Chapter 14

[English text for this chapter is available]

sanatkumāra uvāca |
snātvā catuḥsamudre tu paśyedrājasthalaṃ śivam |
yasya darśanamātreṇa putravāñjāyate naraḥ || 1 ||
[Analyze grammar]

samudrāḥ saṃti catvāraḥ kṣārakṣīradadhīkṣavaḥ |
samīpe tasya devasya sudyumnena pratiṣṭhitāḥ || 2 ||
[Analyze grammar]

vyāsa uvāca |
rājasthala samīpe tu samudrāḥ kena hetunā |
kathaya tvaṃ muniśreṣṭha sudyumnena pratiṣṭhitāḥ || 3 ||
[Analyze grammar]

lakṣayojanaparyaṃtaṃ jaṃbudvīpaṃ suśobhanam |
maryādāyāṃ sthāpito'yaṃ samudraḥ kṣārasaṃjñitaḥ || 4 ||
[Analyze grammar]

śākadvīpe dvilakṣe tu kṣīrābdhiḥ saṃpratiṣṭhitaḥ |
dadhyabdhistu kuśadvīpe caturlakṣaḥ pratiṣṭhitaḥ |
śālmale tvikṣujaladhirhyaṣṭalakṣaḥ pratiṣṭhitaḥ || 5 ||
[Analyze grammar]

catvāraste samākhyātāḥ samudrā bhūmimaṃḍale |
rājasthalasamīpe tu kathamekatra saṃgatāḥ || 6 ||
[Analyze grammar]

sanatkumāra uvāca |
sudyumno nāma rājāsītpurā kalpe sudhārmikaḥ |
tasya patnī varārohā nāmnā khyātā sudarśanā || 7 ||
[Analyze grammar]

muniṃ dālbhyaṃ ca sā dṛṣṭvā papraccha sutakāmyayā |
bhagavankena dānena snānena vidhinā'thavā || 8 ||
[Analyze grammar]

sarvalakṣaṇasaṃpūrṇaḥ putro labhyo mayā katham |
etadākhyāhi viprarṣe yāthātathyaṃ savistaram || 9 ||
[Analyze grammar]

dālbhya uvāca |
vihitāste purā putryabdhayaḥ putrepsayottamāḥ |
svayaṃbhuvena devena brahmaṇā lokakāriṇā || 10 ||
[Analyze grammar]

teṣu rājñā kṛte snāne tava putro bhaviṣyati |
śaṃkarārādhane putri tasmātpreraya vallabham || 11 ||
[Analyze grammar]

dālbhyasyaiva tu vākyena vicitrākhyānakena ca |
prasthāpayāmāsa patiṃ śaṃkarārādhane drutam || 12 ||
[Analyze grammar]

sa gatvā toṣayāmāsa śaṃkaraṃ gaṃdhamādane |
saṃtuṣṭaḥ śaṃkaraḥ prāha śaśisūryāgnilocanaḥ || 13 ||
[Analyze grammar]

avaṃtīṃ gaccha rājedra putraṃ prāpsyasi śobhanam |
macchāsanājjaladhayo gamiṣyaṃti kuśasthalīm || 14 ||
[Analyze grammar]

merurūpe sthale rājansamīpe śaṃkarasya ca |
drakṣyasi tvaṃ naraśreṣṭha jaladhīṃstatra saṃgatān |
abhyarthitāstvayā tatra sthāsyaṃti kalayā sadā || 15 ||
[Analyze grammar]

evamuktvā mahādevo jagāmādarśanaṃ vibhuḥ |
sudyumno bhāryayā sārdhamājagāma kuśasthalīm || 16 ||
[Analyze grammar]

āgatastu kuśasthalyāṃ samudrāṃśca dadarśa ha |
tāṃstu dṛṣṭvā namaścakre rājasthalasamīpataḥ || 17 ||
[Analyze grammar]

te vai dṛṣṭvā ca sudyumnaṃ praṇataṃ bhaktavatsalam |
procurvāridhayaḥ sarve varaṃ varaya suvrata || 16 ||
[Analyze grammar]

sa vavre manasā putraṃ sarvalakṣaṇasaṃyutam |
uvāca ca punā rājā yāvatti ṣṭhati medinī |
tāvadatraiva sthātavyaṃ rājasthalasamīpataḥ || 19 ||
[Analyze grammar]

samudrā ūcuḥ |
tāvatsthāsyāmahe'traiva yāvatkalpāvasānakam || 20 ||
[Analyze grammar]

bhaviṣyati ca te putraḥ sarvalakṣaṇasaṃyutaḥ |
atra te snānamātreṇa tasmātsnānaṃ samācara || 21 ||
[Analyze grammar]

sthale cātra śubhe rājansthāsyāmaḥ kalayā saha || |
evaṃ vyāsa samudrāstu sudyumnenāvatāritāḥ || 22 ||
[Analyze grammar]

kurute teṣu yo yātrāṃ tasya puṇyaphalaṃ śṛṇu |
snānaṃ kṛtvā mahāpuṇye samudre kṣārasaṃjñake || 23 ||
[Analyze grammar]

kuryācchāddhaṃ tato vyāsa pitṝṇāṃ bhaktitatparaḥ |
pūjayecca mahādevaṃ sthalasthaṃ pārvatīpatim || 24 ||
[Analyze grammar]

maṃḍakāṃśca tato dadyādbrāhmaṇe vedapārage || |
pātraṃ tāmramayaṃ kāryaṃ lavaṇena prapūritam || 25 ||
[Analyze grammar]

sahiraṇyaṃ ca dātavyaṃ brāhmaṇe vedapārage |
saptadhānyasamāyuktaṃ veṇujaṃ vastraveṣṭitam || 26 ||
[Analyze grammar]

sadakṣiṇaṃ phalairyuktamarghyaṃ dadyātprayatnataḥ |
kṣīrābdhiṃ ca tato gatvā snānaṃ kuryācca pūrvavat || 27 ||
[Analyze grammar]

kṣīraṃ tatra pradātavyaṃ tāmrapātreṇa pūritam |
dadhyabdhau ca tathā kṛtvā dadyāddadhyodanaṃ śubham || 28 ||
[Analyze grammar]

ikṣvabdhau ca tathā kṛtvā dadyādvipre guḍaṃ śubham |
yātrāṃ kṛtvā tu vai vyāsa gāṃ ca dadyātpayasvinīm || 29 ||
[Analyze grammar]

evaṃ yaḥ kurute yātrāṃ rājasthalasamīpataḥ |
bhavyāṃ hi labhate lakṣmīṃ putrāṃścāpi manoramān || 30 ||
[Analyze grammar]

mṛte svargamavāpnoti yāvadiṃdrāścaturdaśa |
tāvatsvargaphalaṃ bhuktvā paścānmokṣaṃ prayāsyati || 31 ||
[Analyze grammar]