Chapter 42

[English text for this chapter is available]

jaiminiruvāca |
mṛgarāśiṃ saṃkramati yadā bhāsvāndvijottamāḥ |
uttarāśāṃ jigamiṣustadā syāduttarāyaṇam || 1 ||
[Analyze grammar]

tasya saṃkramaṇārddhaṃ ca yāvatsyurviṃśatiḥ kalāḥ |
mahāpuṇyatamaḥ kālaḥ pitṛdevadvijapriyaḥ || 2 ||
[Analyze grammar]

tatra snātvā vidhānena rtārtharājajale naraḥ |
nārāyaṇaṃ samabhyarcya kalpavṛkṣaṃ praṇamya ca || 3 ||
[Analyze grammar]

praviśya devatāgāraṃ kṛtvā taṃ triḥ pradakṣiṇām |
mantrarājena saṃpūjya devaṃ śrīpuruṣottamam || 4 ||
[Analyze grammar]

tathā balaṃ subhadrāṃ ca svamantreṇa prapūjayet |
dṛṣṭvottarāyaṇe devaṃ mucyate dehabandhanāt || 5 ||
[Analyze grammar]

vidhānaṃ tasya vakṣyābhi śṛṇudhvaṃ pāvanaṃ mahat |
saṃkrāṃteḥ pūrvadivase navāṃ śāliṃ sukuṭṭitām || 6 ||
[Analyze grammar]

prāsādapūrvadeśe ca sthāpayitvādhivāsayet |
navena vāsasāveṣṭya dūrvāsarṣapapuṣpakaiḥ || 7 ||
[Analyze grammar]

pūjayitvā mantrayedvai kṛṣṇastvāmabhirakṣatu |
tasminneva niśāyāme vyatīte jagadīśituḥ || 8 ||
[Analyze grammar]

pratyarcāṃ sannidhau nītvā bhāvayedekatādhiye |
upacārāvaśiṣṭābhyāṃ pūjayedvai samāhitaḥ || 9 ||
[Analyze grammar]

tato nirmālyavasanamālāmasyāṃ nidhāpayet |
mahāsamṛddhyā tāmarcāṃ trirdevānbhrāmayettataḥ || 10 ||
[Analyze grammar]

āṃdolikāyāmāropya prāsādadvāramānayet |
trivikramaṃ trikrameṇa trailokyakramaṇaṃ vibhum || 11 ||
[Analyze grammar]

viḍaṃbayaṃtaṃ tāṃ līlāṃ prāsādaṃ bhrāmayecca tam |
triraṃte punaraṃke ca susamṛddhyā śanaiḥśanaiḥ || 12 ||
[Analyze grammar]

dīpikāśatasaṃruddhatamasovaraṇāṃtare |
chatradhvajapatākābhirnṛtyavāditragītakaiḥ || 13 ||
[Analyze grammar]

taddarśanaparikṣīṇapātakānāṃ mahātmanām |
na ca cihnaṃ śarīre'sya navāṃge bhramaṇaṃ tataḥ || 14 ||
[Analyze grammar]

anuyāṃti tadā ye taṃ mahe yāṃtaṃ trivikramam |
labhaṃte vājimedhasya phalaṃ te vai pade pade || 15 ||
[Analyze grammar]

prathamabhramaṇaṃ dṛṣṭvā mucyate pañcapātakaiḥ |
malinīkaraṇairmucyeddvitīyaṃ bhramaṇaṃ dvijāḥ || 16 ||
[Analyze grammar]

apātrīkaraṇairdṛṣṭvā tṛtīyaṃ bhramaṇaṃ dhruvam |
upapātakapāpaiśca caturthaṃ mucyate tataḥ || 17 ||
[Analyze grammar]

punaḥ prabhāte deveśaṃ praliṃpedgandhacandanaiḥ |
vastrālaṃkāramālyaiśca bhūṣayitvā yathāvidhi || 18 ||
[Analyze grammar]

pūjayedupacāraistaṃ yathāśakti samṛddhimat |
nīrājayitvā deveśaṃ taṃdulānadhivāsitān || 19 ||
[Analyze grammar]

sthālīṣu śātakuṃbhāsu dadhikhaṃḍājyamiśritān |
sanārikelaśakalācchṛṃgavera dalānvitān || 20 ||
[Analyze grammar]

prāsādaṃ triḥ paribhramya nayeddevasamīpataḥ |
paṃktiśaḥ sthāpayedagre gandhapuṣpākṣatānvitān || 21 ||
[Analyze grammar]

jīvanaṃ sarvabhūtānāṃ janakastvaṃ jagatprabho |
tvanmayāḥ śālayo hyete tvayaiva janitāḥ prabho || 22 ||
[Analyze grammar]

lokānugrahaṇārthāya gṛhītocitavigraha |
tava prītyai kṛtānetāngṛhāṇa parameśvara || 23 ||
[Analyze grammar]

tvayi tuṣṭe jagatsarvamanena prabhaviṣyati |
svāhākārasvadhākāravaṣaṭkārā divaukasām || 24 ||
[Analyze grammar]

āpyāyanā bhaviṣyaṃti tairevāpyāyitaṃ jagat |
rakṣa sarvaṃ jagannātha tvanmayaṃ sacarācaram || 25 ||
[Analyze grammar]

iti saṃprārthya deveśaṃ śālistaṃbānnivedayet |
tanmayānbhakṣabhojyāṃśca dadhikuṃbhānsugaṃdhinaḥ || 26 ||
[Analyze grammar]

karpūrakhaṃḍamaricacūrṇayuktānnivedayet |
brāhmaṇānpūjayedbhaktyā devadevapuraḥsthitān || 27 ||
[Analyze grammar]

tebhyaḥ pradadyādbhaktyā tāñchālyādīnbhagavaddhiyā |
imaṃ mahotsavaṃ viprāḥ purā kalpe ca kaśyapaḥ || 28 ||
[Analyze grammar]

sa ca sṛṣṭiṃ vinirmāya bhagavatprītaye'karot |
ye paśyantyutsavaṃ cainaṃ kaśyapena vinirmitam || 29 ||
[Analyze grammar]

sarvadā sarvakāmaiste pūrṇāḥ śocaṃti na dvijāḥ |
uṣitvā tridaśaiḥ sārddhaṃ kalpāṃte mokṣamāpnuyuḥ || 30 ||
[Analyze grammar]

mahānasasya saṃskāraṃ vahneḥ saṃskārameva ca |
atrāpi kuryānmunayo vaiśvadevaṃ dinedine || 31 ||
[Analyze grammar]

ādhānasaṃskṛte vahnau bhagavadbhuktaye ramā |
pratyahaṃ pākamādhatte divyarūpā tirohitā || 32 ||
[Analyze grammar]

asminmahāpuṇyatama utsave paramātmanaḥ |
tulāpuruṣadānādi koṭikoṭiguṇaṃ bhavet || 33 ||
[Analyze grammar]

snānaṃ dānaṃ tapo homaḥ svādhyāyaḥ pitṛtarpaṇam |
sarvamakṣayatāṃ yāti hyutsave cottarāyaṇe || 34 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe puruṣottamakṣetramāhātmye makarasaṃkramavidhivarṇanaṃnāma dvicatvāriṃśo'dhyāyaḥ || 42 ||
[Analyze grammar]