Chapter 47

[English text for this chapter is available]

| sanatkumāra uvāca |
śṛṇu vyāsa mahābhāga purī hyeṣāmarāvatī |
viśālā ca samākhyātā sarvalokeṣu gīyate || 1 ||
[Analyze grammar]

tathāhaṃ saṃpravakṣyāmi brahmaṇā kathitaṃ purā |
guhyādguhyataraṃ kṣetraṃ sarvapāpapraṇāśanam || 2 ||
[Analyze grammar]

umayā sahito deva eka evācaradvane |
tato bhūtagaṇāḥ sarve paścātsarve surāsurāḥ || 3 ||
[Analyze grammar]

viṣṇurdaśākṛtiryatra devyo vai lokamātaraḥ |
vināyakāśca vaitālāḥ kūṣmāṃḍā bhairavādayaḥ || 4 ||
[Analyze grammar]

kalpodbhedāśca liṃgāśca caturāśītisaṃkhyakāḥ |
kṣetrāṇi kṣetrapālāśca ṛddhiḥ siddhistathaiva ca || 5 ||
[Analyze grammar]

pitaro lokapālāśca siddhāḥ siddhipradāśca ye |
ṛṣayaśca mahābhāgā ṛṣipatnyo'malāśayāḥ || 6 ||
[Analyze grammar]

kiṃnarā devagandharvā hyapsarāśca varāṃganāḥ |
marudgaṇāśca ye sarve sādhakānāṃ gaṇāśca ye || 7 ||
[Analyze grammar]

yakṣā guhyakasaṃghāśca piśācoragarākṣasāḥ |
sthāvarā jaṃgamāḥ sarve dhyānaṃ mānasamāśritāḥ || 8 ||
[Analyze grammar]

upāsāṃcakrire tatra devadevamumāpatim |
tāndṛṣṭvā sā tadā devī pārvatī girijā tadā |
uvāca ślakṣṇayā vācā śaṃkaraṃ jagadāśrayam || 9 ||
[Analyze grammar]

pārvatyuvāca |
devadeva jagannātha jagadādhāratatpara |
paśya etānmahābhāgāndhyāyamānāṃstavāśritān || 10 ||
[Analyze grammar]

nānupekṣyāśca tānsarvānvātavarṣātapārditān |
kalpaya tvaṃ mahā bhāga eteṣāmātmano hitam || 11 ||
[Analyze grammar]

yathāyogyaṃ vāsanārthaṃ sthānaṃ paramaśobhanam |
purīṃ kalpaya me nātha vāsārthaṃ sarvakāmadām || 12 ||
[Analyze grammar]

eṣā me vāsanā svāminbhavatāṃ yadi rocate |
iti śrutvā vacastasyāḥ pārvatyāḥ parameśvaraḥ |
kalpayāmāsa purīṃ ramyāṃ sarvabhūtamanoramām || 13 ||
[Analyze grammar]

ātmanopi hitāṃ puṇyāṃ śaṃbhuḥ sarvātmanā tadā |
bahuyojanavistīrṇāṃ divyāṃ divyajanapriyām || 14 ||
[Analyze grammar]

divyābhiprāyasaṃyuktāṃ divyasthānamanoramām |
divyasarvaguṇopetā viśālāṃ virajāṃ śubhām || 15 ||
[Analyze grammar]

krayavikrayasaṃpannahaṭṭāṭṭālakacatvarām |
bahuharmyagṛhākīrṇāṃ saudhapaṃktivirājitām || 16 ||
[Analyze grammar]

sphāṭikābhittiracitāṃ vaiḍūryamaṇibhūmikām |
pravālastaṃbhapravarāṃ hemābharaṇasaṃbharām || 17 ||
[Analyze grammar]

āraktamaṇidehalyāṃ dvāraśākhābhimaṃḍitām |
jāṃbūnadakapāṭāḍhyāṃ vajrārgalasusaṃskṛtām || 18 ||
[Analyze grammar]

maṇiratnasamābhūmidvārājiragṛhāṃtarām |
ghoṣajālātiramyāṃ ca muktādāmavilaṃbinīm || 19 ||
[Analyze grammar]

hemastaṃ bhadhvajopetāḥ patākāśca gṛhegṛhe |
kalaśāśca virājaṃte maṇihemācitā gṛhe || 20 ||
[Analyze grammar]

vāpīkūpataḍāgāni sarāṃsi vimalāni ca |
padmakiṃjalkagaṃdhīni jalayaṃtropaśobhitām || 21 ||
[Analyze grammar]

haṃsakāraṃḍavākīrṇāṃ śikhaṃḍigaṇaśobhitām |
jalayaṃtrakṛtādhārāṃ gṛhavāpīvanākarām || 22 ||
[Analyze grammar]

kvacinnṛtyaṃti mayūrāḥ kvacitkūjaṃti kokilāḥ |
bhramarāvalīḍhapuṣpāḍhyastabakā vanarājayaḥ || 23 ||
[Analyze grammar]

naranārīgaṇākīrṇāṃ varṇāśramaniṣevitām |
harmyāṃtarāgatā nāryo vilokanaparā babhuḥ || 24 ||
[Analyze grammar]

caṃdramālākṛtaśreṇītoraṇānīva ca śobhate |
evaṃ vyāsa purī ramyā ātmayogena vāsitā || 25 ||
[Analyze grammar]

yatrālakāpurī ramyā kuberabhavanāṃkitā |
dhavalā puṇyajanaiḥ kīrṇā pakṣibhiścopaśobhitā || 26 ||
[Analyze grammar]

tatra bhogavatī divyā varuṇālaya uttamaḥ |
nāgakanyābhirugrābhi rnāgapatnībhiḥ saṃkulā || 27 ||
[Analyze grammar]

saṃyamanīpurī śreṣṭhā dharmarājena pālitā |
sadācārajanaiḥ pūrṇā kṛtā kṛtavicakṣaṇaiḥ || 28 ||
[Analyze grammar]

devatānāṃ purī ramyā vāsavenābhirakṣitā |
puṇyastrīṇāṃ gaṇākīrṇā kinnarodgītamaṃḍitā || 29 ||
[Analyze grammar]

evaṃvidhāni ramyāṇi purā bahutarāṇi ca |
bahuvistīrṇamānāni śubhrā ṇyatitarāṇi ca || 30 ||
[Analyze grammar]

kvacidraṃbhākṛtadvārā yavāṃkuraghaṭāḥ śubhāḥ |
kvacidgāyanti gandharvāḥ kvacinnṛtyaṃti nartakāḥ || 31 ||
[Analyze grammar]

kvacidbālāḥ paṭhaṃti sma vedādhyayanakā dvijāḥ |
kvacidyajñānyajaṃti sma yajamānāḥ saṛtvijaḥ || 32 ||
[Analyze grammar]

kvaciccāvabhṛthasnātāḥ kvaciddānānyakurvata |
kvacitkvacittūpanayanaṃ vivāhāgniparigraham || 33 ||
[Analyze grammar]

kvacidārāmapūrtaṃ vai kvacidyātrāvadhāraṇam |
vāpīkūpataḍāgānāṃ tathaiva vidhipūrvakam || 34 ||
[Analyze grammar]

kvacitkathāprasaṃgāṃśca pariśaṃsaṃti vācakāḥ |
kvacidgāthāḥ prakurvaṃti kavayaḥ pura uttame || 35 ||
[Analyze grammar]

kvacinmallā niyudhyaṃte naṭā nāṭyaparāḥ kvacit |
taḍāgāni virājaṃte maṇisopānapaṃktibhiḥ || 36 ||
[Analyze grammar]

caṃcalāścapalā bālāḥ śyāmāḥ ṣoḍaśavārṣikāḥ |
vārihāraparāstatra maṇihemaghaṭotkaṭāḥ || 37 ||
[Analyze grammar]

evaṃ vyāsa purī ramyā nirmitā yogamāyayā |
śaṃbhunā sarvapāpaghnī priyāpriyacikīrṣayā || 38 ||
[Analyze grammar]

viśālā bahuvistīrṇā puṇyā puṇyajanāśrayā |
tasmātsarveṣu kāleṣu sarvalokeṣu gīyate || 39 ||
[Analyze grammar]

viśāleti samākhyātā purī ramyā sanātanī |
yatratatra sthito vāpi sarvāvasthāṃ gato'pi vā || 40 ||
[Analyze grammar]

viśāleti vadennityaṃ śivaloke mahīyate |
īdṛśī na purīvyāsa bhuvi brahmāṃḍagolake || 41 ||
[Analyze grammar]

viśālā sadṛśī cānyā bhuktimuktipradā nṛṇām |
pitṝnuddiśya kurvaṃti śrāddhaṃ kāle narā yadi || 42 ||
[Analyze grammar]

tadakṣayaṃ bhavetteṣāṃ pitṛkalpe ca gīyate |
snānadānādikaṃ yaistu viśālāyāṃ prasaṃgataḥ || 43 ||
[Analyze grammar]

yatra kutra gatāste vai mṛtā yāṃti śivālayam |
dhanyāḥ puṇyatamā loke prītiryeṣāṃ sadācalā || 44 ||
[Analyze grammar]

viśālāyāṃ phalaṃ śaśvaccheṣaḥ śakto na varṇitum |
kathāśravaṇamātreṇa vācyamānena tatkṣaṇāt |
mahāpāpodbhavātpāpānmucyate nātra saṃśayaḥ || 45 ||
[Analyze grammar]

evaṃ vyāsa purī jātā viśālā ca kuśasthalī |
pratikalpā yathā jātā tathā me śṛṇu bhāṣataḥ || 46 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe'vantīkṣetra māhātmye viśālābhidhānakathanaṃnāma saptacatvāriṃśo'dhyāyaḥ || 47 ||
[Analyze grammar]