Chapter 46

[English text for this chapter is available]

| sanatkumāra uvāca |
amarāvatī yathā jātā purī hyeṣā kuśasthalī |
śṛṇu vyāsa mahābhāga yathā brahmābravītsurān || 1 ||
[Analyze grammar]

tathāhaṃ saṃpravakṣyāmi vistareṇa tapodhana |
ekadā brahmaṇādiṣṭaḥ prajārthamṛṣisattamaḥ || 2 ||
[Analyze grammar]

mārīcaḥ kaśyapastepe tapaḥ paramaduṣkaram |
mahākālavane ramye divye sa hi mahānṛṣiḥ || 3 ||
[Analyze grammar]

śīrṇapatrānilāhāro vāyubhakṣī jitendriyaḥ |
pūrṇe varṣasahasre tu vāguvācāśarīriṇī || 4 ||
[Analyze grammar]

śrūyatāṃ bho dvijaśreṣṭha mama vākyamanuttamam |
yasmāttapasi tapastīvraṃ phalamuddiśya suvrata || 5 ||
[Analyze grammar]

tasmātte saṃtatistāta yāvaccaṃdradivākarau |
tāvattiṣṭhatu medinyāṃ yaśasā putrapautrakaiḥ || 6 ||
[Analyze grammar]

aditiste satī bhāryā tvayā sahācarattapaḥ |
tasmātsarveṣu kāleṣu chāyābhūtā yaśasvinī || 7 ||
[Analyze grammar]

bhaviṣyaṃti sutāḥ sarve viṣṇuśceṃdrapurogamāḥ |
amarā nirjarā devā divi khyātāḥ sadaiva hi || 8 ||
[Analyze grammar]

tvaṃ cāpi ca ṛṣiśreṣṭhaḥ prajāpatirakalmaṣaḥ |
bhaviṣyasi na saṃdeho mamavākyāddvijottama || 9 ||
[Analyze grammar]

ityuktvā ca puna rdevī tatraivāṃtaradhīyata |
tadārabhya purīṃ vyāsa kuśasthalīmanuttamām || 10 ||
[Analyze grammar]

kaśyapaḥ saha dākṣiṇyā sāgnikaḥ samupāśritaḥ |
prajāpi vavṛdhe tasmā tsadevāsuramānuṣā || 11 ||
[Analyze grammar]

marīceḥ kaśyapo jajñe tataḥ sarvaṃ pratiṣṭhitam |
sudhāpānakṛto devāḥ śaśvattenāmarāḥ kṛtāḥ || 12 ||
[Analyze grammar]

naṃdanaṃ cāpi tatraiva mahākālavanottame |
kāmadhenuḥ samākhyātā manorathavarapradā || 13 ||
[Analyze grammar]

sā siṣeve sadā tatra mahākālaṃ maheśvaram |
pārijātataruśreṣṭhastathā cāmlānapaṃkajam || 14 ||
[Analyze grammar]

biṃdusaraḥ samākhyātaṃ mānasaṃ sara uttamam |
haṃsasārasasamākīrṇaṃ surasiddhaniṣevitam || 15 ||
[Analyze grammar]

muktāmaṇigaṇākīrṇaṃ ratnaśobhanaśobhitam |
nidhireṣa mahāpadmaḥ kahlārakumudojjvalaḥ || 16 ||
[Analyze grammar]

yāni yāni ca divyāni saṃti brahmāṇḍagolake |
tāni sarvāṇi tiṣṭhaṃti mahākālavane śubhe || 17 ||
[Analyze grammar]

tenatenātmayogena mānavāścātra saṃsthitāḥ |
tadāhārāstadācārāstadrūpāstatparākramāḥ || 18 ||
[Analyze grammar]

anyonyaṃ ca samākīrṇā sarve cāmarasaṃnibhāḥ |
vicaraṃti yathā devāḥ purīmetāṃ janā bhuvi || 19 ||
[Analyze grammar]

amarāṃganāsamā nāryaḥ sadaiva sthirayauvanāḥ |
īdṛśī ca purī dṛṣṭā bhuvi vyāsa sanātanī || 20 ||
[Analyze grammar]

devadānavagandharvaiḥ kinnaroragarākṣasaiḥ |
bhuktimuktipradā nityā bahukālaphalapradā || 21 ||
[Analyze grammar]

amarāṇāṃ kaṭakaṃ hyatra tasmājātāmarāvatī |
ya etasyāṃ mahābhāgāḥ prasaṃgena samāgatāḥ || 22 ||
[Analyze grammar]

snānadānādikaṃ kṛtvā paśyatyeva maheśvaram |
na teṣāṃ durlabhaṃ kiñcitputrato dhanato'pi vā || 23 ||
[Analyze grammar]

sarvabhogānavāpnoti mṛtaḥ śivapuraṃ vrajet |
paṭhanācchravaṇādvāpi śatarudriyaphalaṃ labhet || 24 ||
[Analyze grammar]