Skanda Purana [sanskrit]
876,996 words | ISBN-10: 8170800978 | ISBN-13: 9788170800972
This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.
Chapter 21
[English text for this chapter is available]
sanatkumāra uvāca |
athānyatsaṃpravakṣyāmi devaṃ tridaśapūjitam |
hanumatkeśvaraṃnāma bhuktimuktiphalapradam || 1 ||
[Analyze grammar]
śaive sarasi yaḥ snātvā paśyeddhanumatkeśvaram |
kalpakoṭisahasrāṇi vāyuloke sa modate || 2 ||
[Analyze grammar]
vyāsa uvāca |
hanumatkeśvaro yastu hyuktaḥ pūrvaṃ tvayā'nagha |
kathāṃ kathaya hyetasya vṛttapūrvāṃ sanātanīm || 3 ||
[Analyze grammar]
sanatkumāra uvāca |
trailokyakaṇṭakaḥ pūrvaṃ rāvaṇo nāma rākṣasaḥ |
viṣṇunā rāmarūpeṇa laṃkāyāṃ vinipātitaḥ || 4 ||
[Analyze grammar]
ghātayitvā tu taṃ duṣṭaṃ sītāmādāya jānakīm |
vānaraiḥ saha ṛkṣaiśca nagarīṃ svāmupāgataḥ || 5 ||
[Analyze grammar]
tatra rājyamanuprāpya ṛṣibhiḥ parivāritaḥ |
kathāvasāne rāmeṇa hyagastyo munisattamaḥ || 6 ||
[Analyze grammar]
papraccha ca dvayorvīryaṃ śaṃbhuvātajayostadā |
tadā dāśarathiṃ prāha aga stirmunisattamaḥ || 7 ||
[Analyze grammar]
anaupamyo yathā devo yuddhe śauryaṃ maheśvaraḥ |
jñeyo vāyusutastadvatsatyametadbravīmi te || 8 ||
[Analyze grammar]
etacchutvātha hanumānyaddhareṇo pamā mama |
kṛtā munivareṇeha pratyakṣaṃ rāghavasya ha || 9 ||
[Analyze grammar]
gamiṣye nagarīṃ laṃkāṃ liṃgamekaṃ prayācitum |
rākṣasendraṃ mahābhāgaṃ vibhīṣaṇamakalma ṣam || 10 ||
[Analyze grammar]
tato gataḥ sa laṃkāyāṃ vibhīṣaṇamuvāca ha |
dehi me tvaṃ mahābhāga liṃgamekaṃ ca śobhanam || 11 ||
[Analyze grammar]
uktaṃ ca rākṣasendreṇa gṛhāṇaitadyathā ruci |
etāni ṣaṭ ca liṃgāni rāvaṇasthāpitāni vai || 12 ||
[Analyze grammar]
trailokyavijayātpūrvaṃ mama bhrātrā mahātmanā |
eteṣu yadabhīṣṭaṃ te liṃgaṃ kathaya suvrata |
tatprayacchāmi te'dyaiva satyametatplavaṃgama || 13 ||
[Analyze grammar]
tato jagrāha hanumāṃlliṃgaṃ mauktikasaṃnibham |
yadetaddṛśyate vīra tatprayaccha mamānagha || 14 ||
[Analyze grammar]
śrutvā hanumato vākyamathovāca vibhīṣaṇaḥ |
dattametanmahāvīra liṃgaṃ yaddhṛtavānasi || 15 ||
[Analyze grammar]
śrūyate hi purāvṛttaṃ liṃgametaddhaneśvaraḥ |
rudra bhaktyā samāyuktastrikālamapyapūjayat || 16 ||
[Analyze grammar]
rāvaṇena yadā baddhastadānīṃ hi dhaneśvaraḥ |
liṃgasyāsya prabhāvena vimuktaḥ samapadyata || 17 ||
[Analyze grammar]
prasādāttasya liṃgasya dhaneśo dhanarakṣakaḥ |
gṛhītvā tanmahāliṃgaṃ svastho jāto'tha vānaraḥ || 18 ||
[Analyze grammar]
sanatkumāra uvāca |
gṛhītvā tu tato liṃgaṃ prasthito vimaleṃ'bare |
saptame divase caiva saṃprāpto'vaṃtikāṃ purīm || 19 ||
[Analyze grammar]
tatra rudrasarastīre sthāpya snānamathākarot |
mahākālasya pūjārthaṃ gamanaṃ pratyaciṃtayat || 20 ||
[Analyze grammar]
uddhartukāmastalligamuddhartuṃ na śaśāka saḥ || 21 ||
[Analyze grammar]
tato vyavasthito devaḥ prāha taṃ vāyunandanam |
asminkṣetre hanūmanmāṃ tvannāmnaiva pratiṣṭhāpaya || 22 ||
[Analyze grammar]
hanumatkeśvaraṃ cātha loke khyātaṃ bhaviṣyati |
śailavacconnataṃ liṃgaṃ sthāpitaṃ vāyusūnunā || 23 ||
[Analyze grammar]
śanau paśyennaro yastu hanumatkeśvaraṃ śivam |
tasya śatrubhayaṃ nāsti saṃgrāme jayamāpnuyāt || 24 ||
[Analyze grammar]
na ca caurabhayaṃ tasya na dāridryaṃ na durgatiḥ |
tailābhiṣekaṃ yaḥ kuryāddhanumatkeśvare śive || 25 ||
[Analyze grammar]
tasya rogāḥ pralīyante grahapīḍā na jāyate |
ye drakṣyaṃti narāḥ bhaktyā teṣāṃ mokṣo bhaviṣyati || 26 ||
[Analyze grammar]
Other editions:
Also see the following editions of the Sanskrit text or (alternative) English translations of the Skandapurana Chapter 21
The Skanda-Purana
by G. V. Tagare (2007)
(23 Volumes) - Motilal Banarsidass Publishers Pvt. Ltd.
Buy now!
Skanda Purana (Hindi Translation)
by S. N. Khandelwal (2016)
(Set of 10 Books) - Chowkhamba Sanskrit Series Office
Buy now!
Skanda Purana in Bengali
by Navabharat Publishers, Kolkata (0)
স্কন্ধ পুরাণম: - (Set of 7 Volumes)
Buy now!
Skanda Purana in Kannada
by Vandana Book House, Bangalore (0)
ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)
Buy now!
Skanda Mahapurana (Gujarati)
by Sahitya Sangam, Ahemdabad (2017)
સ્કંદ મહાપુરાણ: (Condensed/Summary)
Buy now!
Shri Skanda purana (Malayalam)
by M.P. Pillai kaniyanthara (2015)
(Condensed/Summary) - Devi Book Stall, Kodungallur
Buy now!