Chapter 7

[English text for this chapter is available]

| vyāsa uvāca |
bhagavankena vidhinā mahākālavane naraiḥ |
rudralokamabhīpsadbhirvastavyaṃ kṣetravāsibhiḥ || 1 ||
[Analyze grammar]

kiṃ manuṣyairuta strībhiḥ siddhyarthaṃ hyāśramānvitaiḥ |
vasadbhiḥ kimanuṣṭheyametatsarvaṃ bravīhi naḥ || 2 ||
[Analyze grammar]

naraiḥ strībhiśca vastavyaṃ varṇaiścāśramavāsibhiḥ |
svadharmācāraniratairdaṃbhamohavivarjitaiḥ || 3 ||
[Analyze grammar]

karmaṇā manasā vācā rudrabhaktairyatendriyaiḥ |
anuśrutibhirakṣudraiḥ sarvabhūta hite rataiḥ |
kiṃ kurvāṇairnaraiḥ karma rudrabhaktiṃ bravīhi naḥ || 4 ||
[Analyze grammar]

sanatkumāra uvāca |
trividhā kathitā hyatra manovākkāyasaṃbhavā |
laukikī vaidikī cānyā bhavedādhyātmikī tathā || 5 ||
[Analyze grammar]

dhyānadhāraṇayā buddhyā rudrāṇāṃ smaraṇaṃ hi tat |
rudrabhaktikarī caiṣā mānasī bhaktiru cyate || 6 ||
[Analyze grammar]

vratopavāsaniyamairyatedriyanirodhibhiḥ |
kāyikā bhaktī rudrasya jñānadhyānasya dharmiṇām || 7 ||
[Analyze grammar]

goghṛtakṣīradadhibhirgaṃdharaktakuśo dakaiḥ |
gandhamālyaiśca vividhairdhātubhiścopapāditā || 8 ||
[Analyze grammar]

ghṛtagugguladhūpaiśca kṛṣṇāgarusugaṃdhibhiḥ |
bhūṣaṇairhemaratnānāṃ citrābhiḥ sragbhireva ca || 9 ||
[Analyze grammar]

vāsapravisarāstotraiḥ patākāvyajanocchritaiḥ |
nṛtyavāditragītaiśca sarvapratyupahārakaiḥ || 10 ||
[Analyze grammar]

bhakṣyabhojyānupānaiśca yāvatpūjākṣatairnaraiḥ |
maheśvaraṃ puraskṛtya bhaktiḥ sā laukikī matā || 11 ||
[Analyze grammar]

vedamantrahaviryāgairyā kriyā vaidikī matā || 12 ||
[Analyze grammar]

darśe ca pūrṇamāsyāṃ vā kartavyaṃ cāgnihotrakam || |
prāśanaṃ dakṣiṇādānaṃ puroḍāśaśca satkriyā || 13 ||
[Analyze grammar]

iṣṭavṛttiḥ somapānaṃ yājñikaṃ sarvakarma ca |
ṛgyajuḥsāmajāpyāni saṃhitādhyayanāni ca || 14 ||
[Analyze grammar]

kriyate rudramuddiśya sā bhaktirvaidikī smṛtā |
agnibhūmyanilākāśaniśākaradivākarān || 15 ||
[Analyze grammar]

samuddiśya kṛtaṃ karma tatsarvaṃ daivikaṃ bhavet || |
ādhyātmikī tu dvividhā rudrabhaktiḥ sthitā mune || 16 ||
[Analyze grammar]

sāṃkhyākhyā yaugikī cānyā vibhāgaṃ tatra me śṛṇu |
caturviṃśatitattvāni pradhānādīni saṃkhyayā || 17 ||
[Analyze grammar]

acetanāni yojyāni puruṣaḥ pañcaviṃśakaḥ |
cetanaḥ puruṣo bhoktā na kāryaṃ tasya karmaṇaḥ || 18 ||
[Analyze grammar]

rudraḥ ṣaḍviṃśakaḥ kartā sarvajñaścetanaḥ prabhuḥ |
ajanmā nityamavyaktamadhiṣṭhātā prayojakaḥ || 19 ||
[Analyze grammar]

puruṣo nityavyaktaḥ syātkāraṇaṃ ca maheśvaraḥ |
tattvasargaṃ bhavetsargaṃ bhūtasargaṃ ca tattvataḥ || 20 ||
[Analyze grammar]

saṃkhyayā parisargāya pradhānaṃ ca guṇātmakam |
sādharmyamātmanaiśvaryaṃ pradhānaṃ vai vidharmi ca || 21 ||
[Analyze grammar]

kāraṇaṃ tacca rudrasya kāmya tvamidamucyate |
sarvatra kartṛtā rudre puruṣe cāpyakartṛtā || 22 ||
[Analyze grammar]

acaitanyaṃ pradhāne ca tacca tattvamidaṃ smṛtam |
tattvāṃtareṇa mucyaṃte kāryaṃ kāraṇameva ca || 23 ||
[Analyze grammar]

prayojane ca vaijātyaṃ jñātvā tattvamasaṃkhyayā |
saṃkhyāstītyucyate prājñai rudratattvārthaciṃtakaiḥ || 24 ||
[Analyze grammar]

iti tasya tattvabhāvaṃ tattvasaṃkhyā ca tattvataḥ |
rudratattvādhikaṃ cāpi jñānatattvaṃ vidurbudhāḥ || 25 ||
[Analyze grammar]

sāṃkhye kṛtā bhaktireṣā sadbhirādhyātmikī matā |
yogināmapi me bhaktyā śṛṇu bhaktiṃ mahāsura || 26 ||
[Analyze grammar]

prāṇāyāmaparo nityaṃ dhyāyate niyateṃdriyaḥ |
dhāraṇāṃ hṛdaye dhṛtvā dhyāyate yo maheśvaram || 27 ||
[Analyze grammar]

hṛtkañjakarṇikāsīnaṃ pañcavaktraṃ trilocanam |
śaśāṃkajyotijaṭharaṃ vyālavṛttakaṭītaṭam || 28 ||
[Analyze grammar]

śvetaṃ daśabhujaṃ bhadraṃ varadābhayahastakam |
yogajā mānasī vyāsa rudrabhaktiḥ parā smṛtā || 29 ||
[Analyze grammar]

ya eva bhaktimānrudre rudrabhaktaḥ sa ucyate |
vidhiṃ tu śṛṇu me vyāsa yaḥ smṛtaḥ kṣetravāsinām || 30 ||
[Analyze grammar]

svayaṃ rudreṇa vihito brahmādīnāṃ samāgame |
kathito vistarātpūrvaṃ sarveṣāṃ tatra sannidhau || 31 ||
[Analyze grammar]

nirmamā nirahaṃkārā niḥsaṃgā niṣparigrahāḥ |
baṃdhuvargeṇa niḥ snehāḥ samaloṣṭāśmakāṃcanāḥ || 32 ||
[Analyze grammar]

bhūtānāṃ karmabhirnityaṃ trividhairabhayapradāḥ |
sāṃkhyayogavidhijñāśca dharmajñāśchinnasaṃśayāḥ || 33 ||
[Analyze grammar]

yajaṃto vivi dhairyajñairye viprāḥ kṣetravāsinaḥ |
mahākālavane teṣāṃ mṛtānāṃ yatphalaṃ śṛṇu || 34 ||
[Analyze grammar]

vrajaṃtyeva suduṣprāpyaṃ brahmasāyujyamakṣayam |
saṃprāpya na puna rjanma labhaṃte mokṣamavyayam || 35 ||
[Analyze grammar]

punarāvartanaṃ hitvā vidhiṃ māheśvaraṃ sthitāḥ |
punarāvṛttiranyeṣāṃ prapaṃcāśramavāsinām || 36 ||
[Analyze grammar]

gārhasthyaṃ vidhimāsādya ṣaṭkarmaniratāḥ sadā |
juhvate vidhinā samyaṅmaṃtrastotrairniyaṃtritāḥ || 37 ||
[Analyze grammar]

adhikaṃ phalamāyāṃti sarvaduḥkhavivarjitāḥ |
sarva lokeṣu cānyatra gatistasya na hanyate || 38 ||
[Analyze grammar]

divyenaiśvaryayogena svārūḍhaḥ svaparigrahaḥ |
bahusūryaprakāśena vimānena suvarcasā || 39 ||
[Analyze grammar]

vṛtaḥ strīṇāṃ sahasraiśca svacchaṃdagamanālayaḥ |
vicaratyavicāryaiva sarvalokāndivaukasām || 40 ||
[Analyze grammar]

spṛhaṇīyatamaḥ puṃsāṃ sarvavarṇottamo dhanī |
svargāccyutaḥ prajāyeta kule mahati rūpavān || 41 ||
[Analyze grammar]

dharmajño rudrabhaktaśca sarvavidyārthapāragaḥ |
tathaiva brahmacaryeṇa guruśuśrūṣaṇena ca || 42 ||
[Analyze grammar]

vedādhyayanasaṃyukto ca bhaikṣavṛttirjiteṃdriyaḥ |
nityaṃ satyavrate yuktaḥ svadharme ca pramodavān || 43 ||
[Analyze grammar]

mṛtaḥ kāle samṛddhena sarvabhogāvalaṃbinā |
sūryeṇeva dvitīyena vimānena vicāritaḥ || 44 ||
[Analyze grammar]

guhyakonāma rudrasya gaṇaḥ paramasaṃmataḥ |
aprameyabalaiśvaryo devadānavapūjitaḥ || 45 ||
[Analyze grammar]

teṣāṃ ca samatāṃ yāti tulyaiśvaryasama nvitaḥ |
devadānavamartyeṣu sa ca pūjyatamo bhaveta || 46 ||
[Analyze grammar]

varṣakoṭisahasrāṇi varṣakoṭiśatāni ca |
aivamaiśvaryasaṃyukto rudraloke mahīyate || 47 ||
[Analyze grammar]

vasitvāsau vibhūtyā vai yadā ca cyavate naraḥ |
rudralokāccyuto bhūmau vasate nātra saṃśayaḥ || 48 ||
[Analyze grammar]

mahākālavane kṣetre brahmacaryāśrame sthitaḥ || |
maheśvaraparo nityaṃ vasedvā'tha mriyeta vā || 49 ||
[Analyze grammar]

mṛto'sau yāti divye vai vimāne sūryavarcasi |
pūrṇacaṃdraprakāśo vai śaśivatpriyadarśanaḥ || 50 ||
[Analyze grammar]

rudralokaṃ samāsādya guhyakaiḥ saha modate |
aiśvaryaṃ ca mahadbhuṃkte sarvasya jagataḥ prabhuḥ || 51 ||
[Analyze grammar]

bhuktvā yugasahasrāṇi rudraloke mahīyate |
pracyutastu punastasmādrudralokātkrameṇa tu || 52 ||
[Analyze grammar]

nityaṃ pramuditastatra bhuktvā lokamanāmayam |
dvijānāṃ sādhane nityaṃ kule mahati jāyate || 53 ||
[Analyze grammar]

mānaveṣu ca dharmeṣu vasedbhūyāṃśca rūpavān |
spṛhaṇīyavapuḥ strīṇāṃ mahābhogapatirbhavet || 54 ||
[Analyze grammar]

vānaprasthasamācāro vanauṣadhivivarjitaḥ |
śīrṇaparṇa samāhāraḥ phalapuṣpāṃbubhojanaḥ || 55 ||
[Analyze grammar]

kaṇāśano'śmakuṭṭo vā daṃtolūkhalako'tha vā |
yena kenāpyupāyena jīrṇavalkaladhārakaḥ || 56 ||
[Analyze grammar]

jaṭī triṣavaṇasnāyī muktakeśaḥ sudaṃḍavān |
jalaśāyī paṃcatapā varṣāsvabhrāvakāśakaḥ || 57 ||
[Analyze grammar]

kīṭakaṃṭakapāṣāṇabhūmyāṃ tu śayanaṃ tathā |
sthānaṃ vīrāsanarataḥ saṃvibhāgī dṛḍhabataḥ || 58 ||
[Analyze grammar]

araṇyauṣadhibhoktā ca sarvabhūtābhayapradaḥ |
nityaṃ dharmaparo maunī jitakrodho jiteṃdriyaḥ || 59 ||
[Analyze grammar]

rudrabhaktaḥ kṣetravāsī mahākālavane muniḥ |
sarvasaṃgaparityāgī svārāmo vigataspṛhaḥ || 60 ||
[Analyze grammar]

yaścātra vasate vyāsa śṛṇu tasya hi yā gatiḥ |
taruṇārkapradīptena vedikāstaṃbhaśobhinā || 61 ||
[Analyze grammar]

rudrabhakto vimānena yāti kāmapracāriṇā |
virājamāno nabhasi dvitīya iva caṃdramāḥ || 62 ||
[Analyze grammar]

gītavāditraśabdena saṃvṛto'psarasāṃ gaṇai |
varṣakoṭiśataṃ sāgraṃ rudraloke mahīyate || 63 ||
[Analyze grammar]

rudralokāccyutaścāpi viṣṇuloke mahīyate |
viṣṇulokātparibhraṣṭo brahmalokaṃ sa gacchati || 64 ||
[Analyze grammar]

tasmādapi cyutaḥ sthānāddvīpeṣu sa hi jāyate |
svargaṣu ca tathānyeṣu bhogānbhuṃkte yathecchayā || 65 ||
[Analyze grammar]

bhuktaiśvaryo narasteṣu martyāmartyeṣu jāyate |
rājā vā rājatulyo vā jāyate dhanavānsukhī |
surūpaḥ subhagaḥ kāṃtaḥ kīrtimānrudrabhāvitaḥ || 66 ||
[Analyze grammar]

brāhmaṇāḥ kṣatriyā vaiśyāḥ śūdrā vā kṣetravāsinaḥ |
svadharmaniratā vyāsa svabhṛtyā cārajīvinaḥ || 67 ||
[Analyze grammar]

sarvātmanā rudrabhaktā bhūtānugrahakāriṇaḥ |
mahākālavane kṣetre ye vasaṃti mumukṣavaḥ || 68 ||
[Analyze grammar]

mṛtāste rudrabhavane vimānairyāṃti śobhanaiḥ |
apsarogaṇasaṃyuktaiḥ kāmagaiḥ kāmarūpibhiḥ || 69 ||
[Analyze grammar]

athavā saṃvidagnau ca śarīraṃ vijuhoti yaḥ |
rudradhyāyī mahāsattvaḥ sa rudra bhavane vaset || 70 ||
[Analyze grammar]

rudraloko'kṣayasteṣāṃ śāśvato guhyakaiḥ saha |
sarvalokottamo ramyo bhavatīṣṭārthasādhakaḥ || 71 ||
[Analyze grammar]

ye tyajaṃti mahākāle prāṇāna naśanairnarāḥ |
teṣāmapyakṣayo vyāsa rudraloko mahātmanām || 72 ||
[Analyze grammar]

sāṃkhyāḥ stuvaṃti te rudraṃ sarvaduḥkhavivarjitāḥ |
sarvāmarayutaṃ devaṃ naṃdidevagaṇai ryutam |
anāśakamṛtāḥ śūdrā mahākālavane narāḥ || 73 ||
[Analyze grammar]

siṃhayuktaistu te yāṃti vimānairarkasannibhaiḥ || 74 ||
[Analyze grammar]

nānāvarṇasuvarṇāḍhyairhṛṣṭagaṃdhādhivā sitaiḥ |
anaupamyaguṇai ramyairapsarogītavādibhiḥ || 75 ||
[Analyze grammar]

patākādhvajavinyastairnānāghaṃṭānināditaiḥ |
suprabhairguṇasaṃpannairmayūravaracāribhiḥ || 76 ||
[Analyze grammar]

rudraloke narā dhīrāḥ sarve cānaśanairmṛtāḥ |
tatroṣitvā ciraṃ kālaṃ bhogānbhuktvā yathepsitān |
dhanī viprakule bhogī jāyate martyamāgataḥ || 77 ||
[Analyze grammar]

karīṣaṃ sādhayedyastu mahākālavane naraḥ |
sarvabhogavinirmukto rudralokaṃ sa gacchati || 78 ||
[Analyze grammar]

rudraloke vasettāvadyāvatkalpakṣayo bhavet || 79 ||
[Analyze grammar]

tatra bhuktvā mahābhogāniha jāto mahīpatiḥ |
pṛthivyāḥ sakalāyāśca rūpavānsubhago bhavet || 80 ||
[Analyze grammar]