Chapter 2

[English text for this chapter is available]

skanda uvāca |
mahāntaṃ praśnavitpraśnaṃ pṛcchasi tvami hā'nagha |
nāsyottaraṃ varṣaśatairvaktuṃ śakyaṃ svatarkataḥ |
ṛte devaprasādādvai brahmañjñānivarairapi || 1 ||
[Analyze grammar]

vāsudevaprasādāttu mayā jñātaṃ vadāmi te |
anākhyeyaṃ na te kiñciddharmaniṣṭhāya sanmate || 2 ||
[Analyze grammar]

evameva hi papraccha nivṛtte bhārate raṇe |
ajātaśatrurnṛpatirbhīṣmaṃ dharmmavidāṃvaram || 3 ||
[Analyze grammar]

śayitaṃ śaraśayyāyāṃ dhyānaprāptācyutena ca |
prāptamaikātmyamavyagraṃ nigamāgamapāragam || 4 ||
[Analyze grammar]

yudhiṣṭhira uvāca |
caturṣu tāta varṇeṣu caturṣvapyāśrameṣu yaḥ |
iccheccaturvargasiddhiṃ devatāṃ kāṃ yajeta saḥ || 5 ||
[Analyze grammar]

nirvighrena ca kā siddhiḥ kathaṃ syādalpakālataḥ |
kathaṃ cāpyalpasukṛtī padavīṃ mahatīmiyāt |
etaṃ me saṃśayaṃ chindhi sarvajñastvaṃ pitāmaha || 6 ||
[Analyze grammar]

skanda uvāca |
evaṃ dharmmātmanā tena pṛṣṭaḥ śāntanavo mune |
kiñcijjahāsa vīkṣyaiva śrīkṛṣṇa mukhapaṅkajam || 7 ||
[Analyze grammar]

dṛśā sa preritastena naranārāyaṇoditam |
śrīvāsudevamāhātmyaṃ pituḥ śrutamuvāca tam || 8 ||
[Analyze grammar]

tataḥ śrutvā nāradopi kurukṣetraṃ gataḥ punaḥ |
kailāsa etya tatprāha pitaraṃ me sa cāpi mām || 9 ||
[Analyze grammar]

tatte'haṃ saṃpravakṣyāmi niśchadma paripṛcchate |
mahāsadasi nirṇītaṃ munivaryā'pasaṃśayam || 10 ||
[Analyze grammar]

vāsudevaḥ paraṃ brahma śrīkṛṣṇaḥ puruṣottamaḥ |
devo'kāmaiḥ sakāmaiśca pūjyo muktairnarairapi || 11 ||
[Analyze grammar]

dvijātīnāṃ cāśramāṇāṃ strīśūdrādeśca sarvathā |
svasvadharmaireṣa eva toṣaṇīyosti bhaktitaḥ || 12 ||
[Analyze grammar]

tasmātkarmākhilamapi daivaṃ pitryaṃ ca sarvadā |
tatprītyā eva karttavyaṃ vedoktaṃ ca yathocitam || 13 ||
[Analyze grammar]

sukhāptaye nṛbhiyadyatkarmā'tra kriyate śubham |
api svanuṣṭhitaṃ taccetkṛṣṇasaṃbandhavarjitam |
tadā kṣayiṣṇvalpaphalaṃ jñeyaṃ tacca guṇātmakam || 14 ||
[Analyze grammar]

phalavaiguṇyakṛttaccā'śubhadeśādiyogataḥ |
bahuvighnaṃ ca tannṝṇāṃ naiva vāñchitasiddhidam || 15 ||
[Analyze grammar]

karmaitadeva śrīkṛṣṇaprīṇanāya kriyeta cet |
tatsaṃbandhena tarhyetadbhavetsarvaṃ hi nirguṇam || 16 ||
[Analyze grammar]

svavāñchitādapyadhikaṃ dadāti phalamakṣayam |
asaddeśādisaṃbandhāttadvaiguṇyabhavenna ca || 17 ||
[Analyze grammar]

vighnastu kopi brahmarṣe pratāpāccakrapāṇinaḥ |
tasminna prabhavetkvāpi tatsyādīpsitasiddhidam || 18 ||
[Analyze grammar]

yadyapyalpaṃ svasukṛtaṃ tathāpi paramātmanaḥ |
sākṣātsaṃbandhato brahmanbhavatyeva mahattaram || 19 ||
[Analyze grammar]

yathā sphuliṅgamātropi vanyakāṣṭhaughayogataḥ |
anivāryo bhaveddāvastathaitaddhariyogataḥ || 20 ||
[Analyze grammar]

pravṛtte vā nivṛtte vā tasmāddharme sthitairnnaraiḥ |
upāstavyo vāsudevastatsamyaksiddhimīpsubhiḥ || 21 ||
[Analyze grammar]

atrāpyudāharantīmamitihāsaṃ purātanam |
nāradasya ca saṃvādamṛṣernārāyaṇasya ca || 22 ||
[Analyze grammar]

yo vāsudevo bhagavānnityaṃ brahmapure sthitaḥ |
dākṣāyaṇyāmāvirāsīddharmāllokahitāya saḥ || 23 ||
[Analyze grammar]

kṛte yuge dvijavara purā svāyambhuvāntare |
naro nārāyaṇaśceti dvirūpaḥ prādurāsa saḥ || 24 ||
[Analyze grammar]

dharmāśramāttapastaptuṃ kṣemāyaiva nṛṇāṃ bhuvi |
naranārāyaṇau tau ca badaryāśramamīyatuḥ || 25 ||
[Analyze grammar]

tatrādyau lokanāthau tau kṛśau dhamanisaṃtatau |
tepāte tejasā svena durnirīkṣyau surairapi || 26 ||
[Analyze grammar]

yasya prasādaṃ kurvāte sa vai tau draṣṭumarhati |
śakyate nānyathā draṣṭumapi taddhāmavāsibhiḥ || 27 ||
[Analyze grammar]

ekadā nārado yogī tābhyāmeva didṛkṣitaḥ |
antarātmatayā cāntarhṛdayepi pracoditaḥ || 28 ||
[Analyze grammar]

merormahāgireḥ śṛṅgātsadyo gaganavartmanā |
taṃ deśamāgamadbrahmanbadaryāśramasaṃjñitam || 29 ||
[Analyze grammar]

tayorāhnikavelāyāmāgatastatra sa drutam |
ādyāśramakriyāsaktau tau dadarśa ca dūrataḥ || 30 ||
[Analyze grammar]

dṛṣṭvaiveśvaracaryāṃ tā tasya kautūhalaṃ tvabhūt |
aho etau jagatpūjyāvīśvarau sarvadehinām |
etau hi paramaṃ brahma kā'nayorāhnikī kriyā || 31 ||
[Analyze grammar]

pitarau sarvabhūtānāṃ devatānāṃ ca daivatam |
kāṃ devatāṃ tu yajataḥ pitṝnvaitau mahāmatī || 32 ||
[Analyze grammar]

iti saṃcintya manasā bhakto nārāyaṇasya saḥ |
tatsamīpamupetyā'tha tasthau natvā kṛtāñjaliḥ || 33 ||
[Analyze grammar]

kṛte daive ca pitrye ca tatastābhyāṃ nirīkṣitaḥ |
pūjitaścaiva vidhinā śāstradṛṣṭena so'nagha || 34 ||
[Analyze grammar]

taddṛṣṭvā mahadāścaryyamapūrvaṃ vidhivistaram |
upopaviṣṭaḥ suprīto nāradobhūcca vismitaḥ || 35 ||
[Analyze grammar]

nārāyaṇaṃ saṃnirīkṣya prayatenāntarātmanā |
namaskṛtya ca taṃ devamidaṃ vacanamabravīt || 36 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīvāsudevamāhātmya ātyantikaśreyaḥsādhananirūpaṇe nārāyaṇanāradasamāgamo nāma dvitīyo'dhyāyaḥ || 2 ||
[Analyze grammar]