Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 141

< Previous

Next >

[English text for this chapter is available]

| adhyāya || 141 ||
[Analyze grammar]

śrīmārkaṇḍeya uvāca |
tato gacchenmahīpāla tāpeśvaramanuttamam |
yatra sā hariṇī siddhā vyādhabhītā nareśvara || 1 ||
[Analyze grammar]

jale prakṣipya gātrāṇi hyantarikṣaṃ gatā tu sā |
vyādho vismitacittastu tāṃ mṛgīmavalokya ca || 2 ||
[Analyze grammar]

vimucya saśaraṃ cāpaṃ prārebhe tapa uttamam |
divyaṃ varṣasahasraṃ tu vyādhenācaritaṃ tapaḥ || 3 ||
[Analyze grammar]

atīte tu tataḥ kāle parituṣṭo maheśvaraḥ |
varaṃ brūhi mahāvyādha yatte manasi rocate || 4 ||
[Analyze grammar]

vyādha uvāca |
yadi tuṣṭo'si deveśa yadi deyo varo mama |
tava pārśve mahādeva vāso me pratidīyatām || 5 ||
[Analyze grammar]

īśvara uvāca |
evaṃ bhavatu te vyādha yastvayā kāṅkṣito varaḥ |
daivadevo mahādeva ityuktvāntaradhīyata |
gate cādarśanaṃ deve sthāpayitvā maheśvaram || 6 ||
[Analyze grammar]

pūjayitvā vidhānena gato vyādhastato divam |
tadāprabhṛti tattīrthaṃ triṣu lokeṣu viśrutam || 7 ||
[Analyze grammar]

vyādhānutāpasaṃjātaṃ tāpeśvaramiti śrutam |
tatra tīrthe tu yaḥ snātvā sampūjayati śaṅkaram || 8 ||
[Analyze grammar]

śivalokamavāpnoti māmuvāca maheśvaraḥ |
ye snātā narmadātoye tīrthe tāpeśvare narāḥ || 9 ||
[Analyze grammar]

tāpatrayavimuktāste nātra kāryā vicāraṇā |
aṣṭamyāṃ ca caturdaśyāṃ tṛtīyāyāṃ viśeṣataḥ || 10 ||
[Analyze grammar]

snānaṃ samācarennityaṃ sarvapātakaśāntaye || 11 ||
[Analyze grammar]