Chapter 29

[English text for this chapter is available]

śrīhara uvāca |
ekonatriṃśataṃ viddhi devaṃ rāmeśvaraṃ priye |
yasya darśanamātreṇa mucyate brahmahatyayā || 1 ||
[Analyze grammar]

purā tretāyuge devi rāmaḥ śastrabhṛtāṃ varaḥ |
śūraḥ sarvaguṇopetaḥ pitṛbhakto babhūva ha || 2 ||
[Analyze grammar]

reṇukāgarbhasaṃbhūtaḥ svayaṃ rāmo babhūva ha |
viṣṇurevāvatīrṇo'sau bhṛgoḥ śāpātsudustarāt || 3 ||
[Analyze grammar]

sa kadācinniyukto'sau muninā jamadagninā |
śiraśchindhītyuvācedaṃ mātuste vipulaṃ suta || 4 ||
[Analyze grammar]

sa piturvacanaṃ śrutvā bhrātṝṇāṃ mātureva ca |
śirāṃsi cicchide rāmo jamadagnirvaraṃ dadau || 5 ||
[Analyze grammar]

sarveṣāṃ pṛthivīśānāṃ tvamajeyo bhaviṣyasi |
sarvakṣayakaro bhāvī na cirādeva bhārgava || 6 ||
[Analyze grammar]

gṛhāṇa paraśuṃ putra vahnijvālodbhavaṃ dṛḍham |
anena śitaśastreṇa tataḥ khyāto bhavi ṣyati || 7 ||
[Analyze grammar]

atha kenāpi kālena kārttavīryārjuno nṛpaḥ |
haihayānāṃ kule jātaḥ sahasrabāhuviśrutaḥ || 8 ||
[Analyze grammar]

jaghāna jamadagniṃ tu kāmadhenukṛte kudhīḥ |
pitaraṃ nihataṃ dṛṣṭvā rāmaḥ kuddho'bravīdidam || 9 ||
[Analyze grammar]

atha paśyaṃtu me vīryaṃ trayo lokāḥ sanātanam |
sa ca paśyatu durbuddhirbrahmahā kṛtavīryajaḥ || 10 ||
[Analyze grammar]

matpitā nihato yena satkarmanirataḥ sadā |
tasya bāhusahasraṃ tu chetsyāmīha na saṃśayaḥ || 11 ||
[Analyze grammar]

ityuktvā krodharaktākṣaḥ kārttavī ryārjunaṃ bhuvi |
dharṣayitvā yathākāmaṃ krośamānaṃ punaḥpunaḥ || 12 ||
[Analyze grammar]

kṛtsnaṃ bāhusahasraṃ ca ciccheda bhṛgunaṃdanaḥ |
paraśvadhena tīkṣṇena jñātibhiḥ sahitaṃ tadā || 13 ||
[Analyze grammar]

rathasthaṃ pātayāmāsa jaghāna nṛpatiṃ priye |
triḥsaptakṛtvaḥ pṛthivī tena niḥkṣatriyā kṛtā || 14 ||
[Analyze grammar]

kṛtvā niḥkṣatriyāṃ caiva bhārgavaḥ sa mahābalaḥ |
sarvapāpavināśāya vājimedhena ceṣṭavān || 15 ||
[Analyze grammar]

tasminyajñe mahādāne dakṣiṇāṃ bhṛgunaṃdanaḥ |
mārīcāya dadau prītaḥ kaśyapāya vasundharām || 16 ||
[Analyze grammar]

vāruṇāṃsturagāñchubhrānrathaṃ ca rathināṃ varaḥ |
hiraṇyamakṣayaṃ dhenūrgajeṃdrāśca mahāmatiḥ || 17 ||
[Analyze grammar]

tadā tasminmahāyajñe vājimedhe mahāyaśāḥ |
tathāpi na gatā hatyā hyanekaprāṇisaṃbhavā || 18 ||
[Analyze grammar]

evaṃ kila purāṇeṣu sarvāgamabhidādiṣu |
viśvastaghātināṃ caiva niṣkṛtiḥ śrūyate yathā || 19 ||
[Analyze grammar]

aśvamedhena yajñena brahmahatyā vinaśyati |
athavā dvādaśābdena yadyekā'syā kṛtā bhuvi || 20 ||
[Analyze grammar]

mayā punarnṛśaṃsena bahavaḥ prāṇino hatāḥ |
viśvastāśca pramattāśca garbhasthāśca punaḥpunaḥ || 21 ||
[Analyze grammar]

striyo vṛddhāśca bālāśca mātā caiva viśeṣataḥ |
iti duḥkhānvito rāmo viṣādaṃ paramaṃ gataḥ || 22 ||
[Analyze grammar]

ciṃtayitvā muhūrtaṃ tu gato raivatakaṃ girim |
tathā tapo 'tapaddhoraṃ bahūnvarṣagaṇānpriye || 23 ||
[Analyze grammar]

tathāpi na gatā hatyā hyanekaprāṇisaṃbhavā |
atha rāmo jagāmātha mahendre malaye tathā || 24 ||
[Analyze grammar]

sahye himālaye ramye puṇye badarikāśrame |
caritvā parvatānsarvānsnānārthaṃ narmadāṃ yayau || 25 ||
[Analyze grammar]

yamunāṃ caṃdrabhāgāṃ ca gaṃgāṃ tripathagāminīm |
irāvatīṃ vitastāṃ ca parāṃ carmaṇvatīṃ śubhām || 26 ||
[Analyze grammar]

viśālāṃ kapilāṃ durgāṃ gaṃbhīrāṃ gomatīṃ śivām |
godāvarīṃ daśārṇāṃ ca puṇyāṃ bhīmarathīṃ tathā || 27 ||
[Analyze grammar]

gayāṃ caiva kurukṣetraṃ naimiṣaṃ puṣkaraṃ tathā |
aṭṭahāsaṃ prabhāsaṃ ca kedāramamareśvaram || 28 ||
[Analyze grammar]

kṛtayātro'pi duḥkhārttaściṃtayāmāsa bhārgavaḥ |
na nūnaṃ tīrthamāhātmyaṃ dṛśyate bhuvi sāṃpratam || 29 ||
[Analyze grammar]

na gatā brahmahatyā me kṛto dharmo nirarthakaḥ |
mithyā tatkathyate śāstre tīrthadānādibhiḥ śubhaiḥ |
yadi syātsatyametacca naṣṭaṃ jātaṃ kathaṃ mama || 30 ||
[Analyze grammar]

etasminneva kāle tu nārado munipuṃgavaḥ |
ājagāma tamuddeśaṃ yatra rāmo vyavasthitaḥ || 31 ||
[Analyze grammar]

viṣaṇṇavadano dīnaściṃtayānaḥ punaḥpunaḥ |
dṛṣṭvā tathāvidho rāmaḥ pratyuvācātha nāradam || 32 ||
[Analyze grammar]

bhobho nārada devarṣe śṛṇu me paramaṃ vacaḥ |
jananī nihatā pūrvaṃ piturvākyāhijottama || 33 ||
[Analyze grammar]

pituḥ parābhavādbhūmau bhṛmipālā mayā hatāḥ |
garbhā vidāritāḥ strīṇāṃ bālā vṛddhāśca yoṣitaḥ || 34 ||
[Analyze grammar]

niraṃtarā hatā lokā viśokenādayālunā |
paścāddhṛṇā samutpannā paralokaṃ mamekṣataḥ || 35 ||
[Analyze grammar]

yajñaḥ kṛto'śvamedhaśca dattaṃ dānamanekadhā |
snātohaṃ sarvatīrtheṣu sarvaprasravaṇeṣu ca || 36 ||
[Analyze grammar]

parvateṣu tapastaptaṃ hutaṃ japtaṃ niraṃtaram |
brahmahatyāvināśārthaṃṃ kiṃ kiṃ nātra mayā kṛtam || 37 ||
[Analyze grammar]

paraṃ naiva gatā hatyā tasmātsarvaṃ nirarthakam || 38 ||
[Analyze grammar]

iti tasya vacaḥ śrutvā nārado bhagavānṛṣiḥ |
pratyuvāca hitaṃ satyaṃ ciraṃ dhyātvā vacastadā |
bhobho rāma kimātmānaṃ na smarasyadhunā harim || 39 ||
[Analyze grammar]

tvayaiva kathitaṃ pūrvaṃ brahmahatyāvināśanam |
mahākālavane kṣetre kṣetrāṇāmuttamaṃ param |
tasminkṣetre mahāliṃgaṃ brahmahatyāvināśanam || 40 ||
[Analyze grammar]

jaṭeśvaro mahābhāga vidyate sarvasiddhidam |
kṛtāvatāra rāma tvaṃ tatra gacchāvilaṃbitama |
nāradasya vacaḥ śrutvā smṛtvā kṣetramanuttamam || 41 ||
[Analyze grammar]

jagāma tvaritaṃ devi mahākālavane tataḥ |
liṃgamārādhayāmāsa tato hatyā gatā kṣayam |
liṃgamadhyādahaṃ devi prasanno nirgatastadā || 42 ||
[Analyze grammar]

jāmadagnyo mayā proktaḥ kāṃtakāmaṃ dadāmyaham |
sa provāca tato rāmo bhaktinamrātmakaṃdharaḥ || 43 ||
[Analyze grammar]

tvatpādapaṃkaje bhūyādbhaktirme vipulā sadā |
varametaṃ prayacchādya yadi tuṣṭo maheśvara || 44 ||
[Analyze grammar]

ityukto'haṃ tadā tena yathā tuṣṭena pārvati |
tasmai dattā mayābhīṣṭā varā kīrttikarā sthitiḥ || 45 ||
[Analyze grammar]

adyaprabhṛti te nāmnā devaḥ khyāto bhaviṣyati |
tadā rāmeśvara iti triṣu lokeṣu gīyate || 46 ||
[Analyze grammar]

bhaktyā ye pūjayiṣyaṃti devaṃ rāmeśvaraṃ param |
ājanmaprabhavaṃ pāpaṃ teṣāṃ na3yati tatkṣaṇāt || 47 ||
[Analyze grammar]

sa eva puṇyavānpūjya iha loke paratra ca |
yaḥ paśyati naro bhaktyā devaṃ rāmeśvaraṃ śivam || 48 ||
[Analyze grammar]

ye'numodaṃti devasya darśanaṃ yajanaṃ tathā |
te'pi pāpavinirmuktāḥ prayāṃti mama maṃdiram || 49 ||
[Analyze grammar]

yaccāpi pātakaṃ ghoraṃ brahmahatyāsahasrakam |
tatpāpaṃ vilayaṃ yāti rāmeśvarasamarcanāt || 50 ||
[Analyze grammar]

duṣprāpyaṃ yatphalaṃ viprairvājapeyādibhirmakhaiḥ |
prāpyate tatsukhenaiva śrīrāmeśvaradarśanāt || 51 ||
[Analyze grammar]

ye hatābhimukhāḥ śūrā goviprārthe raṇājire |
gatirabhyadhikā tebhyo dṛṣṭvā rāmeśvaraṃ śivam || 52 ||
[Analyze grammar]

jitāstena sadā lokā rāmeṇeva jagattrayam |
dṛṣṭaṃ yena sadā bhaktyā liṃgaṃ rāmeśvaraṃ śivam || 53 ||
[Analyze grammar]

eṣa te kathito devi prabhāvaḥ pāpanāśanaḥ |
rāmeśvarasya devasya śṛṇu tvaṃ cyavaneśvaram || 54 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtya khaṇḍe caturaśītiliṃgamāhātmye rāmeśvaramāhātmyavarṇanaṃ nāmaikonatriṃśodhyāyaḥ || 29 ||
[Analyze grammar]