Chapter 6

[English text for this chapter is available]

ṛṣaya ūcuḥ |
dvaipāyanavineya tvaṃ sūta paurāṇikottama |
devīpattanaparyaṃtaṃ cakratīrthamanuttamam || 1 ||
[Analyze grammar]

ityabravīḥ purāsmākamataḥ pṛcchāma kiṃcana |
devīpuraṃ hi tatkutra yadantaṃ cakratīrthakam || 2 ||
[Analyze grammar]

devīpattana mityākhyā kathaṃ tasyābhavattathā |
śrīrāmasetumūle ca snātānāṃ pāpināmapiḥ || 3 ||
[Analyze grammar]

kīdṛśaṃ vā bhavetpuṇyaṃ cakratīrthe tathaiva ca |
etaccānyānviśe ṣāṃśca brūhi paurāṇikottama || 4 ||
[Analyze grammar]

śrīsūta uvāca |
sarvametatpravakṣyāmi śṛṇudhvaṃ munipuṃgavāḥ |
paṭhatāṃ śṛṇvatāṃ caitadākhyānaṃ pāpanāśa nam || 5 ||
[Analyze grammar]

yatra pāṣāṇanavakaṃ sthāpayitvā raghūdvahaḥ |
babandha prathamaṃ setuṃ samudre maithilīpatiḥ || 6 ||
[Analyze grammar]

devīpuraṃ tu tatraiva yadantaṃ cakratīrthakam |
devīpattanamityākhyā yathā tasya samāgatā || 7 ||
[Analyze grammar]

tadbravīmi muniśreṣṭhāḥ śṛṇudhvaṃ śraddhayā saha |
purā devāsure yuddhe devairnāśitaputriṇī |
ditiḥ provāca tanayāmātmanaḥ śokamohitā || 8 ||
[Analyze grammar]

ditiruvāca |
yāhi putri tapaḥ kartuṃ tapovanamanuttamam || 9 ||
[Analyze grammar]

putrārthaṃ tava suśroṇi niyatā niyatendriyā |
indrādayo na śiṣyeranyena putreṇa vai surāḥ || 10 ||
[Analyze grammar]

uditā tanayā caivaṃ jananyā tāṃ praṇamya sā |
svīkṛtya māhiṣaṃ rūpaṃ vanaṃ pañcāgnimadhyagā || 11 ||
[Analyze grammar]

tapo'tapyata sā ghoraṃ tena lokāścakaṃpire |
tasyāṃ tapaḥ prakurvaṃtyāṃ trilokyāsīdbhayāturā || 12 ||
[Analyze grammar]

indrādayaḥ sura gaṇā mohamāpurdvijottamāḥ |
supārśvastapasā tasyā muniḥ kṣubdho'vadattu tām || 13 ||
[Analyze grammar]

supārśva uvāca |
parituṣṭo'smi suśroṇi putrastava bhaviṣyati |
mukhena mahiṣākāro vapuṣā nararūpavān || 14 ||
[Analyze grammar]

mahiṣo nāmaputraste bhaviṣyatyativīryavān |
pīḍayiṣyati yaḥ svargaṃ devendraṃ ca sasainikam || 15 ||
[Analyze grammar]

supārśvastvevamuktvā tāṃ vinivārya tapastathā |
āgacchadātmano lokamanunīya tapasvinīm || 16 ||
[Analyze grammar]

atha jajñe sa mahiṣo yathoktaṃ brahmaṇā purā |
vyavarddhata mahāvīryaḥ parvaṇīva mahodadhiḥ || 17 ||
[Analyze grammar]

tataḥ putro vipracittervidyunmālyasurāgraṇīḥ |
anye'pyasuravaryāste saṃti ye bhūtale dvijāḥ || 18 ||
[Analyze grammar]

te sarve mahiṣasyāsya śrutvā dattavaraṃ mudā |
samāgamya muniśreṣṭhāḥ prāvadanmahiṣāsuram || 19 ||
[Analyze grammar]

svargādhipatyamasmākaṃ pūrva masīnmahāmate |
devairviṣṇuṃ samāśritya rājyaṃ no hṛtamojasā || 20 ||
[Analyze grammar]

tadrājyamānaya valādasmākaṃ mahiṣāsura |
vīryaṃ prakaṭayasvādya prabhāvamapi cātmanaḥ || 21 ||
[Analyze grammar]

atulyabalavīryastvaṃ brahmadattavaroddhataḥ |
pulomajāpatiṃ yuddhe jahi devagaṇaiḥ saha || 22 ||
[Analyze grammar]

danujairevamukto'sau yoddhukāmo'maraiḥ saha |
mahā vīryo'tha mahiṣaḥ prayayāvamarāvatīm || 23 ||
[Analyze grammar]

devānāmasurāṇāṃ ca saṃvatsaraśataṃ raṇam |
purā babhūva vipreṃdrāstumulaṃ romaharṣaṇam || 24 ||
[Analyze grammar]

devavṛndaṃ tato bhī tyā puraskṛtya purandaram |
kāṃdiśīkamabhūdviprā brahmāṇaṃ ca yayau tadā || 25 ||
[Analyze grammar]

brahmā tānamarāsarvānsamādāya yayau punaḥ |
nārāyaṇaśivau yatra vartete viśvapālakau || 26 ||
[Analyze grammar]

tatra gatvā namaskṛtya stutvā stotrairanekaśaḥ |
brahmā nivedayāmāsa mahiṣāsuraceṣṭitam || 27 ||
[Analyze grammar]

surāṇāmasuraiḥ pīḍāṃ devayoḥ śaṃbhukṛṣṇayoḥ |
iṃdrāgniyamasūryeṃdukuberavaruṇādikān || 28 ||
[Analyze grammar]

nirākṛtyādhikāreṣu teṣāṃ tiṣṭhatyayaṃ svayam |
anyeṣāṃ devavṛṃdānāmadhikārepi tiṣṭhati || 29 ||
[Analyze grammar]

nirastaṃ devavṛṃdaṃ tatsvarlokādavanītale |
manuṣyavadvicarate mahiṣāsurabādhitam || 30 ||
[Analyze grammar]

etajjñāpayituṃ devau yuvayorahamāgataḥ |
sārddhaṃ deva gaṇairatra rakṣataṃ tānsamāgatān || 31 ||
[Analyze grammar]

brahmaṇo vacanaṃ śrutvā rameśvaramaheśvarau |
kopātkarālavadanau duṣprekṣyau tau babhūvatuḥ || 32 ||
[Analyze grammar]

atyantakopajvalitānmukhādviṣṇoratha dvijāḥ |
niścakrāma mahattejaḥ śaṃbhoḥ sraṣṭustathaiva ca || 33 ||
[Analyze grammar]

apareṣāṃ surāṇāṃ ca dehādiṃdraśarīrataḥ |
tejaḥ samudabhūtkrūraṃ tadekaṃ samajāyata || 34 ||
[Analyze grammar]

teṣāṃ tu tejasāṃ rāśirjvalatparvatasaṃnibhaḥ |
dadṛśe devavṛṃdaistairjvālāvyāptadigaṃtaraḥ || 35 ||
[Analyze grammar]

tejasāṃ samudāyo'sau nārī kāci dabhūttadā |
śivatejo mukhamabhūdviṣṇutejo bhujau dvijāḥ || 36 ||
[Analyze grammar]

brahmatejastu caraṇau madhyamaiṃdreṇa tejasā |
yamasya tejasā keśāḥ kucau caṃdrasya tejasā || 37 ||
[Analyze grammar]

jaṃghorū kalpitau viprā varuṇasya tu tejasā |
nitaṃbaḥ pṛthivītejaḥ pādāṃgulyo'rkatejasā || 38 ||
[Analyze grammar]

karāṃgulyo vasūnāṃ ca tejasā kalpitāstathā |
kuberatejasā viprā nāsikāparikalpitā || 39 ||
[Analyze grammar]

navaprajāpatīnāṃ ca tejasā daṃtapaṃktayaḥ |
cakṣurdvayaṃ samajani havyavāhanatejasā || 40 ||
[Analyze grammar]

ubhe saṃdhye bhruvau jāte śravaṇe vāyutejasā |
itareṣāṃ ca devānāṃ tejobhiratidāruṇaiḥ || 41 ||
[Analyze grammar]

kṛtānyāvayavā nārī durgā paramabhāsvarā |
babhūva durdharṣatarā sarvairapi surāsuraiḥ || 42 ||
[Analyze grammar]

sarvavṛṃdārakānīkatejaḥsaṃghasamudbhavā |
tāṃ dṛṣṭvā prītimāpuste devā mahiṣabādhitāḥ || 43 ||
[Analyze grammar]

tato rudrā dayo devā viniṣkṛṣyāyudhānnijāt |
āyudhāni dadustasyai śūlādīni dvijottamāḥ || 44 ||
[Analyze grammar]

bhūṣaṇāni dadustasyai vastramālyāni caṃdanam |
sāpi devī tadā vastrairbhūṣaṇaiścaṃdanādibhiḥ || 45 ||
[Analyze grammar]

kusumairāyudhairhārairbhūṣitā paricārakaiḥ |
sāṭṭahāsaṃ pramuṃcaṃtī bhairavī bhairavasvanā || 46 ||
[Analyze grammar]

nanāda kaṃpayatīva rodasī devasevitā |
devyā bhairavanādena cacāla sakalaṃ jagat || 47 ||
[Analyze grammar]

siṃhavāhanamārūḍhāṃ devīṃ tāmamarāstadā |
munayaḥ siddhagaṃdharvāstuṣṭuvurjayaśa bdataḥ || 49 ||
[Analyze grammar]

atibhīṣaṇanādena devyāḥ kṣubdhaṃ jagattrayam |
dṛṣṭvā devārayo daityāḥ samuttasthurudāyudhāḥ || 49 ||
[Analyze grammar]

mahiṣo'pi mahākrodhātsamudyata mahāyudhaḥ |
taṃ śabdamavalakṣyātha yayāvasurasaṃvṛtaḥ || 50 ||
[Analyze grammar]

vyalokayattato devīṃ tejovyāptajagattrayīm |
sāyudhānaṃtabāhvāḍhayāṃ nādakaṃpitabhūtalām || 51 ||
[Analyze grammar]

kṣobhitāśeṣaśeṣādimahānāgaparaṃparām |
vilokya devīmasurāḥ samanahyannudāyudhāḥ || 52 ||
[Analyze grammar]

tato devyā tayā sārddhamasurāṇāmabhūdraṇaḥ |
astraiḥ śastraiḥ śaraiścakrairgadābhirmusalairapi || 53 ||
[Analyze grammar]

gajāśvarathapādātairasaṃkhyeyairmahāvalaḥ |
mahiṣo yuyudhe tatra devyā sākamariṃdamaḥ || 54 ||
[Analyze grammar]

lakṣako ṭisahasrāṇi pradhānāsurayūthapāḥ |
ekaikasya tu senāyāsteṣāṃ saṃkhyā na vidyate || 55 ||
[Analyze grammar]

te sarve yugapaddevīṃ śastrairāvavrurojasā |
sāpi devī tato bhīmā daityamuktāstrasaṃcayam || 56 ||
[Analyze grammar]

bibheda līlayā bāṇaiḥ svakārmukaviniḥsṛtaiḥ |
sasarja daityakāyeṣu bāṇapūgānyanekaśaḥ || 57 ||
[Analyze grammar]

devyāśrayabalā ddevā nirbhayā daityayūthapaiḥ |
yuyudhuḥ saṃyuge śastrairastrairapyāyudhāṃtaraiḥ || 58 ||
[Analyze grammar]

tato devā balotsiktā devīśaktyupabṛṃhitāḥ |
niḥśeṣamasurānsarvānāyu dhairniramūlayan || 59 ||
[Analyze grammar]

svasainye tu kṣayaṃ yāte saṃkṣubdho mahiṣāsuraḥ |
cāpamādāya vegena vikṛṣya ca mahāsvanam || 60 ||
[Analyze grammar]

saṃdhāya mumuce bāṇāndeva sainyeṣu bhūsurāḥ |
iṃdre tu daśasāhasraṃ yame paṃcasahasrakam || 61 ||
[Analyze grammar]

varuṇe cāṣṭasāhasraṃ kubere ṣaṭsahasrakam |
sūrye caṃdre ca vahnau ca vāyau vasuṣu cāśvinoḥ || 62 ||
[Analyze grammar]

anyeṣvapi ca deveṣu mahiṣo dānaveśvaraḥ |
pratyekamayutaṃ bāṇānmumuce balināṃ varaḥ || 63 ||
[Analyze grammar]

palāyaṃte tato devā mahiṣāsuramardditāḥ |
devīṃ śaraṇamājagmustrāhitrāhītivādinaḥ || 64 ||
[Analyze grammar]

tato devī gaṇānsvasya bhūtavetālakādikān |
yūyaṃ nāśayata kṣipramāsuraṃ balamityaśāt || 65 ||
[Analyze grammar]

ahaṃ tu mahiṣaṃ yuddhe yodhayāmi valoddhatam |
tato devyā gaṇaiḥ sarvamāsuraṃ kṣatamāśu vai || 66 ||
[Analyze grammar]

tataḥ sainyaṃ kṣayaṃ nīte gaṇai rdevīpracoditaiḥ |
yoddhukāmaḥ sa mahiṣo gaṇaiḥ sākaṃ vyatiṣṭhata || 67 ||
[Analyze grammar]

atrāṃtare mahānādaḥ sucakṣuśca mahāhanuḥ |
mahācaṃḍo mahābhakṣo mahodarama hotkaṭau || 68 ||
[Analyze grammar]

pañcāsyaḥ pādacūḍaśca bahunetraḥ prabāhukaḥ |
ekākṣastvekapādaśca bahupādo'pyapādakaḥ || 69 ||
[Analyze grammar]

ete cānye ca bahavo mahiṣāsura maṃtriṇaḥ |
yoddhukāmā raṇe devyāḥ puratastvavatasthire || 70 ||
[Analyze grammar]

siṃhaṃ vāhanamāruhya tato devī manojavam |
pralayāṃbudanirghoṣaṃ cāpamādāya bhairavam || 71 ||
[Analyze grammar]

visphoṭya mumuce bāṇānvajravegasamānyudhi |
daśalakṣagajaiścāpi śatalakṣaiśca vājibhiḥ || 72 ||
[Analyze grammar]

śatalakṣai rathaiścāpi lakṣāyutapadātibhiḥ |
yukto mahāhanurdaityo devyā yudhi nipātitaḥ || 73 ||
[Analyze grammar]

sainye ca tasya nihatā devyā bāṇairdvijottamāḥ |
lakṣakoṭisahasrāṇi pradhānāsuranāyakāḥ || 74 ||
[Analyze grammar]

mahiṣasya hi vidyante mahābalaparākramāḥ |
ekaikasya pradhānasya caturaṅgabalaṃ tathā || 75 ||
[Analyze grammar]

mahāhanoryathā viprāstathaivāsti mahadbalam |
tatsarvaṃ nihataṃ devyā śaraiḥ kāṃcanapuṃkhitaiḥ || 76 ||
[Analyze grammar]

yāmamātreṇa vipreṃdrāstadadbhutamivābhavat || 77 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye cakratīrthapraśaṃsāyāṃ devīpurābhidhānakathane devīmahiṣāsurayuddhavarṇanaṃ nāma ṣaṣṭho'dhyāyaḥ || 6 ||
[Analyze grammar]