Chapter 50

[English text for this chapter is available]

| sanatkumāra uvāca |
pāpanāśinī vikhyātā yathā śiprā payasvinī |
tathāhaṃ saṃpravakṣyāmi samāsena paraṃtapa || 1 ||
[Analyze grammar]

purā kṛtayuge vyāsa damanonāma vai nṛpaḥ |
kīkaṭeṣu samākhyāto rājā paramakopanaḥ || 2 ||
[Analyze grammar]

utpathī sarvadharmāṇāṃ gobrāhmaṇaviniṃdakaḥ |
surāpī hemahārī matsarī gurutalpagaḥ || 3 ||
[Analyze grammar]

prajāsarvasvahartā ca paradārābhimarśakaḥ |
dhūrtako dhūrtaṃsaṃgī ca piśunastaskarākṛtiḥ || 4 ||
[Analyze grammar]

gograhaḥ purabhedī ca baṃdī baṃdijanapriyaḥ |
kutsitaḥ kopapūrṇaśca vedaśāstravivarjitaḥ || 5 ||
[Analyze grammar]

sādhusaṃgaparityāgī duṣṭo duṣṭajanapriyaḥ |
kulāṃganāparityāgī paṇyastrīvṛṣalīpatiḥ || 6 ||
[Analyze grammar]

dharmaniṃdākaro nityamadharme ramate matiḥ |
na hūyaṃte na pūjyaṃte na śrūyaṃte kathā budhaiḥ || 7 ||
[Analyze grammar]

vedā yajñāśca devānāṃ mūrtiḥ padbhyāṃ ca tāḍyate |
evaṃ duṣṭataro rājā na bhūto na bhaviṣyati || 8 ||
[Analyze grammar]

sa ekadā vane ghore mṛgayāvanagocaraḥ |
itastato bhramamāṇo vyādhaiḥ parivṛtaḥ khalaḥ || 9 ||
[Analyze grammar]

na labdhvā kheṭakaṃ kiṃcitkṣudhārtastṛṣitaḥ khalaḥ |
ekākī vigato'saṃgo mahākālavanāṃtike || 10 ||
[Analyze grammar]

rātriḥ samāgatā tatra ghorā ghorani ṣevitā |
vṛkṣamūlamupāvṛtya śayanārthī kṣudhārditaḥ || 11 ||
[Analyze grammar]

tatrāśvaṃ viṭape baddhvā svayameva nyaṣīdata |
tadaiva kāle vṛkṣādvai sarpaḥ papāta mastake || 12 ||
[Analyze grammar]

kimidaṃ kuta āścaryaṃ kṛtvā hastena vāritaḥ |
tena vārayitā rājā daṣṭoṃ'guṣṭhe tadā'hinā || 13 ||
[Analyze grammar]

daṣṭamātre ca nṛpatirvyathitaḥ kṣitimāgataḥ |
kiyatkāle vyathāviṣṭo mumoha kṣīṇamaṃgalaḥ || 14 ||
[Analyze grammar]

etatkṣaṇātpretabhūto ghore narakasaṃcaye |
yamadūtaistāḍyamāno vividhāstraiḥ svakarmajaiḥ || 15 ||
[Analyze grammar]

harṣitāśca gaṇāḥ sarve yamarājasya kiṃkarāḥ |
baddhvā pāśaiśca taṃ ninyuḥ pāpiṣṭhaṃ yamamaṃdire || 16 ||
[Analyze grammar]

etasminnaṃtare vyāsa kravyādaiḥ khāditaṃ śavam |
kiṃciccheṣataraṃ prātarvāyasenābhilakṣitam || 17 ||
[Analyze grammar]

tatra gatvānayanmāṃsaṃ tuṃḍena viyadudgataḥ |
tato'nyairvāyasairbhagno bhrāmyamāṇa itastataḥ || 18 ||
[Analyze grammar]

tatrāṭato hi yatrāste divyā śiprā payasvinī |
kiṃcitkarmavipākena vāyasāsyagataṃ palam || 19 ||
[Analyze grammar]

patitaṃ vai jale tasyāḥ śiprāyāstasya kāya jam |
tena puṇyaprabhāvena śivo'jāyata tatkṣaṇāt || 20 ||
[Analyze grammar]

trinetrotha jaṭājṛṭī vyāghrāṃbaraparīvṛtaḥ |
śūlahasto vṛṣārūḍho bhālacaṃdro hyumāpatiḥ || 21 ||
[Analyze grammar]

ityāścaryamayaṃ rūpaṃ dṛṣṭvā dūtāśca dharṣitāḥ |
tadgaṇaistāḍitā bhagnā dharmarājñe śaśaṃsire || 22 ||
[Analyze grammar]

śrūyatāṃ bho mahārāja dharmarāja namostu te |
dūtānāṃ yadvaco ramyaṃ bahvāścaryamayaṃ param || 23 ||
[Analyze grammar]

kīkaṭādhimatirmaṃdaḥ pāpiṣṭho vṛṣalīpatiḥ |
damano nāma rājābhūtsamaste kṣitimaṃḍale || 24 ||
[Analyze grammar]

yāni kāni ca pāpāni brahmahatyāsamāni ca |
tāni sarvāṇi tenāpi kṛtāni bhuvi sattama || 25 ||
[Analyze grammar]

maryādābhedako mūḍho varṇāśramasudharmiṇām |
kusaṃgī dyūtakonmādī bahuvyaṃgabharaḥ khalaḥ || 26 ||
[Analyze grammar]

yamadaṃḍaparaḥ pāpī asmākaṃ harṣavardhanaḥ |
sa kathaṃ śivarūpī syātkimāścaryamataḥ param || 27 ||
[Analyze grammar]

yāvaṃtaḥ patitāḥ pūrve pāpinaḥ sarva eva hi |
kṛṣṇena tāritāḥ sarve brahmaputrārthinā tadā || 28 ||
[Analyze grammar]

tadāprabhṛti sarvāṇi kuṃḍāni narakasya vai |
śuṣkāṇi caiva dṛśyaṃte grīṣmāṃte vai hradā yathā || 29 ||
[Analyze grammar]

na caivārtaravaṃ kiṃcicchrūyate tava maṃdire |
asmākaṃ jīvanaṃ nāsti kimupāyaṃ vadasva naḥ || 30 ||
[Analyze grammar]

eka evāgato loke vṛttido no yamādhipa |
so'pi śivatvamāpannaḥ kasmānno jīvyate katham || 31 ||
[Analyze grammar]

dharmarājastadāśrutya kiṃkarāṇāṃ paraṃ vacaḥ |
ciraṃ dhyātvā svakānūce deśakālocitaṃ vacaḥ || 32 ||
[Analyze grammar]

dharmarāja uvāca |
śrūyatāṃ bho gaṇāḥ sarvaiḥ śrutirekāgramānasaiḥ |
yena puṇyaprabhāvena pāpiṣṭhaḥ śivatāṃ gataḥ || 33 ||
[Analyze grammar]

bhuvi puṇyatame deśe mahākālavane śubhe |
śiprānāma saricchreṣṭhā sarvapāpaharā parā || 34 ||
[Analyze grammar]

yeṣāṃ śiprodaka sparśo jāyate bhuvi kiṃkarāḥ |
na teṣāṃ pātakaṃ kiṃcinmṛtaḥ śivapuraṃ vrajet || 35 ||
[Analyze grammar]

manasā vapuṣā vācā pāpāni vividhāni ca |
tatkṣaṇātpralayaṃ yāṃti śiprāsarinniṣevaṇāt || 36 ||
[Analyze grammar]

śiprāśipreti yo brūte yatra kutrāpi mānavaḥ |
sa eva śivatāṃ yāti na jāne snānajaṃ phalam || 37 ||
[Analyze grammar]

yatra kīṭapataṃgāśca śiprāvāricarāśca ye |
mṛtāḥ śivapuraṃ yānti śiprānīraniṣevaṇāt || 38 ||
[Analyze grammar]

kṛtvānyatra mahāpāpaṃ ye'nte śiprātaṭaṃ śritāḥ |
mahāpātakino'pyete mṛtā yāṃti śivālayam || 39 ||
[Analyze grammar]

mādhave māsi saṃprāpte nimajjaṃti narottamāḥ |
na teṣāṃ nirayaṃ kiṃcicchivarūpāścaraṃti te || 40 ||
[Analyze grammar]

vāyasenāhṛtaṃ māṃsaṃ tasya rājñaḥ kṛtāgasaḥ |
śiprāgādhajale kṣiptaṃ kā tatra paridevanā || 41 ||
[Analyze grammar]

vāpīkūpataḍāgādi adhikādhikasatphalam |
tasmāddaśaguṇaṃ puṇyaṃ nadīṣu upajāyate || 42 ||
[Analyze grammar]

tasmāddaśaguṇā tāpī godā puṇyā tatodhikā |
tasmāddaśaguṇā revā gaṃgā puṇyā tato'dhikā |
tasmāddaśaguṇā śiprā pavitrā pāpanāśinī || 43 ||
[Analyze grammar]

damanasya śarīrasya māṃsaṃ śiprāsamāgatam |
tena puṇyaprabhāvena śivarūpadharo'bha vat || 44 ||
[Analyze grammar]

īdṛśā ca nadī ramyā avantyāṃ bhuvi vartate |
vāṃchaṃti devatāḥ sarvāstasyā durlabhadarśanam || 45 ||
[Analyze grammar]

dharmarājavacaḥ śrutvā gaṇā vismaya māgatāḥ |
manasā ca nirātaṃkāḥ śiprāṃ śaraṇamāgatāḥ || 46 ||
[Analyze grammar]

sanatkumāra uvāca |
tadāprabhṛti vikhyātā śipreyaṃ pāpanāśinī |
gīyate ca purāṇeṣu yasyā māhātmyamuttamam || 47 ||
[Analyze grammar]

damanasya ca nirmuktiḥ śiprāmāhātmyamuttamam |
yamadūtānāṃ saṃvādaṃ śrutvā muktirna saṃśayaḥ || 48 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe'vantīkṣetramāhātmye śiprāmāhātmye pañcāśattamo 'dhyāyaḥ || 50 ||
[Analyze grammar]