Chapter 49

[English text for this chapter is available]

| sūta uvāca |
tatraivāsti mahāpuṇyo hradatīre vyavasthitaḥ |
kalaśeśvara ityākhyaḥ sarvapāpapraṇāśanaḥ || 1 ||
[Analyze grammar]

dṛṣṭvā pramucyate pāpānmanuṣyaḥ kalaśeśvaram || 2 ||
[Analyze grammar]

purāsītkalaśonāma yaduvaṃśasamudbhavaḥ |
yajvā dānapatirdakṣaḥ sarvalokahite rataḥ || 3 ||
[Analyze grammar]

kasyacittvatha kālasya durvāsā muni sattamaḥ |
cāturmāsyavrataṃ kṛtvā tadgṛhaṃ samupasthitaḥ || 4 ||
[Analyze grammar]

athotthāya nṛpastūrṇaṃ sammukhaḥ prayayau mudā |
svāgataṃ svāgataṃ testu bruvāṇa iti sādaram || 5 ||
[Analyze grammar]

tataḥ praṇamya taṃ bhaktyā prakṣālya caraṇau svayam |
dattvārghamiti hovāca harṣabāṣpākulekṣaṇaḥ || 6 ||
[Analyze grammar]

idaṃ rājyamamī putrā imā nārya idaṃ dhanam |
brūhi sarvaṃ mune tvaṃ ca tava kāryaṃ dadāmyaham || 7 ||
[Analyze grammar]

durvāsā uvāca |
yuktametanmahārāja vaktuṃ te kāryamīdṛśam |
gṛhāgatāya viprāya vratine'smadvidhāya ca || 8 ||
[Analyze grammar]

na me kiñciddhanaiḥ kāryaṃ na rājyena nṛpottama |
cāturmāsyavrato'to'haṃ pāraṇaṃ kartṛmutsahe || 9 ||
[Analyze grammar]

tasmādyatkiñcidannaṃ te siddhamasti gṛhe nṛpa |
taddehi bhojanārthaṃ me bubhukṣātīva vardhate || 10 ||
[Analyze grammar]

sūta uvāca |
tataḥ sa pṛthivīpālo yathāsiddhaṃ susaṃskṛm |
annaṃ bhojyakṛte tasmai pradadau svayameva hi || 11 ||
[Analyze grammar]

vyañjanāni vicitrāṇi pakvānnāni bahūni ca |
peyaṃ coṣyaṃ ca khādyaṃ ca lehyamannamanekadhā |
tathā māṃsaṃ vicitraṃ ca lavaṇādyaiḥ susaṃskṛtam || 12 ||
[Analyze grammar]

athāsau bubhuje vipraḥ kṣutkṣāmastvarayānvitaḥ |
avindanna rasāsvādaṃ bṛhadgrāsairmudānvitaḥ || 13 ||
[Analyze grammar]

atha tṛptena māṃsasya jñātastena raso dvijāḥ |
tataḥ kopaparītātmā taṃ śaśāpa munīśvaraḥ || 14 ||
[Analyze grammar]

yasmānmāṃsaṃ tvayā dattvā vratabhaṃgaḥ kṛto mama |
tasmāttvamāmiṣāhāro raudro vyāghro bhaviṣyasi || 15 ||
[Analyze grammar]

tataḥ sa bhūpatirbhītaḥ praṇamya ca munīśvaram |
provāca dīnavadano vepamānaḥ suduḥkhitaḥ || 16 ||
[Analyze grammar]

tava kṣutkṣāmakaṇṭhasya mayā bhaktiḥ kṛtā mune |
yathāsiddhena bhojyena tatkasmācchaptumudyataḥ || 17 ||
[Analyze grammar]

tasmātkuru prasādaṃ me bhaktasya vinatasya ca |
śāpasyānugraheṇaiva śīghraṃ brāhmaṇasattama || 18 ||
[Analyze grammar]

durvāsā uvāca |
muktvā śrāddhaṃ tathā yajñaṃ na māṃsaṃ bhakṣayeddvijaḥ |
viśeṣeṇa vratasyāṃte cāturmāsyodbhavasya ca || 19 ||
[Analyze grammar]

upavāsaparo bhūtvā māṃsamaśnāti yo dvijaḥ |
vṛthāmāṃsādvṛthā tasya tadvrataṃ jāyate dhruvam || 20 ||
[Analyze grammar]

tasmādvrataṃ praṇaṣṭaṃ me cāturmāsyasamudbhavam |
tena śapto'si rājeṃdra mayā kopena sāṃpratam || 21 ||
[Analyze grammar]

rājovāca |
tathāpi kuru me vipra śāpasyāṃtaṃ yathepsitam |
bhaktiyuktasya dīnasya nirdoṣasya viśeṣataḥ || 22 ||
[Analyze grammar]

durvāsā uvāca |
yadā te naṃdinī dhenurliṃgaṃ bāṇārcitaṃ purā |
darśayiṣyati te muktistadā tūrṇaṃ bhaviṣyati || 23 ||
[Analyze grammar]

evamuktvā sa viprendro jagāma nijamāśramam |
babhūva so'pi bhūpālo vyāghro raudratamākṛtiḥ || 24 ||
[Analyze grammar]

naṣṭasmṛtistatastūrṇaṃ dṛṣṭvā jaṃtūnpuraḥsthitān |
jaghānoccāṭitonyaiśca praviveśa mahāvanam || 25 ||
[Analyze grammar]

atha te maṃtriṇastasya śāpasyātaṃ mahīpateḥ |
vāṃchatastasya tadrājyaṃ cakrureva surakṣitam || 26 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe śrīhāṭakeśvarakṣetramāhātmye kalaśeśvarākhyāne kalaśanṛpaterdurvāsasaḥ śāpena vyāghratvaprāptivarṇanaṃnāmaikonapañcāśattamo'dhyāyaḥ || 49 ||
[Analyze grammar]