Chapter 58

[English text for this chapter is available]

īśvara uvāca |
prayāgeśvarasaṃjñaṃ tu sarvakāmakaraṃ param |
aṣṭādhikaṃ vijānīhi paṃcāśattamamīśvaram || 1 ||
[Analyze grammar]

āsītprathamakalpe tu manuḥ svāyaṃbhuvaḥ purā |
tasya priyavrataḥ putro yajvā paramadhārmikaḥ || 2 ||
[Analyze grammar]

sa ceṣṭvā bahubhiryajñaiḥ samāptavaradakṣiṇaiḥ |
saptadvīpeṣu saṃprāpya bharatādīnsutānpriye || 3 ||
[Analyze grammar]

svayaṃ viśālāṃ badarīṃ gatvā tepe mahattapaḥ |
kālena bahunā tatra nāradaḥ samupasthitaḥ || 4 ||
[Analyze grammar]

pūjito viṣṭarārgheṇa rājñā priyavratena ca |
sa pṛṣṭaḥ pūjayitvā tu kimāścaryaṃ vadasva me || 5 ||
[Analyze grammar]

ityuktaḥ kathayāmāsa nārado munisattamaḥ |
śvetadvīpe mayā rājankanyā dṛṣṭā sarovare || 6 ||
[Analyze grammar]

sā ca pṛṣṭā viśālākṣī kasmādvasasi nirjane |
kāsi bhadre kathaṃ vāsi kiṃvā kāryamiha tvayā || 7 ||
[Analyze grammar]

karttavyaṃ cārusarvāṃgi tanmamācakṣva śobhane |
evamuktā mayā sā hi māṃ dṛṣṭvā mīlitekṣaṇam || 8 ||
[Analyze grammar]

smṛtvā tūṣṇīṃ sthitā yāvattāvanme jñānamuttamam |
vismṛtāḥ sarvavedāśca sarvaśāstrāṇi caiva hi || 9 ||
[Analyze grammar]

tato'haṃ vismayāviṣṭaściṃtāmohasamanvitaḥ |
tāmeva śaraṇaṃ gatvā yāvatpaśyāmi pārthiva || 10 ||
[Analyze grammar]

tāvaddivyaḥ pumāṃstasyāḥ śarīre samadṛśyata |
tasyāpi puṃso hradaye dvitīyastasya corasi |
tasyāpi hṛdaye cānyastṛtīyastu vyavasthitaḥ || 11 ||
[Analyze grammar]

tataḥ pṛṣṭā mayā devī sā kumārī kathaṃcana |
vedā naṣṭā mamāśeṣā bhadre kiṃ brūhi kāraṇam || 12 ||
[Analyze grammar]

kanyovāca |
mātāhaṃ sarvavedānāṃ sāvitrīnāma nāmataḥ |
māṃ na jānāsi yena tvamato vedā hṛtāstava || 13 ||
[Analyze grammar]

evamukte mayā pṛṣṭā vismayena mahīpate |
vedānāṃ tvaṃ tu mātā vai kathayasva mamānaghe || 14 ||
[Analyze grammar]

tvadīya hṛdaye devi ka ete puruṣāstrayaḥ || 15 ||
[Analyze grammar]

kanyovāca |
ya eṣa maccharīrasthaḥ śubhāṃgaścāru śobhanaḥ |
eṣa ṛgvedanāmā tu yajurvedo dvitīyakaḥ || 16 ||
[Analyze grammar]

sāmavedastṛtīyastu trayo vedā mayi sthitāḥ |
trayo'gnayastrayo devā maccharīre sthitā dvija || 17 ||
[Analyze grammar]

ityuktvā sā tadā kanyā paśyato mama bhūpate |
aṃtarddhānaṃ gatā sadyastato'haṃ vismito'bhavam || 18 ||
[Analyze grammar]

kiṃ karomi kva gacchāmi śaraṇaṃ yāmi kaṃ prabhum |
 kathamāvirbhaviṣyaṃti vedāḥ śāstrāṇi sāṃpratam || 19 ||
[Analyze grammar]

kāmikastīrtharājastu prayāgaḥ śrūyate śrutau |
ahaṃ tatra gamiṣyāmi jñānaṃ samyagbhaviṣyati || 20 ||
[Analyze grammar]

naṣṭavedena raibhyeṇa prāptā siddhiranuttamā |
sāvitrī śrūyate tatra akṣayyavaṭasannidhau || 21 ||
[Analyze grammar]

evaṃ manasi saṃdhyāya gato'haṃ nṛpasattama |
prayāgaṃ kāmikaṃ tīrthaṃ sarvadevanamaskṛtam || 22 ||
[Analyze grammar]

tapastīvraṃ mayā tatra taptaṃ paramaduṣkaram |
athājagāma rājeṃdra prayāgo mūrttimānsvayam || 23 ||
[Analyze grammar]

ukto'haṃ praṇayāttena na māṃ tāpaya nārada |
brahmaputra prayāgo'haṃ bhīṣitastapasā tava || 24 ||
[Analyze grammar]

bhavataḥ pārśvamāyātaḥ praṇayena tapodhana |
dhanyo'si sarvathā brahmaṃstapasā ca viśeṣataḥ || 25 ||
[Analyze grammar]

mayā sārdhaṃ tvayā brahmangatiḥ kāryā'vikalpataḥ |
mahākālavane ramye tatra te jñānamuttamam |
bhaviṣyati na saṃdeho mama kīrtiśca susthirā || 26 ||
[Analyze grammar]

evaṃ hi bruvatastasya prayāgasya nṛpottama |
prādurbabhūva sahasā pītavāsā janārddanaḥ || 27 ||
[Analyze grammar]

śaṅkhacakragadāpāṇirgaruḍastho viyadgataḥ |
uvāca meghagaṃbhīraṃ vākyaṃ sa puruṣottamaḥ || 28 ||
[Analyze grammar]

ehi nārada gacchāmaḥ prayāgo yatra yāsyati |
kṛṣṇasya vacanaṃ śrutvā mayā prokto janārdanaḥ || 29 ||
[Analyze grammar]

jñānaṃ me dehi deveśa kathaṃ yāsyāmi tadvanam |
mahākālaṃ jagannātha śrutajñānavivarjitaḥ || 30 ||
[Analyze grammar]

ityuktaḥ śrīdhareṇāhaṃ mahākālavanaṃ nṛpa |
ānītastatkṣaṇācchīghraṃ prayāgasahitastadā || 31 ||
[Analyze grammar]

ghaṃṭeśvarasya pūrve tu navanadyāstu dakṣiṇe |
tatra liṃgamanādi tu jyotīrūpaṃ sanātanam || 32 ||
[Analyze grammar]

prayāgaḥ pūjayāmāsa paśyato mama bhūpate |
liṃgenoktaṃ prasannena kimarthaṃ tvamihāgataḥ || 33 ||
[Analyze grammar]

prayāga prayato bhūtvā prasanno'haṃ sadā tava |
darśanaṃ ca madīyaṃ tu viphalaṃ na bhaviṣyati || 34 ||
[Analyze grammar]

ityuktastena liṃgena madarthaṃ prārthitastadā |
jñānaṃ dehi dvijāyāsmai nāradāya mahātmane || 35 ||
[Analyze grammar]

naṣṭā vedāśca śāstrāṇi sāvitryā darśanātprabho || 36 ||
[Analyze grammar]

tato liṃgātsamuttasthau brahmā vedairvṛtastadā |
ṣaḍaṃgaiḥ sarahasyaiśca purāṇaiḥ sahitastadā || 37 ||
[Analyze grammar]

ityukto'haṃ tadā devyā sāvitryā nṛpasattama |
liṃgasyāsya prabhāveṇa prayāgābhyarthitasya vai || 38 ||
[Analyze grammar]

pratibhāsyaṃti te vedā dharmaśāstrāṇi nārada |
ityukte vacane bhūyaḥ prāptā vedā mayā nṛpa || 39 ||
[Analyze grammar]

jñānaṃ ṣaḍaṃgasahitaṃ śāstrāṇi vividhāni ca |
labdhajñānena rājeṃdra mayā proktaṃ vacastadā || 40 ||
[Analyze grammar]

prayāgenārcito devo mama jñānasya kāraṇāt |
prayāgeśvarasaṃjñastu khyātiṃ lokeṣu yāsyati || 41 ||
[Analyze grammar]

tadāprabhṛti talliṃgaṃ tīrthakoṭiśatairvṛtam |
svargāpavargaphaladaṃ tatra tvaṃ gaṃtumarhasi || 42 ||
[Analyze grammar]

kimanenāśvamedhena iṣṭena nṛpasattama |
aśvamedhaśataphalaṃ jāyate tasya darśanāt || 43 ||
[Analyze grammar]

tapasā kiṃ sutaptena kāyakleśakareṇa tu |
vāñchitaṃ labhate sadyaḥ prayāgeśvaradarśanāt || 44 ||
[Analyze grammar]

īśvara uvāca |
nāradasya vacaḥ śrutvā svāyaṃbhuvasuto nṛpaḥ |
priyavrato mahādevi mahākālavanaṃ gataḥ || 45 ||
[Analyze grammar]

dadarśa tatra talliṃgaṃ navanadyāstu dakṣiṇe |
darśanāttasya liṃgasya matsamīpaṃ samāgataḥ || 46 ||
[Analyze grammar]

mayā saṃmānito devi gaṇānāmadhipaḥ kṛtaḥ |
ye paśyaṃti narā bhaktyā prayāgeśvaramīśvaram |
te dhanyā mānuṣe loke kliśyantyanye nirarthakāḥ || 47 ||
[Analyze grammar]

yā gatiryogayuktasya sattvasthasya manīṣiṇaḥ |
sā gatirjāyate samyakprayāgeśvaradarśanāt || 48 ||
[Analyze grammar]

māghamāse sameṣyaṃti prayāgeśvaradarśanam |
karttuṃ ye mānuṣāsteṣāmaśvamedhaḥ padepade || 49 ||
[Analyze grammar]

eṣa te kathito devi prabhāvaḥ pāpanāśanaḥ |
prayāgeśvaradevasya śṛṇu siddheśvaraṃ param || 50 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtya khaṃḍe caturaśītiliṅgamāhātmye prayāgeśvaramāhātmyavarṇanaṃnāmāṣṭapaṃcāśattamo'dhyāyaḥ || 58 ||
[Analyze grammar]