Chapter 48

[English text for this chapter is available]

| sūta uvāca |
tatraivāsya samuddeśe hariścaṃdrasya bhūpateḥ |
āśramo 'sti suvikhyāto nānādrumasamāvṛtaḥ || 1 ||
[Analyze grammar]

yatra tena tapastaptaṃ saṃsthāpyomāmaheśvarau |
yacchatā vividhaṃ dānaṃ brāhmaṇebhyo'bhivāṃchitam || 2 ||
[Analyze grammar]

āsīdrājā hariścaṃdrastriśaṃkutanayaḥ purā |
ayodhyādhipatiḥ śrīmānsūryavaṃśasamudbhavaḥ || 3 ||
[Analyze grammar]

na durbhikṣaṃ na ca vyādhirnākālamaraṇaṃ dhruvam |
tasmiñchāsati dharmeṇa na ca caurakṛtaṃ bhayam || 4 ||
[Analyze grammar]

kālavarṣī sadā meghaḥ sasyāni pracurāṇi ca |
rasavaṃti ca toyāni sarvartuphalitā drumāḥ || 5 || || 2 ||
[Analyze grammar]

daṃḍastatrābhavadvāstau gṛharodho'kṣadevane |
 eko doṣākaraścaṃdraḥ priyadoṣāśca kauśikāḥ || 6 ||
[Analyze grammar]

snehakṣayaśca dīpeṣu vivāhe ca karagrahaḥ |
vṛttabhaṃgastathā gadye dānotthitirgajānane || 7 ||
[Analyze grammar]

tasyaivaṃ guṇayuktasya sārvabhaumasya bhūpateḥ |
eka eva mahānāsīddoṣaḥ putravivarjitaḥ || 8 ||
[Analyze grammar]

tataḥ putrakṛte gatvā cakāra sumahattapaḥ |
camatkārapure kṣetre liṃgaṃ saṃsthāpya bhaktitaḥ || 9 ||
[Analyze grammar]

paṃcāgnisādhako grīṣme varṣāsvākāśasaṃsthitaḥ |
jalāśrayaśca hemaṃte sa dhyāyati maheśvaram || 10 ||
[Analyze grammar]

tato varṣasahasrāṃte tasya tuṣṭo maheśvaraḥ |
pratyakṣo'bhūtsamaṃ gauryā gaṇasaṃghaiḥ samāvṛtaḥ || 11 ||
[Analyze grammar]

uvāca varado'smīti prārthayasva yathepsitam |
ahaṃ te saṃpradāsyāmi yadyapi syātsudurlabham || 2 ||
[Analyze grammar]

tatastaṃ praṇipatyoccaiḥ stutvā sūktaiḥ śrutairapi |
provāca vinayopetaḥ kṛtāṃjalipuṭaḥ sthitaḥ || 13 ||
[Analyze grammar]

tvatprasādātsuraśreṣṭha yatkiṃciddharaṇītale |
tadasti me gṛhe sarvaṃ vāṃchitaṃ svena cetasā || 14 ||
[Analyze grammar]

surūpāṇi kalatrāṇi rājyaṃ nihatakaṃṭakam |
śarīraṃ roganirmuktaṃ saṃkhyāhīnaṃ tathā dhanam || 5 ||
[Analyze grammar]

ekaṃ me sumahadduḥkhaṃ yadapatyaṃ na vidyate |
tasmāddehi sutaṃ deva prasanno yadi śaṃkara || 6 ||
[Analyze grammar]

śrībhagavānuvāca |
acireṇa nṛpaśreṣṭha putrastava bhaviṣyati |
matprasādānna saṃdehastasmādgaccha drutaṃ gṛham || 7 ||
[Analyze grammar]

sūta uvāca |
etasminnaṃtare gaurī kopasaṃraktalocanā |
bhartsayitvā mahādevaṃ tataḥ provāca taṃ nṛpam || 8 ||
[Analyze grammar]

yasmāttvayā mahāmūrkha na praṇāmaḥ kṛto mama |
harādanaṃtaraṃ tasmācchāpaṃ dāsyāmyahaṃ tava || 19 ||
[Analyze grammar]

tava saṃlapsyate putro yathoktaḥ śūlapāṇinā |
paraṃ tanmṛtyujaṃ duḥkhaṃ tvaṃ śiśutvepi lapsyase || 20 ||
[Analyze grammar]

evamuktvā bhagavatī sārdhaṃ devena śaṃbhunā |
adarśanaṃ yayau paścāttathānyairapi pārśvagaiḥ || 21 ||
[Analyze grammar]

so'pi rājā varaṃ labdhvā śāpaṃ ca tadanaṃtaram |
na jagāma gṛhaṃ bhūyaścakāra sumahattapaḥ || 22 ||
[Analyze grammar]

ekāsanaṃ samārūḍhau kṛtvā gaurī maheśvarau |
tataścārādhayāmāsa samaṃ puṣpānulepanaiḥ || 23 ||
[Analyze grammar]

viśeṣeṇa dadau dānaṃ brāhmaṇebhyo mahīpatiḥ |
bhūmiśāyī praśāṃtātmā ṣaṣṭhakālakṛtāśanaḥ || 24 ||
[Analyze grammar]

tataḥ saṃvatsarasyāṃte bhagavānvṛṣabhadhvajaḥ |
pārvatyā sahito bhūyastasya saṃdarśanaṃ gataḥ || 25 ||
[Analyze grammar]

tataḥ sa nṛpatistābhyāṃ yugapadvidhipūrvakam |
kṛtvā natiṃ tato vākyaṃ vinayādidamabravīt || 26 ||
[Analyze grammar]

purā devi mayānaṃdapūre vyākula cetasā |
na natā tvaṃ na me kopaṃ tasmāttvaṃ kartumarhasi || 27 ||
[Analyze grammar]

dehārdhadhāriṇī devi sadā tvaṃ śūladhāriṇaḥ |
tadaikasminnate kasmānna natā tvaṃ vadasva me || 28 ||
[Analyze grammar]

yastaṃ namati deveśaṃ tena tvaṃ sarvadā natā |
natāyāṃ tvayi deveśo nataḥ syāditi me matiḥ || 529 ||
[Analyze grammar]

tathāpi ca pṛthaktvena mayā tvaṃ tu natā saha |
ekāsanaṃ samārūḍhā tatsamaṃ devi pūjitā || 30 ||
[Analyze grammar]

tasmātkuru prasādaṃ me yaḥ puroktaḥ purāriṇā |
sostu vai saphalaḥ sadyo varaḥ putrakṛte mama || 31 ||
[Analyze grammar]

yayā vaṃśadharaḥ putro dīrghāyurdṛḍhavikramaḥ |
tvatprasādādbhaveddevi tathā tvaṃ kartumarhasi || 32 ||
[Analyze grammar]

śrīdevyuvāca |
nānyathā me vaco rājañjāyate'tra kathaṃcana |
tasmādbālo'pi te putraḥ paṃcatvaṃ samupaiṣyati || 33 ||
[Analyze grammar]

darśayitvā tu te duḥkhamalpamṛtyusamudbhavam |
bhūyaḥ saṃprāpsyati prāṇānacirānme prasādataḥ || 34 ||
[Analyze grammar]

bhaviṣyati ca dīrghāyustato vaṃśadharo jayī |
sārvabhaumapradhānaśca dānī yajvā ca dharmavit || 35 ||
[Analyze grammar]

tasmādrājangṛhaṃ gatvā kuru rājyamabhīpsitam |
saṃprāpsyasi sutaṃ śreṣṭhaṃ yādṛśaṃ kīrtitaṃ mayā || 36 ||
[Analyze grammar]

anyo'pi mānavo yo māṃ rūpeṇā nenasaṃsthitām |
pūjayiṣyati cātraiva samaṃ devena śaṃbhunā || 37 ||
[Analyze grammar]

tasyāhaṃ saṃpradāsyāmi putrānhṛdayavāṃchitān |
tathānyadapi yatkiṃcidacirānnātra saṃśayaḥ || 38 ||
[Analyze grammar]

śrīmahādeva uvāca |
bhūya eva nṛpaśreṣṭha mattaḥ prārthaya vāṃchitam |
na vṛthā darśanaṃ me syātsatyametadbravīmi te || 39 ||
[Analyze grammar]

hariścaṃdra uvāca |
kṛtakṛtyosmi deveśa sarvamasti gṛhe mama |
putraṃ tyaktvā tvayā so'pi datto vaṃśadharo jayī || 40 ||
[Analyze grammar]

tathāpi na tavādeśo vyarthaḥ kāryaḥ kathaṃcana |
etasmātkāraṇāddeva yācayiṣyāmi vāṃchitam || 41 ||
[Analyze grammar]

rājasūyakṛte'smākaṃ sadā buddhiḥ pravartate |
niṣedhayaṃti māṃ sarve mantriṇaḥ suhṛdastadā || 42 ||
[Analyze grammar]

sarvaistairjāyate yajñaḥ pārthivaiḥ karadīkṛtaiḥ |
yuddhaṃ vinā karaṃ te'pi na yacchanti yato vibho || 43 ||
[Analyze grammar]

tato yuddhārthinaṃ māṃ te vārayaṃti hitaiṣiṇaḥ |
kṛtotsāhaṃ makhaprāptau nītimārgasamāśritāḥ || 44 ||
[Analyze grammar]

tasmāttava prasādena rājasūyo bhavenmakhaḥ |
avighnaḥ siddhimāyātu mama nānyadvṛṇomyaham || 45 ||
[Analyze grammar]

sūta uvāca |
sa tatheti pratijñāya jagāmādarśana haraḥ |
so'pi labdhavaro bhūpaḥ svameva bhavanaṃ gataḥ || 46 ||
[Analyze grammar]

evaṃ tena narendreṇa pūrvaṃ tatra vinirmitau |
umāmaheśvarau paścānnirmitāvitarairapi || 47 ||
[Analyze grammar]

yastābhyāṃ kurute pūjāṃ saṃprāpte paṃcamī dine |
phalaiḥ sarveṣu gātreṣu yāvatsaṃvatsaraṃ dvijāḥ |
sutaṃ prāpnoti so'bhīṣṭaṃ svavaṃśoddharaṇakṣamam || 48 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ ṣaṣṭhe nāgarakhaṇḍe śrīhāṭakeśvarakṣetramāhātmya umāmaheśvarotpattimāhātmyavarṇanaṃnāmāṣṭācatvāriṃśattamo'dhyāyaḥ || 48 ||
[Analyze grammar]