Chapter 44

[English text for this chapter is available]

sanatkumāra uvāca |
athātaḥ saṃpravakṣyāmi padmāvatī yathā'bhavat |
śṛṇuṣva cādṛto vyāsa bahupuṇyakṛtāṃ kathām || 1 ||
[Analyze grammar]

ekadā sarvaratnānāṃ hānirjātā durātmabhiḥ |
dharmaglānirnirodhaśca jāto vai duṣṭadānavaiḥ || 2 ||
[Analyze grammar]

tadā surāsuraiḥ sarvairmilitvā mathitoṃ'bu dhiḥ |
merurvaṃśodadhiḥ pātraṃ rajjurvāsukipannagaḥ || 3 ||
[Analyze grammar]

kūrmapṛṣṭhe vidhiṃ kṛtvā ratnāni duduhustadā |
ādau lakṣmīrviniryātā kṛṣṇāya pratipāditā || 4 ||
[Analyze grammar]

tena kṛtvā viṣādo'bhūddevadānavayostadā |
etasminnaṃtare prāpto nārado devadarśanaḥ || 5 ||
[Analyze grammar]

vāritaḥ kalahastena devadaityasamudbhavaḥ |
mahākālavane sā'stu padmā siṃdhusamudbhavā || 6 ||
[Analyze grammar]

sāgarāṃte ca ratnāni tiṣṭhaṃti vividhāni ca |
tāni sarvāṇi cādāya bhavatāṃ vai dadāmyaham || 7 ||
[Analyze grammar]

mathyatāmudadhiḥ śīghraṃ nātra kāryā vicāraṇā |
punaste tūdyamaṃ cakruramṛtārthaṃ surāsurāḥ || 8 ||
[Analyze grammar]

mathyamāneṃ'budhau teṣāṃ maṇiḥ prāptaśca kaustubhaḥ |
parijātataruḥ paścātsurā jātā tataḥ param || 9 ||
[Analyze grammar]

dhanvaṃtarirathotpannaścaṃdro jāto'pi vai tataḥ |
kāmadhenustato jātā gajaratnaṃ tataḥ param || 10 ||
[Analyze grammar]

uccaiḥśravā hayaśreṣṭhaḥ sudhā raṃbhā tatastataḥ |
tataḥ paraṃ ca sāraṃgaṃ dhanuḥ sarvāstrasaṃbhavam || 11 ||
[Analyze grammar]

pāṃcajanyastathā śaṃkhaḥ kare tiṣṭhati muradviṣaḥ |
nidhireṣa mahāpadmo viṣaṃ hālāhalaṃ tataḥ || 12 ||
[Analyze grammar]

caturdaśāpi ratnāni prāptāni vividhāni ca |
samādāya gatāstatra yatra māheśvaraṃ vanam || 13 ||
[Analyze grammar]

gatvā te ca samāsīnā maṃtraṃ cakruḥ parasparam |
ahaṃpūrvamahaṃpūrvamiti te samayaṃtritāḥ || 14 ||
[Analyze grammar]

kolāhalastathotpanno nāradaḥ punarabhyagāt |
teṣāṃ kalimalaṃ dṛṣṭvā viṣṇumārādhayattataḥ || 15 ||
[Analyze grammar]

mohanīrūpamāsthāya nārībhūtvābhyagāddhariḥ |
atirūpavatī tanvī tāmālokya mahāsurāḥ || 16 ||
[Analyze grammar]

vihvalāṃgāśca te sarve kāmabāṇavaśaṃgatāḥ |
etasminnaṃtare teṣāṃ surāṃ prādātsureśvaraḥ || 17 ||
[Analyze grammar]

hastalāghavayogena devānāmamṛtaṃ dadau |
etasminnaṃtare vyāsa rāhustadrū padhārakaḥ || 18 ||
[Analyze grammar]

teṣāmaṃtarago bhūtvā papau cāmṛtamuttamam |
tajjñātvā ca drutaṃ viṣṇuḥ śiraścakreṇa cācchinat || 19 ||
[Analyze grammar]

sudhāsparśaprasaṃgena na mamārāsurastadā |
rāhuḥ keturiti khyātau kṣetre'sminmunisattama || 20 ||
[Analyze grammar]

rāhukāyātsamudbhūtaṃ bahu susrāva śoṇitam |
tasminkṣetre mahattīrthaṃ jātaṃ taddoṣa nāśanam || 21 ||
[Analyze grammar]

tatra snātvā śucirbhūtvā rāhordarśanatatparāḥ |
na teṣāṃ jāyate kiṃcidrāhupīḍā kadācana || 22 ||
[Analyze grammar]

vāṃchitārthamavāpnoti gosahasra phalaṃ bhavet |
tatastāni ca ratnāni mahākālavane surāḥ || 23 ||
[Analyze grammar]

vibhajya bhāgāṃste sarve prāpya ratnabhujo'bhavan |
maṇiṃ padmāṃ dhanuḥ śaṃkhaṃ viṣṇave nārado dadau || 24 ||
[Analyze grammar]

sūryāya ca dadau hyaśvaṃ saptāsyaṃ cābdhisaṃbhavam |
airāvataṃ gajaśreṣṭhaṃ vāsavāya samarpayat || 25 ||
[Analyze grammar]

pīyūṣaṃ diviṣadgaṇāndadau caṃdraṃ ca śaṃbhave |
pārijātaṃ taruśreṣṭhaṃ raṃbhāṃ caiva varāṃganām || 26 ||
[Analyze grammar]

iṃdrakrīḍāvane ramye naṃdane ca samarpayat |
ṛṣīṇāṃ samadāddhenuṃ kāmadogdhrīṃ yajñasiddhaye || 27 ||
[Analyze grammar]

nidhireṣa mahāpadmaḥ kuberabhavanaṃ gataḥ |
yattaddhālāhalaṃ proktaṃ viṣaṃ kenāpi nādṛtam || 28 ||
[Analyze grammar]

yatoyataḥ prasarati pralayaṃ yāṃti jaṃtavaḥ |
dadhāra tadviṣaṃ śaṃbhurjagatāṃ hitakāmyayā || 29 ||
[Analyze grammar]

tadāprabhṛti mahādevo nīlakaṃṭha iti smṛtaḥ |
ratnakuṃḍe naraḥ snātvā nīlagrīvaṃ ca paśyati || 30 ||
[Analyze grammar]

muktvā sa sarvapāpebhyaḥ sarvaratnabhujo bhavet |
śatāśvamedhikaṃ puṇyaṃ labdhvā śivapuraṃ vrajet || 31 ||
[Analyze grammar]

tadādāya surāḥ sarve brahmaviṣṇupurogamāḥ |
ūcuśca te tadā vyāsa harṣanirbharamānasāḥ || 32 ||
[Analyze grammar]

ujjayinīṃ samāsādya jātā ratnabhujo vayam |
padmāyāśca nivāsena yasmātsarvasukhāvahā || 33 ||
[Analyze grammar]

tasmātsarveṣu kāleṣu padmā vasatu niścalā |
adyaprabhṛti pūreṣā padmāvatīti ca smṛtā || 34 ||
[Analyze grammar]

ya etasyāṃ mahābhāgāḥ snānaṃ dānaṃ tathārcanam |
tarpaṇaṃ caiva devānāṃ pitṝṇāṃ ca viśeṣataḥ || 35 ||
[Analyze grammar]

na teṣāṃ duṣkṛtaṃ kiṃcinna dāridryaṃ na durgatiḥ |
śataṃ kulāni sarvāṇi tārayennirayāttadā || 36 ||
[Analyze grammar]

dhanārthī caiva putrārtho vidyārtho bahukāmukaḥ |
yatrakutra sthito bhūtvā padmāvatīti ca smaret || 37 ||
[Analyze grammar]

sarvānkāmānavāpnoti śivaḥ sākṣādbhavennaraḥ |
etadvyāsa phalaṃ nāmnaḥ kiṃ ciraṃ sevanena vai || 38 ||
[Analyze grammar]

ye śṛṇvaṃti kathāṃ puṇyāṃ ye śrāvayaṃti nityaśaḥ |
na teṣāṃ pātakaṃ kiṃcidaśvamedhaphalaṃ labhet || 39 ||
[Analyze grammar]