Chapter 34

[English text for this chapter is available]

| adhyāya || 34 ||
[Analyze grammar]

śrīmārkaṇḍeya uvāca |
tatraiva tu bhavedanyadādityasya mahātmanaḥ |
kīrtayāmi naraśreṣṭha yadi te śravaṇe matiḥ || 1 ||
[Analyze grammar]

yudhiṣṭhira uvāca |
etadāścaryamatulaṃ śrutvā tava mukhodgatam |
vismayāddhṛṣṭaromāhaṃ jāto'smi munisattama || 2 ||
[Analyze grammar]

sahasrakiraṇo devo hartā kartā nirañjanaḥ |
avatāreṇa lokānāmuddhartā narmadātaṭe || 3 ||
[Analyze grammar]

puruṣākāro bhagavānutāho tapasaḥ phalāt |
kasya gotre samutpannaḥ kasya devo'bhavadvaśī || 4 ||
[Analyze grammar]

śrīmārkaṇḍeya uvāca |
kulikānvayasambhūto brāhmaṇo bhaktimāñchuciḥ |
īkṣyāmīti raviṃ tatra tīrthe yātrākṛtodyamaḥ || 5 ||
[Analyze grammar]

yojanānāṃ śataṃ sāgraṃ nirāhāro gatodakaḥ |
prasthito devadevena svapnānte vāritaḥ kila || 6 ||
[Analyze grammar]

bhobho mune mahāsattva alaṃ te vratamīdṛśam |
sarvaṃ vyāpya sthitaṃ paśya sthāvaraṃ jaṅgamaṃ ca mām || 7 ||
[Analyze grammar]

tapāmyahaṃ tato varṣaṃ nigṛhṇāmyutsṛjāmi ca |
na mṛ taṃ caiva mṛtyuṃ ca yaḥ paśyati sa paśyati || 8 ||
[Analyze grammar]

varaṃ varaya bhadraṃ tvamātmano yastavepsitam || 9 ||
[Analyze grammar]

brāhmaṇa uvāca |
yadi tuṣṭo'si me deva deyo yadi varo mama |
uttare narmadākūle sadā saṃnihito bhava || 10 ||
[Analyze grammar]

ye bhaktyā parayā deva yojanānāṃ śate sthitāḥ |
smariṣyanti jitātmānasteṣāṃ tvaṃ varado bhava || 11 ||
[Analyze grammar]

kubjāndhabadhirā mūkā ye kecidvikalendriyāḥ |
tava pādau namasyanti teṣāṃ tvaṃ varado bhava || 12 ||
[Analyze grammar]

śīrṇaghrāṇā gatadhiyo hyasthicarmāvaśeṣitāḥ |
teṣāṃ tvaṃ karuṇāṃ deva acireṇa kuruṣva ha || 13 ||
[Analyze grammar]

ye'pi tvāṃ narmadātoye snātvā tatra dine dine |
arcayanti jagannātha teṣāṃ tvaṃ varado bhava || 14 ||
[Analyze grammar]

prabhāte ye staviṣyanti stavairvaidikalaukikaiḥ |
abhipretaṃ varaṃ deva teṣāṃ tvaṃ dada bhocyuta || 15 ||
[Analyze grammar]

tavāgre vapanaṃ deva kārayanti narā bhuvi |
svāmiṃsteṣāṃ varo deya eṣa me paramo varaḥ || 16 ||
[Analyze grammar]

evamastviti taṃ coktvā muniṃ karuṇayā punaḥ |
śatabhāgena rājendra sthitvā cādarśanaṃ gataḥ || 17 ||
[Analyze grammar]

tatra tīrthe naro bhaktyā gatvā snānaṃ samācaret |
tarpayetpitṛdevāṃśca so'gniṣṭomaphalaṃ labhet || 18 ||
[Analyze grammar]

agnipraveśaṃ yaḥ kuryāttasmiṃstīrthe narādhipa |
dyotayanvai diśaḥ sarvā agnilokaṃ sa gacchati || 19 ||
[Analyze grammar]

yastattīrthaṃ samāsādya tyajatīha kalevaram |
sa gato vāruṇaṃ lokamityevaṃ śaṅkaro'bravīt || 20 ||
[Analyze grammar]

tatra tīrthe tu yaḥ kaścitsaṃnyāsena tanuṃ tyajet |
ṣaṣṭivarṣasahasrāṇi svargaloke mahīyate || 21 ||
[Analyze grammar]

apsarogaṇasaṃkīrṇe divyaśabdānunādite |
uṣitvāyāti martye vai vedavedāṅgavidbhavet || 22 ||
[Analyze grammar]

vyādhiśokavinirmukto dhanakoṭipatirbhavet |
putradārasamopeto jīvecca śaradaḥ śatam || 23 ||
[Analyze grammar]

prātarutthāya yastatra smarate bhāskaraṃ tadā |
ājanmajanitātpāpānmucyate nātra saṃśayaḥ || 24 ||
[Analyze grammar]