Chapter 56

[English text for this chapter is available]

śrīmahādeva uvāca |
ṣaṭpaṃcāśattamaṃ viddhi revaṃteśvarasaṃjñakam |
yasya darśanamātreṇa parā siddhiḥ prajāyate || 1 ||
[Analyze grammar]

asahaṃtī purā saṃjñā ravestejo'tiduḥsaham |
tapaḥ karttuṃ gatā devi jñātā sūryeṇa suvratā || 2 ||
[Analyze grammar]

aśvarūpaṃ tataḥ kṛtvā jagāmāthottarānkurūn |
dadṛśe tatra saṃjñāṃ ca vaḍavārūpadhāriṇīm || 3 ||
[Analyze grammar]

gatā sā sammukhaṃ tasya pṛṣṭharakṣaṇatatparā |
tatobhūnnāsikāyogastayostatra sametayoḥ || 5 ||
[Analyze grammar]

nāsatya dasrau tanayāvaśvavaktrau vinirgatau |
retasoṃ'te ca revaṃtaḥ khaḍgī carmī tanutradhṛk || 6 ||
[Analyze grammar]

aśvārūḍhaḥ samudbhūtastato bāṇadhanurddharaḥ |
tena vai jātamātreṇa aśvārūḍhena līlayā |
nirjitaṃ ca jagaccedaṃ sadevāsuramānuṣam || 7 ||
[Analyze grammar]

tato devāḥ parābhūtā brahmāṇaṃ śaraṇaṃ gatāḥ |
praṇamya kathayāmāsurbhayakaṃpitakaṃ dharāḥ || 8 ||
[Analyze grammar]

asmākaṃ vibhavaṃ tejo raviputreṇa nāśitam |
revaṃtena sureṃdreṇa śṛṇu lokapitāmaha || 9 ||
[Analyze grammar]

tasya gātrasamudbhūto vahnirdhāvati kāla jit |
jvalaṃti pādapāstena pataṃti śikharāṇi ca || 10 ||
[Analyze grammar]

sarvato vyākulībhūtaṃ hāhākāramacetanam |
tenaiva pīḍitaṃ sarvaṃ jvālāmālāsamākulam || 11 ||
[Analyze grammar]

daśadikṣu pravṛtto'yaṃ samṛddho havyavāhanaḥ |
sarvaṃ kiṃśukasaṃkāśaṃ prajvalanniva dṛśyate || 12 ||
[Analyze grammar]

iti teṣāṃ vacaḥ śrutvā brahmaṇoktaṃ varānane |
jñātaṃ mayā suraśreṣṭhā bhavatāṃ kāryamīdṛśam || 13 ||
[Analyze grammar]

bhaviṣyati ca vastacca kāṃkṣitaṃ yatsurottamāḥ |
gacchadhvaṃ sahasā tasmācchaṃkaraṃ śaraṇaṃ surāḥ || 14 ||
[Analyze grammar]

brahmaṇo vacanaṃ śrutvā mamāṃtikamupāgatāḥ |
tridaśā bhayasaṃtrastā natvā māmi damabruvan || 15 ||
[Analyze grammar]

ādityatanayenaiva revaṃtena maheśvara |
dagdhaṃ tribhuvanaṃ sarvaṃ śarīrasthena vahninā |
tejasā mahatā caiva vikrameṇa balena ca || 16 ||
[Analyze grammar]

asādhyaḥ kila so'smākaṃ sarveṣāṃ devasattama |
bhavānprabhavate tasya nānyaḥ śaṃkara kaścana || 17 ||
[Analyze grammar]

tvāṃ prapadyāmahe sarve bhayārttāḥ śaraṇārthinaḥ |
śaraṇaṃ varadaṃ devaṃ tridaśānāṃ maheśvara || 18 ||
[Analyze grammar]

mayā smṛtaḥ sūryaputro revaṃtastatkṣaṇātpriye |
prāptaḥ prītiprasannātmā vacanaṃ cedamabravīt || 19 ||
[Analyze grammar]

kiṃ mayā deva karttavyaṃ brūhi sarvamaśeṣataḥ |
tato mayā sūryaputra utsaṃge ca kṛtastadā || 20 ||
[Analyze grammar]

snehādācuṃbito mūrdhni pariṣvaktaḥ punaḥpunaḥ |
dadāmi te mahābhāga varaṃ varaya suvrata || 21 ||
[Analyze grammar]

parituṣṭosmi te kāmaṃ yatheṣṭaṃ kāmamāpnuhi |
idamājñāpayāmi tvāṃ śreyaścaivamavāpsyasi || 22 ||
[Analyze grammar]

mamābhīṣṭaṃ paraṃ sthānaṃ vidyate pṛthivītale |
akṣayaṃ pralaye putra mahākālavanaṃ śubham |
tatra dāsyāmi te sthānaṃ tatra kīrttirbhavipyati || 23 ||
[Analyze grammar]

pūrve kaṃṭeśvarasyāpi sthānaṃ paramadurlbham |
tatra tvaṃ vasa revaṃta liṃgaṃ drakṣyasi śāśvatam || 24 ||
[Analyze grammar]

sarvadā tridaśaiḥ pūjyo bhaviṣyasi na saṃśayaḥ |
guhyakādhipatistvaṃ ca svargaloke bhaviṣyasi || 25 ||
[Analyze grammar]

aśvaśālāsu sarvāsu pūjanīyo bhaviṣyasi |
nṛpatīnāṃ gṛhe caiva vasiṣyasi supūjitaḥ || 26 ||
[Analyze grammar]

tejo madīyaṃ tatsthānaṃ liṃgākāraṃ sanātanam |
pūjitaṃ tridaśaistatra saṃsevyaṃ yatnatastvayā || 27 ||
[Analyze grammar]

evamukto mayā devi revaṃto ravijastadā |
jagāmākāśamāviśya mahākālavanaṃ kṣaṇāt || 28 ||
[Analyze grammar]

dadarśa tatra talliṃgaṃ jyotīrūpaṃ sanātanam |
sūryaputrastu revaṃto dṛṣṭo liṃgena pārvati || 29 ||
[Analyze grammar]

proktaḥ praṇayapūrveṇa diṣṭyā dṛṣṭo'si sūryaja |
adyaprabhṛti te nāmnā khyātiṃ yāsyāmi bhūtale || 30 ||
[Analyze grammar]

sthātavyaṃ matsamīpe tu sūryaputra tvayā sadā |
akṣayā bhavitā kīrttistvadīyā bhuvanatraye || 31 ||
[Analyze grammar]

revaṃteśvarasaṃjño'haṃ bhaviṣyāmi na saṃśayaḥ |
ye māṃ drakṣyaṃti revaṃta bhaktyā paramayā yutāḥ |
teṣāmaśvā bhaviṣyaṃti vijayo yaśa ūrjitam || 32 ||
[Analyze grammar]

aiśvaryaṃ dānaśaktiśca putrapautramanaṃtakam |
guhyakānāṃ patirbhūtvā svargaloke sa vatsyati || 33 ||
[Analyze grammar]

liṃgasya vacanaṃ śrutvā proktaṃ vai ravisūnunā |
revaṃtena viśālākṣi saṃtuṣṭenāṃtarātmanā || 34 ||
[Analyze grammar]

dehi me hyacalā bhaktiṃ dehi me sthānamuttamam |
dehi me paramaṃ jñānaṃ dhruvāṃ kīrtiṃ ca dehi me || 35 ||
[Analyze grammar]

bhagavanbhūtabhavyeśa bhavabaṃdhabhayāpaha |
saṃskṛtārtho'smi saṃjātastava devasya darśanāt || 36 ||
[Analyze grammar]

janmakoṭisusaṃśuddhā ye tvāṃ paśyaṃti dehinaḥ |
na teṣāṃ punarāvṛttirghorasaṃsārasāgare || 37 ||
[Analyze grammar]

ityuktvā ravisūnurvai revaṃto ravivallabhaḥ |
revaṃteśvaradevasya samīpe saṃvyavasthitaḥ || 38 ||
[Analyze grammar]

eṣa te kathito devi prabhāvaḥ pāpanāśanaḥ |
revaṃteśvaradevasya ghaṃṭeśvaramatho śṛṇu || 39 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṃḍe caturaśītiliṅga māhātmye revaṃteśvaramāhātmyavarṇanaṃnāma ṣaṭpañcāśattamo'yāyaḥ || 56 ||
[Analyze grammar]