Chapter 57

[English text for this chapter is available]

īśvara uvāca |
saptapaṃcāśataṃ viddhi ghaṃṭeśvaramatho śṛṇu |
yasya darśanamātreṇa kāmāvāptiśca jāyate || 1 ||
[Analyze grammar]

ghaṃṭonāma gaṇaśreṣṭho babhūva mama vallabhaḥ |
cākṣuṣasya manoḥ kāle kautukārthaṃ yadṛcchayā |
prasthito brahmasadanaṃ draṣṭuṃ brahmāṇamavyayam || 2 ||
[Analyze grammar]

athāyāntaṃ samālokya gandharvaṃ gītakovidam |
citrasenaṃ gaṇaśreṣṭhaḥ papraccha kuśalaṃ mudā || 3 ||
[Analyze grammar]

mayā tatraiva gantavyaṃ sadane parameṣṭhinaḥ |
gītairārādhayiṣyāmi brahmāṇaṃ jagatāṃ patim || 4 ||
[Analyze grammar]

citraseno'tha taṃ devi pratyukto ghaṃṭamabravīt |
padmayoniḥ suraiḥ sārdhaṃ guhyaṃ mantramacīkarat || 5 ||
[Analyze grammar]

etacchrutvā gaṇo ghaṃṭastasthau vismitamānasaḥ |
mūhūrtaṃ ciṃtayāmāsa pratihāranivāritaḥ || 6 ||
[Analyze grammar]

hitvā svāminamīśānaṃ draṣṭuṃ brahmāṇamāgataḥ |
praveśopi na labhyeta prasādo dūrataḥ sthitaḥ || 7 ||
[Analyze grammar]

evaṃ ciṃtayatastasya sāgraḥ saṃvatsaro gataḥ |
ghaṃṭasya brahmaṇo dvāri praveśo devi nābhavat || 8 ||
[Analyze grammar]

nirgacchatamathālokya vīṇāhastaṃ samutsukam |
nāradaṃ sa gaṇaśreṣṭhaḥ padmayoniṃ gṛhodarāt || 9 ||
[Analyze grammar]

prokto ghaṃṭena sahasā māṃ nivedaya nārada |
gaṇo'haṃ gītatattvajño mahādevasya vallabhaḥ || 10 ||
[Analyze grammar]

darśanārthaṃ samāyāto brahmaṇaḥ parameṣṭhinaḥ |
ghaṃṭasya vacanaṃ śrutvā prītimānabhavanmuniḥ |
nāradaḥ pratyuvācedaṃ samāśvāsya sakaitavam || 11 ||
[Analyze grammar]

ahaṃ bṛhaspateḥ pārśve preṣito'smi gaṇādhipa |
kiṃcitkāryāṃtaraṃ praṣṭuṃ brahmaṇā lokakartṛṇā |
āyāsyāmi kṣaṇenaiva tāvatkālaṃ pratīkṣyatām || 12 ||
[Analyze grammar]

ityuktvā nārado devi mama pārśvamupāgataḥ |
vṛttāṃtaṃ kathayāmāsa ghaṃṭasya munisattamaḥ || 13 ||
[Analyze grammar]

īdṛśo durllabho bhṛtyo ghaṃṭena sadṛśaḥ prabho |
yastvāṃ tyaktvā gaṇo deva sevāyai parameṣṭhinaḥ |
sthitaḥ saṃvatsaraṃ sāgraṃ praveśaṃ na ca labdhavān || 14 ||
[Analyze grammar]

tacchrutvā vacanaṃ tasya nāradasya munestadā |
mayā śaptastu kopena pata ghaṇṭa mahītale || 15 ||
[Analyze grammar]

māṃ tyaktvā hi gatonyatra sevārthaṃ paraveśmani |
mayetyukte ca vacane brahmādvāri sthito'pi san || 16 ||
[Analyze grammar]

patito bhūtale ghaṃṭo devadāruvanāṃtike |
ātmānaṃ patitaṃ dṛṣṭvā bhūmau ghaṃṭena pārvati || 17 ||
[Analyze grammar]

proktaṃ śokottareṇaiva vacanaṃ gadgadākṣaram |
sevārthaṃ yāti yo'nyatra parihṛtya svakaṃ prabhum || 18 ||
[Analyze grammar]

sa yāti narakaṃ ghoramapakīrtiṃ ca viṃdati |
nāradena mama tvadya vaṃcitasya dvayaṃ gatam |
yasmātsvāmī na me brahmā na ca devo maheśvaraḥ || 19 ||
[Analyze grammar]

evaṃ vilapatastasya nārado munisattamaḥ |
ājagāma tamuddeśaṃ yatra ghaṃṭo vyavasthitaḥ || 20 ||
[Analyze grammar]

devadāruvane devi darśanārthaṃ tapasvinām |
ghaṃṭena nārado dṛṣṭo bhītenākulacetasā || 21 ||
[Analyze grammar]

avasthāmīdṛśīṃ kṛtvā kimanyanme kariṣyati |
evaṃ taṃ ciṃtayānaṃ tu nārado vākyamabravīt || 22 ||
[Analyze grammar]

gaṇādhyakṣa na te kāryo manyuḥ puṇyavināśanaḥ |
kīrtyarthaṃ patito ghaṃṭa prāyaścittārthameva ca || 23 ||
[Analyze grammar]

prāyaścittaviśuddhātmā prabhuṃ prāpsyasi śaṃkaram |
tasmādgaccha mamādeśānmahākālavanaṃ śubham || 24 ||
[Analyze grammar]

revaṃteśvara pūrve tu vidyate liṃgamuttamam |
sarvasaṃpatkaraṃ divyaṃ tvannāmnā khyātimeṣyati || 25 ||
[Analyze grammar]

ityukto nāradenaiva jaigīṣavyaḥ samāgataḥ |
tenāpi kathitaṃ sarvaṃ satyamuktamanena vai || 26 ||
[Analyze grammar]

nāradena gaṇādhyakṣa kīrttiste bhavitā'kṣayā |
kaśyapena mṛkaṇḍena kaṇvena jamadagninā || 27 ||
[Analyze grammar]

atriṇā bhṛguṇā devi lomaśena surarṣiṇā |
prokto ghaṃṭo gataḥ śīghraṃ mahākālavanaṃ śubham || 28 ||
[Analyze grammar]

yatra ghaṃṭāninādena yudhyato mama saṃyuge |
pāpakṣayakaraṃ devi saṃbhūtaṃ liṃgamuttamam |
dṛṣṭaṃ tatra gaṇenaiva liṃgaṃ tejomayaṃ śubham || 29 ||
[Analyze grammar]

darśanāttasya liṃgasya bhūyo ghaṃṭo gaṇo'bhavat |
lakṣmyā kāṃtyā samāyuktaḥ sahasrakiraṇākṛtiḥ || 30 ||
[Analyze grammar]

ghaṇṭobhinaṃdito'tyarthaṃ vimānaiḥ sārvakāmikaiḥ |
mama pārśvaṃ samāyāto mamātīva priyo'bhavat || 31 ||
[Analyze grammar]

ye paśyanti viśālākṣi devaṃ ghaṇḍeśvaraṃ śivam |
te ghaṇṭābhirnāditāstu vimānaiḥ sārvakāmikaiḥ || 32 ||
[Analyze grammar]

yāsyaṃti suciraṃ kālaṃ mama lokaṃ sanātanam |
ghaṇṭeśvaraṃ paraṃ liṃgaṃ nākhyeyaṃ yasyakasyacit || 33 ||
[Analyze grammar]

vyādhito yadi vā dīno duḥkhito vā bhavennaraḥ |
yaḥ paśyati prasaṃgena devaṃ ghaṇṭeśvaraṃ priye |
dīptakāṃcanavarṇābhairvimānaiḥ sārvakāmikaiḥ || 34 ||
[Analyze grammar]

gaṃdharvāpsarasāṃ madhye svarge modati mānavaḥ |
īpsitāṃllabhate kāmānvīṇāveṇuvinoditaḥ || 35 ||
[Analyze grammar]

tataḥ svargātparibhraṣṭaḥ sarvaiśvaryasamanvitaḥ |
hiraṇyadhānyasaṃpūrṇe samṛddhe jāyate kule |
rājā vā rājatulyo vā jaṃbūdvīpapatirbhavet || 36 ||
[Analyze grammar]

yaḥ pūjayati deveśaṃ śraddhayā parayā yutaḥ |
sa yāti paramaṃ sthānamapunarbhavakāraṇam || 37 ||
[Analyze grammar]

eṣa te kathito devi prabhāvaḥ pāpanāśanaḥ |
ghaṇṭeśvarasya devasya prayāgeśamatho śṛṇu || 38 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe caturaśītiliṅgamāhātmye ghaṇṭeśvara māhātmyavarṇanaṃnāma saptapaṃcāśattamo'dhyāyaḥ || 57 ||
[Analyze grammar]