Chapter 7

[English text for this chapter is available]

śrīsūta uvāca |
svasainyamavalokyātha mahiṣo dānaveśvaraḥ |
hataṃ devyā mahākrodhāccaṃḍakopamathābravīt || 1 ||
[Analyze grammar]

mahiṣa uvāca |
caṃḍakopa mahāvīrya yuddhyasvaināṃ durātmikām |
tathāstviti sa coktvātha caṃḍakopaḥ pratāpavān || 2 ||
[Analyze grammar]

avākiradbāṇavarṣairdevīṃ samaramūrddhani |
bāṇajālāni tasyāśu caṃḍakopasya līlayā || 3 ||
[Analyze grammar]

chittvā jaghāna śastreṇa caṃḍakopasya sāṃbikā |
cakarta vājino'pyasya sārathiṃ ca dhvajaṃ dhanuḥ || 4 ||
[Analyze grammar]

unmamātha rathaṃ cāpi taṃ bāṇairhṛdyatāḍayat |
sa bhagnadhanvā viratho hatāśvo hatasārathiḥ || 5 ||
[Analyze grammar]

caṃḍakopastato devīṃ khaḍgacarmadharo'bhyagāt |
khaḍgena siṃhamājaghne devyā vāhaṃ mahāsuraḥ || 6 ||
[Analyze grammar]

devīmapi bhuje savye khaḍgena prajaghāna saḥ |
khaṅgo devyā bhuje savye vyaśīryata sahasradhā || 7 ||
[Analyze grammar]

tataḥ śūle na mahatā caṃḍakopaṃ tadāṃbikā |
jaghāna hṛdaye so'pi papāta ca mamāra ca || 8 ||
[Analyze grammar]

caṃḍakope hate tasminmahāvīrye mahābale |
citrabhānurgajārūḍho devīṃ tāmabhyadhāvata || 9 ||
[Analyze grammar]

divyāṃ śaktiṃ sasarjātha mahāghaṃṭāravākulām |
nyavārayata huṃkārairdevī śaktiṃ nirākulām || 10 ||
[Analyze grammar]

tataḥ śūlena sā devī citrabhānuṃ vyadārayat |
mṛte tasmiṃstato yuddhe karālo drutamabhyagāt || 11 ||
[Analyze grammar]

karamuṣṭiprahāreṇa so'pi devyā nipātitaḥ |
tato devī madonmattaṃ gadayā vyasumātanot || 12 ||
[Analyze grammar]

bāṣkalaṃ paṭṭiśenāpi cakreṇāpi tathāṃtikam |
prāhiṇodyamalokāya durgā devī dvijottamāḥ || 13 ||
[Analyze grammar]

evamanyānmahākāyānmaṃtriṇo mahiṣasya ca |
śūlena prothayitvātha prāhiṇodyamasādanam || 14 ||
[Analyze grammar]

ātmasainye hate tvevaṃ durgayā mahiṣāsuraḥ |
māhiṣeṇātha rūpeṇa gaṇāndevyā abhakṣayat || 15 ||
[Analyze grammar]

tuṇḍena nijaghānaikānsurāghātaistathāparān |
niśvāsavāyubhiścānyānpātayāmāsa roṣitaḥ || 16 ||
[Analyze grammar]

devyā bhūtagaṇaṃ tvevaṃ nihatya mahiṣāsuraḥ |
siṃhaṃ mārayituṃ devyāścukrodha ca nanāda ca || 17 ||
[Analyze grammar]

tataḥ siṃho'bhavatkruddho mahāvīryo mahābalaḥ |
surābhi ghātanirbhinnamahītalamahīdharaḥ || 18 ||
[Analyze grammar]

mahiṣāsuramāyāṃtaṃ nakhairenaṃ vyadārayat |
caṃḍikāpi tataḥ kruddhā vadhe tasyākaronmatim || 19 ||
[Analyze grammar]

babandha pāśairmahiṣaṃ caṃḍikā kopamūrcchitā |
mocayitvā tataḥ pāśāṃstyaktamāhiṣaveṣavān || 2 ||
[Analyze grammar]

siṃhaveṣo'bhavaddaityo mahābalaparākramaḥ |
devī tasya śiroyāvacchettuṃ buddhimadhārayat || 21 ||
[Analyze grammar]

tāvatsa puruṣo bhūtvā khaḍgapāṇiradṛśyata |
atha taṃ puruṣaṃ devī khaḍgahastaṃ śarotkaraiḥ || 22 ||
[Analyze grammar]

jaghāna tīkṣṇadhārāgraiḥ paramarmavidāraṇaiḥ |
tataḥ sa puruṣo viprā gajo'bhūddhastadantavān || 23 ||
[Analyze grammar]

durgāyā vāhanaṃ siṃhaṃ kareṇa vicakarṣa ca |
tataḥ siṃhaḥ karaṃ tasya vicakarta nakhāṃkuraiḥ || 24 ||
[Analyze grammar]

bhūyo mahāsuro jāto māhiṣaṃ veṣamāśritaḥ |
tataḥ kruddhā bhadrakālī mahatpānamasevata || 25 ||
[Analyze grammar]

tataḥ pānavaśā nmattā jahāsāruṇalocanā |
mahiṣaḥ so'pi garveṇa śṛṃgābhyāṃ parvatotkarān || 26 ||
[Analyze grammar]

caṃḍikāṃ pratiṃ cikṣepa sā ca tānacchinaccharaiḥ |
tato devī jaga nmātā mahiṣāsuramabravīt || 27 ||
[Analyze grammar]

devyuvāca |
kuru garvaṃ kṣaṇaṃ mūḍha madhu yāvatpibāmyaham |
nivṛttamadhupānāhaṃ tvāṃ nayiṣye yamakṣayam || 28 ||
[Analyze grammar]

hate tvayi durādharṣe mayā daivatakaṃṭake |
svaṃsvaṃ sthānaṃ prapadyaṃtāṃ siddhā sādhyā marudgaṇāḥ || 29 ||
[Analyze grammar]

uktvaivaṃ tāḍayāmāsa muṣṭinā mahiṣāsuram |
tāḍito'yaṃ tato devyā mahiṣo bhṛśavihvalaḥ || 3 ||
[Analyze grammar]

dakṣiṇasyodadhestīrepradudrāva tvarānvitaḥ |
anududrāva taṃ devī siṃhamāruhya vāhanam || 31 ||
[Analyze grammar]

anudrutastato devyā mahiṣo dānaveśvaraḥ |
dharmapuṣkīraṇītoye daśayojanamāyate || 32 ||
[Analyze grammar]

praviśyāṃtarhitastasthau durgātāḍanavihvalaḥ |
tato durgā samāsādya dharmapuṣkariṇītaṭam || 33 ||
[Analyze grammar]

nadadarśāsuraṃ tatra mahiṣaṃ caṃḍikā tadā |
aśarīrā tato vāṇī durgā devīmabhāṣata || 34 ||
[Analyze grammar]

bhadrakāli mahādevi mahiṣo dānavastvayā |
tāḍito muṣṭinā bhadre dharmapuṣkariṇījale || 35 ||
[Analyze grammar]

asminnaṃtarhitaḥ śete bhayārto mārayasva tam |
yenakenāpyupāyena cainaṃ prāṇairviyojaya || 36 ||
[Analyze grammar]

evaṃ vācā'śarī riṇyā kathitā caṃḍikā tadā |
prāha svavāhanaṃ siṃhamasureṃdravadhodyatā || 37 ||
[Analyze grammar]

mṛgeṃdra siṃhavikrāṃta mahāvalaparākrama |
dharmapuṣkīraṇītoyaṃ niḥśeṣaṃ pīya tāṃ tvayā || 38 ||
[Analyze grammar]

devyaivamuktaḥ paṃcāsyo dharmapuṣkariṇījalam |
niḥśeṣaṃ ca papau viprā yathā pāṃsurbhavettathā || 39 ||
[Analyze grammar]

niragānmahiṣo dīnastatastasmā jjalāśayāt |
āyāṃtamasuraṃ devī pādenākramya mūrddhani || 40 ||
[Analyze grammar]

kaṃṭhaṃ śūlena tīkṣṇena pīḍayāmāsa kopitā |
tato devyasimādāya cakartāsya śiro mahat || 41 ||
[Analyze grammar]

evaṃ sa mahiṣo viprāḥ sabhṛtyabalavāhanaḥ |
durgayā nihato bhūmau papāta ca mamāra ca || 42 ||
[Analyze grammar]

tato devāḥ sagaṃdharvāḥ siddhāśca paramarṣayaḥ |
stutvā devīṃ tataḥ stotraistuṣṭā jahṛṣire tadā || 43 ||
[Analyze grammar]

anujñātāstato devyā devā jagmuryathāgatam |
tato devī jaganmātā sva nāmnā puramuttamam || 44 ||
[Analyze grammar]

dakṣiṇasya samudrasya tīre cakre tadottare |
tato devyanuśiṣṭāste devāḥ śakrapurogamāḥ || 45 ||
[Analyze grammar]

pūrayāmāsuramṛtairdharmapuṣka riṇīṃ tadā |
tato hyamṛtatīrthākhyāṃ lebhe tattīrthamuttamam || 46 ||
[Analyze grammar]

tato devī varamadātsvapurasya mudānvitā |
paśavyaṃ cāparogaṃ ca purametadbhavatviti || 47 ||
[Analyze grammar]

dadau tīrthāya ca varaṃ snātānāmatra vai nṛṇām |
yathābhilāṣaṃ siddhiḥ syādityuktvā sā divaṃ yayau || 49 ||
[Analyze grammar]

śrīsūta uvāca |
yatsvanāmnā cakāredaṃ devī puramanuttamam |
devīpattanamityuktaṃ tena devyāḥ purottamam || 49 ||
[Analyze grammar]

devīpattanamārabhya sumuhūrte dine dvijāḥ |
vighneśvaraṃ praṇamyādau salilasvāminaṃ tathā || 50 ||
[Analyze grammar]

mahādevābhyanujñāto rāmacaṃdro'tidhārmikaḥ |
sthāpayitvā svahastena pāṣāṇanavakaṃ mudā || 51 ||
[Analyze grammar]

setumārabdhavānviprā yāvallaṃkāmataṃdritaḥ |
siṃhāsanaṃ samāruhya rāmo nalakṛtaṃ śubham || 52 ||
[Analyze grammar]

vānaraiḥ kārayāmāsa setumabdhau nalādibhiḥ |
parvatāñchākhinovṛkṣāndṛṣadaḥ kāṣṭhasaṃcayān || 53 ||
[Analyze grammar]

tṛṇāni ca samājahrurvānarā vanamadhyataḥ || 54 ||
[Analyze grammar]

nalastāni samādāya cakre setuṃ mahodadhau |
paṃcabhirdivasaiḥ seturyāvallaṃkāsamīpataḥ || 55 ||
[Analyze grammar]

daśayojanavistīrṇaśśatayojanamāyataḥ |
kṛtaḥ seturnalenābdhau puṇyaḥ pāpavināśanaḥ || 56 ||
[Analyze grammar]

devīpurasya nikaṭe navapāṣāṇarūpake |
setumūle naraḥ snāyātsvapāpapariśuddhaye || 57 ||
[Analyze grammar]

cakratīrthe tathā snāyādbhajetsetvadhipaṃ harim |
devīpattanamārabhya yatkṛtaṃ setubaṃdhanam || 58 ||
[Analyze grammar]

tatsetumūlaṃ vipreṃdrā yathārthaṃ parikalpitam |
setostu paścimā koṭirdarbhaśayyā prakīrtitā || 59 ||
[Analyze grammar]

devīpurī ca prākkoṭirubhayaṃ setumūlakam |
ubhayaṃ puṇyamākhyātaṃ pavitraṃ pāpanāśanam || 60 ||
[Analyze grammar]

yatsetumūlaṃ gacchaṃti yena mārgeṇa vai narāḥ |
tattanmārgagatāste te tasmiṃstasminvimuktide || 61 ||
[Analyze grammar]

snātvādau setumūle tu cakratīrthe tathaiva ca |
saṃkalpapūrvakaṃ paścādgaccheyuḥ setubaṃdhanam || 62 ||
[Analyze grammar]

devīpure tathā darbhaśayyāyāmapi bhūsurāḥ |
cakratīrthe śive snānaṃ puṇyapāpavināśanam || 63 ||
[Analyze grammar]

smaraṇādubhayatrāpi cakratīrthasya vai dvijāḥ |
bhasmībhavaṃti pāpāni lakṣajanmakṛtānyapi || 64 ||
[Analyze grammar]

janmāpi vilayaṃ yāyānmuktiścāpi kare sthitā |
cakratīrthasamaṃ tīrthaṃ na bhūtaṃ na bhaviṣyati || 65 ||
[Analyze grammar]

bhūloke yāni tīrthāni gaṃgādīni dvijottamāḥ |
cakratīrthasya tānyaddhā kalāṃ nārhaṃti ṣoḍaśīm || 66 ||
[Analyze grammar]

ādau tu navapāṣāṇamadhye'bdhau snānamācaret |
kṣetrapiṃḍe tataḥ kuryāccakratīrthe tathaiva ca || 67 ||
[Analyze grammar]

setunāthaṃ hariṃ sevetsvapāpapariśuddhaye |
evaṃ hi darbhaśayyāyāṃ kuryustanmārgato gatāḥ || 68 ||
[Analyze grammar]

ārūḍhaṃ rāmacaṃdreṇa yo namaskurute janaḥ |
siṃhāsanaṃ nalakṛtaṃ na tasya narakādbhayam || 69 ||
[Analyze grammar]

setumādau namaskuryādrāmaṃ dhyāyanhṛdā tadā |
raghuvīrapadanyāsa pavitrīkṛtapāṃsave || 70 ||
[Analyze grammar]

daśakaṃṭhaśiraśchedahetave setave namaḥ |
ketave rāmacaṃdrasya mokṣamārgaikahetave || 71 ||
[Analyze grammar]

sītāyā mānasāṃbhojabhānave setave namaḥ |
sāṣṭāṃgaṃ praṇipatyādau maṃtreṇānena vai dvijāḥ || 72 ||
[Analyze grammar]

tato vetālavaradaṃ tīrthaṃ gacchenmahābalam |
tatra snānādavāpnoti siddhiṃ pārāmikāṃ naraḥ || 73 ||
[Analyze grammar]

yo'dhyāyamenaṃ paṭhate manuṣyaḥ śṛṇoti vā bhaktiyuto dvijeṃdrāḥ |
svargādayastasya na durlabhāḥ syuḥ kaivalyamapyasya karasthameva || 74 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye cakatīrthapraśaṃsāyāṃ devīpurābhidhānakathane mahiṣāsurasaṃhāravarṇanaṃnāma saptamo'dhyāyaḥ || 7 ||
[Analyze grammar]