Chapter 35

[English text for this chapter is available]

| adhyāya || 35 ||
[Analyze grammar]

yudhiṣṭhira uvāca |
jalamadhye mahādevaḥ kena tiṣṭhati hetunā |
uttaraṃ dakṣiṇaṃ kūlaṃ varjayitvā dvijottama || 1 ||
[Analyze grammar]

śrīmārkaṇḍeya uvāca |
etadākhyānamatulaṃ puṇyaṃ śrutimukhāvaham |
purāṇe yacchrutaṃ tāta tatte vakṣyāmyaśeṣataḥ || 2 ||
[Analyze grammar]

tretāyuge mahābhāga rāvaṇo devakaṇṭakaḥ |
trailokyavijayī raudraḥ surāsurabhayaṃkaraḥ || 3 ||
[Analyze grammar]

devadānavagandharvairṛṣibhiśca tapodhanaiḥ |
avadhyo'tha vimānena yāvatparyaṭate mahīm || 4 ||
[Analyze grammar]

tāvaddhindhyagirermadhye dānavo baladarpitaḥ |
mayo nāmeti vikhyāto guhāvāsī tapaścaran || 5 ||
[Analyze grammar]

tasya pārśvagato rakṣo vinayādavaniṃ gataḥ |
pūjito dānasanmānairidaṃ vacanamabravīt || 6 ||
[Analyze grammar]

kasyeyaṃ padmapatrākṣī pūrṇacandranibhānanā |
kiṃnāmadheyā tapati tapa ugraṃ kathaṃ vibho || 7 ||
[Analyze grammar]

maya uvāca |
dānavānāṃ patiḥ śreṣṭho mayo'haṃ nāma nāmataḥ |
bhāryā tejovatī nāma tasyāstu tanayā śubhā || 8 ||
[Analyze grammar]

mandodarīti vikhyātā tapate bhartṛkāraṇāt |
ārādhayantī bhartāramumāyā dayitaṃ śubham || 9 ||
[Analyze grammar]

tacchrutvā vacanaṃ tasya rāvaṇo madamohitaḥ |
prasṛtaḥ praṇato bhūtvā mayaṃ vacanamabravīt || 10 ||
[Analyze grammar]

paulastyānvayasaṃjāto devadānavadarpahā |
prārthayāmi mahābhāga sutāṃ tvaṃ dātumarhasi || 11 ||
[Analyze grammar]

jñātvā paitāmahaṃ vṛttaṃ mayenāpi mahātmanā |
rāvaṇāya sutā dattā pūjayitvā vidhānataḥ || 12 ||
[Analyze grammar]

gṛhītvā tāṃ tadā rakṣo'bhyarcyamāno niśācaraiḥ |
devodyāne vimānaiśca krīḍate sa tayā saha || 13 ||
[Analyze grammar]

kenacittvatha kālena rāvaṇo lokarāvaṇaḥ |
putraṃ putravatāṃ śreṣṭho janayāmāsa bhārata || 14 ||
[Analyze grammar]

tenaiva jātamātreṇa rāvo mukto mahātmanā |
saṃvartakasya meghasya tena lokā jaḍīkṛtāḥ || 15 ||
[Analyze grammar]

śrutvā tannarditaṃ ghoraṃ brahmā lokapitāmahaḥ |
nāma cakre tadā tasya meghanādo bhaviṣyati || 16 ||
[Analyze grammar]

evaṃnāmā kṛtaḥ so'pi paramaṃ vratamāsthitaḥ |
toṣayāmāsa deveśamumayā saha śaṅkaram || 17 ||
[Analyze grammar]

vratairniyamadānaiśca homajāpyavidhānataḥ |
kṛcchracāndrāyaṇairnityaṃ kṛśaṃ kurvankalevaram || 18 ||
[Analyze grammar]

evamanyaddine tāta kailāsaṃ dharaṇīdharam |
gatvā liṅgadvayaṃ gṛhya prasthito dakṣiṇāmukhaḥ || 19 ||
[Analyze grammar]

narmadātaṭamāśritya snātukāmo mahābalaḥ |
nikṣipya pūjayan devaṃ kṛtajāpyo nareśvara || 20 ||
[Analyze grammar]

tatrāyatanāvāsena snāto hutahutāśanaḥ |
kṛtakṛtyamivātmānaṃ mānayitvā niśācaraḥ || 21 ||
[Analyze grammar]

gantukāmaḥ paraṃ mārgaṃ laṅkāyāṃ nṛpasattama |
ekamuddharato liṅgaṃ praṇataḥ savyapāṇinā || 22 ||
[Analyze grammar]

dvitīyaṃ tu dvitīyena bhaktyā paulastyanandanaḥ |
tāvadeva mahāliṅgaṃ patitaṃ narmadāṃbhasi || 23 ||
[Analyze grammar]

yāhi yāhīti cetyuktvā jalamadhye pratiṣṭhitaḥ |
namitvā rāvaṇistasya devasya parameṣṭhinaḥ || 24 ||
[Analyze grammar]

jagāmākāśamāviśya pūjyamāno niśācaraiḥ |
tadā prabhṛti tattīrthaṃ meghanādeti viśrutam || 25 ||
[Analyze grammar]

pūrvaṃ tu garjanaṃ nāma sarvapāpakṣayaṃkaram |
tasmiṃstīrthe tu rājendra yastu snānaṃ samācaret || 26 ||
[Analyze grammar]

ahorātroṣito bhūtvā aśvamedhaphalaṃ labhet |
piṇḍadānaṃ tu yaḥ kuryāttasmiṃstīrthe narādhipa || 27 ||
[Analyze grammar]

yatphalaṃ sattrayajñena tadbhavennātra saṃśayaḥ |
tena dvādaśavarṣāṇi pitaraḥ saṃpratarpitāḥ || 28 ||
[Analyze grammar]

yastu bhojayate vipraṃ ṣaḍrasātrena bhārata |
akṣayapuṇyamāpnoti tatra tīrthe narottama || 29 ||
[Analyze grammar]

prāṇatyāgaṃ tu yaḥ kuryādbhāvito bhāvitātmanā |
sa vasecchāṅkare loke yāvadā bhūtasamplavam || 30 ||
[Analyze grammar]

eṣā te naraśārdūla garjanotpattiruttamā |
kathitā snehabandhena sarvapāpakṣayakarī || 31 ||
[Analyze grammar]