Chapter 142

[English text for this chapter is available]

| adhyāya || 142 ||
[Analyze grammar]

śrīmārkaṇḍeya uvāca |
tato gacchenmahārāja rukmiṇītīrthamuttamam |
yatraiva snānamātreṇa rūpavānsubhago bhavet || 1 ||
[Analyze grammar]

aṣṭamyāṃ ca caturdaśyāṃ tṛtīyāyāṃ viśeṣataḥ |
snānaṃ samācarettatra na ceha jāyate punaḥ || 2 ||
[Analyze grammar]

yaḥ snātvā rukmiṇītīrthe dānaṃ dadyāttu kāṃcanam |
tattīrthasya prabhāvena śokaṃ nāpnoti mānavaḥ || 3 ||
[Analyze grammar]

yudhiṣṭhira uvāca |
tīrthasyāsya kathaṃ jāto mahimedṛṅmunīśvara |
rūpasaubhāgyadaṃ yena tīrthametadbravīhi me || 4 ||
[Analyze grammar]

mārkaṇḍeya uvāca |
kathayāmi yathāvṛttamitihāsaṃ purātanam |
kathitaṃ pūrvato vṛddhaiḥ pāramparyeṇa bhārata || 5 ||
[Analyze grammar]

taṃ te'haṃ sampravakṣyāmi śṛṇuṣvaikāgramānasaḥ |
nagaraṃ kuṇḍinaṃ nāma bhīṣmakaḥ paripāti hi || 6 ||
[Analyze grammar]

hastyaśvarathasampanno dhanāḍhyo'ti pratāpavān |
strīsahasrasya madhyasthaḥ kurute rājyamuttamam || 7 ||
[Analyze grammar]

tasya bhāryā mahādevī prāṇebhyo'pi garīyasī |
tasyāmutpādayāmāsa putramekaṃ ca rukmakam || 8 ||
[Analyze grammar]

dvitīyā tanayā jajñe rukmiṇī nāma nāmataḥ |
tadāśarīriṇī vācā rājānaṃ tamuvāca ha || 9 ||
[Analyze grammar]

caturbhujāya dātavyā kanyeyaṃ bhuvi bhīṣmaka |
evaṃ tadvacanaṃ śrutvā jaharṣa priyayā saha || 10 ||
[Analyze grammar]

brāhmaṇaiḥ saha vidvadbhiḥ praviṣṭaḥ sūtikāgṛham |
svastikaṃ vācayitvāsyāścakre nāmeti rukmiṇī || 11 ||
[Analyze grammar]

yataḥ suvarṇatilako janmanā saha bhārata |
tataḥ sā rukmiṇīnāma brāhmaṇaiḥ kīrtitā tadā || 12 ||
[Analyze grammar]

tataḥ sā kālaparyāyādaṣṭavarṣā vyajāyata |
pūrvoktaṃ caiva tadvākyamaśarīriṇyudīritam || 13 ||
[Analyze grammar]

smṛtvā smṛtvātha nṛpatiścintayāmāsa bhūpatiḥ |
kasmai deyā mayā bālā bhavitā kaścaturbhujaḥ || 14 ||
[Analyze grammar]

etasminnantare tāvadraivatātparvatottamāt |
mukhyaścedipatistatra damaghoṣaḥ samāgataḥ || 15 ||
[Analyze grammar]

praviṣṭo rājasadanaṃ yatra rājā sa bhīṣmakaḥ |
taṃ dṛṣṭvā cāgataṃ gehe pūjayāmāsa bhūpatiḥ || 16 ||
[Analyze grammar]

āsanaṃ vipulaṃ dattvā sabhāṃ gatvā niveśitaḥ |
kuśalaṃ tava rājendra damaghoṣa śriyāyuta || 17 ||
[Analyze grammar]

puṇyāhamadya saṃjātamahaṃ tvaddarśanotsukaḥ |
kanyā madīyā rājendra hyaṣṭavarṣā vyajāyata || 18 ||
[Analyze grammar]

caturbhujāya dātavyā vāguvācāśarīriṇī |
bhīṣmakasya vacaḥ śrutvā damaghoṣo'bravīdidam || 19 ||
[Analyze grammar]

caturbhujo mama sutastriṣu lokeṣu viśrutaḥ |
tasyeyaṃ dīyatāṃ kanyā śiśupālasya bhīṣmaka || 20 ||
[Analyze grammar]

tasya tadvacanaṃ śrutvā damaghoṣasya bhūmipa |
bhīṣmakena tato dattā śiśupālāya rukmiṇī || 21 ||
[Analyze grammar]

prārabdhaṃ maṅgalaṃ tatra bhīṣmakeṇa yudhiṣṭhira |
dikṣu deśāntareṣveva ye vasanti svagotrajāḥ || 22 ||
[Analyze grammar]

nimantritāstu te sarve samājagmuryathākramam |
tato yādavavaṃśasya tilakau balakeśavau || 23 ||
[Analyze grammar]

nimantritau samāyātau kuṇḍinaṃ bhīṣmakasya tu |
bhīṣmakeṇa yathānyāyaṃ pūjitau tau yadūttamau || 24 ||
[Analyze grammar]

tataḥ pradoṣasamaye rukmiṇī kāmamohinī |
sakhībhiḥ sahitā yātā pūrbahiścāmbikārcane || 25 ||
[Analyze grammar]

sāpaśyattatra deveśaṃ gopaveṣadharaṃ harim |
taṃ dṛṣṭvā mohamāpannā kāmena kaluṣīkṛtā || 26 ||
[Analyze grammar]

keśavo'pi ca tāṃ dṛṣṭvā saṃkarṣaṇamuvāca ha |
strīratnapravaraṃ tāta hartavyamiti me matiḥ || 27 ||
[Analyze grammar]

keśavasya vacaḥ śrutvā saṃkarṣaṇa uvāca ha |
gaccha kṛṣṇa mahābāho strīratnaṃ cāśu gṛhyatām || 28 ||
[Analyze grammar]

ahaṃ ca tava mārgeṇa hyāgamiṣyāmi pṛṣṭhataḥ |
dānavānāṃ ca sarveṣāṃ kurvaṃśca kadanaṃ mahat || 29 ||
[Analyze grammar]

saṃkarṣaṇamataṃ prāpya keśavaḥ keśisūdanaḥ |
yayau kanyāṃ gṛhītvā tu rathamāropya satvaram || 30 ||
[Analyze grammar]

nirgataḥ sahasā rājanvegenaivānilo yathā |
hāhākārastadā jāto bhīṣmakasya pure mahān || 31 ||
[Analyze grammar]

nirgatā dānavāḥ kruddhā velā iva mahodadheḥ |
garjantaḥ sāyudhāḥ sarve dhāvanto rathavartmani || 32 ||
[Analyze grammar]

baladevaṃ tataḥ prāptā rathamārgānugāminam |
teṣāṃ yuddhaṃ balasyāsītsarvalokakṣayaṃkaram || 33 ||
[Analyze grammar]

yathā tārāmaye pūrvaṃ saṅgrāme lokaviśrute |
gadāhasto mahābāhustrailokye'pratimo balaḥ || 34 ||
[Analyze grammar]

halenākṛṣya sahasā gadāpātairapātayat |
aśakyo dānavairhantuṃ balabhadro mahābalaḥ || 35 ||
[Analyze grammar]

babhañja dānavānsarvāṃstasthau giririvācalaḥ |
taṃ dṛṣṭvā ca balaṃ kruddhaṃ durdharṣaṃ tridaśairapi || 36 ||
[Analyze grammar]

bhīṣmaputro mahātejā rukmīnāṃ mahayaśāḥ |
narāṇāmatiśūrāṇāmakṣauhiṇyā samanvitaḥ || 37 ||
[Analyze grammar]

balabhadramatikramya tato yuddhe nirākarot |
tadyuddhaṃ vañcayitvā tu rathamārgeṇa satvaram || 38 ||
[Analyze grammar]

keśavo'pi tadā devo rukmiṇyā sahito yayau |
vindhyaṃ tu laṅghayitvāgre trailokyagururavyayaḥ || 39 ||
[Analyze grammar]

narmadātaṭamāpede yatra siddhaḥ purā punaḥ |
ajeyo yena saṃjātastīrthasyāsya prabhāvataḥ || 40 ||
[Analyze grammar]

etasmātkāraṇāttāta yodhanīpuramucyate |
rukmo'pi dānavendro'sau prāptaḥ || 41 ||
[Analyze grammar]

pratyuvācācyutaṃ kruddhastiṣṭha tiṣṭheti mā vraja |
adya tvāṃ niśitairbāṇairneṣyāmi yamasādanam || 42 ||
[Analyze grammar]

evaṃ parasparaṃ vīrau jagarjaturubhāvapi |
tayoryuddhamabhūdghoraṃ tārakāgnijasannibham || 43 ||
[Analyze grammar]

cikṣepa śarajālāni keśavaṃ prati dānavaḥ |
nānucintya śarāṃstasya keśavaḥ keśisūdanaḥ || 44 ||
[Analyze grammar]

tato viṣṇuḥ svayaṃ kruddhaścakraṃ gṛhya sudarśanam |
sampraharatyamuṃ yāvadrukmiṇyātra nivāritaḥ || 45 ||
[Analyze grammar]

tvāṃ na jānāti deveśaṃ caturbāhuṃ janārdanam |
darśayasva svakaṃ rūpaṃ dayāṃ kṛtvā mamopari || 46 ||
[Analyze grammar]

evamuktastu rukmiṇyā darśayāmāsa bhārata |
devā dṛṣṭvāpi tadrūpaṃ stuvantyākāśasaṃsthitāḥ |
divyaṃ cakṣustadā devo dadau rukmasya bhārata || 47 ||
[Analyze grammar]

rukma uvāca |
yanmayā pāpaniṣṭhena mandabhāgyena keśava |
sāyakairāhataṃ vakṣastatsarvaṃ kṣantumarhasi || 48 ||
[Analyze grammar]

pūrvaṃ dattā svayaṃ deva jānakī janakena vai |
mayā pradattā deveśa rukmiṇī tava keśava || 49 ||
[Analyze grammar]

udvāhaya yathānyāyaṃ vidhidṛṣṭena karmaṇā |
rukmasya vacanaṃ śrutvā tatastuṣṭo jagadguruḥ || 50 ||
[Analyze grammar]

babhāṣe devadeveśo rukmiṇaṃ bhīṣmakātmajam |
gaccha svakaṃ puraṃ mā bhaiḥ kuru rājyamakaṇṭakam || 51 ||
[Analyze grammar]

keśavasya vacaḥ śrutvā rukmo dānavapuṃgavaḥ |
taṃ praṇamya jagannāthaṃ jagāma bhavanaṃ pituḥ || 52 ||
[Analyze grammar]

gate rukme tadā kṛṣṇaḥ samāmantrya dvijottamān |
marīcimatryaṅgirasaṃ pulastyaṃ pulahaṃ kratum || 53 ||
[Analyze grammar]

vasiṣṭhaṃ ca mahābhāgamityete sapta mānasāḥ |
ityete brāhmaṇāḥ sapta purāṇe niścayaṃ gatāḥ || 54 ||
[Analyze grammar]

kṣamāvantaḥ prajāvanto maharṣibhiralaṃkṛtāḥ |
ityevaṃ brahmaputrāśca satyavanto mahāmate || 55 ||
[Analyze grammar]

narmadātaṭamāśritya nivasanti jitendriyāḥ |
tapaḥsvādhyāyaniratā japahomaparāyaṇāḥ || 56 ||
[Analyze grammar]

nimantritāstu rājendra keśavena mahātmanā |
śrāddhaṃ kṛtvā yathānyāyaṃ brahmoktavidhinā tataḥ || 57 ||
[Analyze grammar]

haristānpūjayāmāsa saptabrahmarṣipuṃgavān |
pradadau dvādaśa grāmāṃstebhyastatra janārdanaḥ || 58 ||
[Analyze grammar]

yāvaccandraśca sūryaśca yāvattiṣṭhati medinī |
tāvaddānaṃ mayā dattaṃ paripanthī na kaścana || 59 ||
[Analyze grammar]

maddattaṃ pālayiṣyante ye nṛpā gatakalmaṣāḥ |
tebhyaḥ svasti kariṣyāmi dāsyāmi paramāṃ gatim || 60 ||
[Analyze grammar]

yāvaddhi yānti lokeṣu mahābhūtāni pañca ca |
tāvatte divi modante maddattaparipālakāḥ || 61 ||
[Analyze grammar]

yastu lopayate mūḍho dattaṃ vaḥ pṛthivītale |
narake tasya vāsaḥ syādyāvadābhūtasamplavam || 62 ||
[Analyze grammar]

svadattā paradattā vā pālanīyā vasuṃdharā |
yasya yasya yadā bhūmistasya tasya tadā phalam || 63 ||
[Analyze grammar]

svadattāṃ paradattāṃ vā yo hareta vasuṃdharām |
sa viṣṭhāyāṃ kṛmirbhūtvā pitṛbhiḥ saha majjati || 64 ||
[Analyze grammar]

anyāyena hṛtā bhūmiranyāyena ca hāritā |
hartā hārayitā caiva viṣṭhāyāṃ jāyate kṛmiḥ || 65 ||
[Analyze grammar]

ṣaṣṭivarṣasahasrāṇi svarge tiṣṭhati bhūmidaḥ |
ācchettā cānumantā ca tānyeva narake vaset || 66 ||
[Analyze grammar]

yānīha dattāni purā narendrairdānāni dharmārthayaśaskarāṇi |
nirmālyarūpapratimāni tāni ko nāma sādhuḥ punarādadāti || 67 ||
[Analyze grammar]

evaṃ tānpūjayitvā tu samyaṅnyāyena pāṇḍava |
rukmiṇyā vidhivatpāṇiṃ jagrāha madhusūdanaḥ || 68 ||
[Analyze grammar]

muśalī ca tataḥ sarvāñjitvā dānavapuṃgavān |
svasthānamagamattatra kṛtvā kāryaṃ suśobhanam || 69 ||
[Analyze grammar]

prayātau dvāravatyāṃ tau kṛṣṇasaṃkarṣaṇāvubhau |
gacchamānaṃ tu taṃ dṛṣṭvā keśavaṃ kleśanāśanam || 70 ||
[Analyze grammar]

brāhmaṇāḥ satyavantaśca nirgatāḥ śaṃsitavratāḥ |
āgacchamānāṃstau vīkṣya rathamārgeṇa brāhmaṇān || 71 ||
[Analyze grammar]

muhūrtaṃ tatra viśramya keśavo vākyamabravīt |
kimāgamanakāryaṃ vo brūta sarvaṃ dvijottamāḥ || 72 ||
[Analyze grammar]

kurvāṇāḥ svīyakarmāṇi mama kṛtyaṃ tu tiṣṭhate |
devasya vacanaṃ śrutvā munayo vākyamabruvan || 73 ||
[Analyze grammar]

kalpakoṭisahasreṇa satyabhāvāttu vanditaḥ |
duṣprāpyo'si manuṣyāṇāṃ prāptaḥ kiṃ tyajase hi naḥ || 74 ||
[Analyze grammar]

brāhmaṇānāṃ vacaḥ śrutvā bhagavānidamabravīt |
mathurāyāṃ dvāravatyāṃ yodhanīpura eva ca || 75 ||
[Analyze grammar]

trikālamāgamiṣyāmi satyaṃ satyaṃ punaḥ punaḥ |
evaṃ te brāhmaṇāḥ śrutvā yodhanīpuramāgatāḥ || 76 ||
[Analyze grammar]

avatīrṇastribhāgena prādurbhāve tu māthure |
etatte kathitaṃ sarvaṃ tīrthasyotpattikāraṇam || 77 ||
[Analyze grammar]

bhūtaṃ bhavyaṃ bhaviṣyacca vartamānaṃ tathāparam |
yaṃ śrutvā sarvapāpebhyo mucyate nātra saṃśayaḥ || 78 ||
[Analyze grammar]

tatra tīrthe tu yaḥ snātvā pūjayedbalakeśavau |
tena devo jagaddhātā pūjitastriguṇātmavān || 79 ||
[Analyze grammar]

upavāsī naro bhūtvā yastu kuryātpradakṣiṇam |
mucyate sarvapāpebhyo nātra kāryā vicāraṇā || 80 ||
[Analyze grammar]

tatra tīrthe tu ye vṛkṣāstānpaśyantyapi ye narāḥ |
te'pi pāpaiḥ pramucyante bhrūṇahatyāsamairapi || 81 ||
[Analyze grammar]

prātarutthāya ye kecitpaśyanti balakeśavau |
tena te sadṛśāḥ syurvai devadevena cakriṇā || 82 ||
[Analyze grammar]

te pūjyāste namaskāryāsteṣāṃ janma sujīvitam |
ye namanti jagannāthaṃ devaṃ nārāyaṇaṃ harim || 83 ||
[Analyze grammar]

tatra tīrthe tu yaddānaṃ snānaṃ devārcanaṃ nṛpa |
tatsarvamakṣayaṃ tasya ityevaṃ śaṅkaro'bravīt || 84 ||
[Analyze grammar]

praviśyāgnau mṛtānāṃ ca yatphalaṃ samudāhṛtam |
tacchṛṇuṣva nṛpaśreṣṭha procyamānamaśeṣataḥ || 85 ||
[Analyze grammar]

vimānenārkavarṇena kiṃkiṇījālamālinā |
āgneye bhavate tatra modate kālamīpsitam || 86 ||
[Analyze grammar]

jale caivā mṛtānāṃ tu yodhanīpuramadhyataḥ |
vasanti vāruṇe loke yāvadābhūtasamplavam || 87 ||
[Analyze grammar]

anāśake mṛtānāṃ tu tatra tīrthe narādhipa |
anivartikā gatirnṛṇāṃ nātra kāryā vicāraṇā || 88 ||
[Analyze grammar]

tatra tīrthe tu yo dadyātkapilādānamuttamam |
vidhānena tu saṃyuktaṃ śṛṇu tasyāpi yatphalam || 89 ||
[Analyze grammar]

yāvanti tasyā romāṇi tatprasūteśca bhārata |
tāvanti divi modante sarvakāmaiḥ supūjitāḥ || 90 ||
[Analyze grammar]

yāvanti romāṇi bhavanti dhenvāstāvanti varṣāṇi mahīyate saḥ |
svargāccyutaścāpi tatastrilokyāṃ kule samutpatsyati gomatāṃ saḥ || 91 ||
[Analyze grammar]

tatra tīrthe tu yo dadyādrūpyaṃ kāñcanameva vā |
kāñcanena vimānena viṣṇuloke mahīyate || 92 ||
[Analyze grammar]

tasmiṃstīrthe tu yo dadyātpāduke vastrameva ca |
dānasyāsya prabhāvena labhate svargamīpsitam || 93 ||
[Analyze grammar]

ṛgyajuḥsāmavedānāṃ paṭhanādyatphalaṃ bhavet |
tatra tīrthe tu rājendra gāyatryā tatphalaṃ labhet || 94 ||
[Analyze grammar]

prayāge yadbhavetpuṇyaṃ gayāyāṃ ca tripuṣkare |
kurukṣetre tu rājendra rāhugraste divākare || 95 ||
[Analyze grammar]

someśvare ca yatpuṇyaṃ somasya grahaṇe tathā |
tatphalaṃ labhate tatra snānamātrānna saṃśayaḥ || 96 ||
[Analyze grammar]

dvādaśyāṃ tu naraḥ snātvā namaskṛtya janārdanam |
uddhṛtāḥ pitarastena avāptaṃ janmanaḥ phalam || 97 ||
[Analyze grammar]

saṃkrāntau ca vyatīpāte dvādaśyāṃ ca viśeṣataḥ |
brāhmaṇaṃ bhojayedekaṃ koṭirbhavati bhojitā || 98 ||
[Analyze grammar]

pṛthivyāṃ yāni tīrthāni hyāsamudrāṇi pāṇḍava |
tāni sarvāṇi tatraiva dvādaśyāṃ pāṇḍunandana || 99 ||
[Analyze grammar]

kṣayaṃ yānti ca dānāni yajñahomabalikriyāḥ |
na kṣīyate mahārāja tatra tīrthe tu yatkṛtam || 100 ||
[Analyze grammar]

yadbhūtaṃ yadbhaviṣyacca tīrthamāhātmyamuttamam |
kathitaṃ te mayā sarvaṃ pṛthagbhāvena bhārata || 101 ||
[Analyze grammar]