Chapter 232

[English text for this chapter is available]

sūta uvāca |
iti vaḥ kathitaṃ viprā revāmāhātmyamuttamam |
yathopadiṣṭaṃ pārthāya mārkaṇḍeyena vai purā || 1 ||
[Analyze grammar]

tathā tīrthakadambāśca teṣu tīrthaviśeṣataḥ |
prādhānyena mayā khyātā yathāsaṅkhyaṃ yathākramam || 2 ||
[Analyze grammar]

etatpavitramatulaṃ hyetatpāpaharaṃ param |
narmadācaritaṃ puṇyaṃ māhātmyaṃ munibhāṣitam || 3 ||
[Analyze grammar]

saptakalpānugo vipro narmadāyāṃ munīśvarāḥ |
mṛkaṇḍatanayo dhīmānparamārthaviduttamaḥ || 4 ||
[Analyze grammar]

saṃsevya sarvatīrthāni nadīḥ sarvāśca vai purā |
bahukalpasmarāṃ revāmālakṣya śivadehajām || 5 ||
[Analyze grammar]

me kaleti ca śarvoktāṃ śaraṇaṃ śarvajāṃ yayau |
ajarāmamarāṃ devīṃ daityadhvaṃsakarīṃ parām || 6 ||
[Analyze grammar]

mahāvibhavasaṃyuktāṃ bhavaghnīṃ bhavajāhnavīm |
tasyāmābadhya satprema jātaḥ so'pyajarāmaraḥ || 7 ||
[Analyze grammar]

ṣaṣṭitīrthasahasrāṇi ṣaṣṭikoṭyaśca sattamāḥ |
vyavasthitāni revāyāstīrayugme pade pade || 8 ||
[Analyze grammar]

sāritaḥ paritaḥ santi satīrthāstu sahasraśaḥ |
na tulāṃ yānti revāyāstāśca manye munīśvarāḥ || 9 ||
[Analyze grammar]

etadvaḥ kathitaṃ sarvaṃ yatpṛṣṭamakhilaṃ dvijāḥ |
yanmaheśamukhācchrutvā vāyurāha ṛṣīnprati || 10 ||
[Analyze grammar]

tadvanmṛkaṇḍatanayo'pyanubhūyākhilāṃ nadīm |
satīrthāṃ padaśaḥ prāha pāṇḍuputrāya pāvanīm || 11 ||
[Analyze grammar]

etacca kathitaṃ sarvaṃ saṃkṣepeṇa dvijottamāḥ |
narmadācaritaṃ puṇyaṃ triṣu lokeṣu durlabham || 12 ||
[Analyze grammar]

kimanyaiḥ saritāṃ toyaiḥ sevitaistu sahasraśaḥ |
yadi saṃsevyate toyaṃ revāyāḥ pāpanāśanam || 13 ||
[Analyze grammar]

mekalājalasaṃsevī muktimāpnoti śāśvatīm || 14 ||
[Analyze grammar]

yathā yathā bhajenmartyo yadyadicchati tīrthagaḥ |
tattadāpnoti niyataṃ śraddhayāśraddhayāpi ca || 15 ||
[Analyze grammar]

idaṃ brahmā hariridamidaṃ sākṣātparo haraḥ |
idaṃ brahma nirākāraṃ kaivalyaṃ narmadājalam || 16 ||
[Analyze grammar]

tāvadgarjanti tīrthāni nadyo hṛdayaphalapradāḥ |
yāvanna smaryate revā sevāhevā kalau naraiḥ || 17 ||
[Analyze grammar]

dhruvaṃ loke hitārthāya śivena svaśarīrataḥ |
śaktiḥ kāpi saridrūpā reveyamavatāritā || 18 ||
[Analyze grammar]

tāvadgarjanti yajñāśca vanakṣetrādayo bhṛśam |
yāvanna narmadānāmakīrtanaṃ kriyate kalau || 19 ||
[Analyze grammar]

garimā gāṇyate tāvattapodānavratādiṣu |
narairvā prāpyate yāvadbhuvi bhargabhavā dhunī || 20 ||
[Analyze grammar]

ye vasantyuttare kūle rudrasyānucarā hi te |
vasanti yāmyatīre ye lokaṃ te yānti vaiṣṇavam || 21 ||
[Analyze grammar]

dhanyāste deśavaryāste yeṣu deśeṣu narmadā |
narakāntakarī śaśvatsaṃśritā śarvanirmitā || 22 ||
[Analyze grammar]

kṛtapuṇyāśca te lokāḥ śokāya na bhavanti te |
ye pibanti jalaṃ puṇyaṃ pārvatīpatisindhujam || 23 ||
[Analyze grammar]

idaṃ pavitramatulaṃ revāyāścaritaṃ dvijāḥ |
śṛṇoti yaḥ kīrtayate mucyate sarvapātakaḥ || 24 ||
[Analyze grammar]

yatphalaṃ sarvavedaiśca saṣaḍaṅgapadakramaiḥ |
śrutaiśca paṭhitaistasmātphalamaṣṭaguṇaṃ bhavet || 25 ||
[Analyze grammar]

satrayājī phalaṃ yacca labhate dvādaśābdikam |
śrutvā sakṛcca revāyāścaritaṃ tatphalaṃ labhet || 26 ||
[Analyze grammar]

sarvatīrthāvagāhācca yatphalaṃ sāgarādiṣu |
sakṛcchrutvā ca māhātmyaṃ revāyāstatphalaṃ labhet || 27 ||
[Analyze grammar]

etaddharmyamupākhyānaṃ sarvaśāstreṣvanuttamam |
deśe vā maṇḍale vāpi nagare grāmamadhyataḥ || 28 ||
[Analyze grammar]

gṛhe vā tiṣṭhate yasya likhitaṃ sārvavārṇikam |
sa brahmā sa śivaḥ sākṣātsa ca devo janārdanaḥ || 29 ||
[Analyze grammar]

dharmārthakāmamokṣāṇāṃ mārge'yaṃ devasevitaḥ |
gurūṇāṃ ca guruḥ śāstraṃ paramaṃ siddhikāraṇam || 30 ||
[Analyze grammar]

yaścedaṃ śṛṇuyānnityaṃ purāṇaṃ devabhāṣitam |
brāhmaṇo vedavānbhūyātkṣatriyo vijayī bhavet || 31 ||
[Analyze grammar]

dhanāḍhyo jāyate vaiśyaḥ śūdro vai dharmabhāgbhavet || 32 ||
[Analyze grammar]

saubhāgyasantatiṃ nārī śrutvaitatsamavāpnuyāt |
śriyaṃ saukhyaṃ svargavāsaṃ janma caivottame kule || 33 ||
[Analyze grammar]

rasabhedī kṛtaghnaśca svāmidhruṅmitravañcakaḥ |
goghnaśca garadaścaiva kanyāvikrayakārakaḥ || 34 ||
[Analyze grammar]

brahmaghnaśca surāpī ca steyī ca gurutalpagaḥ |
narmadācaritaṃ śṛṇvaṃstāmabdaṃ yo'bhiṣevate || 35 ||
[Analyze grammar]

sarvapāpavinirmukto jāyate nātra saṃśayaḥ |
pākabhedī vṛthāpākī devabrāhmaṇanindakaḥ || 36 ||
[Analyze grammar]

parīvādī guroḥ pitroḥ sādhūnāṃ nṛpatestathā |
te'pi śrutvā ca pāpebhyo mucyante nātra saṃśayaḥ || 37 ||
[Analyze grammar]

ye punarbhāvitātmānaḥ śastraṃ śṛṇvanti nityaśaḥ |
pūjayanti ca tacchāstraṃ nārmadaṃ vastrabhūṣaṇaiḥ || 38 ||
[Analyze grammar]

puṣpaiḥ phalaiścandanādyairbhojanairvividhairapi |
śāstre'sminpūjite devāḥ pūjitā guravastathā || 39 ||
[Analyze grammar]

iha loke pare caiva nātra kāryā vicāraṇā |
tasmātsarvaprayatnena gandhavastrādibhūṣaṇaiḥ || 40 ||
[Analyze grammar]

pūjayetparayā bhaktyā vācakaṃ śāstrameva ca |
vedapāṭhaiśca yatpuṇyamagnihotraiśca pālitaiḥ || 41 ||
[Analyze grammar]

tatphalaṃ samavāpnoti narmadācarite śubhe |
kurukṣetre ca yatpuṇyaṃ prabhāse puṣkare tathā || 42 ||
[Analyze grammar]

rudrāvarte gayāyāṃ ca vārāṇasyāṃ viśeṣataḥ |
gaṅgādvāre prayāge ca gaṅgāsāgarasaṅgame || 43 ||
[Analyze grammar]

evamādiṣu tīrtheṣu yatpuṇyaṃ jāyate nṛṇām |
narmadācaritaṃ śrutvā tatpuṇyaṃ sakalaṃ labhet || 44 ||
[Analyze grammar]

ādimadhyāvasāneṣu narmadācaritaṃ śubham |
yaḥ śṛṇoti naro bhaktyā śṛṇudhvaṃ tatphalaṃ mahat || 45 ||
[Analyze grammar]

samāpya śivasaṃsthānaṃ devakanyāsamāvṛtaḥ |
rudrasyānucaro bhūtvā śivena saha modate || 46 ||
[Analyze grammar]

dharmākhyānamidaṃ puṇyaṃ sarvākhyāneṣvanuttamam |
gṛhe'pi paṭhyate yasya caturvarṇasya sattamāḥ || 47 ||
[Analyze grammar]

dhanyaṃ tasya gṛhaṃ manye gṛhasthaṃ cāpi tatkulam |
pustakaṃ pūjayedyastu narmadācaritasya tu || 48 ||
[Analyze grammar]

narmadā pūjitā tena bhagavāṃśca maheśvaraḥ |
vācake pūjite tadvaddevāśca ṛṣayo'rcitāḥ || 49 ||
[Analyze grammar]

lekhayitvā ca sakalaṃ revācaritamuttamam |
bhūṣaṇaṃ sarvaśāstrāṇāṃ yo dadāti dvijanmane || 50 ||
[Analyze grammar]

narmadāsarvatīrtheṣu snānadānena yatphalam |
tatphalaṃ samavāpnoti sa naro nātra saṃśayaḥ || 51 ||
[Analyze grammar]

etatpurāṇaṃ rudroktaṃ mahāpuṇyaphalapradam |
svargadaṃ putradaṃ dhanyaṃ yaśasyaṃ kīrttivardhanam || 52 ||
[Analyze grammar]

dharmyamāyuṣyamatulaṃ duḥkhaduḥsvapnanāśanam |
paṭhatāṃ śṛṇvatāṃ cāpi sarvakāmārthasiddhidam || 53 ||
[Analyze grammar]

yatpradattamidaṃ puṇyaṃ purāṇaṃ vācyate dvijaiḥ |
śivaloke sthitistasya purāṇākṣaravatsarī || 54 ||
[Analyze grammar]

iti nigaditametannarmadāyāścaritraṃ pavanagaditamagryaṃ śarvavaktrādavāpya |
tribhuvanajanavandyaṃ tvetadādau munīnāṃ kulapatipuratastatsūtamukhyena sādhu || 55 ||
[Analyze grammar]