Chapter 176

[English text for this chapter is available]

adhyāyaḥ || 176 ||
[Analyze grammar]

śrīmārkaṇḍeya uvāca |
tato gacchenmahīpāla piṅgalāvartamuttamam |
tīrthaṃ sarvaguṇopetaṃ kāmikaṃ bhuvi durlabham || 1 ||
[Analyze grammar]

vācikaṃ mānasaṃ pāpaṃ karmajaṃ yatpurā kṛtam |
piṅgaleśvaramāsādya tatsarvaṃ vilayaṃ vrajet || 2 ||
[Analyze grammar]

tatra snānaṃ ca dānaṃ ca devakhāte kṛtaṃ nṛpa |
akṣayaṃ tadbhavetsarvamityevaṃ śaṅkaro'bravīt || 3 ||
[Analyze grammar]

pṛthivyāṃ sarvatīrtheṣu samuddhṛtya śubhodakam |
muktaṃ tatra suraiḥ khātvā devakhātaṃ tato'bhavat || 4 ||
[Analyze grammar]

yudhiṣṭhira uvāca |
kathaṃ tu devakhātaṃ tatsaṃjātaṃ dvijasattama |
surāḥ sarve kathaṃ tatra mumucurvāri tīrthajam |
sarvaṃ kathaya me vipra śravaṇe lampaṭaṃ manaḥ || 5 ||
[Analyze grammar]

śrīmārkaṇḍeya uvāca |
yadā tu śūlaśuddhyarthaṃ rudro devagaṇaiḥ saha |
babhrāma pṛthivīṃ sarvāṃ kamaṇḍaludharaḥ śubhām || 6 ||
[Analyze grammar]

prabhāsādyeṣu tīrtheṣu snānaṃ cakruḥ surāstadā |
sarvatīrthotthitaṃ toyaṃ pātre vai nihitaṃ tu taiḥ || 7 ||
[Analyze grammar]

śūlabhedamanuprāpya śūlaṃ śuddhaṃ tu śūlinaḥ |
tatrotthamudakaṃ gṛhya āgatā bhṛgukacchake || 8 ||
[Analyze grammar]

tatrāpaśyaṃstato hyagniṃ ca piṅgalākṣaṃ ca rogiṇam |
tapasyugre vyavasitaṃ dhyāyamānaṃ maheśvaram || 9 ||
[Analyze grammar]

havirbhāgaistu viprāṇāṃ rājñāṃ caivāmayāvinām |
dṛṣṭvā tu bahurogārtamagniṃ devamukhaṃ surāḥ |
prāhuste sahitā devaṃ śaṅkaraṃ lokaśaṅkaram || 10 ||
[Analyze grammar]

devā ūcuḥ |
prasādaḥ kriyatāṃ śambho piṅgalasyāmayāvinaḥ |
yathā hi nīrujaḥ kāyo haviṣāṃ grahaṇakṣamaḥ |
punarbhavati piṅgastu tathā kuru maheśvara || 11 ||
[Analyze grammar]

īśvara uvāca |
bhobhoḥ surā hi tapasā tuṣṭo'haṃ vo viśeṣataḥ |
vacanācca viśeṣeṇa dadāmyabhimataṃ varam || 12 ||
[Analyze grammar]

piṅgala uvāca |
yadi tuṣṭo'si deveśa dīyate deva cepsitam |
candrādityau ca nayane kṛtvātra kalayā sthitaḥ || 13 ||
[Analyze grammar]

tathā punarnavaḥ kāyo bhavedvai mama śaṅkara |
tathā kuru virūpākṣa namastubhyaṃ punaḥ punaḥ || 14 ||
[Analyze grammar]

mārkaṇḍeya uvāca |
tataḥ sa bhagavāñchambhurmūrtimādityarūpiṇīm |
kṛtvā tu tasya tadrogamapānudata śaṅkaraḥ || 15 ||
[Analyze grammar]

tataḥ punarnavībhūtaḥ punaḥ provāca śaṅkaram |
atraiva sthīyatāṃ śambho tathaiva bhāskaraḥ svayam || 16 ||
[Analyze grammar]

prāṇināmupakārāya rogāṇāmupaśāntaye |
pāpānāṃ dhvaṃsanārthāya śreyasāṃ caiva vṛddhaye || 17 ||
[Analyze grammar]

evamuktastu bhagavānpiṅgalena mahātmanā |
avatāraṃ ca kṛtavān gīrvāṇānidamabravīt || 18 ||
[Analyze grammar]

īśvara uvāca |
muñcadhvamudakaṃ devāstīrthebhyo yatsamāhṛtam |
mama cottarataḥ kṛtvā khātaṃ devamayaṃ śubham || 19 ||
[Analyze grammar]

tatra nikṣipyatāṃ vāri sarvarogavināśanam |
sarvapāpaharaṃ divyaṃ sarvairapi surādibhiḥ || 20 ||
[Analyze grammar]

evamuktāḥ surāḥ sarve khātaṃ kṛtvā tathottare |
vayastriṃśatkoṭigaṇairmuktaṃ tattīrthajaṃ jalam || 21 ||
[Analyze grammar]

procuste sahitāḥ sarve virūpākṣapurogamāḥ |
yaḥ kaściddevakhāte'sminmṛdālambhanapūrvakam || 22 ||
[Analyze grammar]

snānaṃ kṛtvā ravidine saṃsnāya narmadājale |
śrāddhaṃ kṛtvā pitṛbhyo vai dānaṃ dattvā svaśaktitaḥ || 23 ||
[Analyze grammar]

pūjayiṣyati piṅgeśaṃ tasya vāsastriviṣṭape |
bhaviṣyati surairuktaṃ śṛṇoti sakalaṃ jagat || 24 ||
[Analyze grammar]

āmayā bhuvi martyānāṃ kṣayarogavicarcikāḥ |
vyādhayo vikṛtākārāḥ kāsaśvāsajvarodbhavāḥ || 25 ||
[Analyze grammar]

ekadvitricaturthāhā ye jvarā bhūtasambhavāḥ |
ye cānye vikṛtā doṣā dadruśca kāmalaṃ tathā || 26 ||
[Analyze grammar]

dinaiste saptabhiryānti nāśaṃ snānairraverdine |
śatabhedaprabhinnā ye kuṣṭhā bahuvidhāstathā || 27 ||
[Analyze grammar]

śatamādityavārāṇāṃ snāyādaṣṭottaraṃ tu yaḥ |
sampūjya śaṅkaraṃ dadyāttilapātraṃ dvijātaye || 28 ||
[Analyze grammar]

naśyanti tasya kuṣṭhāni garuḍeneva pannagāḥ |
evamuktvā gatāḥ sarve tridaśāstridaśālayam || 29 ||
[Analyze grammar]

mārkaṇḍeya uvāca |
nadīṣu devakhāteṣu taḍāgeṣu saritsu ca |
snānaṃ samācarennityaṃ naraḥ pāpaiḥ pramucyate || 30 ||
[Analyze grammar]

ṣaṣṭitīrthasahasreṣu ṣaṣṭitīrthaśateṣu ca |
yatphalaṃ snānadāneṣu devakhāte tato'dhikam || 31 ||
[Analyze grammar]

devakhāteṣu yaḥ snātvā tarpayitvā pitṝnnṛpa |
pūjayeddevadeveśaṃ piṅgaleśvaramuttamam || 32 ||
[Analyze grammar]

so'śvamedhasya yajñasya vājapeyasya bhārata |
dvayoḥ puṇyamavāpnoti nātra kāryā vicāraṇā || 33 ||
[Analyze grammar]