Chapter 17

[English text for this chapter is available]

vyāsa uvāca |
dakṣiṇe sthāpitā rājañchāṃtā devī mahābalā |
sā vividhāmbaradharā vanamālāvibhūṣitā || 1 ||
[Analyze grammar]

tāmasī sā mahārāja madhukaiṭabhanāśinī |
viṣṇunā tatra vai nyastā śivapatnī nṛpottama || 2 ||
[Analyze grammar]

sā caivāṣṭabhujā ramyā meghaśyāmā manoramā |
kṛṣṇāṃbaradharā devī vyāghravāhanasaṃsthitā || 3 ||
[Analyze grammar]

dvīpicarmaparīdhānā divyābharaṇabhūṣitā |
ghaṃṭātriśūlākṣamālākamaṃḍaludharā śubhā || 4 ||
[Analyze grammar]

alaṃkṛtabhujā devī sarvadevanamaskṛtā |
dhanaṃ dhānyaṃ sutānbhogānsvabhaktebhyaḥ prayacchati || 5 ||
[Analyze grammar]

pūjayetkamalai rdivyaiḥ karpūrāgarucaṃdanaiḥ |
taduddeśena tatraiva pūjayeddvijasattamān || 6 ||
[Analyze grammar]

kumārīrbhojayedannairvividhairbhaktibhāvataḥ |
dhūpairdīpaiḥ phalaiḥ ramyaiḥ pūjayecca surādibhiḥ || 7 ||
[Analyze grammar]

māṃsaistu vividhairdivyairathavā dhānyapiṣṭajaiḥ |
anyaiśca vividhairdhānyaiḥ pāyasairvaṭakaistathā || 8 ||
[Analyze grammar]

odanaiḥ kṛśarāpūpaiḥ pūjayetsusamāhitaḥ |
stutipāṭhena tatraiva śaktistotrairmanoharaiḥ || 9 ||
[Analyze grammar]

ripavastasya naśyaṃti sarvatra vijayī bhavet |
raṇe rājakule dyūte labhate jayamaṃgalam || 10 ||
[Analyze grammar]

saumyā śāṃtā mahārāja sthāpitā kulamātṛkā |
śrīmātā sā prasiddhā ca māhātmyaṃ śṛṇu bhūpate || 11 ||
[Analyze grammar]

kulamātā mahāśaktistatrāste nṛpasattama |
kumārī brahmaputrī sā rakṣārthaṃ vidhinā kṛtā || 12 ||
[Analyze grammar]

sthānamātā ca sā devī śrīmātā sābhidhānataḥ |
trirūpā sā dvijātīnāṃ nirmitā rakṣaṇāya ca || 13 ||
[Analyze grammar]

kamaṇḍaludharā devī ghaṇṭābharaṇabhūṣitā |
akṣamālāyutā rājañchubhā sā śubharūpiṇī || 14 ||
[Analyze grammar]

kumārī cādimātā ca sthānatrāṇakarāpi ca |
daityaghnī kāmadā caiva mahāmohavināśinī || 15 ||
[Analyze grammar]

bhaktigamyā ca sā devī kumārī brahmaṇaḥ sutā |
raktāṃbaradharā sādhuraktacaṃdanacarcitā || 16 ||
[Analyze grammar]

raktamālyā daśabhujā paṃcavaktrā sureśvarī |
caṃdrāvataṃsikā mātā surā suranamaskṛtā || 17 ||
[Analyze grammar]

sākṣātsarasvatīrūpā rakṣārthaṃ vidhinā kṛtā |
oṃkārā sā mahāpuṇyā kājeśena vinirmitā || 18 ||
[Analyze grammar]

ṛṣibhiḥ siddhayakṣā disurapannagamānavaiḥ |
praṇamyāṃghriyugā tebhyo dadāti manasepsitam || 19 ||
[Analyze grammar]

pālayantī ca saṃsthānaṃ dvijātīnāṃ hitāya vai |
yathaurasānsutānmātā pālayantīha sadguṇaiḥ || 20 ||
[Analyze grammar]

atha pālayatī devī śrīmātā kuladevatā |
upadravāṇi sarvāṇi nāśayetsatataṃ stutā || 21 ||
[Analyze grammar]

sarvavighnopaśamanī śrīmātā smaraṇena hi |
vivāhe copavīte ca sīmaṃte śubhakarmaṇi || 22 ||
[Analyze grammar]

sarveṣu bhaktakāryeṣu śrīmātā pūjyate sadā |
yathā laṃbodaraṃ devaṃ pūja yitvā samārabhet || 23 ||
[Analyze grammar]

kāryaṃ śubhaṃ sarvamapi śrīmātaraṃ tathā nṛpa |
yatkiṃcidbhojanaṃ tvatra brāhmaṇebhyaḥ prayacchati || 24 ||
[Analyze grammar]

athavā vinivedyaṃ ca kriyate yatparasparam |
anivedya ca tāṃ rājankurvāṇo vighnameṣyati || 25 ||
[Analyze grammar]

tasmāttasyai nivedyātha tataḥ karma samārabhet |
tadvareṇākhilaṃ karma avighnena hi siddhati |
hemaṃte śiśire prāpte pūjayeddharmaputrikām || 26 ||
[Analyze grammar]

hemapatre samālikhya rājate vātha kārayet |
pādukāṃ cottamāṃ rājañchrīmātāyai nivedayet || 27 ||
[Analyze grammar]

snātvā caiva śucirbhūtvā tilāmalakamiśritaiḥ |
vāsobhiḥ sumanobhiśca dukūlaiḥ sumanoharaiḥ || 28 ||
[Analyze grammar]

lepayeccaṃdanaiḥ śubhraiḥ kukumaiḥ siṃdurāsakaiḥ |
karpūrāgurukastūrīmiśritaiḥ karddamaistathā || 29 ||
[Analyze grammar]

karṇikāraiśca kahlāraiḥ karavīraiḥ sitāruṇaiḥ |
caṃpakaiḥ ketakībhiśca japā kusumakaistathā || 30 ||
[Analyze grammar]

yakṣakarddamakaiścaiva vilvapatrairakhaṃḍitaiḥ |
pālāśajātipuṣpaiśca vaṭakairmāṣasaṃbhavaiḥ |
pūpabhaktādidālībhistoṣayecchākasaṃcayaiḥ || 31 ||
[Analyze grammar]

dhūpadīpādipūrvaṃ tu pūjayejjagadaṃbikām |
taddhiyaiva kumārīrvai viprānapi ca bhojayet |
pāyasairghṛtayuktaiśca śarkarāmiśritairnṛpa || 32 ||
[Analyze grammar]

pakvānnairmodakādyaiśca tarpayedbhaktibhāvataḥ |
tarpyamāṇe dvijaikasminsahasraphalamaśnute || 33 ||
[Analyze grammar]

daityānāṃ ghātakaṃ stotraṃ vācayecca punaḥ punaḥ |
ekāgramānaso bhūtvā śrīmātaraṃ stuvīya yaḥ || 34 ||
[Analyze grammar]

tasya tuṣṭā varaṃ dadyātsnāpitā pūjitā stutā |
aniṣṭāni ca sarvāṇi nāśayeddharmaputrikā || 35 ||
[Analyze grammar]

aputro labhate putrānni rdhano dhanavānbhavet |
rājyārthī labhate rājyaṃ vidyārthī labhate ca tām || 36 ||
[Analyze grammar]

śriyorthī labhate lakṣmīṃ bhāryārthī labhate ca tām |
prasādācca sarasvatyā labhate nātra saṃśayaḥ || 37 ||
[Analyze grammar]

ante ca paramaṃ sthānaṃ yatsurairapi durlabham |
prāpnoti puruṣo nityaṃ sarasvatyāḥ prasādataḥ || 38 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe pūrvabhāge dharmāraṇyamāhātmye śrīmātāmāhātmyavarṇanaṃnāma saptadaśo'dhyāyaḥ || 17 ||
[Analyze grammar]