Chapter 8

[English text for this chapter is available]

vyāsa uvāca |
ācāraḥ paramo dharmaḥ sarvadharmaparāyaṇaḥ |
svadharmaniratāścaiva jitakrodhā jiteṃdriyāḥ || 1 ||
[Analyze grammar]

rudralokaṃ vrajaṃtīha nātra citrā matirmama |
asaṃśayaṃ ca gacchaṃti lokānanyāñchaśiprabhaiḥ || 2 ||
[Analyze grammar]

vināpi kṣetravāsena tathaiva niyamena ca |
striyo mlecchāśca śūdrāśca paśavaḥ pakṣiṇo mṛgāḥ || 3 ||
[Analyze grammar]

mūkā jaḍāṃdhabadhi rāstaponiyamavarjitāḥ |
eṣāṃ tu kā gatiścette mahākālavane mṛtāḥ || 4 ||
[Analyze grammar]

sanatkumāra uvāca |
striyo mlecchāśca mūḍhāśca paśavaḥ pakṣiṇo mṛgāḥ |
kālenaiva mṛtā vyāsa rudralokaṃ vrajaṃti te || 5 ||
[Analyze grammar]

śarīrairdivyarūpaiśca sarvabhogasamanvitāḥ |
ramaṃte śaṃbhunā sārdhaṃ smaśāne pretasaṃkule || 6 ||
[Analyze grammar]

nirbhatsitā purā devī kālīti pārvatīti ca |
tadā sā kupitā devī kaṭake śaṃkaraṃ prati || 7 ||
[Analyze grammar]

evaṃ hi kalaho jātaḥ śivagauryorhi yatra tu |
devastatra samudbhūto nāmnā kalakaleśvaraḥ || 8 ||
[Analyze grammar]

kṛtamagre tadā kuṃḍaṃ nāmnā kalahanāśanam |
snāne tatra kṛte vyāsa jātā'kalahinī priyā || 9 ||
[Analyze grammar]

tasmiṃstīrthe naraḥ snātvā pūjayitvā maheśvaram |
upoṣya rajanīmekāṃ kulānāṃ tārayecchatam || 10 ||
[Analyze grammar]

tatra yacchati yo dānaṃ truṭimātraṃ ca caṃdanam |
ātmanā tāri tāstena daśa pūrve daśāpare || 11 ||
[Analyze grammar]

bhūmidānaṃ ca yastatra pradāsyati naro mune |
api gocarmamātreṇa sarvabhūmyadhipo bhavet || 12 ||
[Analyze grammar]

gāmekāṃ rakti kāmekāṃ bhūmerapyekamaṃgulam |
yaḥ pradāsyati bhaktyā hi sa vai rājā bhaviṣyati || 13 ||
[Analyze grammar]

dhenumaśvāṃstilānvastraṃ bhājanaṃ tāmradohanam |
upānahaśca cchatraṃ ca tathā ca śreṣṭhapāduke || 14 ||
[Analyze grammar]

ye pradāsyaṃti viprebhyasteṣāṃ lokāḥ sadā'kṣayāḥ |
tasya dakṣiṇapārśve tu pṛṣṭhe mātrākhya devatāḥ || 15 ||
[Analyze grammar]

sā tatra sarvalokānāṃ devī duritahāriṇī |
sarvatīrthaṃ tu vijñeyaṃ maṇikarṇikamuttamam || 16 ||
[Analyze grammar]

tasminsnātvā tu yaḥ paśyetpṛṣṭhamātara ādarāt |
sa muktaḥ sarvapāpebhyaḥ siddhimāpnoti vāṃchitām || 17 ||
[Analyze grammar]

tāsāṃ tu darśanaṃ kṛtvā mārge gamanamācaret |
na bhayaṃ tasya corebhyo rakṣobhūtabhayaṃ tathā || 18 ||
[Analyze grammar]

svadeśe paradeśe vā parvateṣvaṭavīṣu ca |
na samudre bhayaṃ tasya tathā vai duṣṭabhāvanā || 19 ||
[Analyze grammar]

grahapīḍāsu sarvāsu tathā rājabhayādikam |
bastaṃ vā yadi vā meṣaṃ mahiṣaṃ cāpi ghātayet || 20 ||
[Analyze grammar]

devīmuddiśya yo vipra so'bhīṣṭaphalamaśnute |
āśvinasya sitāṣṭamyāmardharātrigate naraḥ || 21 ||
[Analyze grammar]

yaḥ snāti purato devyāḥ sa siddhi labhate parām |
mṛtaputrā ca yā nārī kuṇḍe snātvā sabhartṛkā || 22 ||
[Analyze grammar]

snāti vai phalakumbhena agre devyā vidhānataḥ |
snātvā nānyamukhaṃ paśyetkumbhasnānena vai mune || 23 ||
[Analyze grammar]

tasya saṃjāyate putro yathā devaḥ ṣaḍānanaḥ |
pṛṣṭhe mātuḥ paraṃ puṇyaṃ tīrthamapsarasāṃ śubham || 24 ||
[Analyze grammar]

rūpasaubhāgyasaṃpannastatra snāto bhavennaraḥ |
urvaśyā vai purā vyāsa tīrthasyāsya prabhāvataḥ || 25 ||
[Analyze grammar]

bhartā purūravā labdhaṃ aileyoṃ'sau mahīpatiḥ |
iti kautūhalaṃ śrutvā vyāso vacanamabravīt || 26 ||
[Analyze grammar]

vyāsa uvāca |
kathamapsarasāṃ tīrthaṃ tatra jātaṃ mahāmune |
kāraṇena yathā tena yasminkāle pratiṣṭhitam |
tathā tanme savistāraṃ sarahasyaṃ prakīrtaya || 27 ||
[Analyze grammar]

kathaṃ purūravāścāsau bhāryāstasya varāpsarāḥ |
urvaśīnāma kā sā tu kena jātā varāṃganā |
sarvametadyathāvṛttaṃ vada kautūhalaṃ hi me || 28 ||
[Analyze grammar]

sanatkumāra uvāca |
naranārāyaṇau pūrvaṃ yatra vai tepatustapaḥ || 29 ||
[Analyze grammar]

badarikāśramasthau tau tenendro bhayamāgataḥ |
sarvāścāpsaraso hṛdyā rūpayauvanadarpitāḥ || 30 ||
[Analyze grammar]

ādiṣṭā yā maghavatā vighnārthaṃ ca samāgatāḥ |
tau dṛṣṭvāpsarasastatra ramantīrmadavihvalāḥ || 31 ||
[Analyze grammar]

vighnārthamiha āyātāstadā devau jajalpatuḥ |
asmākaṃ na striyaḥ saṃti tena vai vighnakāraṇam || 32 ||
[Analyze grammar]

evaṃ saṃjalpya ca naro nārāyaṇamuvāca ha |
kariṣyāmyahamekāṃ vai āsāṃ tu rūpato'dhikām || 33 ||
[Analyze grammar]

maṃjaryā sahakārasya strīmūrubhyāṃ cakāra ha |
rūpeṇāpratimāṃ loke sarvābharaṇabhūṣitām || 34 ||
[Analyze grammar]

utthitāṃ pramadāṃ dṛṣṭvā jvalanābhāṃ varāṃganām |
gatvā śaśaṃsustāḥ śakraṃ na rtau lobhayituṃ kṣamāḥ || 35 ||
[Analyze grammar]

śakrastāsāṃ vacaḥ śrutvā gatvā devāvuvāca ha |
praṇāmāvanato bhūtvā kṛtvā śirasi cāṃjalim || 36 ||
[Analyze grammar]

ahamarthī striyāścāsyāḥ prasādaḥ kriyatāmiti |
tatastāṃ dadaturdevāviṃdrāya parameśvarau || 37 ||
[Analyze grammar]

asmadvacanasāmarthyādgṛhāṇemāṃ tvamurvaśīm |
ūrubhyāṃ janitā yasmānnareṇeyaṃ varāṃganā || 38 ||
[Analyze grammar]

maṃjaryā sahakārasya teneyamurvaśī smṛtā |
puraṃdaro gṛhītvā tāmurvaśīṃ paramāṃganām || 39 ||
[Analyze grammar]

gatvā svargamathāhūya citrāṃgadamuvāca ha |
śikṣā'syāḥ kriyatāṃ citra yathā nṛtye vicakṣaṇā || 40 ||
[Analyze grammar]

kriyatāmacirādeṣā yatnamāsthāya śobhanam |
evamukte tu śakreṇa kṛtā tena vicakṣaṇā |
varaṃ pravīṇā sā jātā nṛtye gīte ca kovidā || 41 ||
[Analyze grammar]

evaṃ sā nyavasattatra surasadmani sundarī |
gate bahutithe kāle tatrā gātsa nareśvaraḥ || 42 ||
[Analyze grammar]

ilasyaputro dharmātmā nāmnā caiva purūravāḥ |
indrasyārddhāsanagato nṛtyaṃ paśyati tatra ha || 43 ||
[Analyze grammar]

nṛtyantīṃ vāsavasyāgre urvaśīṃ vīkṣya kāmukaḥ |
hṛtacittastayā rājā na kiṃcitpratyapadyata || 44 ||
[Analyze grammar]

dhairyaṃ citte samāveśya muhūrtaṃ paryavasthitaḥ |
urvaśī ca tadā tena darśanāhatamānasā || 45 ||
[Analyze grammar]

tatpradeśādviniṣkramya kāmārtā cātivihvalā |
bhūmau sā patitā bālā ucchritādraṃgamaṇḍalāt || 46 ||
[Analyze grammar]

athātmānaṃ ca saṃvedya utthitā bhūmimaṇḍalāt |
dṛṣṭā sā rājasiṃhena manmathena prapīḍitā || 47 ||
[Analyze grammar]

gataḥ purūravā bhūmiṃ tāmeva manasā smaran |
smarantī rājaśārdūlaṃ gatā sāpyurvaśī gṛham || 48 ||
[Analyze grammar]

citrāṃgadagṛhe gatvā dūtaṃ sātha cakāra ha |
citrāṃgadena sā nītā rātrau yatra purūravāḥ || 49 ||
[Analyze grammar]

urvaśyā rahitaḥ svargaḥ śūnyo'pyāsīddivaukasām |
rātrāveva ca sā tena ānītā tridivaṃ punaḥ || 50 ||
[Analyze grammar]

tayā virahitaḥ so'pi śūnyacittaḥ paribhraman |
unmattatāṃ gato vyāsa ṣaṣṭivarṣāṇi pārthivaḥ || 51 ||
[Analyze grammar]

paribhramansa tīrthāni mahākālavanaṃ gataḥ |
gaṃdha veṃṇorvaśī svarge nītā sā paramāpsarāḥ || 52 ||
[Analyze grammar]

nāpi śete na vā snāti he rājanniti jalpati |
tāvadapsarasaḥ sarvāstāḥ prāptā yatra corvaśī || 53 ||
[Analyze grammar]

raṃbhā ca menakā caiva pramlocā puṃjikasthalī |
jalapūrṇāśrupūrṇā ca vasaṃtā caṃdrikā tathā || 54 ||
[Analyze grammar]

sūryadattā viśālākṣī caṃdrā candraprabhā tathā |
āgatya tāstu sahitā urvaśīṃ vākyamabruvan || 55 ||
[Analyze grammar]

kiṃ rodiṣi varārohe martyahetoḥ sulocane |
tadvākyamurvaśī tāsāṃ śrutvā vacanama bravīt || 56 ||
[Analyze grammar]

saukhyaṃ ṣaṇḍho na jānāti saṃgātstrīpuṃsayorhi yat |
anayopamayā jñeyaṃ tasyārthe kṛtaniścayā || 57 ||
[Analyze grammar]

śrutvā ceti vacastasyāstāḥ saṃmaṃtrya samāhitāḥ |
avidite ca devānāṃ mahākālavane gatāḥ || 58 ||
[Analyze grammar]

nṛpaṃ ca dadṛśustatra vṛkṣacchāyāniṣevitam |
dṛṣṭvā cātha nṛpaṃ sarvā bhṛśaṃ jātāḥ suvihvalāḥ || 59 ||
[Analyze grammar]

dṛṣṭvā tathāvidhāḥ sarvāḥ kāmārtā surayoṣitaḥ |
mūḍhacittāḥ prahasyaivamurvaśī vākyamabravīt || 60 ||
[Analyze grammar]

urvaśyuvāca |
ayaṃ sa puruṣavyāghro vinā yenāhamīdṛśī |
ailaḥ purūravā nāma vikhyāto jagatīpatiḥ || 61 ||
[Analyze grammar]

evaṃ bruvantyāṃ vai tasyāmurvaśyāmapsarogaṇaḥ |
maunībhūtaściraṃ tasthau lajjayānatakandharaḥ || 62 ||
[Analyze grammar]

etasminnantare prāyādbhagavāṃstatra nāradaḥ |
dṛṣṭvā tathāgatāḥ sarvā urvaśyā sahitaṃ nṛpam || 63 ||
[Analyze grammar]

saṃprekṣya ca tataḥ prāha ki yūyamiha nisvanāḥ |
tyaktvā tathāvidhaṃ ramyamindrasyālayamuttamam || 64 ||
[Analyze grammar]

varaṃ ca vriyatāṃ śīghraṃ viyogo na bhavi ṣyati |
māhātmyaṃ cāsya tīrthasya kathayāmāsa nāradaḥ || 65 ||
[Analyze grammar]

asminhi durbhagā tīrthe snātvā strī puruṣo'pi vā |
saubhāgyaṃ labhate samyaksarvabhogāṃstathottamān || 66 ||
[Analyze grammar]

ātmānaṃ tolayedyastu tilairvā lavaṇena vā |
śarkarābhiśca bahvībhirvittaśāṭhyavivarjitaḥ || 67 ||
[Analyze grammar]

guḍena madhunā vāpi devīmuddisya pārvatīm |
lavaṇena svarūpāḍhyastilaiḥ sarvāṃgaśobhanaḥ || 68 ||
[Analyze grammar]

dravyavṛddhiḥ śarkarayā guḍenāṃgeṣu pūrṇatā |
madhunā caiva saubhāgyaṃ tīrthasyāsya prabhāvataḥ || 69 ||
[Analyze grammar]

dvādaśaiva tu yugmāni devyā devasya bhojayet |
kūpīṃ nakhariṇīṃ dadyāttāṭaṃkaṃ katakāṃjanam || 70 ||
[Analyze grammar]

vetrajāṃ kaṃcukīṃ caiva vastre kausuṃbhake tathā |
śvetānulepanaṃ puṃsāṃ strīṇāṃ dadyācca kuṃkumam || 71 ||
[Analyze grammar]

āṣāḍhe śrāvaṇe vāpi māsi bhādrapade tathā |
śuklāśvinatṛtīyāyā muttamaṃ vratamācaret || 72 ||
[Analyze grammar]

uttamā jāyate nārī yathā devī umā tathā |
umāmaheśvarau kāryau sauvarṇau ca svaśaktitaḥ || 73 ||
[Analyze grammar]

dhāryau nāryā hi tau devau svayaṃ tulāvarohaṇe |
phalāni caiva deyāni śākāni vividhāni ca || 74 ||
[Analyze grammar]

tatra dattaṃ hutaṃ japtaṃ sarvaṃ koṭiguṇaṃ bhavet |
evaṃ yā kurute tatra tīrthe nārī samāhitā || 75 ||
[Analyze grammar]

gandharvāpsarasāṃ loke mṛtā yāti na saṃśayaḥ |
atra tīrthe ca dve liṃge pūjite devadānavaiḥ || 76 ||
[Analyze grammar]

dṛṣṭvā te paramāṃ siddhiṃ prāpnuto daṃpatī tadā |
kārtikyāṃ tu viśeṣeṇa kṛtvā tatra prajāgaram |
saṃpūjya gaṃdhapuṣpaiśca rudralokamavāpnuyāt || 77 ||
[Analyze grammar]

yathā devyāḥ svarūpeṇa viyogo naiva dṛśyate |
tathā tayorviyogaśca dṛśyate na kadācana || 78 ||
[Analyze grammar]

evaṃ kṛtvātha tāṃ vipra sarvāśca tridivaṃ gatāḥ |
uktamapsarasāṃ tīrthaṃ tīrthāṃtaramathocyate || 79 ||
[Analyze grammar]

dakṣiṇe pṛṣṭhadevyā vai māhiṣaṃ kuṇḍamucyate |
mahiṣo dānavaḥ pūrvaṃ nihato gaṇanāyakaiḥ || 80 ||
[Analyze grammar]

tatra tīrthe naraḥ snātvā mātṝḥ saṃpūjya yatnataḥ |
pretarakṣaḥ piśācānāṃ pīḍayā sa vimucyate || 81 ||
[Analyze grammar]