Chapter 43

[English text for this chapter is available]

| sanatkumāra uvāca |
ekasminnaṃtare vyāsa yathojjayanī smṛtā purī |
tathāhaṃ saṃpravakṣyāmi śṛṇuṣva tvaṃ samāhitaḥ || 1 ||
[Analyze grammar]

tripurākhyo mahādaityaḥ sarvadaityajaneśvaraḥ |
tapastepe sudurdharṣaṃ brahmaṇastuṣṭikāraṇāt || 2 ||
[Analyze grammar]

ātape cāgnisevāṃ vai prāvṛṣi meghaḍaṃbaram |
damayitvā tadātmānaṃ śītakāle jalāśaye || 3 ||
[Analyze grammar]

śīrṇapatra jalāhāro vāyubhakṣī nirāśrayaḥ |
gāyatrīvratamāsthāya tyaktasarvaparigrahaḥ || 4 ||
[Analyze grammar]

evaṃ varṣasahasraṃ tu tapastaptaṃ suduścaram |
pūrṇe varṣasahasre tu brahmā prītatamo 'bravīt || 5 ||
[Analyze grammar]

vriyatāṃ bho'suraśreṣṭha varaṃ mattobhivāṃchitam |
tatsarvaṃ sāṃprataṃ loke varaṃ tubhyaṃ dadāmi vai || 6 ||
[Analyze grammar]

evamuktaḥ sa vidhinā daityastripurasaṃjñitaḥ |
uvāca vacanaṃ sadyo brahmāṇaṃ saṃśitavratam |
tripura uvāca |
yadi tuṣṭamanā brahmanvaraṃ me dātumicchasi |
devadānagaṃdharvapiśācoragarākṣasaiḥ |
avadhyo'haṃ sadā bhūyāṃ varametadvṛṇomyaham || 8 ||
[Analyze grammar]

brahmovāca |
evaṃ bhavatu bho vatsa vicarasvākutobhayaḥ |
ityuktvā sahasā brahmā tatraivāṃtaradhīyata || 9 ||
[Analyze grammar]

tadārabhya mahādaityo devānāṃ kadanaṃ mahat |
cakāra kopapūrṇo vai pūrvavairamanusmaran || 10 ||
[Analyze grammar]

vāsayitvā yatra tatra tripurāṇi carāṇi ca |
atra vāsakṛtaḥ sarve varṇāśramaparā janāḥ || 11 ||
[Analyze grammar]

teṣāṃ vai kadanaṃ cakre nānopāyena pāpadhīḥ |
tasminpure duṣṭavāse brāhmaṇā vedapāragāḥ || 12 ||
[Analyze grammar]

na juhuyuścāgnihotraṃ somapānaṃ na karhicit |
kutaścitsukṛtaṃ karma janāḥ kurvaṃti no mune || 13 ||
[Analyze grammar]

svāhākārasvadhākāravaṣaṭkāravivarjitāḥ |
notsavo dṛśyate gehe kasyacidbhuvi vistṛtaḥ || 14 ||
[Analyze grammar]

devatāyatanaṃ nāsti tathā no śivapūjanam |
nāsti yajño na dānāni na gobrāhmaṇapūjanam || 15 ||
[Analyze grammar]

sadācārajano nāsti dayā mānavivarjitā |
na dānī nopakārī ca tapasvī naiva dṛśyate || 16 ||
[Analyze grammar]

evaṃ vyāsa pure tasminnaṣṭaprāyamidaṃ jagat |
prajānāṃ brāhmaṇā mūlaṃ vedamūlā hi brāhmaṇāḥ || 17 ||
[Analyze grammar]

vedamūlaparā yajñā yajñamūlā hi devatāḥ |
tasmādvyāsa hataṃ sarvaṃ kṛtaṃ tena durātmanā || 16 ||
[Analyze grammar]

tena devagaṇāḥ sarve hataprāyā hataujasaḥ |
vicaraṃti yathā martyā bhuvi tena parājitāḥ || 19 ||
[Analyze grammar]

anyonyakṛtasaṃdhānā maṃtraṃ kṛtvā samā hitāḥ |
jagmuste tatra yatrāste prajāpatirakalmaṣaḥ || 20 ||
[Analyze grammar]

tridaśāḥ kathayāmāsurātmavyasanakāraṇam |
tajjñātvā sahasotthāya brahmā lokapitā mahaḥ || 21 ||
[Analyze grammar]

jagāma tridaśaiḥ sārdhaṃ mahākālavanotamam |
yatrāste satataṃ deva umayā sahitaḥ śivaḥ || 22 ||
[Analyze grammar]

yatrāvaṃtī purī divyā sarvatīrthaniṣevitā |
tatrāgatya suraiḥ sākaṃ svayaṃbhūścaturānanaḥ || 23 ||
[Analyze grammar]

snānaṃ dānaṃ japaṃ homaṃ kṛtvā rudrasare tadā |
pūjayitvā mahākālaṃ brahmā vacanamabravīt || 24 ||
[Analyze grammar]

brahmovāca |
devadeva mahādeva bhaktānāmabhayaṃkara |
śrūyatāṃ bhoḥ suraśreṣṭha devakāryamanuttamam || 25 ||
[Analyze grammar]

tripuronāma daityeṃdro devānāṃ kadanaṃ mahat |
karoti satataṃ daityo devabrāhmaṇaniṃdakaḥ || 26 ||
[Analyze grammar]

vāsayitvā purastisro vistīrṇā vicaratyatha |
tatra sthitāni bhūtāni nāśaṃ yāṃti durātmanā || 27 ||
[Analyze grammar]

evaṃ kṛtvā prajāḥ sarvāḥ kṣayaṃ nītāścarācarāḥ |
udvāsitāni dvīpāni grāmāśca nagarāṇi ca || 28 ||
[Analyze grammar]

ṛṣīṇāmāśramāḥ sarve yatīnāmāyatanāni ca |
evaṃ kṛtvā surāḥ sarve bhraṣṭarājyāḥ parājitāḥ |' || 29 ||
[Analyze grammar]

vicaraṃti yathā martyāstripureṇa durātmanā |
matto labdhavaro nityaṃ vrajatyevākutobhayaḥ || 30 ||
[Analyze grammar]

tasmātsarvaprayatnena vadhastasya viciṃtyatām || 31 ||
[Analyze grammar]

iti śrutvā vacastasya brahmaṇaḥ saṃśitātmanaḥ |
ciraṃ dhyātvā mahādevo brahmāṇaṃ tamuvāca ha || 32 ||
[Analyze grammar]

mahādeva uvāca |
śrūyatāṃ bhoḥ suraśreṣṭhā brahmaśakrapurogamāḥ |
jayopāyaṃ kariṣyāmi daityasyāsya durātmanaḥ || 33 ||
[Analyze grammar]

tapaścarata yūyaṃ vā ātmano jayakāṃkṣiṇaḥ |
avaṃtyāṃ yaddhutaṃ dattaṃ tatsarvaṃ cākṣayaṃ bhavet || 34 ||
[Analyze grammar]

ityuktvā sarvadevānāṃ tatraivāṃtarhitaḥ śivaḥ |
gatvā smaśānanilaye bhūtapretaniṣevite || 35 ||
[Analyze grammar]

jayārthaṃ tasya daityasya tripurasya durātmanaḥ |
upāsāṃcakrire tatra cāmuṇḍāyāḥ sureśvarāḥ || 36 ||
[Analyze grammar]

mahiṣaiśca mahāmedhyaiḥ paśupuṣpārghatarpaṇaiḥ |
balibhirvividhairdānairdhūpadīpāgnitarpaṇaiḥ |
pūjayitvā tadā devīṃ tāmīḍe vṛṣabhadhvajaḥ || 37 ||
[Analyze grammar]

durgāṃ bhagavatīṃ bhadrāṃ durgasaṃsāratāraṇīm |
tripurāṃtakāriṇīṃ kṛtyāṃ caṃḍamuṃḍavadhodyamām || 38 ||
[Analyze grammar]

daityamedomadonmattāṃ raktākhyāṃ raktadaṃtikām |
raktāṃbaradharāṃ dhīrāṃ raktapuṣpāvatīṃ satīm || 39 ||
[Analyze grammar]

mahiṣavāhinīṃ śyāmāṃ yakṣāsanaparigrahām |
dvīpicarmaparīdhānāṃ śuṣkamāṃsāti bhairavām || 40 ||
[Analyze grammar]

pūjayitvā prasannātmā dhyānamāsthāya saṃsthitaḥ |
tadā bhagavatī bhadrā yayedaṃ dhāryate jagat |
prasannavadanā bhūtvā pratyakṣaṃ prāha caṃḍikā || 41 ||
[Analyze grammar]

devyuvāca |
vriyatāṃ bhoḥ suraśreṣṭha varaṃ matto'bhivāṃchitam |
sarvaṃ tvayoktaṃ yacchāmi jagatāmupakārakam || 42 ||
[Analyze grammar]

śrīhara uvāca |
yadi tuṣṭāsi vai devi dehi me varamuttamam |
yena hanmi mahādaityaṃ tripuraṃ devakaṃṭaka m || 43 ||
[Analyze grammar]

śrīdevyuvāca |
jaya hyenaṃ mahādeva gṛhāṇa pāśupataṃ param |
mayā dattaṃ suraśreṣṭha daityanāśakaraṃ param || 44 ||
[Analyze grammar]

mahāpāśupataṃ śastraṃ kare kṛtvā ca śaṃkaraḥ || 45 ||
[Analyze grammar]

ujjahāra tadā śaṃbhurdaityanāśāya satvaraḥ |
mahāḍaṃbariko bhūtvā sarvaprāṇibhayaṃkaraḥ || 46 ||
[Analyze grammar]

stutiṃ kṛtvā yayau vāgbhiḥ pṛṣṭhato'nuyayuḥ surāḥ |
śareṇaikena vai rudro jaghāna taṃ mahāsuram || 47 ||
[Analyze grammar]

māyinaṃ taṃ tridhā bhittvā māyāyuddhena śaṃkaraḥ |
punarāgātpurīmetāmavaṃtīmamarasevitām || 48 ||
[Analyze grammar]

jayāśiṣā prayuṃjānā ṛṣayaḥ siddhacāraṇāḥ |
tuṣṭuvuśca tadā devā jayaśabdena harṣitāḥ || 49 ||
[Analyze grammar]

apsarā nanṛtustatra gaṃdharvā lalitaṃ jaguḥ |
vavau tadā puṇyatamo vāyuḥ sukhaprado nṛṇām || 50 ||
[Analyze grammar]

jayaśabdastadā jātaḥ prāṇināṃ ca gṛhegṛhe |
jajvaluścāgnayaḥ śāṃtāḥ śāṃtā digja nitasvanāḥ || 51 ||
[Analyze grammar]

pravartaṃte tadā yajñā mahotsavasadakṣiṇāḥ |
devāḥ prapedire sthānaṃ svakīyaṃ punarādṛtam || 52 ||
[Analyze grammar]

ujjito dānavo yasmāttrailokye sthāpitaṃ yaśaḥ |
tasmātsarvaiḥ suraśreṣṭhairṛṣibhiḥ sanakādibhiḥ || 53 ||
[Analyze grammar]

kṛtaṃ nāma hyavaṃtyā vā ujjayinī pāpanāśinī |
avaṃtī ca purā proktā sarvakāmavarapradā || 54 ||
[Analyze grammar]

adyaprabhṛti purī vyāsa ujjayinī samāśritāḥ |
ye'syāṃ ca snānadānādi bhuvi kurvaṃti mānavāḥ || 55 ||
[Analyze grammar]

na teṣāṃ duṣkṛtaṃ kiṃciddehe tiṣṭhati pāpajam || 56 ||
[Analyze grammar]

vidyārthī girīśaṃ dhanārthī dhaneśaṃ sutārthī suteśaṃ dineśaṃ sukhārthī |
dhiyorthī gaṇeśaṃ priyārthī vasedvai girāṃ grāhya mānī janaścojjayinyām || 57 ||
[Analyze grammar]

ya etasyāṃ mahābhāga sadā vasati mānavaḥ |
bhuktvā kāmānmano'bhīṣṭānmṛtaḥ śivapuraṃ vrajet || 58 ||
[Analyze grammar]

tatraiva vasate nityaṃ kalpakoṭiśatādhikam || 59 ||
[Analyze grammar]

ya etāṃ vai kathāṃ puṇyāṃ paṭhate śṛṇute'tha vā |
mucyate sarvapāpebhyo gosahasraphalaṃ labhet || 60 ||
[Analyze grammar]