Chapter 6

[English text for this chapter is available]

brahmovāca |
śṛṇu nārada vakṣyāmi kārtikasya vrataṃ mahat |
yacchutvā sarvapāpebhyo mukto mokṣamavāpsyasi || 1 ||
[Analyze grammar]

kārtike māsi saṃprāpte niṣiddhāni ca varjayet |
tailābhyaṃgaṃ parānnaṃ ca tathā vai tailabhojanam || 2 ||
[Analyze grammar]

phalāni bahubījāni dhānyāni dvidalānyapi |
varjayetkārtike māsi nā'tra kāryā vicāraṇā || 3 ||
[Analyze grammar]

alābuṃ gṛṃjaraṃ caiva vṛṃtākaṃ bṛhatīphalam |
annaṃ paryuṣitaṃ vā'pi bhissaṭaṃ ca masūrikam || 4 ||
[Analyze grammar]

punarbhojanaṃ mādhvaṃ ca parānnaṃ kāṃsyabhojanam |
nakhaṃ carma ca chatrākaṃ kāṃji durgaṃdhameva ca || 5 ||
[Analyze grammar]

gaṇānnaṃ gaṇikānnaṃ ca tathā vai grāmayājinaḥ |
śūdrānnaṃ śadrasaṃparkaṃ sūtakānnaṃ tathaiva ca || 6 ||
[Analyze grammar]

śrāddhānnamṛtuśāṃtyāśca jātakaṃ nāmakaṃ tathā |
śleṣmātakaphalaṃ caiva varjayetkārtikavratī || 7 ||
[Analyze grammar]

niṣiddheṣu ca patreṣu bhojanaṃ naiva kārayet |
madhupālāśakadalījaṃbūplakṣamakūṭikāḥ |
etatpatreṣu bhoktavyaṃ puṣkare na kadācana || 8 ||
[Analyze grammar]

kārtike māsi saṃprāpte yaḥ kuryādvanabhojanam |
sa yāti paramaṃ lokaṃ viṣṇordevasya cakriṇaḥ || 9 ||
[Analyze grammar]

prātaḥsnānaṃ tu kartavyaṃ tathaiva haripūjanam |
kathāyāḥ śravaṇaṃ caiva kārtike śasyate mune || 10 ||
[Analyze grammar]

gopīcaṃdanadānaṃ tu godānaṃ śrotriyāya ca |
kartavyaṃ kārtike māsi tena mokṣamavāpnuyāt || 11 ||
[Analyze grammar]

kadalīphaladānaṃ tu dānaṃ dhātrīphalasya ca |
vastradānaṃ tathā kuryācchītārtāya dvijanmane || 12 ||
[Analyze grammar]

śākādidānaṃ kurvīta cānnadānaṃ viśeṣataḥ |
śāligrāmasya dānaṃ ca kartavyaṃ tu dvijanmane || 13 ||
[Analyze grammar]

paurāṇikāya yo dadyādāmānnaṃ ghṛtapāyasam |
sa caiśvaryamavāpnoti śatabrāhmaṇabhojanāt || 14 ||
[Analyze grammar]

kamalaiḥ pūjayedyastu kārtike kamalāpriyam |
sa tu puṇyamavāpnoti nā'tra kāryā vicāraṇā || 15 ||
[Analyze grammar]

kārtike tulasīpatraṃ yo bhaktyā viṣṇave'rpayet |
saṃsārācca vinirmukto yāti viṣṇoḥ paraṃ padam || 16 ||
[Analyze grammar]

kārtike ketakīpuṣpairarcayedgaruḍadhvajam |
pūjito janmasāhasraṃ nā'tra kāryā vicāraṇā || 17 ||
[Analyze grammar]

śaṃkhadānaṃ tu yaḥ kuryāttathā cakrāṃkitasya ca |
tasya pāpāni naśyaṃti dānamātrānna saṃśayaḥ || 18 ||
[Analyze grammar]

gītāpāṭhaṃ tu yaḥ kuryātkārtike viṣṇuvallabhe |
tasya puṇyaphalaṃ vaktuṃ nā'laṃ varṣaśatairapi || 19 ||
[Analyze grammar]

śrīmadrāgavatasyā'pi śravaṇaṃ yaḥ samācaret |
sarvapāpavinirmuktaḥ paraṃ nirvāṇamṛcchati || 20 ||
[Analyze grammar]

ekādaśyāṃ nirāhāramupavāsaṃ karoti yaḥ |
pūrvajanmakṛtātpāpānmucyate nā'tra saṃśayaḥ || 21 ||
[Analyze grammar]

śāligrāmasya naivedyaṃ koṭiyajñaphalaṃ labhet |
anyadevasya naivedyaṃ bhuktvā cāṃdrāyaṇaṃ caret || 22 ||
[Analyze grammar]

pūjākāle tu devasya ghaṇṭānādaṃ karoti yaḥ |
harestṛptiṃ parāṃ yāti manujo nā'tra saṃśayaḥ || 23 ||
[Analyze grammar]

parānnaṃ varjayedyastu kārtike viṣṇutuṣṭaye |
dāmodarasya prītiṃ sa samyakprāpnoti mānavaḥ || 24 ||
[Analyze grammar]

adhvagaṃ tu pariśrāṃtaṃ kāle ca gṛhamāgatam |
yo'tithiṃ pūjayedbhaktyā janmasāhasranāśanam || 25 ||
[Analyze grammar]

niṃdāṃ kurvaṃti ye mūḍhā vaiṣṇavānāṃ mahātmanām |
pataṃti pitṛbhiḥ sārddhaṃ mahāraurava saṃjñake || 26 ||
[Analyze grammar]

dṛṣṭvā bhāgavatānviprānsanmukho na ca yāti hi |
na gṛhṇāti haristasya pūjāṃ dvādaśavārṣikīm || 27 ||
[Analyze grammar]

niṃdāṃ bhagavataḥ śṛṇvaṃstatparasya janasya ca |
tato nā'paiti yaḥ so'pi hareḥ priyatamo nahi || 28 ||
[Analyze grammar]

pradakṣiṇāṃ tu yaḥ kuryātkārtike keśavasya hi |
padepade'śvamedhasya phalaṃ prāpnotyasaṃśayaḥ || 29 ||
[Analyze grammar]

daṃḍapraṇāmaṃ yaḥ kuryātkārtike keśavā'grataḥ |
rājasūyā'śvamedhānāṃ phalaṃ prāpnotyasaṃśayaḥ || 30 ||
[Analyze grammar]

kuṭumbabhojanaṃ caiva kārtike bhaktisaṃyutaḥ |
kārayedvipraśārdūla tasya puṇyamanaṃtakam || 31 ||
[Analyze grammar]

parastrīsaṃgamaṃ yastu kārtike kurute naraḥ |
tasya pāpasya viśrāṃtiryāvadvaktuṃ na śakyate || 32 ||
[Analyze grammar]

tulasīmṛttikāpuṃḍraṃ lalāṭe yasya dṛśyate |
yamastaṃ nekṣituṃ śaktaḥ kimu dūtā bhayaṃkarāḥ || 33 ||
[Analyze grammar]

śākaṃ vā lavaṇaṃ vā'pi yatkiṃcidvā bhaviṣyati |
taddeyaṃ kārtike māsi prītyarthaṃ śārṅgadhanvanaḥ || 34 ||
[Analyze grammar]

ityādyā bahavo dharmāḥ kārtike viṣṇuvallabhāḥ |
yathāśaktyā prakurvīta dharmaṃ devasya tuṣṭidam || 35 ||
[Analyze grammar]

harisaṃtuṣṭaye kāryastyāgo vā sveṣṭavastunaḥ |
māsāṃte dvijavaryāya dadyāttadvratapūrtaye || 36 ||
[Analyze grammar]

sarvavratāni caikatra satyavratamathaikataḥ |
tasmātsarvaprayatnena satyaṃ bhāṣeta sarvadā || 37 ||
[Analyze grammar]

anyadharmeṣvadhikṛtiḥ kulajātivibhāgataḥ |
adhikārī kārtike tu sarva eva jano bhavet || 38 ||
[Analyze grammar]

gogrāsaḥ kārtike māsi viśeṣādyaistu dīyate |
teṣāṃ puṇyaphalaṃ vaktuṃ na śaknoti pitāmahaḥ || 39 ||
[Analyze grammar]

viṣṇudevālayaṃ prātaḥ saṃmārjayati kārtike |
tasya vaikuṃṭhabhavane jāyate sudṛḍhaṃ gṛham || 40 ||
[Analyze grammar]

dadyātkārtikamāse tu dharmakāṣṭhāni bhūriśaḥ |
na tatpuṇyasya nāśosti kalpakoṭiśatairapi || 41 ||
[Analyze grammar]

sudhādi lepayedyastu kārtike viṣṇumaṃdire |
citrādikaṃ likhedvā'pi modate viṣṇusannidhau || 42 ||
[Analyze grammar]

devālaye vā tīrthe vā kṛto duṣṭairnṛpaiḥ karaḥ |
taṃ mocayaṃti ye lokāsteṣāṃ dharmaḥ sanātanaḥ || 43 ||
[Analyze grammar]

kārtike māsi yo vipro gabhastīśvarasannidhau |
śatarudrījapaṃ kuryānmaṃtrasiddhiḥ prajāyate || 44 ||
[Analyze grammar]

vārāṇasyāṃ tu yaiḥ sthitvā trivarṣaṃ kārtikavratam |
sopāṃgaṃ sāṃgaṃ yairmartyaiḥ kṛtaṃ bhaktyaikatatparaiḥ || 45 ||
[Analyze grammar]

iha loke phalaṃ teṣāṃ pratyakṣaṃ jāyate kila |
saṃpattyā caiva saṃtatyā yaśobhirdharmabuddhibhiḥ || 46 ||
[Analyze grammar]

palāṃḍuṃ śṛṃgaṃ māṃsaṃ ca śayyāṃ sauvīrakaṃ tathā |
rājikonmādikaṃ cā'pi cipiṭānnaṃ ca varjayet || 47 ||
[Analyze grammar]

dhātrīphalaṃ bhānuvāre paradeśāgamaṃ tathā |
tīrthaṃ vinā sadaiveha varjayetkārtikavratī || 48 ||
[Analyze grammar]

devavedadvijātīnāṃ gurugovratināṃ tathā |
strīrājamahatāṃ niṃdāṃ varjayetkārtikavratī || 49 ||
[Analyze grammar]

narakasya caturdaśyāṃ tailābhyaṃgaṃ ca kārayet |
anyatra kārtike māsi tailasnānaṃ vivarjayet |
nālikāṃ mūlakaṃ caiva kūṣmāṃḍaṃ ca kapitthakam || 50 ||
[Analyze grammar]

rajasvalāṃtyaja mleccha patita'vratikaistathā |
dvijadviḍvedabāhyaiśca na vadetsarvadā vratī || 51 ||
[Analyze grammar]

ebhirdṛṣṭaṃ ca kākaiśca sūtikānnaṃ ca yadbhavet |
dviḥpācitaṃ ca dagdhānnaṃ naivādyādvaiṣṇavavratī || 52 ||
[Analyze grammar]

kramātkūṣmāṃḍabṛhatītaruṇīmūlakaṃ tathā |
śrīphalaṃ ca kaliṃgaṃ ca phalaṃ dhātrībhavaṃ tathā || 53 ||
[Analyze grammar]

nārikelamalābuṃ ca paṭolaṃ bṛhatīphalam |
carmavṛṃtākacavalīśākaṃ tulasijaṃ tathā || 54 ||
[Analyze grammar]

śākānyetāni varjyāni kramātpratipadādiṣu |
evameva hi māghe'pi kuryyācca niyamānvratī || 55 ||
[Analyze grammar]

kārtikavratinaḥ puṇyaṃ yathoktavratakāriṇaḥ |
na samartho bhavedvaktuṃ brahmā'pīha caturmukhaḥ || 56 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe kārtikamāsamāhātmye kārtikavratanirūpaṇaṃnāma ṣaṣṭho'dhyāyaḥ || 6 ||
[Analyze grammar]