Chapter 31

[English text for this chapter is available]

skanda uvāca |
śrutvaitatsakalaṃ dharmyaṃ yathāvadbhagavadvacaḥ |
niḥsaṃśayo muniḥ prāha taṃ praṇamya kṛtāñjaliḥ || 1 ||
[Analyze grammar]

nārada uvāca |
naṣṭā me saṃśayāḥ sarve prasādādbhagavaṃstava |
vāsudevasya māhātmyaṃ mayādhigatamañjasā || 2 ||
[Analyze grammar]

kaṃcitkālamihaivāhaṃ tapaḥ kurvaṃstvayā saha |
śṛṇvaṃśca nityaṃ jñānādi kariṣye pakvamātmanaḥ || 3 ||
[Analyze grammar]

skanda uvāca |
ityuktvā nāradastatra tena cāpyanumoditaḥ |
uvāsa divyavarṣāṇāṃ sahasraṃ sa tapaścaran || 4 ||
[Analyze grammar]

śuśrāva cānudivasaṃ yathākālaṃ harermukhāt |
dharmajñānādyatha prāpa pakvatāṃ tatra yogirāṭ || 5 ||
[Analyze grammar]

snehaṃ ca paramaṃ prāpa sa śrīkṛṣṇe'khilātmani |
guṇagānaparo nityamāsa bhāgavatāgraṇīḥ || 6 ||
[Analyze grammar]

bhaktiniṣṭhāṃ parāṃ prāptamatha taṃ siddhayoginam |
uvāca bhagavatprītaḥ śreyaskṛtsarvadehinām || 7 ||
[Analyze grammar]

śrīnārāyaṇa uvāca |
siddhosi tvaṃ maharṣe'dya gaccha lokahitaṃ kuru |
ekāntadharmaṃ sarvatra pravarttayitumarhasi || 8 ||
[Analyze grammar]

skanda uvāca |
ityājñāṃ śirasā tasya sa ādāya jagadguroḥ |
gacchaṃstatastamastauṣītpraṇamya prāñjaliḥ sthitaḥ || 9 ||
[Analyze grammar]

nārada uvāca |
namonamaste bhagavañjagadguro nārāyaṇā'prākṛta divyamūrte |
anantakalyāṇaguṇākarastvaṃ dāse mayi prītataraḥ madā syāḥ || 10 ||
[Analyze grammar]

tvaṃ vāsudevosi jagannivāsaḥ kṣemāya lokasya tapaḥ karoṣi |
yogeśvareśopaśamastha ātmārāmādhipastvaṃ parahaṃsasadguruḥ || 11 ||
[Analyze grammar]

vibhurṛṣīṇāmṛṣabho'kṣarātmā jīveśvarāṇāṃ ca niyāmakosi |
sākṣī mahāpūruṣa ātmatantraḥ kālo'bhavadyadbhrukuṭermahāṃśca || 12 ||
[Analyze grammar]

sargādilīlā jagatāṃ tvamīśa karoṣi māyāpuruṣātmanaiva |
tathāpyakarttā nanu nirguṇosi bhūmā parabrahma parātparaśca || 13 ||
[Analyze grammar]

satyaḥ svayaṃjyotiratarkyaśaktistvaṃ brahmabhūtātmavicintyamūrttiḥ |
bṛhadvratācārya mahāmunīndra kandarpadarpāpaharapratāpa || 14 ||
[Analyze grammar]

tapasvināṃ ye ripavaḥ prasiddhāḥ krodho raso matsaralobhamukhyāḥ |
apyāśramaṃ tepi kadāpi veṣṭuṃ nemaṃ kṣamā hyeṣa tava pratāpaḥ || 15 ||
[Analyze grammar]

chandomayo jñānamayo'mṛtādhvā dharmātmako dharmasargābhipoṣṭā |
unmūlitādharmasargo mahātmā tvamavyayaścākṣayo'vyaktabandhuḥ || 16 ||
[Analyze grammar]

nirdoṣarūpasya tavā'khilāḥ kriyā bhavanti vai nirguṇā nirguṇasya |
dharmārthakāmepsubhirarcanīyastvamīśvaro nātha mumukṣubhiśca |
tvaṃ kālamāyāyamasaṃsṛtibhyo mahābhayātpātumekaḥ samarthaḥ |
bhaktāparādhānanavekṣamāṇo mahādayāluḥ kila bhaktavatsalaḥ || 18 ||
[Analyze grammar]

dhṛtāvatārasya hi nāmamātraṃ rūpaṃ ca vā yaḥ smaredantakāle |
sopi prabho ghoramahāghasaṃghātsadyo vimukto divamāśu yāti || 19 ||
[Analyze grammar]

taṃ tvāṃ vihāyā'tra tu yo manuṣyo dehe tridhātāvapi dehikeṣu |
jāyātmajajñātidhaneṣu sajjate sa māyayā vañcita eva mūḍhaḥ || 20 ||
[Analyze grammar]

tvadbhaktiyogyo naradeha eva yaṃ kāmayante'pi ca nākasaṃsthāḥ |
tvadbhaktihīnaṃ hi divopi saukhyamahaṃ tu jāne narakeṇa tulyam || 21 ||
[Analyze grammar]

tapastrilokyāḥ kuruṣe sukhāya tatrāpi te bhāratavāsipuṃsu |
anugraho bhūritaro yadatra kṛtāvatāro vicaranvirājase || 22 ||
[Analyze grammar]

tasyāśrayaṃ ye tava nātra kurvate ta eva śāstreṣu matāḥ kṛtaghnāḥ |
atastavaikāśrayameva bāḍhaṃ kurvatyajasraṃ mayi te'stu tuṣṭiḥ || 23 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīvāsudevamāhātmye śrīnaranārāyaṇastutinirūpaṇaṃnāmaikatriṃśo'dhyāyaḥ || 31 ||
[Analyze grammar]