Chapter 49

[English text for this chapter is available]

| sanatkumāra uvāca |
evaṃ vyāsa purī ramyā nāmabhūtā sanātanī |
yugeyuge yathā jātā tathā khyātā mayā'nagha || 1 ||
[Analyze grammar]

vyāsa uvāca |
bhūyo'haṃ śrotumicchāmi tvatto brahmavidāṃ vara |
śiprāyāśca kathāṃ puṇyāṃ pavitrāṃ pāpahāriṇīm || 2 ||
[Analyze grammar]

sundaraṃ kuṃḍamākhyātaṃ piśācamocanaṃ tathā |
nīlagaṃgā iti proktā karkarājamataḥ param || 3 ||
[Analyze grammar]

puṣkarāṇi ca sarvāṇi gayātīrthamanuttamam |
gomatīkuṇḍamākhyātaṃ nāmnā dharmasarastathā || 4 ||
[Analyze grammar]

khyātaṃ saṃgamajaṃ tīrthaṃ śanerjanmakathāṃ śubhām |
cyavanāśrame ca yā vārtā tathā nāgālaye śubhe || 5 ||
[Analyze grammar]

puruṣottamamahimānaṃ kāle kena kathaṃ bhavet |
etadveditumicchāmi yatte manasi vartate || 6 ||
[Analyze grammar]

sanatkumāra uvāca |
śṛṇu vyāsa mahābhāga kathāṃ pāpaharāṃ parām |
yasminkāle yadā jātā mahākālavane śubhe || 7 ||
[Analyze grammar]

nāsti vatsa mahīpṛṣṭhe śiprāyāḥ sadṛśī nadī |
yasyāstīre kṣaṇānmuktiḥ kiṃ cirātsevanena vai || 8 ||
[Analyze grammar]

vaikuṇṭhe jāyate śiprā jvaraghnī ca surālaye |
mahādvāre ca pāpaghnī pātāle'mṛtasaṃbhavā || 9 ||
[Analyze grammar]

vārāhakalpe vai proktā viṣṇudeheti nāmataḥ |
śiprāvaṃtyāṃ samākhyātā kāmadhenusamudbhavā || 10 ||
[Analyze grammar]

vyāsa uvāca |
vicitramidamākhyātaṃ bhavatā ṛṣisattama |
vaktumarhasi śiprāyāḥ samāsena kathāṃ śubhām || 11 ||
[Analyze grammar]

sanatkumāra uvāca |
brāhmaṃ kapālamādāya bhikṣārthaṃ saṃcaranmahīm |
mahādevo viśuddhātmā sarvalokeṣu sarvataḥ || 12 ||
[Analyze grammar]

aprāptabhikṣo bhikṣārthī vaikuṇṭhamagamadvibhuḥ |
gataścātithyavelāyāṃ bhramamāṇo yatastataḥ || 13 ||
[Analyze grammar]

lokaniṃdāparaḥ kruddhaḥ kṣudhito bahuvāsaraiḥ |
bhikṣāṃ dehīti bho brahmankṣudhito'haṃ samāhitaḥ || 14 ||
[Analyze grammar]

kapālaṃ ca kare kṛtvā ityu vāca punaḥ punaḥ |
gṛhyatāṃ hara bhikṣāṃ te dadāmīti haristadā || 15 ||
[Analyze grammar]

ityuktvā karamudyamya tarjanyaguṃlimādadhat |
tadā rudraḥ samādhmātastriśūlenāhana druṣā || 16 ||
[Analyze grammar]

tadāṃgulisamudbhūtaṃ bahu susrāvaśoṇitam |
tenāśu pātraṃ tatpūrṇaṃ śaṃkarasya kare sthitam || 17 ||
[Analyze grammar]

tadā udvelitā sā vai dhārā jātā samaṃ tataḥ |
tatra sthāne samudbhūtā śiprā'sṛgdhārasaṃbhavā || 18 ||
[Analyze grammar]

vaikuṃṭhe cābhavatsadyo nadī trailokyapāvanī |
evaṃ śiprā saricchreṣṭhā triṣu lokeṣu viśrutā || 19 ||
[Analyze grammar]

jvaraghnī ca yathā proktā tathā vyāsa bravīmyaham |
yadā bāṇāsuro daityaḥ kṛṣṇena saha saṃyuge || 20 ||
[Analyze grammar]

yodhayāmāsa daityeṃdro hyaniruddhapra helanaḥ |
sahasrabāhubhirvīro nānāpraharaṇodyataḥ || 21 ||
[Analyze grammar]

tasmātkruddho vāsudevaścakramādāya satvaraḥ |
ciccheda bāhusāhasraṃ kṣurapreṇāśugāminā || 22 ||
[Analyze grammar]

sa tadā bhagnasaṃkalpaśchinnadośca vraṇārditaḥ |
parāṅmukhaparo bhūtvā śaṃkaraṃ śaraṇaṃ yayau || 23 ||
[Analyze grammar]

tadāgataṃ mahādaityaṃ samīpe bhayavihvalam |
vilokya kṛpayāviṣṭo gate saṃgrāmamūrdhani || 24 ||
[Analyze grammar]

chittvā bāhusahasraṃ vai daityarājasya cāhave |
kruddhaḥ kṛṣṇo mahābāhuḥ parasenāṃtako varaḥ || 25 ||
[Analyze grammar]

sthito yatrācalo vyāsa tatrāgato maheśvaraḥ |
vārayāmāsa kṛṣṇaṃ vai śaroghaiśca samākiran || 26 ||
[Analyze grammar]

anyonyaṃ ca samāsādya kṛtvā yuddhaṃ tu dāruṇam |
śastrāstraiśca mahāghoraiḥ sarvaprāṇibhayaṃkaraiḥ || 27 ||
[Analyze grammar]

vaiṣṇavāstraṃ tadā kṛṣṇaḥ saṃdadhe harajighāṃsayā |
pāśupataṃ ca nāmāstraṃ sarvasaṃhārakārakam || 28 ||
[Analyze grammar]

saṃdadhe vai tadā śaṃbhuḥ kṛṣṇaprāṇaharotsukaḥ |
hāhākārastadā jātaḥ sarvalokeṣu śrūyate || 29 ||
[Analyze grammar]

mohanāstraṃ punaḥ kṛṣṇaḥ śivopari mumoca ha |
tenāstreṇa tadā śaṃbhurmohito devamāyayā || 30 ||
[Analyze grammar]

jṛṃbhamāṇaḥ sthitaḥ saṃkhye kiṃcitkālaṃ muhurmuhuḥ |
labdhasaṃjñaḥ punarjāto yadā rudro mahāhave || 31 ||
[Analyze grammar]

tadā krodhābhibhūtena kṛto māheśvaro jvaraḥ |
lalāṭaphalakātsadyo vīrabhadro mahābalaḥ || 32 ||
[Analyze grammar]

trinetrastriśirā hrasvastripādo barkarākṛtiḥ |
kṣudro jaṭilabhasmāṃgo mahāvyādhirduratyayaḥ || 33 ||
[Analyze grammar]

kṛṣṇasenāṃ samāsādya mahādevena preritaḥ |
prāṇināṃ kadanaṃ cakre sarveṣāṃ kṛṣṇasaṃginām || 34 ||
[Analyze grammar]

parāṅmukhyaparā bhagnā jvarābhighātapīḍitā |
babhūva sahasā vyāsa senā kṛṣṇena pālitā || 35 ||
[Analyze grammar]

tathābhūtāṃ samālokya jṛṃbhamāṇā rujārditām |
svasenāṃ bhagnasaṃkalpāṃ māheśajvarapīḍitām || 36 ||
[Analyze grammar]

sasarja vaiṣṇavaṃ tāpaṃ kṛṣṇaḥ paramakopanaḥ |
tena saha vaiṣṇavena māheśvareṇa jvareṇa ca || 37 ||
[Analyze grammar]

anyonyamabhavadyuddhaṃ ghoraṃ ghorataraṃ mahat |
saṃgrāmaṃ bahulaṃ kṛtvā bhagno māheśvaro jvaraḥ || 38 ||
[Analyze grammar]

sarvalokeṣu gatvā vai na śāṃtiṃ pratijagmivān |
mahākālavane ramye prāptastenābhipīḍitaḥ || 39 ||
[Analyze grammar]

nimagno'tha vai śiprāyāṃ tataḥ śāṃtiṃ parāṃ yayau |
dṛṣṭvā māheśvaraṃ śāṃtaṃ jvaraṃ paramakopanam || 40 ||
[Analyze grammar]

vaiṣṇavo 'pi samāsādya tasyāṃ majjanamācarat |
tasyāḥ prabhāvasannaṣṭau jvaro hariharodbhavau || 41 ||
[Analyze grammar]

tasmātsarveṣu kāleṣu jvaraghnī sā'bhavatkṣaṇāt |
jvarābhibhūtāstāṃ prāpya janāḥ paramaduḥkhitāḥ || 42 ||
[Analyze grammar]

nimajjaṃti ca śiprāyāṃ vyāsoṣasi samāhitāḥ |
na teṣāṃ bādhate pīḍā jvarodbhūtā kadācana || 43 ||
[Analyze grammar]

satyamuktaṃ tadā vyāsa brahmaharihareṇa ca || 44 ||
[Analyze grammar]

ye śṛṇvaṃti kathāṃ divyāṃ narāścaikāgramānasāḥ |
na teṣāṃ jāyate kiṃcijjavarasaṃtāpajaṃ bhayam || 45 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ paṃcama āvaṃtyakhaṃḍe'vantīkṣetramāhātmye śiprāyā māhātmye jvarānugrahonāmaikona paṃcāśattamo'dhyāyaḥ || 49 ||
[Analyze grammar]