Chapter 9

[English text for this chapter is available]

vyāsa uvāca |
kathaṃ tanmāhiṣaṃ kuṇḍaṃ mātṝṇāmākṛtiḥ katham |
rudrasyaiva kathaṃ kṣetre mahiṣo dānavo hataḥ || 1 ||
[Analyze grammar]

sanatkumāra uvāca |
kapālakhaṃḍamādāyaṃ mahādevo'pyatiprabham |
brahmatejo mayaṃ divyaṃ jvalaṃtamiva cārciṣā || 2 ||
[Analyze grammar]

krīḍamāno jagannātho mohayāmāsa vai surān |
nimeṣātsa imaṃ lokaṃ yogātmā yogalīlayā || 3 ||
[Analyze grammar]

prāpya puṇyatamaṃ kṣetraṃ yatrātiṣṭhanmahāprabhuḥ |
tatratatra mahaddivyaṃ kapālaṃ devatādhipaḥ || 4 ||
[Analyze grammar]

sthāpayāmāsa dīptārcirgaṇānāmagrataḥ prabhuḥ |
tvatsthāpitamatho dṛṣṭvā gatāḥ sarve mahaujasaḥ || 5 ||
[Analyze grammar]

vinadatsamahānādaṃ nādayaṃta diśo daśa |
kṣobhārṇavāśaniprakhyaṃ nabho yena vidīryate || 6 ||
[Analyze grammar]

tena śabdena ghoreṇa dānavo devakaṃṭakaḥ |
hālāhala iti khyāto deśaṃ tamabhidhāvitaḥ || 7 ||
[Analyze grammar]

amṛṣyamāṇaḥ krodhārto durātmā durjayaḥ suraiḥ |
brahmadattavaraścaiva māhiṣaṃ vapurāsthitaḥ || 8 ||
[Analyze grammar]

daityaiḥ parivṛto ghorai koṭibhiścodyatāyudhaiḥ |
tamāyāṃtaṃ tu sakrodhaṃ mahiṣaṃ devakaṃṭakam || 9 ||
[Analyze grammar]

samāvekṣyāha vai devo gaṇānsarvā npinākadhṛk |
māyāvī gaṇapā daityastrailokyasyāpi kaṃṭakaḥ || 10 ||
[Analyze grammar]

āyāti tvarito yūyaṃ tasmādenaṃ vinighnatha |
kapālasya gatiṃ sarva āśritā gaṇanāyakāḥ || 11 ||
[Analyze grammar]

tato devagaṇā dṛṣṭvā tamāyāṃtaṃ mahāsuram |
garjamānaṃ mahānādaṃ bhramamāṇaṃ mahābhujam || 12 ||
[Analyze grammar]

bibhiduḥ śalasaṃghātairasibhi rmusalaistathā |
saṃmuhya śarajālena tato bhūmau nyapātayan || 13 ||
[Analyze grammar]

hate tasminmahādevo devānprovāca vai tadā |
aho darpātimūḍhaḥ sa darpeṇa nidhanaṃ gataḥ || 14 ||
[Analyze grammar]

etasminnaṃtare vyāsa tatkapālātsubhairavāḥ |
dīptāsyā mātaraḥ sarvāḥ pracaṃḍāstrā mahābalāḥ || 15 ||
[Analyze grammar]

abhyadhāvaṃstamuddeśaṃ mahādevaṃ nivedya vai |
daityaṃ tā bhakṣayaṃti sma bhittvā bhittvā mahābalāḥ || 16 ||
[Analyze grammar]

kapālamātarastasmātkhyātāḥ kṣetre mahābalāḥ |
mahākapālastasmādvai tādṛśaḥ pari kīrtitaḥ || 17 ||
[Analyze grammar]

sthāpitasya kapālasya bhittvā samabhavatpurā |
khyātaṃ śivataḍāgaṃ ca sarvapāpapraṇāśanam || 18 ||
[Analyze grammar]

tadadyāpi mahaddivyaṃ sarastatra prakāśate |
triṣu lokeṣu vikhyātaṃ gaṇagaṃdharvasevitam || 19 ||
[Analyze grammar]

pātrasthamuddhutaṃ vāpi śītoṣṇaṃ kvathitaṃ jalam |
raudraṃ saraḥ punātīhāśvamedhāvabhṛtho yathā || 20 ||
[Analyze grammar]

prāgādbrahmāpi taṃ deśaṃ devatānāṃ śatairvṛtaḥ |
svargalokasya niḥśreṇī kīrtitā brahmaṇā svayam || 21 ||
[Analyze grammar]

atra tyajaṃti ye prāṇānrudra lokaṃ vrajaṃti te |
dhanyā vyāsa narā martye mahākālavane sthitāḥ || 22 ||
[Analyze grammar]

raudre sarasi ye snāṃti jalaṃ vāpi pibaṃti ye |
svadharmācāraniratāḥ paśyaṃtīśānamīśvaram || 23 ||
[Analyze grammar]

iti svargagatā devāḥ spṛhāṃ kurvaṃti nityaśaḥ || 24 ||
[Analyze grammar]

idaṃ śubhaṃ divyamadharmanāśanaṃ mahākapālaṃ suradaityapūjitam |
mahāprabhaṃ pāpaharaṃ sanātanaṃ sureśalokādapi durlabhaṃ sadā || 25 ||
[Analyze grammar]

taporataiḥ siddhagaṇairabhiṣṭutaṃ yathā nabhaḥsthaṃ dinanāthamaṃḍalam |
ya ekacittaḥ śṛṇuyātprasādatastriviṣṭapaṃ gacchati so'bhinaṃditaḥ || 26 ||
[Analyze grammar]