Chapter 20

[English text for this chapter is available]

| yudhiṣṭhira uvāca |
śrutā me vividhā dharmāḥ saṃhārāstvatprasādataḥ |
kṛtā devena sarveṇa ye ca dṛṣṭāstvayānagha || 1 ||
[Analyze grammar]

sāmprataṃ śrotumicchāmi prabhāvaṃ śārṅgadhanvanaḥ |
tvayānubhūtaṃ viprendra tanme tvaṃ vaktumarhasi || 2 ||
[Analyze grammar]

śrīmārkaṇḍeya uvāca |
ataḥ paraṃ pravakṣyāmi prajāsaṃhāralakṣaṇam |
yaccihnaṃ dṛśyate tatra yathā kalpo vidhīyate || 3 ||
[Analyze grammar]

ulkāpātāḥ sanirghātā bhūmikampastathaiva ca |
patate pāṃśuvarṣaṃ ca nirghoṣaścaiva dāruṇaḥ || 4 ||
[Analyze grammar]

yakṣakinnaragandharvāḥ piśācoragarākṣasāḥ |
sarve te pralayaṃ yānti yugānte samupasthite || 5 ||
[Analyze grammar]

parvatāḥ sāgarā nadyaḥ sarāṃsi vividhāni ca |
vṛkṣāḥ śeṣaṃ samāyānti vallījātaṃ tṛṇāni ca || 6 ||
[Analyze grammar]

evaṃ hi vyākulībhūte sarvauṣadhijalojjhite |
kāṣṭhabhūte tu saṃjāte trailokye sacarācare || 7 ||
[Analyze grammar]

yāvatpaśyāmi madhyāhne snānakāla upasthite |
trailokyaṃ jvalanākāraṃ durnirīkṣaṃ durāsadam || 8 ||
[Analyze grammar]

dvau sūryau pūrvatastāta paścimottarayostathā |
tathaiva dakṣiṇe dvau ca sūryau dṛṣṭau pratāpinau || 9 ||
[Analyze grammar]

dvau sūryau nāgalokasthau madhye dvau gaganasya ca |
ityete dvādaśādityāstapante sarvato diśam || 10 ||
[Analyze grammar]

pṛthivīmadahansarvāṃ saśailavanakānanām |
nādagdhaṃ dṛśyate kiṃcidṛte revāṃ ca māṃ tathā || 11 ||
[Analyze grammar]

pṛthivyāṃ dahyamānāyāṃ havirgandhaśca jāyate |
tato me śuṣyate gātraṃ tṛṣāpyevaṃ durāsadā || 12 ||
[Analyze grammar]

na hi vindāmi pānīyaṃ śoṣitaṃ ca divākaraiḥ |
yāvatkamaṇḍaluṃ vīkṣe śuṣkaṃ tatrāpi tajjalam || 13 ||
[Analyze grammar]

tato'haṃ śokasaṃtapto viśeṣātkṣuttṛṣārditaḥ |
utpapāta kṣiterūrdhvaṃ paśyamāno divaṃ prati || 14 ||
[Analyze grammar]

tāvatpaśyāmi gagane gṛhaṃ śṛṅgārabhūṣitam |
tatastajjñātukāmo'haṃ prasthito rājasattama || 15 ||
[Analyze grammar]

prākāreṇa vicitreṇa kapāṭārgalabhūṣitam |
vicitraśikharopetaṃ dvāradeśamupāgataḥ || 16 ||
[Analyze grammar]

ṣaḍaśītisahasrāṇi yojanānāṃ samucchraye |
tadardhaṃ tu pṛthaktvena kāñcanaṃ ratnabhūṣitam || 17 ||
[Analyze grammar]

tatra madhye parāṃ śayyāṃ paśyāmi nṛpasattama |
śayyopari śayānaṃ tu puruṣaṃ divyamūrdhajam || 18 ||
[Analyze grammar]

vikuñcitāgrakeśāntaṃ samastaṃ yojanāyatam |
mukuṭena vicitreṇa dīptikāntena śobhitam || 19 ||
[Analyze grammar]

śyāmaṃ kamalapatrābhaṃ suprabhaṃ ca sunāsikam |
siṃhāsyamāyatabhujaṃ gallaśmaśruvarāṅkitam || 20 ||
[Analyze grammar]

trivalībhaṅgasubhagaṃ karṇakuṇḍalabhūṣitam |
viśālābhaṃ supīnāṅgaṃ pārśvasvāvartabhūṣitam || 21 ||
[Analyze grammar]

śobhitaṃ kaṭibhāgena vibhaktaṃ jānujaṅghayoḥ |
padmāṅkitatalaṃ devamātāmrasunakhāṅgulim || 22 ||
[Analyze grammar]

meghanādasugambhīraṃ sarvāvayavasundaram |
śayyāmadhyagataṃ devamapaśyaṃ puruṣottamam || 23 ||
[Analyze grammar]

śaṅkhacakragadāpāṇiṃ śayānaṃ dakṣiṇena tu |
akṣasūtrodyatakaraṃ sūryāyutasamaprabham || 24 ||
[Analyze grammar]

taṃ dṛṣṭvā bhaktimāndevaṃ stotukāmo vyavasthitaḥ |
jayeśa jaya vāgīśa jaya divyāṅgabhūṣaṇa || 25 ||
[Analyze grammar]

jaya devapate śrīmansākṣādbrahma sanātana |
tava lokāḥ śarīrasthāstvaṃ gatiḥ parameśvara || 26 ||
[Analyze grammar]

tvadādhārā hi deveśa sarve lokā vyavasthitāḥ |
tvaṃ śreṣṭhaḥ sarvasattvānāṃ tvaṃ kartā dharaṇīdharaḥ || 27 ||
[Analyze grammar]

tvaṃ hautramagnihotrāṇāṃ sūtramantrastvameva ca |
gokarṇaṃ bhadrakarṇaṃ ca tvaṃ ca māheśvaraṃ padam || 28 ||
[Analyze grammar]

tvaṃ kīrtiḥ sarvakīrtīnāṃ dainyapāpapraṇāśinī |
tvaṃ naimiṣaṃ kurukṣetraṃ tvaṃ ca viṣṇupadaṃ param || 29 ||
[Analyze grammar]

tvayā tu līlayā deva padākrāntā ca medinī |
tvayā baddho balirdeva tvayendrasya padaṃ kṛtam || 30 ||
[Analyze grammar]

tvaṃ kalirdvāparaṃ deva tretā kṛtayugaṃ tathā |
pralambadamanaśca tvaṃ sraṣṭā tvaṃ ca vināśakṛt || 31 ||
[Analyze grammar]

tvayā vai dhāryate lokāstvaṃ kālaḥ sarvasaṃkṣayaḥ |
tvayā hi deva sṛṣṭāstāḥ sarvā vai devayonayaḥ || 32 ||
[Analyze grammar]

tvaṃ panthāḥ sarvalokānāṃ tvaṃ ca mokṣaḥ parā gatiḥ |
brahmā tvadudbhavo devo rajorūpaḥ sanātanaḥ |
rudraḥ krodhodbhavo'pyevaṃ tvaṃ ca sattve vyavasthitaḥ || 33 ||
[Analyze grammar]

etaccarācaraṃ deva krīḍanārthaṃ tvayā kṛtam |
evaṃ saṃtaptadehena stuto devo mayā prabhuḥ || 34 ||
[Analyze grammar]

bhaktyā paramayā rājansarvabhūtapatiḥ prabhuḥ |
stuvanvai tatra paśyāmi vāripūrṇāṃstato ghaṭān || 35 ||
[Analyze grammar]

tato mayā vismṛtā yā tṛṣā sā vardhitā punaḥ |
upāsarpaṃ tatastasya pārśvaṃ vai puruṣasya hi || 36 ||
[Analyze grammar]

pānīyaṃ pātukāmena cintitaṃ ca mayā punaḥ |
nāpaśyata hi māṃ caiṣa supto'pi na ca budhyate || 37 ||
[Analyze grammar]

yastu pāpena saṃmūḍhaḥ sukhaṃ suptaṃ prabodhayet |
jāyate tasya pāpasya brahmahatyāphalaṃ mahat || 38 ||
[Analyze grammar]

evaṃ saṃcintyamāne tu dvitīyo hyāgataḥ pumān |
nekṣate jalpate kiṃcidvāmaskandhe mṛgājinī || 39 ||
[Analyze grammar]

jaṭī kamaṇḍaludharo daṇḍī mekhalayā vṛtaḥ |
bhasmonmṛditasarvāṅgo mahātejāstrilocanaḥ || 40 ||
[Analyze grammar]

yāvattaṃ stotukāmo'hamapaśyaṃ svacchacakṣuṣā |
tāvatsarvāṅgasambhūtyāmahatyā rūpasampadā || 41 ||
[Analyze grammar]

apaśyaṃ saṃvṛtāṃ nārīṃ sarvābharaṇabhūṣitām |
dṛṣṭvā tāṃ patito bhūmau jayasveti bruvaṃstataḥ || 42 ||
[Analyze grammar]

jaya rudrāṅgasambhūte jayavāhini sanātani |
jaya kaumāri māhendri vaiṣṇavī vāruṇī tathā || 43 ||
[Analyze grammar]

jaya kauberi sāvitri jaya dhātri varānane |
tṛṣṇayā taptade hasya rakṣāṃ kuru carācare || 44 ||
[Analyze grammar]

śrīdevyuvāca |
prasannā vipraśārdūla tava vākyaiḥ suśobhanaiḥ |
vartate mānase yatte mayā jñātaṃ dvijottama || 45 ||
[Analyze grammar]

śṛṇu vipra mamāpyasti vratametatsudāruṇam |
strīlaghutvānmayārabdhaṃ duṣkaraṃ mandamedhayā || 46 ||
[Analyze grammar]

yadi bhāvī ca me putro dharmiṣṭho lokaviśrutaḥ |
viprasya tu stanaṃ dattvā paścāddāsyāmi bālake || 47 ||
[Analyze grammar]

sa me putraḥ samutpanno yathokto me mahāmune |
stanaṃ piba tvaṃ viprendra yadi jīvitumicchasi || 48 ||
[Analyze grammar]

śrīmārkaṇḍeya uvāca |
akāryametadviprāṇāṃ yastvimaṃ pibate stanam |
punaścaivopanayanaṃ vratasiddhiṃ na gacchati || 49 ||
[Analyze grammar]

brāhmaṇatvaṃ tribhirlokairdurlabhaṃ padmalocane |
saṃskāraiḥ saṃskṛto vipro yaiśca jāyeta tacchṛṇu || 50 ||
[Analyze grammar]

prathamaṃ caiva nārīṣu saṃskārairbījavāpatam |
bījaprakṣepaṇādeva bījakṣepaḥ sa ucyate || 51 ||
[Analyze grammar]

tadante ca mahābhāge garbhādhānaṃ dvitīyakam |
puṃsavanaṃ tṛtīyaṃ tu sīmantaṃ ca caturthakam || 52 ||
[Analyze grammar]

pañcamaṃ jātakarma syānnāma vai ṣaṣṭhamucyate |
niṣkrāmaḥ saptamaścaiva hyannaprāśanamaṣṭamam || 53 ||
[Analyze grammar]

navamaṃ vai cūḍakarma daśamaṃ mauñjibandhanam |
aiṣikaṃ dārvikaṃ caiva saumikaṃ bhaumikaṃ tathā || 54 ||
[Analyze grammar]

patnīsaṃyojanaṃ cānyaddaivakarma tataḥ param |
mānuṣyaṃ pitṛkarma syāddaśamāṣṭāsu śobhane || 55 ||
[Analyze grammar]

bhūtaṃ bhavyaṃ tatheṣṭaṃ ca pārvaṇaṃ ca tataḥ param || 56 ||
[Analyze grammar]

śrāddhaṃ śrāvaṇyāmāgrayaṇaṃ ca caitrāśvayujyāṃ daśapaurṇamāsyām |
nirūḍhapaśusavanasautrāmaṇyagniṣṭomātyagniṣṭomāḥ || 57 ||
[Analyze grammar]

ṣoḍaṣīvājapeyātirātrāptoryāmodaśavājapeyāḥ |
sarvabhūteṣu kṣāntiranasūyā śaucamaṅgalamakārpaṇyamaspṛheti || 58 ||
[Analyze grammar]

ebhiraṣṭacatvāriṃśadbhiḥ saṃskāraiḥ saṃkṛto brāhmaṇo bhavati || 59 ||
[Analyze grammar]

evaṃ jñātvā mahābhāge na tu māṃ pātumarhasi |
śiśupeyaṃ stanaṃ bhadre kathaṃ vai madvidhaḥ pibet || 60 ||
[Analyze grammar]

mamaitadvacanaṃ śrutvā nārī vacanamabravīt || 61 ||
[Analyze grammar]

yadi tvaṃ na pibeḥ stanyaṃ payo bālo mariṣyati |
śrūyate triṣu lokeṣu vedeṣu ca smṛtiṣvapi |
mucyate sarvapāpebhyo bhrūṇahatyā na muñcati || 62 ||
[Analyze grammar]

bhavitrī tava hatyā ca mahābhāgavataḥ punaḥ |
janmāni ca śatānyaṣṭau kliśyate bhrūṇahatyayā || 63 ||
[Analyze grammar]

mṛtaḥ śunatvaṃ cāpnoti varṣāṇāṃ tu śatatrayam |
tatastasya kṣaye jāte kākayoniṃ vrajetpunaḥ || 64 ||
[Analyze grammar]

tatrāpi ca śatānyaṣṭau kliśyate pāpakarmaṇi |
varāho daśa janmāni tadante jāyate kṛmiḥ || 65 ||
[Analyze grammar]

tataścārohiṇīṃ prāpya gogajāśvanṛjanmabhāk |
śrūyate śrutiśāstreṣu vedeṣu ca paraṃtapa || 66 ||
[Analyze grammar]

sarvapāpādhikaṃ pāpaṃ bālahatyā dvijottama |
bālahatyāyuto vipraḥ pacyate narake dhruvam || 67 ||
[Analyze grammar]

varṣāṇi ca śatānyaṣṭau prāpnoti yamayātanām |
tasmādalpataro doṣaḥ pibato me stanaṃ tava || 68 ||
[Analyze grammar]

tathaivāpibataḥ pāpaṃ jāyate bahuvarṣikam |
kṣudhātṛṣāvirāmaste puṇyaṃ ca pibataḥ stanam || 69 ||
[Analyze grammar]

ato na cetaḥ saṃdigdhaṃ kartavyamiha karhicit |
ehi vipra yathākāmaṃ bālārthe piba me stanam || 70 ||
[Analyze grammar]

tato'haṃ vacanaṃ śrutvā stanaṃ pātuṃ samudyataḥ |
na ca tṛptiṃ vijānāmi pibataḥ stanamuttamam || 71 ||
[Analyze grammar]

triṃśadvarṣasahasrāṇi bhārataivaṃ śatāni ca |
tataḥ prabuddhotsaṅge'haṃ māyānidrāvimohitaḥ || 72 ||
[Analyze grammar]

nidrāvigatamoho'haṃ yāvatpaśyāmi pāṇḍava |
tāvatsuptaṃ na paśyāmi na ca taṃ bālakaṃ vibho || 73 ||
[Analyze grammar]

caturastāṃśca vai kumbhān paśyāmi tatra bhārata |
na ca paśyāmi tāṃ devīṃ gatā vai kutracicca te || 74 ||
[Analyze grammar]

evaṃ vimṛśyamānasya cintayānasya tiṣṭhataḥ |
īṣaddhasitayā vācā devī vacanamabravīt || 75 ||
[Analyze grammar]

śrīdevyuvāca |
kṛṣṇaḥ sa puruṣaḥ supto dvitīyo'pyāgato haraḥ |
ye catvāraśca te kumbhāḥ samudrāste dvijottama || 76 ||
[Analyze grammar]

yaśca bālastvayā dṛṣṭo brāhmā lokapitāmahaḥ |
ahaṃ ca pṛthivī jñeyā saptadvīpā sarvatā || 77 ||
[Analyze grammar]

yā gatā tvāṃ parityajya bhūtale supratiṣṭhitā |
imāṃ ca prekṣase vipra narmadāṃ saritāṃ varām || 78 ||
[Analyze grammar]

sarvasattvopakārāya bṛhate puṇyalakṣaṇā |
revānadī tu vikhyātā na mṛtā tena narmadā || 79 ||
[Analyze grammar]

evaṃ jñātvā śamaṃ gaccha svastho bhava mahāmune |
ityuktvā māṃ tadā devī tatraivāntaradhīyata || 80 ||
[Analyze grammar]

evaṃ hi śete bhagavānsattvasthaḥ pralaye sadā |
sattvarūpo mahādevo yadādhāre jagatsthitam || 81 ||
[Analyze grammar]

evaṃ mayānubhūtaṃ tu dṛṣṭamāścaryamuttamam |
sarvapāpaharaṃ puṇyaṃ kathitaṃ te narottama || 82 ||
[Analyze grammar]

viṣṇoścaritamityuktaṃ yattvayā paripṛcchitam |
bhūya eva mahābāho kimanyacchrotumicchasi || 83 ||
[Analyze grammar]