Chapter 43

[English text for this chapter is available]

jaiminiruvāca |
phālgune māsi kurvīta dolārohaṇamuttamam |
yatra krīḍati goviṃdo lokānugrahaṇāya vai || 1 ||
[Analyze grammar]

pratyarcāṃ devadevasya goviṃdākhyāṃ tu kārayet |
prāsādapurataḥ kuryātṣoḍaśa staṃbhamucchritama || 2 ||
[Analyze grammar]

caturasraṃ caturdvāraṃ maṇḍapaṃ vedikānvitam |
cārucaṃdrātapaṃ mālyacāmaradhvajaśobhitam || 3 ||
[Analyze grammar]

bhadrāsanaṃ vedikāyāṃ śrīparṇīkāṣṭhanirmitam |
phalgūtsavaṃ prakurvīta pañcāhāni tryahāṇi vā || 4 ||
[Analyze grammar]

phālgunyāṃ pūrvato viprāścaturdaśyāṃ niśāmukhe |
vahnyutsavaṃ prakurvīta dolāmaṇḍapapūrvataḥ || 5 ||
[Analyze grammar]

goviṃdānugṛhītaṃ tu yātrāṃgaṃ tatprakīrtitam |
ācāryavaraṇaṃ kṛtvā vahniṃ nirmathanodbhavam || 6 ||
[Analyze grammar]

bhūmiṃ saṃskṛtya vidhivattṛṇarāśiṃ mahocchrayam |
susamaṃ kārayitvā tu vahniṃ tatra vinikṣipet || 7 ||
[Analyze grammar]

pūjayitvā vidhānena kūṣmāṃḍavidhinā hunet |
goviṃdaṃ pūjayitvā tu bhrāmayetsa tata vibhum || 8 ||
[Analyze grammar]

yatnāttaṃ rakṣayedvahniṃ yāvadyātrā samāpyate |
prātaryāme caturdaśyāṃ goviṃdapratimāṃ śubhām || 9 ||
[Analyze grammar]

vāsayitvā hareragre pūjayetpuruṣottamam |
upacārāvaśiṣṭaistu pratyarcāmapi pūjayet || 10 ||
[Analyze grammar]

tato'varopya vasanaṃ mālāṃ ca dvijasattamāḥ |
arcāyāṃ vinyasenmaṃtrī paraṃ jyotirvibhāvayan || 11 ||
[Analyze grammar]

tataḥ sā pratimā sākṣājjāyate puruṣottamaḥ |
ratnāṃdolikayā tāṃ vai nayetsnānasya maṃḍapam || 12 ||
[Analyze grammar]

tatra nānā tūryanādaiḥ śaṃkhadhvanipuraḥsaram |
jayaśabdaistathā stotraiḥ puṣpavṛṣṭibhireva ca || 13 ||
[Analyze grammar]

chatradhvajapatākābhiścāmarairvyajanaistathā |
niraṃtaraṃ dīpikābhistadā kuryānmahotsavam || 14 ||
[Analyze grammar]

āgacchaṃti tadā devāḥ pitāmahapurogamāḥ |
draṣṭuṃ carṣigaṇaiḥ sārddhaṃ goviṃdasya mahotsavam || 15 ||
[Analyze grammar]

bhadrāsane'dhivāsyaiva pūjayedupacārakaiḥ |
mahāsnānasya vidhinā snapanaṃ tasya kārayet || 16 ||
[Analyze grammar]

paṃcāmṛtaiśca sarvaiśca teṣāmanyatamena vā |
snānāṃte gaṃdhatoyena śrīsūktenābhiṣecayet || 17 ||
[Analyze grammar]

saṃprokṣya bhūṣayeddevaṃ vastrālaṃkāramālyakaiḥ |
nīrājayitvā saṃpūjya prāsādaṃ pariveṣṭayet || 18 ||
[Analyze grammar]

saptakṛtvastato devaṃ dolāmaṃḍapamānayet |
susaṃskṛtāyāṃ rathyāyāṃ patākātoraṇādibhiḥ |
adhodeśe maṃḍapaṃ taṃ saptaśo bhrāmayetpunaḥ || 19 ||
[Analyze grammar]

ūrddhvadeśe punaḥ sapta staṃbhavedyāṃ ca sapta vai |
yātrāvasāne ca punarbhrāmayedekaviṃśatim || 20 ||
[Analyze grammar]

iyaṃ līlā bhagavataḥ pitāmahamukheritā |
rājarṣiṇeṃdradyumnena kāritā pūrvameva hi || 21 ||
[Analyze grammar]

phalapuṣpopanamraiśca śākhibhiḥ parikalpite |
vṛṃdāvanāṃtare ramye mattabhramararāviṇi || 22 ||
[Analyze grammar]

kokilārāvamadhure nānāpakṣigaṇākule |
nānopaśobhāracitanānāgurusudhūpite || 23 ||
[Analyze grammar]

praphullaketakīṣaṃḍagaṃdhāmodidigaṃtare |
mallikāśokapunnāgacaṃpakairupaśobhite || 24 ||
[Analyze grammar]

tatkānanāṃtarghaṭite maṃḍape cārutoraṇe |
bhūṣite mālyavasanacāmarairupaśobhite || 25 ||
[Analyze grammar]

ratnakhaṭvāṃdolikāyāṃ tanmadhye vāsayetprabhum |
sadratnamukuṭaṃ tārahāraśobhitavakṣasam || 26 ||
[Analyze grammar]

anarghyaratnaghaṭitakuṃḍalodbhāsitaśrutim |
yathāsthānaṃ yathāśobhaṃ divyālaṃkāramaṃjulam || 27 ||
[Analyze grammar]

vikacāṃbujamadhyasthaṃ viśvadhātryā śriyā yutam || 28 ||
[Analyze grammar]

śaṃkhacakragadāpadmadhāriṇaṃ vanamālinam |
suprasannaṃ sunāsaṃ taṃ pīnavakṣaḥsthalojjvalam || 29 ||
[Analyze grammar]

puro vyomasthitairdevairbrahmādyairnatamastakaiḥ |
kṛtāṃjalipuṭairbhaktyā jayaśabdairabhiṣṭutam || 30 ||
[Analyze grammar]

gaṃdharvairapsarobhiśca kinnaraiḥ siddhacāraṇaiḥ |
hāhāhūhūprabhṛtibhiḥ satvaraṃ divyagāyanaiḥ || 31 ||
[Analyze grammar]

ahaṃpūrvikayā nṛtyagītavāditrakāribhiḥ |
netrāṃbujasahasraiśca pūjyamānaṃ mudānvitaiḥ || 32 ||
[Analyze grammar]

kiradbhiḥ sarvatodikṣu gaṃdhacaṃdanajaṃ rajaḥ |
upaveśyātha goviṃdaṃ pūjayedupacārakaiḥ || 33 ||
[Analyze grammar]

ballavīvṛṃdamadhyasthaṃ kadaṃbatarumūlagam |
hāvahāsyavilāsaiśca krīḍamānaṃ vanāṃtare || 34 ||
[Analyze grammar]

gopībhiścaiva gopālairlīlāṃdolitayānagam |
ciṃtayitvā jagannāthaṃ vikiredgaṃdhacūrṇakaiḥ || 35 ||
[Analyze grammar]

sakarpūrai raktapītaśuklairdikṣu samaṃtataḥ |
divyairvastrairdivyamālyairddivyairgaṃdhaiḥ sudhūpakaiḥ || 36 ||
[Analyze grammar]

cāmarāṃdolanairgītaiḥ stutibhiśca samarcitam |
āṃdolayeddolikāsthaṃ saptavārāñchanaiḥ śanaiḥ || 37 ||
[Analyze grammar]

tadā paśyaṃti ye kṛṣṇaṃ muktisteṣāṃ na saṃśayaḥ |
brahmahatyādipāpānāṃ paṃcakānāṃ kṣayo bhavet || 38 ||
[Analyze grammar]

trirevaṃ dolayeddevaṃ sarvapāpāpanodanam |
bhaktyānugrāhakaṃ puṃsāṃ bhuktimuktyekakāraṇam || 39 ||
[Analyze grammar]

līlāviceṣṭitaṃ yasya kṛtrimaṃ sahajaṃ tathā |
aṃhaḥsaṃghakṣayakaraṃ mūlāvidyānivarttakam || 40 ||
[Analyze grammar]

paśyandvitīyaṃ harati gohatyādyupapātakam |
haratyaśeṣapāpāni tṛtīye nātra saṃśayaḥ || 41 ||
[Analyze grammar]

dṛṣṭvā dolāyitaṃ devaṃ sarvapāpaiḥ pramucyate |
ādhyātmikairādhibhautairādhidaivairvimucyate || 42 ||
[Analyze grammar]

imāṃ yātrāṃ kārayitvā cakravartī bhavennṛpaḥ |
brāhmaṇastu caturvedī jñānavāñjāyate dhruvam || 43 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe puruṣottamakṣetramāhātmye dolārohaṇaṃnāma trayaścatvāriṃśo'dhyāyaḥ || 43 ||
[Analyze grammar]