Chapter 48

[English text for this chapter is available]

| sanatkumāra uvāca |
śṛṇuṣvāvahito vyāsa sthitimekāgramānasaḥ |
mayā vyāsamukhātprāptā kalpabhede kathā śubhā || 1 ||
[Analyze grammar]

guhyādguhyatarā śreṣṭhā na deyā yasya kasyacit |
nāstikāya kṛtaghnāya nāśiṣyāya kadācana || 2 ||
[Analyze grammar]

eṣā puṇyatamā vyāsa kathā pāpaharā parā |
yasyāḥ śravaṇamātreṇa kalpadoṣo na bādhate || 3 ||
[Analyze grammar]

pramāṇaṃ kalpaparyaṃtaṃ brahmaṇaḥ parameṣṭhinaḥ |
manvaṃtareṣu sarveṣu kalpakalpāṃtareṣu ca || 4 ||
[Analyze grammar]

yāvatsaṃkhyā parimitā tāvatī śṛṇu sattama |
ahorātraṃ ca bhajate sūryo mānuṣadaivatam || 5 ||
[Analyze grammar]

tāmupādāya gaṇanāṃ śṛṇu saṃkhyā dvijottama |
nimeṣaiḥ paṃcadaśabhiḥ kāṣṭhā triṃśattu tāḥ kalā || 6 ||
[Analyze grammar]

triṃśatkalā muhūrtastu triṃśatā tairmanīṣiṇaḥ |
ahorātra miti prāhuścaṃdrādityagatistadā || 7 ||
[Analyze grammar]

ravirgativiśeṣeṇa sandhyāyāṃ yāti nityaśaḥ |
tadahastu manuṣyāṇāṃ rātriścaiva tu tādṛśī || 8 ||
[Analyze grammar]

pakṣau māsā ṛtuścābdamayane ca prakīrtite |
pitṝṇāṃ caiva devānāṃ brahmaṇaśca yathātatham || 9 ||
[Analyze grammar]

yāvatsaṃkhyā samākhyātā āyuraṃtaśca tādṛśaḥ |
ahorātrāḥ paṃcadaśa pakṣa ityabhiśabditaḥ || 10 ||
[Analyze grammar]

pakṣau dvau tau kṛtau māsau māsau dvāvṛturucyate |
ayanaṃ cartubhistribhirabdaṃ dve ayane smṛtam || 11 ||
[Analyze grammar]

dakṣiṇaṃ cottaraṃ caiva saṃkhyātattvaviśāradaiḥ |
mānenānena yo māsaḥ pakṣadvayasamanvitaḥ || 12 ||
[Analyze grammar]

pitṝṇāṃ tadahorātramiti kālavido viduḥ |
śukla pakṣastvahasteṣāṃ kṛṣṇapakṣastu śarvarī || 13 ||
[Analyze grammar]

kṛṣṇapakṣe tviha śrāddhaṃ pitṝṇāṃ vartate dvija |
mānuṣeṇa tu mānena yo vai saṃvatsaraḥ smṛtaḥ || 14 ||
[Analyze grammar]

devānāṃ tadahorātraṃ divā caivottarāyaṇam |
dakṣiṇāyanaṃ smṛtā rātriḥ prājñaistattvārthakovidaiḥ || 15 ||
[Analyze grammar]

divyamabdaṃ śataguṇaṃ divyamabdasahasrakam |
munibhiścaiva tattvajñairahorātraṃ manoḥ smṛtam || 16 ||
[Analyze grammar]

ahorātraṃ daśaguṇaṃ mānavaḥ pakṣa ucyate |
pakṣāddaśaguṇo māso māsā dvādaśabhirguṇaiḥ || 17 ||
[Analyze grammar]

ṛturmanūnāṃ saṃproktaḥ prājñaistattvārthadarśibhiḥ |
ṣaḍbhistairvarṣaṃ saṃproktaṃ tena saṃkhyā nibadhyate || 18 ||
[Analyze grammar]

catvāryeva sahasrāṇi varṣāṇāṃ tu kṛtaṃ yugam |
tāvatī tu bhavetsaṃdhyā saṃdhyāṃśaśca tathāvidhaḥ || 19 ||
[Analyze grammar]

trīṇi varṣasahasrāṇi tretā tatparimāṇataḥ |
tasyāśca triśatī saṃdhyā saṃdhyāṃśaśca tathā paraḥ || 20 ||
[Analyze grammar]

tathā varṣasahasre dve dvāparaṃ parikīrtitam |
tasya ca dviśatī saṃdhyā saṃdhyāṃśaśca tathā |paraḥ || 21 ||
[Analyze grammar]

kalirvarṣasahasraṃ tu saṃkhyā coktā manīṣibhiḥ |
tasya caikaśatī saṃdhyā saṃdhyāṃśaśca tathāvidhaḥ || 22 ||
[Analyze grammar]

eṣā dvādaśasāhasrī yugasaṃkhyā prakīrtitā |
divyenānena mānena yugasaṃkhyāṃ nibodha me || 23 ||
[Analyze grammar]

sasarja sa punastāta jagatsarvamidaṃ tataḥ |
kṛtaṃ tretā dvāparaṃ ca kaliścaiva caturyugam || 24 ||
[Analyze grammar]

yugaṃ tadekasaptatyā guṇitaṃ dvijasattama |
manvaṃtaramiti proktaṃ saṃkhyānārthaviśāradaiḥ || 25 ||
[Analyze grammar]

ayanaṃ cāpi tatproktaṃ dve'yane dakṣiṇottare |
manuḥ pralīyate hyatra saṃprāpte jagataḥ prabhau || 26 ||
[Analyze grammar]

tato'paro manuḥ kālametāvantaṃ bhavetpunaḥ |
samatīte tu rājeṃdra proktaḥ saṃvatsarasya vai || 27 ||
[Analyze grammar]

tadaiva cāyanaṃ proktaṃ muninā tattvadarśinā |
brahmaṇastadahaḥ proktaṃ kalpa śceti sa ucyate || 28 ||
[Analyze grammar]

sahasrayugaparyaṃtaṃ sā niśā procyate budhaiḥ |
nimajjatyatra corvī sā saśailavanakānanā || 29 ||
[Analyze grammar]

tasminyugasahasre tu pūrṇe vai dvijasattama |
brāhme divasaparyaṃte kalpo niḥśeṣa ucyate || 30 ||
[Analyze grammar]

yugāni saptatiṃ tāni sāgrāṇi kathitāni te |
kṛtatretādiyuktāni manoraṃtara mucyate || 31 ||
[Analyze grammar]

caturdaśaite manavaḥ kathitāḥ kīrtivardhanāḥ |
vedeṣu sapurāṇeṣu sarveṣu prabhaviṣṇavaḥ || 32 ||
[Analyze grammar]

prajānāṃ patayo vyāsa dhanyameṣāṃ prakīrta nam || 33 ||
[Analyze grammar]

manvaṃtareṣu saṃhārāḥ saṃhārāṃteṣu saṃbhavāḥ |
na śakyamaṃtasteṣāṃ vai vaktuṃ varṣaśatairapi || 34 ||
[Analyze grammar]

visargaśca prajānāṃ vai saṃhārasya ca bhārata || |
manvaṃtareṣu saṃhāraḥ śrūyate bharatarṣabha || 35 ||
[Analyze grammar]

yatra tiṣṭhaṃti vai devāḥ sarve saptarṣibhiḥ saha |
tapasā brahmacaryeṇa śrutena ca samanvitāḥ || 36 ||
[Analyze grammar]

pūrṇe yugasahasre tu kalpo niḥśeṣa ucyate |
tatra sarvāṇi bhūtāni dagdhānyādityaraśmibhiḥ || 37 ||
[Analyze grammar]

brahmāṇamagrataḥ kṛtvā sahādityairgaṇairdvija |
praviśaṃti suraśreṣṭhaṃ hariṃ nārāyaṇaṃ prabhum || 38 ||
[Analyze grammar]

sa sraṣṭā sarvabhūtānāṃ kalpāṃte tu punaḥpunaḥ |
avyaktaḥ śāśvato devastasya sarvamidaṃ jagat || 39 ||
[Analyze grammar]

sa eva vidyate vyāsa maheśā saha saṃyutaḥ |
mahākālavane vāsaṃ cakāra jagadīśvaraḥ || 40 ||
[Analyze grammar]

pralayo na bādhate vyāsa mahākālavanottame |
kalpe kalpe ca vai ramyā purī hyeṣā kuśasthalī || 41 ||
[Analyze grammar]

nirāmayā nirātaṃkā nirvikārā yugeyuge |
mārkaṇḍeyopadiṣṭāni kalpāni saṃbhavaṃti ca || 42 ||
[Analyze grammar]

atraiva ca vane ramye brahmā lokapitāmahaḥ |
prajānāṃ patayo ye te dakṣaḥ prācetasastathā || 43 ||
[Analyze grammar]

marīciḥ kaśyapo rudro ye'nye bhṛgvādayastathā |
kalpādau sasṛje lokāṃścarācarānyathā tathā || 44 ||
[Analyze grammar]

evamādau purā vyāsa kalpaṃ kalpāyate tadā |
vārāhavāmanaviṣṇupitṝṇāṃ vai tathaiva ca || 45 ||
[Analyze grammar]

kalpabhedāḥ samākhyātā mahākālavane śubhe |
caturāśītikalpāni saṃjātāni dvijottama || 46 ||
[Analyze grammar]

tāvaṃti yogaliṃgāni vane tiṣṭhanti sattama |
punarjātā punaḥ rnaṣṭā mahīsāgaraparvatāḥ || 47 ||
[Analyze grammar]

punaḥpunarbhaviṣyaṃti purī hyeṣā'calā smṛtā |
tasmātsarveṣu kāleṣu sarvalokeṣu gīyate || 48 ||
[Analyze grammar]

pratikalpeti vikhyātā bhuvi vyāsa bhaviṣyati |
ye'syāṃ vai mānavā dāṃtāḥ snānadānādikaṃ tathā || 49 ||
[Analyze grammar]

japaṃ homaṃ tathā śrāddhaṃ pitṝnuddiśya devatāḥ |
na teṣāṃ punarā vṛttiḥ koṭikalpaśatairapi || 50 ||
[Analyze grammar]

pratikalpāmanuprāpya dṛṣṭvā devaṃ maheśvaram |
vaiśākhe paurṇamāsyāṃ vai snāpayaṃtyekavāsaram || 51 ||
[Analyze grammar]

prasaṃgato rajaḥ klāṃtaḥ śiprāṃbhasi ca mānavāḥ |
na teṣāṃ duṣkṛtaṃ kiṃcidviṣṇuloke vasaṃti te || 52 ||
[Analyze grammar]

manvaṃtarasahasreṣu kāśivāseṣu yatphalam |
tatphalaṃ prāpnuyājjaṃtuḥ pratikalpaṃ kṣaṇādapi || 53 ||
[Analyze grammar]

pratikalpe ca kalpāṃte saivāsīcca purī śubhā |
tasmātsarvajanaiḥ khyātā pratikalpā dvijottama || 54 ||
[Analyze grammar]

ye caitasya mahābhāgāḥ prītiṃ kurvaṃti mānavāḥ |
na teṣāṃ kalpabhedo'yaṃ svapnavajjāyate kṣaṇāt || 55 ||
[Analyze grammar]

yaḥ śṛṇoti kathāṃ puṇyāṃ pratikalpodbhavāṃ śubhām |
śrāvayedvā prayatnena brahmahatyāṃ vyapohati || 56 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe'vantīkṣetramāhātmye pratikalpābhidhānakathanaṃnāmāṣṭācatvāriṃśo'dhyāyaḥ || 48 ||
[Analyze grammar]