Chapter 18

[English text for this chapter is available]

rudra uvāca |
śṛṇu skanda mahāprājña hyadbhutaṃ yatkṛtaṃ mayā |
dharmāraṇye mahāduṣṭo daityaḥ karṇāṭakābhidhaḥ || 1 ||
[Analyze grammar]

nibhṛtaṃ hi samāgatya daṃpatyorvighnamācarat |
taṃ dṛṣṭvā tadbhayāllokaḥ pradudrāva nirantaram || 2 ||
[Analyze grammar]

tyaktvā sthānaṃ gatāḥ sarve vaṇijo vāḍavādayaḥ |
mātaṃgīrūpamāsthāya śrīmātrā tvanayā suta || 3 ||
[Analyze grammar]

hataḥ karṇāṭako nāma rākṣaso dvijaghātakaḥ |
tadā sarve'pi vai viprā hṛṣṭāste tena karmaṇā || 4 ||
[Analyze grammar]

stuvaṃti pūjayaṃti sma vaṇijo bhaktitatparāḥ |
varṣevarṣe prakurvaṃti śrīmātāpūjanaṃ śubham || 5 ||
[Analyze grammar]

śubhakāryeṣu sarveṣu prathamaṃ pūjayettu tām |
na sa vighnaṃ prapaśyeta tadāprabhṛti putraka || 6 ||
[Analyze grammar]

yudhiṣṭhira uvāca |
ko'sau duṣṭo mahādaityaḥ kasminvaṃśe samudbhavaḥ |
kiṃ kiṃ tena kṛtaṃ tāta sarvaṃṃ kathaya suvrata || 7 ||
[Analyze grammar]

vyāsa uvāca |
śṛṇu rājanpravakṣyāmi karṇāṭakaviceṣṭitam |
devānāṃ dānavānāṃ yo duḥsaho vīryadarpitaḥ || 8 ||
[Analyze grammar]

duṣṭakarmā durācāro mahārāṣṭro mahābhujaḥ |
jitvā ca sakalāṃllokāṃstrailokye ca gatāgataḥ || 9 ||
[Analyze grammar]

yatra devāśca ṛṣayastatra gatvā mahāsuraḥ |
chadmanā vā balenaiva vighnaṃ prakurute nṛpa || 10 ||
[Analyze grammar]

na vedādhyayanaṃ loke bhavettasya bhayena ca |
kurvate vāḍavā devā na ca saṃdhyādyupāsanam || 11 ||
[Analyze grammar]

na kraturvartate tatra na caiva surapūjanam |
deśedeśe ca sarvatra grāmegrāme purepure || 12 ||
[Analyze grammar]

tīrthetīrthe ca sarvatra vighnaṃ prakurute'suraḥ |
paraṃtu śakyate naiva dharmāraṇye praveśitum || 13 ||
[Analyze grammar]

bhayācchaktyāśca śrīmāturdānavo viklavastadā |
kenopāyena tatraiva gamyate tviti ciṃtayan || 14 ||
[Analyze grammar]

vighnaṃ kariṣye hi kathaṃ brāhmaṇānāṃ mahātmanām |
vedādhyayanakartṝṇāṃ yajñe karmādhitiṣṭhatām || 15 ||
[Analyze grammar]

vedādhyayanajaṃ śabdaṃ śrutvā dūrātsa dānavaḥ |
vivyathe sa yathā rājanvajrāhata iva dvipaḥ || 16 ||
[Analyze grammar]

niḥśvāsānmumuce roṣāddaṃtairdaṃtāṃśca gharṣayan |
daśamāno nijāvoṣṭhau peṣayaṃśca karāvubhau || 17 ||
[Analyze grammar]

unmattavadvicarata itaścetaśca māriṣa |
sannipātasya doṣeṇa yathā bhavati mānavaḥ || 18 ||
[Analyze grammar]

tathaiva dānavo ghoro dharmāraṇyasamīpagaḥ |
bhramate dahate caiva dūrādeva bhayānvitaḥ || 19 ||
[Analyze grammar]

vivāhakāle viprāṇāṃ rūpaṃ kṛtvā dvijanmanaḥ |
tatrāgatya durādharṣo nītvā dāṃpatyamuttamam || 20 ||
[Analyze grammar]

utpapāta mahīpṛṣṭhādgagane so'surādhamaḥ |
svayaṃ ca ramate pāpo dveṣājjātisvabhāvataḥ || 21 ||
[Analyze grammar]

evaṃ ca bahuśaḥ so'tha dharmāraṇyācca daṃpatī |
gṛhītvā kurute pāpaṃ devānāmapi duḥsaham || 22 ||
[Analyze grammar]

vighnaṃ karoti duṣṭo'sau daṃpatyoḥ satataṃ bhuvi |
mahāghorataraṃ karma kurvaṃstasminpure vare || 23 ||
[Analyze grammar]

tatrodvignā dvijāḥ sarve palāyaṃte diśo daśa |
gatāḥ sarve bhūmidevā styaktvā sthānaṃ manoramam || 24 ||
[Analyze grammar]

yatrayatra mahattīrthaṃ tatratatra gatā dvijāḥ |
udvasaṃ tatpuraṃ jātaṃ tasminkāle nṛpottama || 25 ||
[Analyze grammar]

na vedādhyayanaṃ tatra na ca yajñaḥ pravartate |
manujāstatra tiṣṭhaṃti na karṇāṭabhayārditāḥ || 26 ||
[Analyze grammar]

dvijāḥ sarve tato rājanvaṇijaśca mahāyaśāḥ |
ekatra militāḥ sarve vaktuṃ maṃtraṃ yathocitam || 27 ||
[Analyze grammar]

karṇāṭasya vadhopāyaṃ maṃtrayaṃti dvijarṣabhāḥ |
vicāryamāṇe tairdaivādvāgjātā cāśarīriṇī || 28 ||
[Analyze grammar]

ārādhayata śrīmātāṃ sarvaduḥkhāpahāriṇīm |
sarvadaityakṣayakarīṃ sarvopadravanāśanīm || 29 ||
[Analyze grammar]

tacchrutvā vāḍavāḥ sarve harṣavyākulalocanāḥ |
śrīmātāṃ tu samāgatya gṛhītvā balimuttamam || 30 ||
[Analyze grammar]

madhu kṣīraṃ dadhi ghṛtaṃ śarkarā pañcadhārayā |
dhūpaṃ dīpaṃ tathā caiva caṃdanaṃ kusumāni ca || 31 ||
[Analyze grammar]

phalāni vividhānyeva gṛhītvā vāḍavā nṛpa |
dhānyaṃ tu vividhaṃ rājanbhaktāpūpā ghṛtācitāḥ || 32 ||
[Analyze grammar]

kulmāṣā vaṭakāścaiva pāyasaṃ ghṛtamiśritam |
sohālikā dīpikāśca sārdrāśca vaṭakāstathā || 33 ||
[Analyze grammar]

rājikābhiśca saṃliptā navacchidrasamanvitāḥ |
caṃdrabiṃbapratīkāśā maṇḍakāstatra kalpitāḥ || 34 ||
[Analyze grammar]

pañcāmṛtena snapanaṃ kṛtvā gandhodakena ca |
dhūpairdīpaiśca naivedyaistoṣayāmāsurīśvarīm || 35 ||
[Analyze grammar]

nīrājanaiḥ sakapūraiḥ puṣpairdīpaiḥ sucaṃdanaiḥ |
śrīmātā toṣitā rājansarvopadravanāśanī || 36 ||
[Analyze grammar]

śrīmātā ca jaganmātā brāhmī saumyā varapradā |
rūpatrayaṃ samāsthāya pālayetsā jagattrayam || 37 ||
[Analyze grammar]

trayīrūpeṇa dharmātmanrakṣate satyamaṃdiram |
jitedriyā jitātmāno militāste dvijottamāḥ || 38 ||
[Analyze grammar]

taiḥ sarverarcitā mātā caṃdanādyena toṣitā |
stutimārebhire tatra vāṅmanaḥkāyakarmabhiḥ |
ekacittena bhāvena brahmaputryāḥ puraḥ sthitāḥ || 39 ||
[Analyze grammar]

viprā ūcuḥ |
namaste brahmaputryāstu namaste brahmacāriṇi |
namaste jagatāṃ mātarnamaste sarvage sadā || 40 ||
[Analyze grammar]

kṣunnidrā tvaṃ tṛṣā tvaṃ ca krodhataṃdrādayastathā |
tvaṃ śāṃtistvaṃ ratiścaiva tvaṃ jayā vijayā tathā || 41 ||
[Analyze grammar]

brahmaviṣṇumaheśādyaistvaṃ prapannā sureśvari |
sāvitrī śrīrumā caiva tvaṃ ca mātā vyavasthitā || 42 ||
[Analyze grammar]

brahmaviṣṇu sureśānāstvadādhāre vyavasthitāḥ |
namastubhyaṃ jaganmātardhṛtipuṣṭisvarūpiṇi || 43 ||
[Analyze grammar]

ratiḥ krodhā mahāmāyā chāyā jyotiḥsvarūpiṇi |
sṛṣṭi sthityaṃtakṛddevi kāryakāraṇadā sadā || 44 ||
[Analyze grammar]

dharā tejastathā vāyuḥ salilākāśameva ca |
namaste'stu mahāvidye mahājñānamaye'naghe || 45 ||
[Analyze grammar]

hrīṃkārī devarūpā tvaṃ klīṃkārī tvaṃ mahādyute |
ādimadhyāvasānā tvaṃ trāhi cāsmānmahābhayāt || 46 ||
[Analyze grammar]

mahāpāpo hi duṣṭātmā daityo'yaṃ bādhate'dhunā |
trāṇarūpā tvamekā ca asmākaṃ kuladevatā || 47 ||
[Analyze grammar]

trāhitrāhi mahādevi rakṣarakṣa maheśvari |
hanahana dānavaṃ duṣṭaṃ dvijātīnāṃ vighnakārakam || 48 ||
[Analyze grammar]

evaṃ stutā tadā devī mahāmāyā dvijanmabhiḥ |
karṇāṭasya vadhārthāya dvijātīnāṃ hitāya ca |
pratyakṣā sā'bhavattatra varaṃ brūhītyuvāca ha || 49 ||
[Analyze grammar]

śrīmātovāca |
kena vai trāsitā viprāḥ kena vodvejitāḥ punaḥ |
tasyāhaṃ kupitā viprā nayiṣye yamasādanam || 50 ||
[Analyze grammar]

kṣīṇāyuṣaṃ naraṃ vitta yena yūyaṃ nipīḍitāḥ |
dadāmi vo dvijātibhyo yatheṣṭaṃ vaktumarhatha || 51 ||
[Analyze grammar]

bhaktyā hi bhavatāṃ viprāḥ kariṣye nātra saṃśayaḥ || 52 ||
[Analyze grammar]

dvijā ūcuḥ |
karṇāṭākhyo mahāraudro dānavo madagarvitaḥ |
vighnaṃ prakurute nityaṃ satyamaṃdiravāsinām || 53 ||
[Analyze grammar]

brāhmaṇānsatyaśīlāṃśca vedādhyayanatatparān |
dveṣāddveṣṭi dveṣaṇastānnityameva mahāmate |
vedavidveṣaṇo duṣṭo ghātayainaṃ mahādyute || 54 ||
[Analyze grammar]

vyāsa uvāca |
tathetyuktvā tu sā devī prahasya kuladevatā |
vadhopāyaṃ viciṃtyāsya bhaktānāṃ rakṣaṇāya vai || 55 ||
[Analyze grammar]

tataḥ kopaparā jātā śrīmātā nṛpasattama |
kopena bhṛkuṭīṃ kṛtvā raktanetrāṃtalocanām || 56 ||
[Analyze grammar]

kopena mahatā'viṣṭā vasaṃtī pāvakaṃ yathā |
mahājvālā mukhānnetrānnāsākarṇācca bhārata || 57 ||
[Analyze grammar]

tattejasā samudbhūtā mātaṃgī kāmarūpiṇī |
kālī karā lavadanā durdarśavadanojjvalā || 58 ||
[Analyze grammar]

raktamālyāṃbaradharā madāghūrṇitalocanā |
nyagrodhasya samīpe sā śrīmātā saṃśritā tadā || 59 ||
[Analyze grammar]

aṣṭādaśabhujā sā tu śubhā mātā suśobhanā |
dhanurbāṇadharā devī khaḍgakheṭakadhāriṇī || 60 ||
[Analyze grammar]

kuṭhāraṃ kṣurikāṃ bibhrattriśūlaṃ pānapātrakam |
gadāṃ sarpaṃ ca parighaṃ pinākaṃ caiva pāśakam || 61 ||
[Analyze grammar]

akṣamālādharā rājanmadyakuṃbhānudhāriṇī |
śaktiṃ ca muśalaṃ cograṃ kartarīṃ kharparaṃ tathā || 62 ||
[Analyze grammar]

kaṃṭakāḍhyāṃ ca badarīṃ bibhratī tu mahānanā |
tatrābhavanmahāyuddhaṃ tumulaṃ lomaharṣaṇam || 63 ||
[Analyze grammar]

mātaṃgyāḥ saha karṇāṭadānavena nṛpottama || 64 ||
[Analyze grammar]

yudhiṣṭhira uvāca |
kathaṃ yuddhaṃ samabhavatkathaṃ caivāpavartata |
jitaṃ kenaiva dharmajña tanmamācakṣva māriṣa || 65 ||
[Analyze grammar]

vyāsa uvāca |
ekadā śṛṇu rājeṃdra yajjātaṃ daityasaṃgare |
tatsarvaṃ kathayāmyāśu yathāvṛttaṃ hi tatpurā || 66 ||
[Analyze grammar]

praṇaṣṭayoṣā ye viprā vaṇijaścaiva bhārata |
caitramāse tu saṃprāpte dharmāraṇye nṛpottama || 67 ||
[Analyze grammar]

gaurīmudvāhayāmāsurviprāste saṃśitavratāḥ |
svasthānaṃ suśubhaṃ jñātvā tīrtharājaṃ tathottamam || 68 ||
[Analyze grammar]

vivāhaṃ tatra kurvaṃto militāste dvijottamāḥ |
koṭikanyākulaṃ tatra ekatrāsīnmahotsave |
dharmāraṇye mahāprājña satyaṃ satyaṃ vadāmyaham || 69 ||
[Analyze grammar]

caturthyāmapararātre'bhyaṃtarato'gnimādadhuḥ |
āsanaṃ brahmaṇe dattvā agniṃ kṛtvā pradakṣiṇam || 70 ||
[Analyze grammar]

sthālīpākaṃ ca kṛtvātha kṛtvā vedīḥ śubhāstadā |
caturhastāḥ sakalaśā nāgapāśa samanvitāḥ || 71 ||
[Analyze grammar]

vedamaṃtreṇa śubhreṇa maṃtrayaṃte tato dvijāḥ |
caratāṃ daṃpatīnāṃ hi pariveśya yathocitam || 72 ||
[Analyze grammar]

brahmaṇā sahitāstatra vāḍavā ste suharṣitāḥ |
kurvate vedanirghoṣaṃ tārasvaranināditam || 73 ||
[Analyze grammar]

tena śabdena mahatā kṛtsnamāpūritaṃ nabhaḥ |
taṃ śrutvā dānavo ghoro vedadhvaniṃ dvije ritam || 74 ||
[Analyze grammar]

utpapātāsanāttūrṇaṃ sasainyo gatacetanaḥ |
dhāvataḥ sarvabhṛtyāstaṃ ye cānye tānuvāca saḥ || 75 ||
[Analyze grammar]

śrūyatāṃ kutra śabdo'yaṃ vāḍavānāṃ samutthitaḥ |
tasya tadvacanaṃ śrutvā daiteyāḥ satvaraṃ yayuḥ || 76 ||
[Analyze grammar]

vibhrāṃtacetasaḥ sarve itaścetaśca dhāvitāḥ |
dharmāraṇye gatāḥ kecittatra dṛṣṭā dvijā tayaḥ || 77 ||
[Analyze grammar]

udgiraṃto hi nigamānvivāhasamaye nṛpa |
sarvaṃ nivedayāmāsuḥ karṇāṭāya durātmane || 78 ||
[Analyze grammar]

tacchrutvā raktatāmrākṣo dvijadviṭ kopapū ritaḥ |
abhyadhāvanmahābhāga yatra te daṃpatī nṛpa || 79 ||
[Analyze grammar]

khamāśritya tadā daityamāyāṃ kurvansa rākṣasaḥ |
aharaddaṃpatī rājansarvālaṃkārasaṃyutān || 80 ||
[Analyze grammar]

tataste vāḍavāḥ sarve saṃgatā bhuvaneśvarīm |
buṃbāravaṃ prakurvāṇāstrāhitrāhīti cocire || 81 ||
[Analyze grammar]

tacchrutvā viśvajananī mātaṃgī bhuvaneśvarī |
siṃhanādaṃ prakurvāṇā triśūlavaradhāriṇī || 82 ||
[Analyze grammar]

tataḥ pravavṛte yuddhaṃ devīkarṇāṭayostathā |
ṛṣīṇāṃ paśyatāṃ tatra vaṇijāṃ ca dvijanmanām || 83 ||
[Analyze grammar]

paśyatāmabhavayuddhaṃ tumulaṃ lomaharṣaṇam |
astraiściccheda mātagī madavihvalitaṃ ripum || 84 ||
[Analyze grammar]

so'pi daityastatastasyā bāṇenaikena vakṣasi |
asāvapi triśūlena ghātitaḥ kaśmalaṃ gataḥ || 85 ||
[Analyze grammar]

muṣṭibhiścaiva tāṃ devīṃ so'pi tāḍayate'suraḥ |
so'pi devyā tataḥ śīghraṃ nāgapāśena yaṃtritaḥ || 86 ||
[Analyze grammar]

tatastenaiva daityena garuḍāstraṃ samādadhe |
tayā nārāyaṇāstraṃ tu saṃdadhe śarapātanam || 87 ||
[Analyze grammar]

evamanyonyamākṛṣya yudhyamānau jayecchayā |
tataḥ parighamādāya āyasaṃ daityapuṃgavaḥ || 88 ||
[Analyze grammar]

mātaṃgīṃ prati saṃkuddho jaghāna paravīrahā |
devī kruddhā muṣṭipātaiścūrṇayāmāsa dānavam || 89 ||
[Analyze grammar]

tena muṣṭiprahāreṇa mūrcchito nipapāta ha |
tatastu sahasotthāya śaktiṃ dhṛtvā kare mudā || 90 ||
[Analyze grammar]

śataghnīṃ pātayāmāsa tasyā upari dānavaḥ |
śaktiṃ ciccheda sā devī mātaṃgī ca śubhānanā || 91 ||
[Analyze grammar]

jahāsoccaistu sā subhraḥ śataghnīṃ vajrasannibhā |
eva manyonyaśastraughairardayaṃtau parasparam || 92 ||
[Analyze grammar]

tatastriśūlena hato hṛdaye nipapāta ha |
mūrchāṃ vihāya daityo'sau māyāṃ kṛtvā ca rākṣasīm || 93 ||
[Analyze grammar]

paśyatāṃ tatra teṣāṃ tu adṛśyo'bhūnmahāsuraḥ |
papau pānaṃ tato devī jahāsāruṇalocanā || 94 ||
[Analyze grammar]

sarvatragaṃ taṃ sā devī trailokye sacarācare || 95 ||
[Analyze grammar]

kva pāsyastīti brūte sā brūhi tvaṃ sāṃprataṃ hi me |
karṇāṭaka mahāduṣṭa ehi śīghraṃ hi yudhyatām || 96 ||
[Analyze grammar]

tato'bhavanmahāyuddhaṃ dāruṇaṃ ca bhayānakam |
papau devī tu maireyaṃ vadhārthaṃ sumahābalā || 97 ||
[Analyze grammar]

mātaṃgī ca tataḥ kruddhā vaktre cikṣepa dānavam |
tato'pi dānavo raudro nāsāraṃdhreṇa nirgataḥ || 98 ||
[Analyze grammar]

yudhyate sa punardaityaḥ karṇāṭo madapūritaḥ |
tato devī prakupitā mātaṃgī madapūritā || 99 ||
[Analyze grammar]

daśanairmathayitvā ca carvayitvā punaḥpunaḥ |
śavāsthi me dasā yuktaṃ majjāmāṃsādipūritam || 100 ||
[Analyze grammar]

nakharomābhisaṃyuktaṃ prakṣipya codare'suram |
karekeṇa mukhaṃ ruddhaṃ kareṇaikena nāsikām || 1 ||
[Analyze grammar]

tato mahābalo daityaḥ karṇaraṃdhreṇa nirgataḥ |
tatastayā mahādevyā nāma cakre tadā bhuvi || 2 ||
[Analyze grammar]

karṇaraṃdhraprasūto'yaṃ karṇāṭeti vidurbudhāḥ |
punaryuddhārthamāyāto daityo hi baladarpitaḥ || 3 ||
[Analyze grammar]

garjamānosurastatra sāyudho yudhi saṃsthitaḥ |
taṃ dṛṣṭvā duḥsahaṃ daityaṃ vimṛśya ca punaḥ punaḥ || 4 ||
[Analyze grammar]

vadhopāyaṃ hi mātaṃgī ciṃtayāmāsa bhārata |
yadā ciṃtayate devī mātaṃgī madapūritā || 5 ||
[Analyze grammar]

māyārūpaṃ samāsthāya karṇāṭaḥ kusumāyudhaḥ |
gauraścāṃbujapatrākṣaṃ stathā ṣoḍaśavārṣikam || 6 ||
[Analyze grammar]

abhyetya devīṃ brūte sma māṃ tvaṃ varaya śobhane || 7 ||
[Analyze grammar]

śrīmātovāca |
sādhu cedaṃ tvayā proktaṃ daityarāja suniścitam |
rūpeṇa sadṛśo nānyo vidyate bhuvanatraye || 8 ||
[Analyze grammar]

pratijñā me kṛtā pūrvaṃ śrutā kimasurottamaṃ |
mamānujā śubhā śyāmā vivāhe vipra kāṃkṣiṇī || 9 ||
[Analyze grammar]

pitrā me sthāpitā daitya rakṣārthaṃ hi dvijanmanām |
 kevalaṃ śyāmalāṃgī sā sarvalokahitāvahā || 110 ||
[Analyze grammar]

na kaścidvarayetka nyāmityuktvā sthāpitā tu sā |
kathayāśu tava śubhaṃ śrutvopāyaṃ kathaṃ śubham || 11 ||
[Analyze grammar]

bhaginī me'sti daityeṃdra śyāmalāhyaparigrahā |
tavārthaṃ rakṣitā śūra tāṃ ca pūrveṇa codvaha || 12 ||
[Analyze grammar]

sa pitā tāṃ mahāvīra dāsyate vai śubhāmimām |
gaccha tvaṃ vriyatāṃ hyeva śyāmalā kopasaṃyutā || 13 ||
[Analyze grammar]

tataḥ karṇāṭakaḥ kruddho gṛhītvā śaktimūrjitām |
abhyadhāvata duṣṭātmā śyāmalānidhanecchayā || 14 ||
[Analyze grammar]

āgataṃ cāsuraṃ dṛṣṭvā śyāmalā sumahāmanāḥ |
vivāhārthaṃ paraṃ jñātvā'bhiprāyaṃ duṣṭacetasaḥ || 15 ||
[Analyze grammar]

mahāyuddhamabhūttatra śyāmalā'suravaryayoḥ |
māsatrayaṃ tato rājaṃścābhavattumulaṃ kṣitau || 16 ||
[Analyze grammar]

māghe kṛṣṇatṛtīyāyāṃ dharmāraṇye mahāraṇe |
madhyāhnasamaye bhūpa karṇāṭākhyo nipātitaḥ || 17 ||
[Analyze grammar]

kārṇāṭiḥ patitastatra yatra devyā nipātitaḥ |
tacchaila śṛṃgapratimaṃ papāta śira uttamam || 18 ||
[Analyze grammar]

cacāla sakalā pṛthvī sābdhidvīpā saparvatā |
tato viprāḥ prahṛṣṭāste jaya mātarudairayan || 19 ||
[Analyze grammar]

jagurgandharvapatayo nanṛtuścāpsarogaṇāḥ |
tatotsavaṃ prakurvanto gītaṃ nṛtyaṃ śubhapradam || 120 ||
[Analyze grammar]

pāyasairvaṭakaiścaiva naivedyairmodakaistathā |
tuṣṭavuḥ śubhavāṇyā te sthāne moṭerake vare || 21 ||
[Analyze grammar]

śrīmatī pūjitā sā ca sutasaukhyadhanapradā |
mahotsave ca saṃprāpte mātaṃgīpūjanaṃ hitam || 22 ||
[Analyze grammar]

ye 'rcayaṃti sthāpayitvā dhanaputrārthasiddhaye |
sukhaṃ kīrtiṃ tathāyuṣyaṃ yaśaḥ puṇyaṃ samāpnuyuḥ || 23 ||
[Analyze grammar]

vyādhayo nāśamāyāṃti cādityādyā grahāḥ śubhāḥ |
bhūtavetālaśākinyo jaṃbhādyāḥ pīḍayanti na || 24 ||
[Analyze grammar]

na jāyate tathā kvāpi pretādīnāṃ prapīḍanam |
tato viprāḥ prahṛṣṭāśca stutiṃ kartuṃ samudyatāḥ || 25 ||
[Analyze grammar]

śrīmātā caiva śaktīśca mātaṃgīmastuvaṃstadā |
śyāmalāṃ ca mahādevīṃ harṣeṇa mahatāyutā || 26 ||
[Analyze grammar]

viprā ūcuḥ |
mātastvamevamasmākaṃ rakṣikā sthānake bhava |
daṃpatīnāṃ hitārthāya yathā nodvijate dvijāḥ || 27 ||
[Analyze grammar]

mātaṃgyuvāca |
tuṣṭāhaṃ vo mahābhāgāḥ stavenānena vo dvijāḥ |
varayadhvaṃ varaṃ yadvo manasā samabhīpsitam || 28 ||
[Analyze grammar]

brāhmaṇā ūcuḥ |
dāsyāmahe baliṃ devi yaste manasi vartate |
asmākaṃ caiva dampatyo rakṣārthaṃ tvaṃ sthirā bhava || 29 ||
[Analyze grammar]

devyuvāca |
svasthāḥ saṃtu dvijāḥ sarve na ca pīḍā bhaviṣyati |
mayi sthitāyāṃ durdharṣā daityā ye'nye ca rākṣasāḥ || 130 ||
[Analyze grammar]

śākinībhūtapretāśca jaṃbhādyāśca grahāstathā |
śākinyādigrahāścaiva sarpā vyāghrādayastathā || 131 ||
[Analyze grammar]

pīḍayiṣyaṃti na kvāpi sthitāyāṃ mayi śāsane |
mahotsavaṃ yaḥ kurute vivāhe samupasthite || 32 ||
[Analyze grammar]

daṃpatyośca hitārthaṃ hi pūjayenmāṃ sadā naraḥ |
tasyāhaṃ sakalā bādhāṃ nāśayiṣyāmyasaṃśayam || 33 ||
[Analyze grammar]

nādhayo vyādhayaścaiva na kleśo na ca saṃbhramaḥ |
prāpyate paramaṃ saukhyaṃ yaśaḥ puṇyaṃ dhanaṃ sadā |
nākāle maraṇaṃ tasya vātapittādikaṃ nahi || 34 ||
[Analyze grammar]

viprā ūcuḥ |
kena vā vidhinā pūjā naivedyaṃ kīdṛśaṃ bhavet |
dhūpaṃ ca kīdṛśaṃ mātaḥ kathaṃ pūjāṃ prakalpayet || 35 ||
[Analyze grammar]

śrīdevyuvāca |
śrūyatāṃ me vaco viprā patre caiva hiraṇmaye |
likhitvā pūjayedyastu cirāyurdaṃpatī bhavet || 36 ||
[Analyze grammar]

athavā rājate patre kāṃsapatre'thavā punaḥ |
aṣṭādaśabhujā devī caṃdanena vicarcitā || 37 ||
[Analyze grammar]

śūrpaṃ śaraiḥ kare śvānaṃ padmaṃ tu paramaṃ punaḥ |
karttarīṃ kārayedekāṃ tūṇīraṃ ca dhanūṃṣi ca || 38 ||
[Analyze grammar]

carma pāśaṃ mudgaraṃ ca kāṃsālaṃ tomaraṃ tathā |
śaṃkhaṃ cakraṃ gadāṃ śubhrāṃ muśalaṃ parighaṃ śubham || 39 ||
[Analyze grammar]

khaṭvāṃgaṃ badarīṃ caiva aṃkuśaṃ ca manoramam |
aṣṭādaśāyudhairebhiḥ saṃyutā bhuvaneśvarī || 140 ||
[Analyze grammar]

likhetsakuṃḍalāṃ devīṃ bāhunūpurabhūṣitām |
keyūramuktāpadmaiśca muṃḍamālābhiranvitām || 41 ||
[Analyze grammar]

mātṛkākṣaraparivṛtāmaṃgulīya kasaṃyutām |
nānābharaṇaśobhāḍhyāṃ likhitvā bhuvaneśvarīm || 42 ||
[Analyze grammar]

mātaṃgīmiti vikhyātāṃ pratiṣṭhārthaṃ dvijottamāḥ |
candanena ca hṛdyena puṣpaiścaiva prapūjayet || 43 ||
[Analyze grammar]

yakṣakardamamānīya mātaṃgīṃ pūjayetsudhīḥ |
ghṛtena bodhayeddīpaṃ saptavartiyutaṃ śubham || 44 ||
[Analyze grammar]

dhūpayedguggulenātha sājyenāti sugaṃdhinā |
nālikereṇa śubhreṇa dadyādarghaṃ ca daṃpatī || 45 ||
[Analyze grammar]

pradakṣiṇāḥ prakurvīta caturaḥ sumanoramam |
vastrāṃśukaṃ guṃṭhayitvā agre kṛtvā ca daṃpatī || 46 ||
[Analyze grammar]

prokṣiṇīkṛtya mātaṃgyāḥ prāśya mādhvīkamuttamam |
gītavāditranirghoṣairmātaṃgīṃ pūjayetsudhīḥ || 47 ||
[Analyze grammar]

suvāsinīstu tadrūpā mātaṃgīsaṃbhavā iti |
nṛtyaṃtī dampatī cāgre sarvopadravaśāṃtaye || 48 ||
[Analyze grammar]

naivedyaṃ vividhānnena aṣṭādaśavidhaṃ śubham |
vaṭakāpūpikāḥ śubhrāḥ kṣīraṃ śarkarayā yutam || 49 ||
[Analyze grammar]

ballākaraṃ varaṃ yūpā kṣiptakulmāṣakaṃ tathā |
sohālikā bhinnavaṭā lāpsikā padmacūrṇakam || 150 ||
[Analyze grammar]

śaiveyā vimalāstatra parpaṭāḥ śālakādayaḥ |
pūraṇaṃ tasya māsasya kuryācchubhraṃ manoramam || 51 ||
[Analyze grammar]

rājamāṣāḥ sūpacitāḥ kalpayettatra daṃpatī |
pheṇikā ropikāstatra kuryāccaiva manoramāḥ || 52 ||
[Analyze grammar]

etānyaṣṭādaśānyāni pakvānnāni prakalpayet |
ājyaśarkarāyuktāni yuktāni śākasaṃcayaiḥ || 53 ||
[Analyze grammar]

rātrau jāgaraṇaṃ kāryaṃ suvāsinīṃ ca pūjayet |
mukhāvalokanaṃ cājye kurvīyātāṃ ca dampatī || 54 ||
[Analyze grammar]

parasparaṃ hi kurvīta utpātapariśāṃtaye |
evaṃ vidhaṃ mayākhyātaṃ mātaṃgīpūjanaṃ śubham || 55 ||
[Analyze grammar]

na pūjayati yo mūḍhastasya vipraṃ karoti sā |
daṃpatyormaraṇaṃ cātha dhananāśaṃ mahābhayam || 56 ||
[Analyze grammar]

kleśaṃ rogaṃ tathā vahneḥ prādurbhāvaṃ prapaśyati |
etasmātkāraṇādviprā mātaṃgīṃ pūjayetsudhīḥ || 57 ||
[Analyze grammar]

daṃpatīnāṃ ca sarveṣāṃ dvijātīnāṃ ca śāsane |
vaṇijāṃ ca mahādevī nirvighnaṃ kurute sadā || 58 ||
[Analyze grammar]

tatheti caiva tairukte punarvacanamabravīt |
śrūyatāṃ brāhmaṇāḥ sarve vivāhādimahotsavam || 59 ||
[Analyze grammar]

madīyavacanaṃ śrutvā tathā kuruta vai vidhim |
vivāhakāle saṃprāpte daṃpatyoḥ saukhyahetave || 160 ||
[Analyze grammar]

nirvighnārthaṃ tu kartavyaṃ nijaiśca saha sevakaiḥ |
aṃjanaṃ nayane kuryātsaṃ baṃdhināṃ va sarvaśaḥ || 61 ||
[Analyze grammar]

bhrūmadhyāttu prakarttavyamarddhacaṃdrasamākṛti |
biṃduṃ tu kārayedviprāstasyopari manoharam || 62 ||
[Analyze grammar]

evaṃ kṛte tadā viprāḥ śāṃtirbhavati nānyathā |
putravṛddhikaraṃ caitattilakaṃ cārddhabiṃbakam |
sarvavighnaharaṃ sarvadauḥsthyavyādhivināśanam || 63 ||
[Analyze grammar]

vyāsa uvāca |
tataḥ śāṃtāḥ prajāḥ sarvā dharmāraṇye narādhipa |
prasādāccaiva mātaṅgyā devyā vai satyamaṃdire || 64 ||
[Analyze grammar]

tato hṛṣṭahṛdā viprāḥ pupūjuste vidheḥ sutām |
mātaṃgyāśca prakarttavyaṃ varṣevarṣe ca pūjanam || 65 ||
[Analyze grammar]

māghāsite tṛtīyāyāṃ bhakṣyabhojyādibhistathā |
karṇāṭasya tathotpattiḥ punarjātā tu bhūtale || 66 ||
[Analyze grammar]

bhayāccaiva hi tatsthānaṃ tyaktvā yāmyamagāttataḥ |
gacchamānastadā daityo yakṣmarūpo hyabhāṣata || 67 ||
[Analyze grammar]

śrūyatāṃ bho dvijāḥ sarve dharmāraṇyanivāsinaḥ |
vaṇijaśca mahaccedaṃ madvākyaṃ paripālyatām || 68 ||
[Analyze grammar]

māghamāse hi matprītyā nirvighnārthaṃ sadā bhuvi |
tridalena ca dhānyena mūlakena viśeṣataḥ || 69 ||
[Analyze grammar]

tila tailena vā kuryātpuruṣo niyatavrataḥ |
ekāśanaṃ hi kurute yakṣmaprītyai niraṃtaram || 170 ||
[Analyze grammar]

ābālayauvanenaiva vṛddhenāpīha sarvadā |
varṣevarṣe prakarttavyaṃ yakṣmaṇo vratamuttamam || 71 ||
[Analyze grammar]

yasmingṛhe hi yāvacca puruṣākārarūpiṇaḥ |
tasyāhvayaṃ prakuryusta ekabhaktaratāḥ sadā || 72 ||
[Analyze grammar]

bālasyārthe tu jananī kurute vratamuttamam |
pitā vāpyathavā bhrātā yannimittaṃ vrataṃ caret || 73 ||
[Analyze grammar]

na ca tasya bhayaṃ kvāpi na vyādhirna ca baṃdhanam |
bharturnimitte strī kuryādaśakte tvitareṇa ca || 74 ||
[Analyze grammar]

evaṃ samādiśandaityaḥ satyamaṃdiramutsṛjan |
gato'sau yāmyadigbhāga udadhestīra uttame || 75 ||
[Analyze grammar]

vipulaṃ deha māsādya karṇāṭaḥ sa narādhipa |
svanāmnā caiva taṃ deśaṃ sthāpayāmāsa cottamam || 76 ||
[Analyze grammar]

yasmiṃśca sarvavastūni dhanadhānyāni bhūriśaḥ |
karṇāṭadeśaṃ taṃ rājanparivārya ciraṃ sthitaḥ || 77 ||
[Analyze grammar]

dharmāraṇyakathāṃ puṇyāṃ kathitāṃ narasattama |
śrīmātuścaiva māhātmyaṃ śṛṇvaṃti śrāvayaṃti ye || 78 ||
[Analyze grammar]

teṣāṃ kule kadā cittu ariṣṭaṃ naiva jāyate |
aputro labhate putrāndhanahīnastu saṃpadaḥ |
āyurārogyamaiśvaryaṃ śrīmātuśca prasādataḥ || 179 ||
[Analyze grammar]