyaścittaṃ samācara |
aśuddhaṃ śuddhimāyāti yena gātramidaṃ tava || 71 ||
[Analyze grammar]

tataḥ sa pārthivastūrṇaṃ vasiṣṭhaṃ munipuṃgavam |
samāhūyābravīdvākyaṃ dūrastho vinayānvitaḥ || 72 ||
[Analyze grammar]

tava prasādato vipra sa hato rākṣaso mayā |
muktaśāpo'smi saṃjātaḥ paraṃ śṛṇu vaco mune || 73 ||
[Analyze grammar]

mama gātrātsudurgaṃdhaḥ samudgacchati sarvataḥ |
bhārākrāṃtāni gātrāṇi sarvāṇyevācalāni ca || 74 ||
[Analyze grammar]

tatkimetaddvijaśreṣṭha tejo hāniratīva me |
maṃtriṇo'pi tathā putrā na spṛśaṃti yato'dya mām || 75 ||
[Analyze grammar]

vasiṣṭha uvāca |
rākṣasatvaṃ prapannena tvayā pārthivasattama |
brāhmaṇā bahavo dhvastāstathā vidhvaṃsitā makhāḥ |
teṣāṃ tvaṃ pārthivaśreṣṭha saṃspṛṣṭo brahmahatyayā || 76 ||
[Analyze grammar]

rājovāca |
tadarthaṃ dehi me vipra prāyaścittaṃ viśuddhaye |
yena nirmuktapāpo'haṃ rājyaṃ prāpnomi cātmanaḥ || 77 ||
[Analyze grammar]

vasiṣṭha uvāca |
atrārthe tīrthayātrāṃ tvaṃ kuru pārthiva sattama |
nirmamo nirahaṃkārastataḥ siddhimavāpsyasi || 78 ||
[Analyze grammar]

tataḥ sa pārthivaśreṣṭhaḥ saṃyatātmā jiteṃdriyaḥ |
prayāgādiṣu tīrtheṣu snānaṃ cakre samā hitaḥ || 79 ||
[Analyze grammar]

na naśyati sa durgaṃdho na ca tejaḥ pravardhate |
na kāyo laghutāṃ yāti nālasyena vimucyate || 80 ||
[Analyze grammar]

tataḥ saṃbhramamāṇaśca kadāci ddvijasattamāḥ |
camatkārapure kṣetre snānārthaṃ samupāgataḥ || 81 ||
[Analyze grammar]

suśrāṃtaḥ kṣutpipāsārto niśīthe tamasāvṛte |
gartāyāṃ patito'kasmātpūrṇāyāṃ payasā nṛpaḥ || 82 ||
[Analyze grammar]

kṛcchrāttato viniṣkrāṃtastīrthāttasmānmahīpatiḥ |
yāvatpaśyati cātmānaṃ dvādaśārkasamaprabham || 83 ||
[Analyze grammar]

durgaṃdhena parityaktaṃ sodyamaṃ laghutāṃ gatam |
dṛṣṭvā ca ciṃtayāmāsa nūnaṃ mukto'smi pātakāt || 84 ||
[Analyze grammar]

etasminneva kāle tu vāguvācāśarīriṇī |
harṣayantī mahīpālaṃ vimuktaṃ brahmahatyayā || 85 ||
[Analyze grammar]

vimukto'si mahārāja sāṃprataṃ pūrvapātakaiḥ |
tīrthasyāsya prabhāvena tasmādgaccha nijaṃ gṛham || 86 ||
[Analyze grammar]

atra saṃnihito nityaṃ bhrūṇarūpeṇa śaṃkaraḥ |
kṛṣṇapakṣe viśeṣeṇa caturdaśyāṃ mahīpate || 87 ||
[Analyze grammar]

yadā prapatitaṃ liṃgaṃ devadevasya śūlinaḥ |
dvijaśāpena gartaiṣā tadānena vinirmitā || 88 ||
[Analyze grammar]

lajjitena svavāsārthaṃ mahadduḥkhayutena ca |
satīviyogayuktena bhrūṇatvaṃ pragatena ca || 89 ||
[Analyze grammar]

sarvapāpaharā tena garteyaṃ pṛthi vīpate |
bhrūṇagarteti vikhyātā tasya nāmā jagattraye || 90 ||
[Analyze grammar]

sūta uvāca |
evamuktvātha sā vāṇī virarāmāṃ'tarikṣagā |
so'pi pārthivaśārdūlaḥ prahṛṣṭaḥ svapuraṃ yayau || 91 ||
[Analyze grammar]

tatastaṃ pāpanirmuktaṃ tejasā bhāskaropamam |
dṛṣṭvā putrāstathā martyāḥ praṇemustuṣṭisaṃyutāḥ || 92 ||
[Analyze grammar]

so'pi brāhmaṇaśārdūlo vasiṣṭhastaṃ mahīpatim |
samabhyetya tataḥ prāha harṣagadgadayā girā || 93 ||
[Analyze grammar]

diṣṭyā muktosi rājeṃdra pāpādbrahmavadhodbhavāt |
diṣṭyā tvaṃ tejasā yuktaḥ punaḥ prāpto nijaṃ puram || 94 ||
[Analyze grammar]

tasmātkīrtaya bhūpāla kasmiṃstīrthe samāgataḥ |
tvaṃ muktaḥ pātakādghorādbrahmahatyāsamudbhavāt || 95 ||
[Analyze grammar]

tataḥ sa kathayāmāsa bhrūṇagartāsamudbhavam |
vṛttāṃtaṃ tasya viprarṣeranubhūtaṃ yathā tathā || 96 ||
[Analyze grammar]

tataste maṃtriṇo vṛddhāḥ sa ca rājā munīśvaraḥ |
putraṃ pratardanaṃnāma rājye saṃsthāpya tatkṣaṇāt || 97 ||
[Analyze grammar]

bhrūṇagartāṃ samāsādya tāmeva dvijasattamāḥ |
tapaścerurmahādevaṃ dhyāyamānā divā niśam || 98 ||
[Analyze grammar]

gatāśca paramāṃ siddhiṃ kālenālpena durlabhām |
bhrūṇarūpadharaṃ devaṃ pūjayitvā maheśvaram || 99 ||
[Analyze grammar]

tataḥprabhṛti sā gartā prakhyātā dharaṇītale |
bhrūṇagarteti vipreṃdrāḥ sarvapātakanāśinī || 100 ||
[Analyze grammar]

tatra kṛṣṇacaturdaśyāṃ yaḥ śrāddhaṃ kurute naraḥ |
sa pitṝṃstārayennūnaṃ daśa pūrvāndaśā parān || 101 ||
[Analyze grammar]

tasmātsarvaprayatnena tatra śrāddhaṃ samācaret |
snānaṃ ca brāhmaṇaśreṣṭhā dānaṃ vāpi svaśaktitaḥ || 102 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye bhrūṇagartāmāhātmyavarṇanaṃnāma tripañcāśattamo'dhyāyaḥ || 53 ||
[Analyze grammar]