Chapter 31

[English text for this chapter is available]

| sanatkumāra uvāca |
athānyatsaṃpravakṣyāmi kedāreśvaramuttamam |
pravaraṃ sarvatīrthānāṃ triṣu lokeṣu viśrutam || 1 ||
[Analyze grammar]

tatra snātvā śucirbhūtvā yaḥ paśyati maheśvaram |
kedāre yatphalaṃ proktaṃ tadatrāpi labhennaraḥ || 2 ||
[Analyze grammar]

sarvapāpavinirmuktaḥ svakīyakulasaṃyutaḥ |
vimānenārkavarṇena śiva loke sa modate || 3 ||
[Analyze grammar]

jaṭāśṛṃge naraḥ snātvā śucirbhūtvā jiteṃdriyaḥ |
dṛṣṭvā jaṭeśvaraṃ devaṃ tataḥ pāpādvimucyate || 4 ||
[Analyze grammar]

mahātapanamādau ca kṛtvā gacchecchivaṃ prati |
mātṛkaṃ pitṛkaṃ caiva kulānāṃ tārayecchatam || 5 ||
[Analyze grammar]

iṃdratīrthe naraḥ snātvā dṛṣṭvā ceṃdreśvaraṃ śivam |
vimuktaḥ sarvapāpebhyaḥ śakraloke mahīyate || 6 ||
[Analyze grammar]

kuṃḍeśvaraṃ tu yaḥ paśyecchivadhyānaparāyaṇaḥ |
labhate sa naro vyāsa śivadīkṣāphalaṃ śivam || 7 ||
[Analyze grammar]

gopatīrthe naraḥ snātvā dṛṣṭvā gopeśvaraṃ śivam |
śivalokaṃ naro yāti hyamṛtādamaro yathā || 8 ||
[Analyze grammar]

snātvā tu cipiṭātīrthe śivaṃ devaṃ praṇamya ca |
tiryagyoniṃ naro naiva prayāti munipuṃgava || 9 ||
[Analyze grammar]

vijaye ca naraḥ snātvā ānaṃdeśvarapūjanāt |
vimuktaḥ sarvapāpebhyaḥ svarloke vijayī bhavet || 10 ||
[Analyze grammar]

athānyaṃ saṃpravakṣyāmi kuśasthalyāṃ vinirmitam |
devaṃ rāmeśvaraṃ vyāsa bhuktimuktipradāyakam || 11 ||
[Analyze grammar]

citrakūṭātpurā rāmo maithilyā lakṣmaṇena ca |
samanvitaḥ samāgatya papraccha munisattamam || 12 ||
[Analyze grammar]

rāma uvāca |
kāni tīrthāni puṇyāni kiṃ vā kṣetraṃ mahāmune |
yatra gatvā na cāpnoti viyogaṃ saha bāṃdhavaiḥ || 13 ||
[Analyze grammar]

anena vanavāsena maraṇena pituḥ prabho |
bharatasya viyogena pratapye'haṃ tribhirmune || 14 ||
[Analyze grammar]

tadvākyaṃ rāghaveṇoktaṃ śrutvā viprarṣabhastadā |
dhyātvā tu suciraṃ kālamidaṃ vacanamabravīt || 15 ||
[Analyze grammar]

sādhu pṛṣṭaṃ tvayā vīra raghūṇāṃ vaṃśavardhana |
mama pitrā kṛtaṃ kṣetraṃ prayācya śivamādarāta || 16 ||
[Analyze grammar]

avaṃtīviṣaye rāma purī tasminkuśasthalī |
ujjayinīti vai nāmnā khyātiṃ loke gatā vibho || 17 ||
[Analyze grammar]

tasyāṃ gatvā daśarathaṃ piṃḍadānena tarpaya |
surāsuragurustatra mahākālo vyavasthitaḥ || 16 ||
[Analyze grammar]

devaḥ sa vai sadā rājanvāṃchitārthaphalapradaḥ |
dṛṣṭe tasmiñjagannāthe viyogo naiva jāyate || 19 ||
[Analyze grammar]

tatra gacchaṃti ye viprā rājā caiva mahāvalaḥ |
labhaṃte paramaṃ sthānaṃ yatra devo maheśvaraḥ || 20 ||
[Analyze grammar]

tīrthānāmapi tattīrthaṃ praviṣṭo'vaṃtimaṃḍale |
ājagāma tatovaṃtīṃ sā śiprā yatra puṇyadā || 21 ||
[Analyze grammar]

tasyāṃ snātvā tato rāmastarpayāmāsa pūrvajān |
mahākālaṃ yadā draṣṭuṃ pratasthe raghunaṃdanaḥ || 22 ||
[Analyze grammar]

vāṇyā tato'śarīriṇyā devadevena bhāṣitam |
bho bho rāghava bhadraṃ te svanāmnā sthāpayasva mām || 23 ||
[Analyze grammar]

atra sthānaṃ mayā datta mā vicāraya rāghava |
tato ddṛṣṭamanā rāmo lakṣmaṇaṃ vākyamabravīt || 24 ||
[Analyze grammar]

anugṛhītāḥ saumitre devadevena śaṃbhunā |
tasmātsthāpaya tīrthe'smiṃlliṃgaṃ rāmeśvaraṃ śubham || 25 ||
[Analyze grammar]

vākyaṃ tallakṣmaṇaḥ śrutvā sthāpayāmāsa śaṃkaram |
dṛṣṭvā devaṃ purā rāmo lakṣmaṇaṃ vākyamabravīt || 26 ||
[Analyze grammar]

ehi lakṣmaṇa śīghraṃ tvaṃ śiprāyā jalamānaya |
kariṣyāmi yato'trāhaṃ devasya snapanaṃ śubham || 27 ||
[Analyze grammar]

lakṣmaṇastvabravīdvākyaṃ sītayā kiṃ kariṣyasi |
rāma nāhaṃ sarvakālaṃ dāsabhāvaṃ karomi te || 28 ||
[Analyze grammar]

iyaṃ ca puṣṭā sudṛḍhā pīvarā ca mamāgrataḥ |
vada rāghava satyena anayā kiṃ kariṣyasi || 29 ||
[Analyze grammar]

śrutvā rāmo hi tadvākyaṃ lakṣmaṇena prabhāṣitam |
vimanā rāghavastasthau sītā cāpi varānanā || 30 ||
[Analyze grammar]

yaduktaṃ lakṣmaṇenātha tacca sītā cakāra ha |
snātvā bhuktvā ca tau vīrau mahākālamupāgatau || 31 ||
[Analyze grammar]

nītvā vibhāvarīṃ tatra gamanāya mano dadhe |
uttiṣṭha vatsa saumitre vrajāmo dakṣiṇāṃ diśam || 32 ||
[Analyze grammar]

saumitrirabravīdvākyaṃ nāhaṃ gantā kathaṃcana |
vraja tvamanayā sārdhaṃ bhāryayā kamalekṣaṇa || 33 ||
[Analyze grammar]

nāhamagre vanaṃ yāmi na vāyodhyāṃ kathaṃ cana |
evaṃ bruvāṇaṃ saumitrimuvāca raghunaṃdanaḥ || 34 ||
[Analyze grammar]

kathaṃ pūrvamūyodhyāyā nirgato'si mayā saha |
vane vasāmyahaṃ rāma nava varṣāṇi paṃca ca || 35 ||
[Analyze grammar]

pramādaḥ kriyatāṃ mahyaṃ naya māmapi rāghava |
idānīṃ tvamardhapathe kathaṃ sthātāsi śatruhan || 36 ||
[Analyze grammar]

lakṣmaṇastvabravīdrāma nāhaṃ gantā vanaṃ punaḥ |
lakṣmaṇaṃ vikṛtaṃ jñātvā rāmo vacanamabravīt || 37 ||
[Analyze grammar]

mā mā'nuvraja saumitre hyeko yāsyāmi kānanam |
dvitīyāpi tviyaṃ sītā ukto rāmeṇa lakṣmaṇaḥ || 38 ||
[Analyze grammar]

dhanuḥ saṃgṛhya vimanā uttasthau lakṣmaṇastadā |
prāptau prākāramaryādāṃ kṣetrasīmāṃ paraṃtapau |
kṣetrasīmāṃ samullaṃghya rāmo lakṣmaṇamabravīt || 40 ||
[Analyze grammar]

nivartayasva saumitre samarpaya ca me dhanuḥ |
rāmavākyamupaśrutya sītāṃ vai lakṣmaṇo'bravīt || 41 ||
[Analyze grammar]

kimarthaṃ hi parityaktaḥ ko'parādhaḥ kṛto mayā |
rāmeṇa hi parityaktaḥ prāṇāṃstyakṣyāmyasaṃśayam || 42 ||
[Analyze grammar]

rāmaṃ tato'bravītsītā kimarthaṃ lakṣmaṇastvayā |
deva saṃtyajyate vīraḥ sumitrānaṃdivardhanaḥ || 43 ||
[Analyze grammar]

rāghavastvabravītsītāṃ nāhaṃ tyakṣyāmi lakṣmaṇam |
na kadācidapi svapne lakṣmaṇasadṛśaṃ priyam || 44 ||
[Analyze grammar]

śrutapūrvaṃ tu suśroṇi kṣetrasyāsya viceṣṭitam |
asminkṣetre na saubhrātraṃ sarvo hi svārthatatparaḥ || 45 ||
[Analyze grammar]

parasparaṃ na manyaṃte svārthaniṣṭhaikahetavaḥ |
na śṛṇvaṃti pituḥ putrāḥ putrāṇāṃ vā tathā pitā || 46 ||
[Analyze grammar]

na ca śiṣyo gurorvākyaṃ gururvā śiṣyakarma ca |
arthānubaṃdhinī prītirna kaścitkasyaci tpriyaḥ || 47 ||
[Analyze grammar]

evamuktvā yayau rāmo lakṣmaṇo jānakī tathā |
liṃgaṃ tatra pratiṣṭhāpya svanāmnā raghunaṃdanaḥ || 48 ||
[Analyze grammar]

rāmatīrthe naraḥ snātvā dṛṣṭvā rāmeśvaraṃ śivam |
vimuktaḥ sarvapāpebhyaḥ śivalokaṃ sa gacchati || 49 ||
[Analyze grammar]

iti rāmeśvaramāhātmyam |
sanatkumāra uvāca |
tīrthe saubhāgyake snātvā dṛṣṭvā saubhāmyamīśvaram |
sarvapāpavinirmuktaḥ saubhāgyaṃ paramaṃ labhet || 50 ||
[Analyze grammar]

ghṛtatīrthe naraḥ snātvā ghṛtena snāpayecchivam |
ghṛtamagnāvatho hutvā rudraloke mahīyate || 51 ||
[Analyze grammar]

devīṃ yogīśvarīṃ pūjya surāsuranamaskṛtām |
sarvapāpavinirmuktaḥ paraṃ yogamavāpnuyāt || 52 ||
[Analyze grammar]

śaṃkhāvarte naraḥ snātvā sarvapāpavivarjitaḥ || |
dhanadhānyasamāyukto jāyate nirmale kule || 53 ||
[Analyze grammar]

sudhodake caturdaśyāṃ muktyarthaṃ snāpayennaraḥ |
śivaṃ sudheśvaraṃ dṛṣṭvā tato mokṣagatirbhavet || 54 ||
[Analyze grammar]

tathānya tsaṃpravakṣyāmi tīrthaṃ trailokyaviśrutam |
kiṃ puneti ca vikhyātaṃ brahmahatyāvimocanam || 55 ||
[Analyze grammar]

pūrvaṃ tretāyuge vyāsa sunetro nāma vai dvijaḥ |
tasya putraḥ samu tpanno viśvāvasuriti smṛtaḥ || 56 ||
[Analyze grammar]

yavakrītasya śāpena svapitā tena ghātitaḥ |
brahmahatyānvito vyāsa tīrthāttīrthaṃ paribhraman || 57 ||
[Analyze grammar]

tīrthe kiṃpunake snātvā dhārātīrthe gato dvijaḥ |
tataḥ kapiladhārāyāṃ ciṃtayatyātmanā svayam || 58 ||
[Analyze grammar]

kathaṃ me patitā dhārā anṛtā vā śrutistathā |
evaṃ hyaciṃta yatso'tha punarāyādavaṃtikām || 59 ||
[Analyze grammar]

atra tīrthe punaḥ snāti yāvadvāṇīṃ tato'śṛṇot |
kiṃ punardhyāyasi brahmanyena jāto dvijottamaḥ || 60 ||
[Analyze grammar]

na te'sti brahmahatyā vai tīrthasnānena nāśitā |
gaccha śīghraṃ gṛhaṃ vipra pāpahīno yathāsukham || 61 ||
[Analyze grammar]

iti kiṃpunāmāhātmyam || |
sanatkumāra uvāca |
punaranyatpravakṣyāmi pattaneśvaramuttamam |
tatra sthitvā maheśena punaḥ pattanamīkṣitam || 62 ||
[Analyze grammar]

pattaneśvara ityākhyo devadevo maheśvaraḥ |
yastu gaṃdhaiśca puṣpaiśca dhūpairdīpairmanoramaiḥ || 63 ||
[Analyze grammar]

bhāvayukto naro vyāsa pūjayedvidhivatsadā |
yathāvattiṣṭhate liṃgaṃ vaṃśacchedo na jāyate || 64 ||
[Analyze grammar]

haṃsayuktena yānena śivalokaṃ sa gacchati |
tathānyatsaṃpravakṣyāmi tīrthaṃ trailokyaviśrutam || 65 ||
[Analyze grammar]

durdharṣamiti vikhyātaṃ brahmahatyāvimocanam |
purā divākaro vyāsa cakre durdharṣanāmataḥ || 66 ||
[Analyze grammar]

tīrthamāsīnnadītīre vikhyātaṃ sūryasaṃskṛtam |
tejaḥpuṃjaṃ bhavelliṃgaṃ gaṇagaṃ dharvapūjitam || 67 ||
[Analyze grammar]

saptamyāmathavāṣṭamyāṃ saṃkrātau ravivāsare |
tatra snātvā śucirbhūtvā dinamekamupoṣitaḥ || 68 ||
[Analyze grammar]

dṛṣṭvā maheśvaraṃ tatra śiprākūle vyavasthitam |
pūjayitvā tu bhāvena yatphalaṃ tacchraṇuṣva me || 69 ||
[Analyze grammar]

pitṛmātṛkulaṃ sarvaṃ samuddhṛtya śivaṃ vrajet |
tatra yacchati yo dānaṃ gohemādi viśeṣataḥ || 70 ||
[Analyze grammar]

tāvattadakṣayaṃ loke yāvaccaṃdradivākarau |
tathānyatsaṃpravakṣyāmi gopīṃdraṃ tīrthamuttamam || 71 ||
[Analyze grammar]

gautamena purā yatra indraḥ śāpādbha gīkṛtaḥ |
bhagavrīḍāyutaḥ śakraḥ praviśya vanamuttamam || 72 ||
[Analyze grammar]

atoṣayattadogreṇa tapasā śaṃkaraṃ purā |
tuṣṭena śaṃbhunā vipra ye bhagāstaccharīragāḥ || 73 ||
[Analyze grammar]

gosahasrīkṛtāstena gopīṃdrastena kathyate |
tatra snātvā divaṃ yāti śakratulyaparākramaḥ || 74 ||
[Analyze grammar]

ye mṛtāste punarjanma nāpnuvaṃti mahītale || |
gaṃgātīrthe naraḥ snātvā puṇyamāpnoti puṣkalam || 75 ||
[Analyze grammar]

jyeṣṭhaśukladaśamyāṃ tu gaṃgāyāṃ phalamādiśet |
snātvā puṣpakaraṃḍe ca dṛṣṭvā puṣpakaraṇḍakam || 76 ||
[Analyze grammar]

puṣpakena vimānena prayāto divi modate |
narakāduddharatyāśu naraḥ snātvottareśvare || 77 ||
[Analyze grammar]

iṣṭabhogasamāpanno yāti svargaṃ na saṃśayaḥ |
bhūteśvare naraḥ snātvā bhūteśvaramathārcayet || 78 ||
[Analyze grammar]

gaṃdhapuṣpādinaivedyairmṛto rudrapuraṃ vrajet |
śiprāyāṃ tu naraḥ snātvā kailāsaṃ tu namasyati || 79 ||
[Analyze grammar]

sūryā'hataṃ tamo yadvattadvatpāpaṃ praṇaśyati |
aṃbālikāṃ ca yaḥ paśyetsamādhiniyamena ca || 80 ||
[Analyze grammar]

sa muktaḥ sarvapāpebhyaḥ kaṃcukena phaṇī yathā |
ghaṇṭeśvaraṃ pravakṣyāmi yatsurairapi pūjitam || 81 ||
[Analyze grammar]

yatra kūpodakaṃ pītvā saubhāgyamatulaṃ labhet |
arcayedyastu deveśaṃ gaṃdhapuṣpairanukramāt || 82 ||
[Analyze grammar]

śivaloke vasettāvadyāvadiṃdrāścaturdaśa |
puṇyeśvaraṃ tu yaḥ paśyecchuciḥ snāto jiteṃndriyaḥ || 83 ||
[Analyze grammar]

sa gāṇapatyamāpnoti yatsurairapi durlabham |
laṃpeśvare naraḥ snātvā samabhyarcya maheśvaram || 84 ||
[Analyze grammar]

na yāti narakaṃ martyaḥ svargaloke mahīyate |
tathānyatsaṃpravakṣyāmi yatsurairapi durlabham || 85 ||
[Analyze grammar]

pūjitaṃ brahmaṇā pūrvaṃ sthavirākhyaṃ vināyakam |
tatra snātvā śucirbhūtvā pūjayedyo vināyakam || 86 ||
[Analyze grammar]

gaṃdhairdhūpaiśca naivedyairbhakṣyairbhojyaiḥ phalaṃ śṛṇu |
samīhitā bhavetsiddhirmṛtaḥ śivapuraṃ vrajet || 87 ||
[Analyze grammar]

navanadyāḥ samīpe tu pārvatīṃ pūjayedbudhaḥ |
gaṃdhapuṣpaiśca dhūpaiśca saubhāgyamatulaṃ labhet || 88 ||
[Analyze grammar]

kāmodake naraḥ snātvā dṛṣṭvā kāmaṃ ratipriyam |
svarge ca devagaṃdharvaspṛhaṇīyavapurbhavet || 89 ||
[Analyze grammar]

prayāge tu naraḥ snātvā prayāgeśaṃ tu paśyati |
sarvalokānatikramya śivaloke mahī yate || 90 ||
[Analyze grammar]